همسات حنين

[كوين ميرو]

صديق الرصيف.....؟

أنا أنسان لي كيان......وعندي كمان أحساس وعيون
بتبكي.........بس دموعي....صعب تبان
موجود.....أنا موجود.....؟
بس في بلدي ..........مليش عنوان
هتشفني أكيد............هتشفني
جنب رصيف...............أصلي رصيفي
هو البيت...............والدكان
أصلي أنا بياع......؟
علي رجليه بلف ساعات
بنادي وأقول......أنا أنسان....أنا أنسان
والناس حوليه.........مش فهمين ولا عارفين
بأكل أيه.......أو عايش ازاي
قرب لحظه عندي تعالي.............؟
أياك تسألني كم سنه عندي
او حتي تقولي............أكتب أسمي
أصلي أنا معرفش.....................ومحدش قلي.........
وكمان تسألني...........نفسي في أيه
نفسي أنام وأنام شبعان..............واخد اجازه من الصحيان
أصلي في الفجر بقوم...............وأخر الليل
تحت عماره..............تلاقيني بنام
ونسياني بلدنا.....مقيد في دفاتر....واوراق حكوميه
بس ......مش محسوب أنسان
وفي مرضي..........علي باب مستشفي......بصرخ تعبان
أنا أنسان.....أنا أنسان
وبيسألني هتدفع كيف....فيزا ولا شيكات
وادي بلدنا.............وياما كتير.....فيها
غلبان......زيي حتي النوم.......مبيعرفش ينام

منقووووووووووووول

[كوين ميرو]

امـــيـــرتى الـــجـــمــيله تـــســـمحيلى بالـــرقــصــه دى ~_~

[كوين ميرو]

لغه الورود لا يفهما سوى من يعشق الورود

[كوين ميرو]

فى ناس ببساطه تقدر تخرج اجمل مافيك

لا وكمان تخليك تكتشف حاجات جميله جواك مكنتش واخد بالك منها

وعلى النقيض تماما فى ناس بتتفنن تخرج اسوء مافيك

لدرجه ممكن تحسسك انك اسوء انسان فى الدنيا


فكل الاحوال لازم تكون عندك ثقه فى نفسك علشان لاتوصل لدرجه الغرور

ولا كمان تقلل من نفسك وتكره نفسك

[كوين ميرو]

انك تكون مش بتخاف تبقى مش انسان

لكن بردو تخاف لدرجه ان خوفك يمنعك تعيش اى مغامره اوى جديد

وتعيش حياتك زى اللى قبلك علشان بس تكون فى امان كده تبقى جبان

لازم يكون ليك اختيارتك الخاصه وحياتك الخاصه

مفيش مانع طبعا تتعلم من غلطات اللى حوليك

لكن متعشيش حياتهم وتقول انا عايش

[كوين ميرو]

لما يكون عندك قرار مصيرى فى حياتك

وتكون حر فى اختيارك ومحدش بيفرض عليك حاجه

بتكون مستعد تتحمل عاقبه اختيارك حتى ولو غلط

بتحس انك لازم تكون قد المسئوليه قدام نفسك وقدام الناس

لكن لما تكون مسلوب الاراده ومجبور عى الاختيار بسبب ظروف او عادات او حتى خوف

بتفضل طول عمرك تشيل اللى حواليك مسئوليه فشلك وسوء الاختيار

وبتبقى ساخط وناقم وعايش على كلمه ياريت

وده احساس بشع علشان كده لازم كل انسان يكون له حق. الاختيار وتحديد مصيره

مفيش مانع من طلب المشوره لكن لازم اولا واخيرا تبقى مسئول عن حياتك وانت اللى ماسك فى ايدك زمام الامور

[كوين ميرو]

يارب الحمل تقل والضهر انحنى

وحدك قادر ترفع وحدك قادر تشيل عنى

[كوين ميرو]

الحياه لاتمنح رفاهيه الفرص الثانيه كثيرآ .....

اذا اغتنم دائما الفرصه فربما لا تتكرر

[كوين ميرو]

احيانآ تقف اللغه بحروفها عاجزه عن وصف مانشعر به

واحيانآ محاوله وصف جروحنا تفقدها مصدقيتها

فلا نجد امامنا غير الصمت دواء وايضآ احتماء

[كوين ميرو]

لما بسمع ام كلثوم بحس ان نفسى الزمن يقف

كنت من شويه حزينه ومخنوقه قعدت اسمعها حسيت انى نسيت الدنيا وما فيها وعشت معاها وبس

طول عمرى بخاف من الحب وسيره الحب وظلم الحب لكل اصحابه

واعرف حكايات مليانه اهات ودموع وانين

والعاشقين دابو ماتابو طول عمرى بقول

لا انا اد الشوق وليالى الشوق ولا قلبى اد عذابه

وقبلتك انت بتغير كل حياتى معرفش ازاى انا حبيتك معرفش ازاى ياحياتى

من همسه حب لقيتنى بحب لقتنى بحب وادوب من الحب وصبح وليل على بابه