همسات حنين

[كوين ميرو]

هناك اماكن تفوح برائحه الذكرى

ويقف الحنين على ابوبها متربصا لك

وتجد نفسك دون ان تشعر اسير الذكرى مكبل بالحنين

[كوين ميرو]

حذر فزر مين اللى هيكسب ومين هيخسر

شعب عانى سنين من الظلم

ولا رئيس فى عشيرته يلم

شعب بيحلم بالحريه

ولا مرشد وشله حراميه

[كوين ميرو]

مخيفة هي الكتابة دائما لأنها تأخذ لنا موعدا مع كل الأشياء التي تخاف أن نواجهها أو نتعمق في فهمها -

احلام مستغانمى

[كوين ميرو]

بقينا فى زمن بيعين الكلام

عارفين انتو المثل اللى بيقول اسمع كلامك اصدقك اشوف امورك استعجب

اهو ده بظبط اللى بقينا فيه

[كوين ميرو]

اخره صبرى يارب دايما تعصبنى

وفى الاخر تقولى حبتى حبتى

مطلعه عينى بس مقدرش استغنى عنها

[كوين ميرو]

لا تركب هذا القطار المجنون أثناء سيره الحالمون يسافرون وقوفًا دائمًا لأنهم يأتون دائمًا متأخرين عن الآخرين بخيبة -

احلام مستغانمى

[كوين ميرو]

انا بقالى كام يوم عند عمتو وعمتو دى

ساكنه فى المكان اللى اتولدت وكبرت فيه

المهم انا من ساعه ماجيت وانا واقفه فى البلكونه

وعمماله اتفرج على الناس انا واهتى واقولها ياه فاكره دى

وهى فجأه تصوت الحقى الحقى شوفى ده كبر ولا دى كبرت

المهم بقى انهارده حصلى موقف فى منتهى الاحراج

فى العاده عمتو مش بترضى تخرجنى انهارده وبعد مناهده قالتلى تعالى ننزل انا وانتى نجيب حاجه

خرجنا وانا مستمتعه جدا بخروجى فى الشوارع اللى ياما مشيت فيها وليا فيها ذكريات ومواقف كتير

وفجأه لقيت واحده منتقبهه تخدتنى بالحضن ازيك يامارى وازى ماما وسميت اخواتى كلهم

انا طبعا مستغربه ومش عارفه دى مين وهى من لهفتها مش واخده بالها انى مش قادره اعرف هى مين

المهم طلعت فى الاخر جارتنا بس هى الاول كانت محبه بس علشان كده انا معرفتهاش

الامهم لما عرفت هى مين لقيت دموعى بتنزل لوحدها فرح على حنين على حزن على ايام زمان

ولقتنى بطلب منها طلب غريب طلبت انها تيجى معانا عند عمتو علشان نفسى اشوف وشها لانها فعلا كانت واحشنى مش عارفه ازاى اتجرأت وطلبت منها كده

من ساعه ماحصلى الموقف ده وانا مبسوطه ورغم كده دموعى كل شويه تنزل لوحدها

وحشتنى جدا الايام دى ووجعتنى اوى الذكريات دى

[كوين ميرو]

جمعه مباركه للجميع

[كوين ميرو]

الاخوان المسلمين عايزين يقلبو 30/6 معركه كفر وايمان

***
ويطلع عاصم عبد الماجد يهدد ويتوعد للميسحين اللى مش عايزين شرع الله

وبعدين انهارده اسمع صفوت حجازى بيهتف عند رابعه العدويه الشعب يريد تطبيق شرع الله

طيب ياعم الحج ومين اعترض على تطبيق شرع الله مش بردو

الدستور ده تطبيق لشرع الله

وتحس واكن الاخوان استنفزو كل حيلهم وابتدور يرجعو تانى لمؤمن وكافر

وشريعه وضد شريعه

الناس دى مبتتعلمش مش عايزين يفهمو انهم دلوقتى

مش فى مواجهه حزب ليبرالى او ناصرى او شيطانى حتى

المواجهه دلوقتى بينهم وبين شعب كشف العبيهم وعرف انهم ابعد مايكون عن شرع الله

وان الاخوان المسلمين اخر جماعه ممكن تتكلم عن الله او شرع الله او حتى مصلحه البلد دى

وعرفو ان الاخوان جماعه استغلاليه انتهازيه

يوم 30/6 الشعب هيقول كلمته وهينزلو الميادين والميسحين كاى مصرى من حقهم ينزلو ويقولو رئيهم

واللى مش عجبه يشرب من البحر

[كوين ميرو]

انك تشغل دماغك افضل بكتير من انك تشغل عضلاتك