ادخلو اختراو ليا عروسه من الصور دي .....؟

[ماتركس]

السلام عليكم ورحمه الله وبركاته
وحشتوني جدا جدا جداا
وجمعه مباركه عليكم جميعا يارب العاليمين
انا النهارده جايبلكم موضوع منتشر جدا للناس اللي في الغربه
بس كلنا مرتبطين ببعض
اسمعو القصه زي كل يوم وهتلاقو المفيد والموضوع داخل القصه
انا النهارده كنت قاعد في البيت واتصل عليا صاحبي منير من القاهره
ده صاحبي جدا ومبيخبيش عني حاجه ابدا
طبعا اتصل قالي عايزك ضروري قوالتلو عايز ايه يا منير انتا كل دور تقولي محتاجك ضروري
وفي الاخر بعد ما تجبنا عندك علي ملي وشي تقوالي تعالي نلعب ماتش بلاستيشن
قالي لا والله المره دي موضوع فيه مستقبلي وحياه او موت
قوالت مالو الواد ده هوه انا اللي هحدتلو مستقبلو والا ايه
قوالت اديني جايلك قالي متتاخرش قوالتلو حاضر
نزلت ركبت السياره وروحت بسرعه
وربنا كرمني بالردار اللي في الطريق واخد مخالفه والحمدالله
يعني في المشوار ده يدوب اللي نابني منه خصرت 500 درهم حق المخالفه
طبعا ربنا كرمني ووصلت لغايه الشقه بتاعتو
وقالتلو ايه يا منير الله يخرب بيتك سرعتني ياا ابني
خلتني اخد مخالفه
قالي انا هديك حق المخالفه انا بصراحه ردت فيا الروح بعد ماقالي هديك حق المخالفه
قوالتلو امرني قالي تعالي ندخل الاوضه الاول قوالتلو حاضر
دخلنا الاوضه بتاعتو واتفاجئت مفاجئه غريبه
لقيت منير حاطت يجي 50 صوره بنت علي الارض وصوره جنب صوره
والله زي ما بكلمكم كده روحت قوالت لمنير دووال كلهم قتلتهم يا مجرم
قالي بطل تريقه ياا احمد واختار ليا عروسه منهم
قوالتلو عروسه هوانتا يا ابني هتتزوج صوره والا ايه قالي لا يا سيد ي
الست الوالده بعتالي صور البنات دووال في جواب من مصر وقالت لي اختار عروسه منهم علشان اخضبهالك
طبعا انا بقي قعدنا نقلب في الصور علشان نختار لمنير بنت يتزوجها بس
ملكناش وحده زي الناس اللي عنيها حوله واللي عنده الودن الشمال ضايعه
واللي شكلها جميل بس عدت مرحله الزوج
اصلا كل صوره مكتوب عليها جميع البيانات
انا عايز اعرف دلووقتي بالله عليكم ده زواج
وياتري ايه رايك لو جاتلك ست كبيره وجاتلكم البيت وقالت ليكم عايزين صورتك علشان نوريها لاابننا علشان يمكن يتزوجك
ايه رد فعلك
وياتري لو حصل زواج بالشكل ده ياتري هيستمر
وياتري في زواج من غير معامله بالصور بس من غيرما يعرفها والا يعرف اخلاقها
وايش رايكم في الموضوع ده
احنا طبعا غلابه الموضوع ده متجدد معا المتغربين
منتظر ارئكم الجميله دي
اخووكم في الله
احمد الشريف


اه اه اه اه نسيت
ياتري البنت بقت سلعه رخيصه للدرجه دي
والا ايه الحكايه يا جماعه

اتناقشو معايه بهدوء تام لو سمحتم
مش عايزين تدهور وغلط في الموضوع

وفي الاخر منير مدنيش ال500 درهم بتوع المخالفه
ضحك عليا

[~♥ Queen sozan♥~]

السلام عليكم ورحمة الله وبركاته
طبعا للى حصل دة غلط جداااااا كمان
والغلط من عند اهل البنت للى عطو الصورة للى مامت العريس
هى البنت علبة بسكويت بعتنهالو يختار للى تعجبو
وكمان قعتو تنقو وتتفحصو فى صور البنات
بجد الموضوع دة اولا حرام حرام ان اشاب يشوف صورة بنت
ميعرفهاش ولا هى تعرفو وتفضل معاة وكل شوية يتفرج عليها
وبعدين ازى اى بنت تقبل على نفسها كدة انها اسفة يعنى تكون سلعة رخيصة كدة
لى اى شاب
تديلو فرسة ازى يتكلم عنها ويتفرج عليها ويا ام تعجبو يا لا
وازى اهلها يقبلو كدة !!! فين الرجولة فين الغيرة بتاعت اهل البيت على بنتهم
للى صورتها سافرت من بلد لى بلد عشان ولد يتفرج عليها
بجد موضوع يحزن على بنات بلدى للى كل شوية يقللو من نفسهم
عشان اية دة كلو
والعيب بردو على صحبك للى وافق انو يتجوز با الطريقة دى
وخالى مامتو تبعتلو صور البنات يتفرج عليها عشان يختار منهم
وبعد ما وحدة تعجبو نفرض ان فى وحدة عجبتو وبعت يخطبها

هيتجوزها كدة عادى من غير ميعرفها ولا تعرفو من غير
هى ما تشوفو ولا هيبعتلها صورة با بياناتو بردو

شكرا على موضوعك
وااسفة على الاطالة

[~®§§][][ سيد دندنة ][][§§®~]

بص يابوحميد الام بتبقى نفسها تزوج ابنها

او بنتها

تعرف يابوحميد بجد هو ده عيب الغربه


طبعا الاول ده مش بيبقى زواج حلو


ده بيبقى زواج وخلاص الام نفسها تفرح ببنها وخلاص


بس لو الام تعرف ان الزواج ده بيجلب المشاكل


مش هتعمل كدا


بس فى الاخر بجد ياحمد


هو ده عيب الغربه بجد


بس انا جايلك ياواد

علشان انا مش عايز اتزوج

ههههههههههههههههههه

[أميه]

انا عاوزه عريس ينفع احط صورتي معاهم




































كنت بهزر هههههههههه


بجد ناس موش عارفه كيف تصرف بناتها

طب افرض بقى كدا واد منحرف قدا وعمال يبعت الصور لصحابو


مايصحش كدا


متشكر ياأفندم وابقى قول لصاحبك يبطل بصبصه ع الصور ويتجوز قبل ماتبعتلو مامتو العروسه بكبرهاا

[بنت متولّي ..!]

أه والله دي بحد زاتها مششكله ككككبيره لان الخطأ من الطنط امه يععععني لوالطنط بتفكر افككار خطأ هو المفروض مايمششيش وراهآ

ربننآ يسسآمحح الججميع

بقى انت ياواد لازم تنصصحوه وتقولوا يتجوز من يرضى دينها وخلقها مش تبصبص مع الواد ده


وششكرا

[yara5]

هههههههههههههههههه
في الاول احب اقول سلاموا عليكم
وموضوع جميل جدااااااا
مضحك من ناحيه ومن ناحيه مهم جدااااا
بالنسبه اصلا للزواج بالطريقه دي
زواج منيل بنيله وجواز الصلونات باردوا
مافيش جواز بالطريقه دي
وبعدين دا جواز مش لعبه يعني
وبعدين زي ماقوا الاعضاء الي قبليه
دي غلطت اهل البنات الي بيدوا صور بناتهم
للناس يدوروا علي بنتهم لعريس
ليه يعني مايستنوا النصيب اكيد هايجي يعني
وبالنسبه للي مش رضي يدفع المخالفه ده
نقي واحده منهم ولا لا
شكرا جدااااااااا علي الموضوع المهم ده

[فنانه باسلوبي]

السلام عليكم ورحمه الله وبركاته...

اسلوب غريب شويه بس ممكن يكون الضروف جبرتهم على كده او هو في مكان بعيد..

ماينفعش يشوفهم على الطبيعه..

مع انو لازم يكون واثق انها هي الي بيدور عليها..

صحيح الجمال والشكل والحجات الي يتمناها ممكن تعبر عنها صوره لو كان هو عاوز ست وبس..

لكن لو عايز انسانه يحبها لشخصها

مش هتكون دي طريقته...

معلش لو في خطأ مش هيكون على الشب ولا على اهله

الغلط عالناس دي الي عادي عندهم وكأن الزواج شروط ومقاييس جامده من المشاعر

مثل اداء الوضائف

تحتاج صوره وبعض المعلومات على cv

اسفه جدا بس ده رأي ووجهه نظري..

ويارب يوفقه ويسهل له لو كان ليه نصيب في اي صوره..
\
ودي وتقبل مروراتي

[Đ σ ρ e s τ]

بسم الله الرحمن الرحيم
500 درهم مررره واحده هههههههه وكمان مش ادفعوا يا لطيف لطفك ههههههههه

____________
والله انا مش عارفه اقولك ايه الناس عقلهم مبقاش في جسمهم
وانا من راي ان الزواج ده مش هينفع اول ما يتكلموا مع بعض اصلا
لأنه لايعرف اخلاقها ولا اهلها ولا ولا ولا .........الخ...........
ولا يعرف حتى ملتها ايه ازا كانت مسلمه ولا مسيحيه
ولو حد طلب صورتي مش هوافق لأن لا امان ابدا دي الايام
تشكر يا احمد على موضوعك الاكثر من رائع ويارب ما يحرمنا من تواجدك


تحياتيـ ...

[tota.egy2050]

اولا يا احمد ربنا يعوض عليك فى ال500درهم
ثانيا طبعا الطريقة غلط مافيهوش كلام ومافيش حد عاقل يشوف غير كده
امال بالنسبة للبنات اللى فى الصور فدول زاى ما بتقول فيه اللى نصيبها لسه ماجاش وقطر الجواز فاتها
فبتقول تلحق نفسها باى طريقة والسلام
واحنا فى انتظار مواضيعك الحلوة لانها بجد مميزة

تقبل تحياتى

[رعد6]

موضوع جميل جدا يا احمد ومهم
مش بس الطريقه لكن السبب الى بيخلى البنت
تقبل ان فيه حد يا خد صورتها ويتفرج عليها
هى سلعه ولا ايه كل البنات عايزة تتجوز وخلاص
مش مهم الطريقه او اذا كان مناسب ليه نقدر نتاقلم مع بعض
فى الفكر والحياه والاسلوب بجد بقت حاجه تكسف
اهم ما فى الموضوع انك لازم تاخد ال 500 درهم
مشكور على نقاشاتك الجميله