انت مت كام مرة ,, بجد مش بهزر

[big bốss]

السلام عليكم ورحمه الله وبركاته :

ازيكم ياقبيله بنات مصر
ههههه

عاملين ايه ؟؟؟

ان شاء الله تكونو بخير دايما


انا عايز اعرف انت مت كام مره ؟؟؟؟؟؟

اكيد كلكم هتردو عليا وتقولو : شكل الواد هيست وقمر الدين عمل معاها مفعول جاااامد ههههههههه


لا ماتخافوش احنا لسه ماجبناش قمر الدين جبنا المكسرات بس هههههههههههه



ايه الرغى ده ؟؟؟؟؟


نخش فى موضوعنا على طووووول

اكيد العنوان غريب صح

بس عارفين العنوان ده كوووووووول جدا ولايق على الموضوع

هاتكلم على الموت بس الموت من ناحيه تانيه

لان الموت تلات انواع :

1) موت الجسد

2) موت الروح

3) موت الاحساس



جاوب بقى على الاسئله ديه:


1)عايز اعرف انت مت بجسدك كام مره ؟؟؟؟؟ههههههههههههههههههههه

بهزر

نعدى حكايه الجسد ديه

لان الجسد بيموت مره واحده بس




2) موت الروح ياااااااااه الموت ده انا عن نفسى شايفة انه اسوأ من موت الجسد

انت عارف يعنى موت الروح

يعنى زى اما بيقولو كده موت القلب

يعنى بدأ قلبك يتحجر عن العباده وعن الذكر وعن الصلاه ؟؟؟؟

وبدأت تحس انك عايش فى الدنيا وخلاص

تقضيه وقت يعنى

مع انك عارف ان الله هو ربك ولكنك حاسس ان خلاص ماتت روحك

ربنا يبعدنا يارب عن موته الروح ديه

هل انت روحك مرضت لو روحك مرضت اسعفها بسرررررررررررعه وروح توب وسيبك من الدنيا ديه بقى


وكمان احنا داخلين على رمضان فديه فرصه


انا عن نفسى روحى مرضت كتيييييييير جدا ولكنها الحمدلله حتى الان لم تموت واسأل الله ان يبعدنا جميعا عن موت الروووح لانه يكون من الصعب احيائها مره اخرى


3) موت الاحساس ...الموت ده أسوأ انواع الموت بعد موت الرووح طبعا لان موت الاحساس ده بيخليك تحس انك عايش بدون مشاعر

ويارب يعفينا من المرض ده

اللهم دمها علينا نعمه ولا تعرضنا لاى نوع من انواع الموت الا موت الجسد فامتنا على طاعه يارب العالمين

تحياتى لكم
عايز اعرف ارائكم بجد

[أميرة الأحلام]

تعددت الاسباب والموت واحد فى النهايه موت موت الروح ده عذاب للشخص نفسه انك عايش ميت معندكش هدف معندكش مبدأ عايش زى الانعام تاكل وتشرب وفعلا بدايه موت الروح هى البعد عن طريق الله والعباده واولها الصلاه واعتقد كتير منا جرب موت الروح لما بيبعد عن العباده ككل بس الحمد لله الانسان بيراجع نفسه ويرجع من تانى ينبض قلبه بذكر الله فعلا يا نورر ده من اصعب انواع الموت وبصراحه انا جربته بس الحمد لله برجع من تانى موت الاحساس ده بعيد عنك بلاء لان الانسان من غير احساس زى الميت يمكن الميت بيحس انما بليد الاحساس معدوم الحياه بالكليه لانه حتى مش بيحس بنفسه كمان مجرد رئتين تتنفس الهواء وبس بصراحه انا مجربتش الموته دى لانى مقدرش اعيش من غير احساس يعنى انا اعتبر مت مره وانا لسه عايشه ننتظر فى النهايه موت الجسد ربنا يرحمنا شكرا يا نور على التوبيك

[محمد الشريف]

برجاء الالتزام بقوانين قسم النقاش المثبتة وعدم طرح موضوعات منقولة

دون ذكر عبارة ( منقول ) فهذا الموضوع مخالف لقوانين المنتدى

وقسم النقاش لعدم ذكر صراحة بأنه :


( منقول )

[ميرنا1]

موضوع رائع بصراحة جدا
بجد عجبني انت هايل
ههههههههههههههههههه
اانا مرضت روحي قبل كدة
مرة
وكانت صعبة اوووي
بس احساسي عمرة ما مرض ولا مات

عارف وانا بقرى موضوعك زعلت شوية مش عارفة بس حسيت ان الكلام بيأثر يعني

شكرا على الموضوع ^_^

[ملاك الصمت]

الموضوع جميل جدا انا لسه مامت بس حصل مرض في عبادتي لربنا والحمدلله برجع وادارك نفسي بسرعه

ربنا يديم علينا القرب منه

[tota.egy2050]

الموضوع مهم ربنا يحفظنا جميعا من موت الروح والاحساس ومرض الروح
ويحسن خاتمتنا جميعا

[الراجيه رحمة ربها]

شكرا على الموضوع الجميل بجد لذيذ اوى .. انا بصراحه جربت موت الروح بس الحمد لله ربنا هدانى دلوقتى وبحاول التزم على قد مااقدر بس موت الاحساس ده عمرى ماجربته ولا عايزه اجربه

[big bốss]

اقتباسالمشاركة الأصلية كتبت بواسطة أميرة الأحلام

تعددت الاسباب والموت واحد فى النهايه موت موت الروح ده عذاب للشخص نفسه انك عايش ميت معندكش هدف معندكش مبدأ عايش زى الانعام تاكل وتشرب وفعلا بدايه موت الروح هى البعد عن طريق الله والعباده واولها الصلاه واعتقد كتير منا جرب موت الروح لما بيبعد عن العباده ككل بس الحمد لله الانسان بيراجع نفسه ويرجع من تانى ينبض قلبه بذكر الله فعلا يا نورر ده من اصعب انواع الموت وبصراحه انا جربته بس الحمد لله برجع من تانى موت الاحساس ده بعيد عنك بلاء لان الانسان من غير احساس زى الميت يمكن الميت بيحس انما بليد الاحساس معدوم الحياه بالكليه لانه حتى مش بيحس بنفسه كمان مجرد رئتين تتنفس الهواء وبس بصراحه انا مجربتش الموته دى لانى مقدرش اعيش من غير احساس يعنى انا اعتبر مت مره وانا لسه عايشه ننتظر فى النهايه موت الجسد ربنا يرحمنا شكرا يا نور على التوبيك

شكرا لرايك


تعددت الاسباب والموت واحد


موت الاحساس والابتعاد عن ربنا وانعدام الاهداف اسباب كتير تؤدى للموت

[big bốss]

اقتباسالمشاركة الأصلية كتبت بواسطة محمد الشريف

برجاء الالتزام بقوانين قسم النقاش المثبتة وعدم طرح موضوعات منقولة

دون ذكر عبارة ( منقول ) فهذا الموضوع مخالف لقوانين المنتدى

وقسم النقاش لعدم ذكر صراحة بأنه :

( منقول )

حاضر من عنيا الاتنين

[big bốss]

اقتباسالمشاركة الأصلية كتبت بواسطة الراجيه رحمة ربهاشكرا على الموضوع الجميل بجد لذيذ اوى .. انا بصراحه جربت موت الروح بس الحمد لله ربنا هدانى دلوقتى وبحاول التزم على قد مااقدر بس موت الاحساس ده عمرى ماجربته ولا عايزه اجربه

ربنا يحفظك ويبعدنا عن موت الروح دا


لانه مش ليه علاج نهائى