من حقي اكون عاقه لاني زهقت..من ماما

[فنانه باسلوبي]

السلام عليكم ورحمه الله وبركاته...

انا بصراحه اتفاجئت من صاحبتي لمى قالت كلام زي ده واكتر بكتير.....وبتفكر بالانتحار..

اتصلت بيه وطلبت تشوفني ...

قولت لها انا مش في المدينه انهارت وقضت الوقت بنشيج قطعت قلبي...

دايما تشتكي من مامتها بس المره دي غيييير..

مامتها بتفرق بينها وبين اختها الصغننه وامها من دوله عربيه وابوها خليجي...والبت صاحبتي بتدلع ابوها وبتحبه

وهو متزوج مامتها بس على ذمته قبلها قريبته..والله مش مقصر مع الثنتين..لدرجه عماره 3 ادوار بس ام صاحبتي

بس هيه كده المهم بتزعق لها مامتها دايما وبترفض علاقاتها مع صحباتها..وتمنعهم يزوروها اوتزورهم بس عشان صاحبتي باجي على نفسي واطل عليها من وقت للثاني واسمع بنفسي كلام يسم البدن ..

بس عشان بحب صاحبتي والبت التانيه بتدلعها وبتزور صاحبتها براحتها وبترحيب خاص من مامتها..

حتى الحفلات بتاخد الصغيره وبتخلي صاحبتي ....

وانا دايما اقول لها مامتك ولازم تبري بيها وتنسي نفسك....

بس الكلام مع صاحبتي مالوش تأثير.......اصبحت متحطمه تماما....وتقول خلاص انا مش حبر بيها ومش حعتبرها موجوده اساسا.......

ماما تكرهني عشان بداري بابا وبحبه واتصل بيه دايما......ومش بسمح لحد يتكلم عنه حاجه وحشه وكده..

دي حتى شبهه .......

واختها مراهقه ومغروره اوي على اختها...وعامله تحالف ضدها......

والله العظيم مره زرت صاحبتي في المستشفى كانت عامله غسيل معده لانها تناولت جرعه كبيره من مسكن...واكتشفتها الخادمه بالصدفه..


ما تسألوش عن باباها لانه مش داري بحاجه وهي مش بترضى تقوله ابدا...بتخاف على مامتها لا تطلق بسببها...


اي رايكم في صاحبتي؟؟ عاوزاكم تساعدوها وتنصحوني اعمل معاها ايه.؟؟

وينفع تنسى بر امها عشانها قاسيه.

ما تبخلوش بالحلول ولا الاقتراحات مع اني متأكده انكم مش محتاجين اطلب منكم

دائمين للتفاعل ماشاء الله..

وربنا يجعلها من موازين حسناتكم...

[ملاك الصمت]

تعرفي هنا أنا وقفت متخيليت يكون في ام تقسى على بنتها بالدرجه دي الموضوع بجد صعب جد ا ربنا يعين

صحبتك ويسعدها شوفي خليها تدخلها من باب المسايسه والكلام الحلو ولا دى مش بينفع مع أمها يعني

تحاول مره تعمل الاكل بنفسها تشتري أنتي لها هديه لو هي مش بتخرج وتديها لصحبتك تقدمها لمامتها

يعني تحاول تخبي عليها انها بتكلم أبوها وشوفوا الوضع هيوصل لأيه بس انصحك خليك معاها هيا

دلوقتي فكرة الانتحار هتبقى مصيطره عليها 100% خليك جنبها وسيها هديها وربنا يصلح أمر امها

[ماتركس]

السلام عليكم ورحمه الله وبركاته
فنانه باسلوبي
والله موضوعك محزن جدااا بس انا هرد وهقول اللي يرضااه عليه
ضميري
موضوع انوو امها مش بتحبها وبتكرها وبتحب اختهاا
ده ممكن يكون شبهه حلم علشان مستحيل ام تكره بنتهاا
بس هيه ممكن تكون امها عامله عنصريه شوويه وبتفرق بينهم
بس اللي هقدر اقوالوو ليها اهم شي انها متقصرش في حق امها والا ابوها
علشان ربنا قال
الجنه تحت اقدام الامهات
يعني هيه مهما ما امها غلطت فيهاا لازم تستحمل علشان دي امها وهيه تعمل اللي يرضاه عليها ضميرها
وتسيب الباقي علي ربنا وكمان تخليها تبقي جنب
باابااهااا علشان ده ابوها ممكن يكون في سواء تفاهم
وبعدين يتحل
بس مهما كان دووال ابونا وامنا ومينفعش نقصر في حقهم
مهما عملو فيناا
وخليها تقرب من ربنا وتلجي دائما الي ربها وهوه اللي هيحل ليها
كل مشااكلها
يمكن اكون مقدرتش افيدك بس الكلام ده علي حد علمي
ويارب يكوون معاها يارب ويرجع حنيه قلب امها عليها يارب
اخوكي في الله

[Đ σ ρ e s τ]

بسم الله الرحمن الرحيم
انا من راي هكون مع ملاك الصمت
وخليكي جمبها ومش تسيبيها بما انك صحبتها لازم تقفي جمبها
لأنها محتجالك اوي وعشان كدا صدرت مقولة الصديق وقت الضيق


تحياتيـ ...

[ميرنا1]

السلام عليكم ..... بصراحة الموضوع شدني جدا وخلاني لزم اجاوب عشان بجد
البنت دي صعبت عليا
بصي يا ستي لو بيحصل كدة مفروض البنت صحبتك تواجة امها
وتقولها لو انتي مش عايزاني انا عايزة اعيش لوحدي وتأجر بيت وتعيش فية
واللهي دة حل برضة
لان الحل انها تبعد عن امها لان امها مش عيزاها يعني هية هتعمل اية مفيش حل ؟؟؟؟؟؟؟ غير انها تبعد
وتعيش لوحدها وهمة يسألو عنها من يوم ليوم دة لو كانت كبيرة يعني في جامعة كدا
بس لو نونو في اعدادي او ثانوية مينفعش دلوقتي عشان صغيرة
ومحتاجة رعاية

....^_^

[ماتركس]

اقتباسالمشاركة الأصلية كتبت بواسطة ميرنا1السلام عليكم ..... بصراحة الموضوع شدني جدا وخلاني لزم اجاوب عشان بجد
البنت دي صعبت عليا
بصي يا ستي لو بيحصل كدة مفروض البنت صحبتك تواجة امها
وتقولها لو انتي مش عايزاني انا عايزة اعيش لوحدي وتأجر بيت وتعيش فية
واللهي دة حل برضة
لان الحل انها تبعد عن امها لان امها مش عيزاها يعني هية هتعمل اية مفيش حل ؟؟؟؟؟؟؟ غير انها تبعد
وتعيش لوحدها وهمة يسألو عنها من يوم ليوم دة لو كانت كبيرة يعني في جامعة كدا
بس لو نونو في اعدادي او ثانوية مينفعش دلوقتي عشان صغيرة
ومحتاجة رعاية

....^_^

السلام عليكم ورحمه الله وبركاته
اختي مرنا1
عايز اوضحلك بعد اذن حضرتك مفيش ام مش بتحب اولادهاا
دي بنتها من لحمها ودمها ازاي مش محتاجهاا
بس ممكن ده يكوون وهم
ده الجنه تحت اقدام الامهات ومهما عملوو
فينا اهلنا دووال اهلنا وازاي تسيب البيت وتسيب امها اللي حملتها 9 شهور وهن علي وهن
ازاي تسيب امها والجنه تحت اقدام امهاا
ده الواحد الود ودوو يفضل يبوس في قدم امه طول عمره
والسلام عليكم ورحمه الله وبركاته

[ندى مصطفى]

بصى يا حببتى مافيش حاجه ابدا فى الدنيا اسمها ام تكره بنتها
ده مستحيييييييييييييييييييل بس ممكن تكون اخت صحبتك بتعرف تتعامل مع مامتها شويه تعرف ازاى تقنعها تعملها الحاجه ال هى عيزاها صحبتك ممكن
يكون كلامها مباشر على طول بمعنى تانى مش بتعرف تغلف الكلام و مامتها تكون حاسه ان هى بتحب باباها ومش بتحبها و فى مشاكل بينهم ف الموضوع حساس شويه
ممكن صحبتك تحاول تحسس مامتها ان هى بتحبها و ان هى كل حاجه فى حياتها و مش لازم تدافع عن باباها قدام مامتها علشان ما تزعل و برضوه تكلم باباها بس مش لازم تعرف مامتها
خليكى جنبها و اسمعى لها اكيد هى محتاجه لكى فى الوقت ده اكتر من اى وقت تانى و اكيد انت مش محتاجه توصيه على صحبتك لأنك بطبيعتك رقيقه و بتقفى جنب اى حد فمابل صحبتك(ده ال انا حسيته من شخصيتك الرقيقه والجميله )
ربنا يهديها ويهدى الجميع
ادعى لها كتير اوى يا حببتى ما تنسهاش فى صلاتك ابدا ابدا
موضوع جميل اوى اوى يا حببتى بس انا ممكن اكون ما افدتك بالقدر المطلوب ولكن على قد ما قدرنى الله
تحياتى لك

[رحيق الجنه]

موضوع مؤثر ولى فيه وجهة نظر
الابناء قد يفسروا بعض افعال الاباء على انها كره
لكن هذا غير مقبول مطلقا لا منطقيا ولا عاطفيا
ومن ناحية اخرى قد ترى الفتاه بعض الاهتمام بالصغير فينسج لها خيالها تلك الافكار
بالنسبه لاهتمامها بوالدها وسؤالها عنه
فهذا ابسط حقوقه وليس لها ان تقاطعه من اجل امها
ومن الواضح انه لازال متزوجا بامها فاذا غير منطقى ان تمنعها امها من الحديث معه
هناك جزء مفقود او جزء خيالى تعيشه صديقتك

تحياتى لكى

[فنانه باسلوبي]

اقتباسالمشاركة الأصلية كتبت بواسطة ملاك الصمتتعرفي هنا أنا وقفت متخيليت يكون في ام تقسى على بنتها بالدرجه دي الموضوع بجد صعب جد ا ربنا يعين
يارب ويسعدك لرقه مشاعرك
صحبتك ويسعدها شوفي خليها تدخلها من باب المسايسه والكلام الحلو ولا دى مش بينفع مع أمها يعني

تحاول مره تعمل الاكل بنفسها تشتري أنتي لها هديه لو هي مش بتخرج وتديها لصحبتك تقدمها لمامتها
يوووووه حاولنا كتير وتوصل لدرجه ممكن ترمي الهديه قدامها
يعني تحاول تخبي عليها انها بتكلم أبوها وشوفوا الوضع هيوصل لأيه بس انصحك خليك معاها هيا
مفكرناش بكده ...دي فكره هايله

دلوقتي فكرة الانتحار هتبقى مصيطره عليها 100% خليك جنبها وسيها هديها وربنا يصلح أمر امها والله وانتي صادقه بحاول اواصلها بالتلفون وربنا يعين وبشكرك على جهدك..ياقمر

[فنانه باسلوبي]

اقتباسالمشاركة الأصلية كتبت بواسطة ماتركسالسلام عليكم ورحمه الله وبركاته
فنانه باسلوبي
والله موضوعك محزن جدااا بس انا هرد وهقول اللي يرضااه عليه
ضميري
موضوع انوو امها مش بتحبها وبتكرها وبتحب اختهاا
ده ممكن يكون شبهه حلم علشان مستحيل ام تكره بنتهاا
بس هيه ممكن تكون امها عامله عنصريه شوويه وبتفرق بينهم
بس اللي هقدر اقوالوو ليها اهم شي انها متقصرش في حق امها والا ابوها
علشان ربنا قال
الجنه تحت اقدام الامهات
والله غلبت معاها وانا بقولها الكلام ده بس مامتها دايما مش بتديها فرصه
يعني هيه مهما ما امها غلطت فيهاا لازم تستحمل علشان دي امها وهيه تعمل اللي يرضاه عليها ضميرها
وتسيب الباقي علي ربنا وكمان تخليها تبقي جنب
باابااهااا علشان ده ابوها ممكن يكون في سواء تفاهم
وبعدين يتحل
صحيح كلامك يا استاذ ودايما بلاقي صاحبتي بتسمع كلامي..بس دايما امها بتكسر قلبها
وتتعمد تجرحها قدامي وحاجات صعبه تانيه ..ربنا ما يجعل حد يعيش غربه حنان الام
وفعلا في مشاكل كده بين اهلها ونتيجه ان صاحبتي مش ماخده موقف منها امها اتفرست
منها وانها باقيه على ودها لابوها..
بس مهما كان دووال ابونا وامنا ومينفعش نقصر في حقهم
مهما عملو فيناا
وخليها تقرب من ربنا وتلجي دائما الي ربها وهوه اللي هيحل ليها
كل مشااكلها
يمكن اكون مقدرتش افيدك بس الكلام ده علي حد علمي
ويارب يكوون معاها يارب ويرجع حنيه قلب امها عليها يارب

اخوكي في الله
والله كلامك يا اخويه عين العقل بس انا خلااااااص مش قادره عليها ومامتها مش بتساعدنا بالعكس تماما...

وانا على قد ما اقدر اتصل بيها وساعات بقولها انا مش همشي معاك تاني

واحمدي ربنا انك عندك ام عشان تبري بيها..وكلام كده..
وبالعكس كلامك جميل جدا..بس انا عاوزه حلول عمليه غير الحوار ممكن تنفعوتقبل ودي..