رمضان جانا و فرحناله بمسلسلاته أهلا رمضان..قولوا معانا

[SiLver Spectra]

رمضان حصري على التلفزيون المصري
و اسأل مجرب من رمضان الي فات
رمضان يجمعنا عال...
رمضانك عندنا

أم ماجده : لا حول الله يا رب كل دي مسلسلات في رمضان
ماجده : دا في يجي 20 مسلسل بيجي على الحياه لواحدها
أم ماجده : لا حول الله يا رب هو رمضان شهر عباده و لا شهر فرجة مسلسلات
ماجده : حرام عليهم و الله ليه بيعملوا كدا
أم ماجده : هو دا مسلسل مين؟
ماجده : دا بتاع نور الشريف
أم ماجده : طب هاتي كدا بانوراما عليها مسلسل يحيى الفخراني شوفت منه حلقه امبارح شكله حلو
ماجده : هو بيتعاد على الأوسكار كمان ساعه خلينا نشوف مسلسل إلهام شاهين على نايل دراما و بعدها في بتاع يسرا
أم ماجده : بتاع يسرا بيجي عالسحور في حيلهم بينهم من الآخر عايزين نشوف هيجيب مين النهارده..

::::::::::::
مع كل عام و بالتحديد قبل بدايه رمضان بأيام
يبدأ المراثون الدرامي على الفضائيات خاصة كانت أم حكومية
و الكل يسعى لجلب أكبر عدد من المشاهدين
فنشاهد (أوسكار) و (كايرو دراما) و قد اتخذا من طريقة مساحيق الغسيل طريقتهم في جذب المشاهدين
بمعنى أنه إن قدم اليك أحد المذيعين بشكل مفاجئ وطرق الباب و كنت تشاهد (اوسكار) أو( كايرو دراما) فستفوز بجوائز نقدية!!
لا أدري كيف تتم هذه الطريقة
بس زي ما بيقولوا رزق الهبل عالمجانين!!
و بينما أتصفح مواقع الأخبار هنا و هناك أجدها مكتظه بأخبار الدراما بمناسبة الشهر العالمي للدراما
فلا أعتقد أن هناك دولة في العالم أجمع تنتج و تعرض هذا الكم الهائل من الأعمال الدراميه في فتره قصيرة لا تتجاوز ال34 يوما
نعم هو الشهر العالمي للدراما من انتاج عربي

و ها هو خبر جديد مقدم من التلفزيون المصري (اسامه الشيخ) يعلن فيها أن التلفزيون المصري سيبدأ عرض المسلسلات الرمضانية في ليله رمضان
أي قبل رمضان بيوم (في أول يوم سحور)
بالفعل قديما كان اليوم الجديد يبدأ بعد غروب شمس اليوم السابق له
أي أن اليوم الجديد يبدأ بعد صلاة العشاء
لذا فإن اليوم الذي يسبق رمضان تبدأ فيه صلاة القيام.. و على العكس أيضا
اليوم الأخير من رمضان لاتوجد فيه صلاة قيام فبعد غروب الشمس يحسب اليوم الجديد
هكذا كان المقياس من 1400 سنه
و هو مقياس بشري ثابت
دوما ما يجعل نهاية اليوم و بداية اليوم الجديد مع بدايه النوم ليلا

و لكن التلفزيون المصري ليس غرضه من هذا تحقيق النظرية!!
بل تحقيق الأسبقية و حرق عرض المسلسلات على فضائيات أخرى
فهو سباق مراثوني الفائز فيه هو من يحقق أعلى المشاهدات يكسبه عن طريق شيكات من الإعلانات!!

لن أتحدث في القضية بمنطور سطحي
(انهم عايزين يلهونا و حسبي الله و نعم الوكيل..الخ)
للننظر للقضية من أعماق جذورها

فلا ينكر أحد أن رمضان هو سوق الدراما
مثله كمثل أي سوق
و لتتمكن من صنع سوق لغرض ما لابد لك من جلب استثماريين و عملاء و مستهلكين و مشاهدين
ان توفرت العوامل السابقة فستتمكن من خلق سوق جديد أيا كانت مدته أو معاده

إذا فهي حلقة تدور بين العارض و المستثمر و العميل و المشاهد
تبدأ هذه الحلقة من جيب المواطن و تنتهي بالمشاهدة!!
نعم جيبك و جيبي و جيب كل مواطن
أنت من يمول هذه الكميات الضخمة من الأعمال الدرامية
فعندما تذهب لشراء منتج ما..أيا كان إسمه على سبيل المثال مياه غازية أو كارت شحن رصيد أو حتى شيبسي
فأنت تدفع جزء من الحملة الدعائية للمنتج التي تمول دراما رمضان!!
ففي السابق كانت الشركات تسعى لخفض قيمة المنتج للمواطن أو ما يسمى بالمكسب (الهدية)
تفتح الشيبسي و يخبرك مبروك كسبت كيس كمان أو الآيس كريم و خلافه
أو عروض تجميع صورملصقات أو عروض تخفيض ثمن المنتج
أما الآن فتغيرت سياسه الشركات
فأصبح المنتج يسوق بسعر زائد و لو بقليل
لتدخل الزياده في تسويق المنتج
فنشاهد كل منتج يحاول الرفع من سعره لتحقيق انتشار دعائي أكبر
لنرى شركة مثل بيبسي تقوم بجلب كبار نجوم الرياضه و المطربين
و تدفع لهم الملايين من أجل تحقيق الشهرة
أما المواطن فيصلون اليه عن طريق تمويل برامج ترفيهيه برعاية بيبسي (على حسب المثال)
أموال تلك البرامج التي تقدر بالمليارات يدفعها جيب المواطن في كل سلعه يقوم بشراءها بسعر يزيد عن سعر المنتج بشكل طفيف
نلاحظ الفرق في السعر ان قمنا بخصم المبالغ التي تنفقها تلك الشركات في الدعاية المفرطه
بإعتقادي أن سعر أي سلعه سينخفض لما يقارب النصف و لا يقل عن الربع!!

نأتي أخيرا للسؤال الجوهري
لماذا رمضان بالتحديد!؟

كما ذكرت سابقا رمضان هو سوق الدراما
فكما هو الحال للفتره القصيره ما قبل العيد نشاهد التزاحم على محلات الملابس
..فالعيد هو سوق الملابس

فأنا شخصيا شاهدت أحد الطامحين
رجل عادي قام بإستئجار شقة ليحولها إلى استوديو
و قام بجلب بعض الشباب من الموهوبين بمبالغ ضئيلة لعمل مسلسل كرتوني رمضاني 3d
(لا تحتاج لأي تكاليف فأي شخص ياخد دورات ماكس أو مايا يقدر يعمل مسلسل بمستوى مسلسلات الثري دي العربية التعبانه..كالعاده نفتقد لدقة الغرب في الانتاج و التصميم)
و بالفعل أثناء التصميم قام بعرض مسلسله على قنوات فضائية
و التي تتسابق على الشراء في السوق الرمضاني
البعض لم يقبل العرض بسبب رداءة الصوت
فقام باعادة تسجيل الصوت مره أخرى
و الأعجب أن هناك مندوبون للقنوات يبحثون عن العروض و الأعمال
فقد أخبرني بقدوم مندوب من قناه فنون ******************ية ليشاهد العمل!!

خلاصة القول من ضرب المثال
هو أن رمضان سوق كبير للدراما
المواطن و هو المشاهد الذي يحتج بكل قوة عن هذه الاعمال هو الممول لها و ايضا المشاهد لها
(صايم مش قادر يتحرك يعد يتفرج..فاطر بطنه مليانه مش قادر يتحرك يعد كمان يتفرج)

الكل يكسب و لا أحد يخسر
حتى المواطن يكسب التسلية حتى ان اعترض!!
فحالها ليست كحال افلام السينما تتوقف على الإرادات و السمعه
و ان كنت ارى أن الافلام بدأت تسلك سلوك الدراما
(محطات كتير و أي حد هيشتري فمش مهم مكسب إرادات السينما)
و لكن في الدراما لا أحد يخسر
لا تحتاج إلى قصة قوية و لا مجهود عالي
هات أي ممثل مشهور و لبسه اي دور و اديله 10 مليون
و حط كمان 10 مليون تكاليف انتاج و أعملك مسلسل اللمبي!!
و حصل مكسبك من المعلنين عندك

فلا تعجب من ضخامة الأعمال الدرامية في مسرح رمضان
فهو سوق بإعتقادي أنه مستمر ليوم الدين و لن تقل ضخامته بل ستزداد عام عن عام...ما يقل فقط هو قيمة العمل الدرامي الذي بات عمل لاهدف له سوا جمع الأموال!!

[fankosha]

فعلا كلامك صح يا طارق رمضان بقى سوق للدراما
وكل سنة بتزيد المسلسلات عن الى قبلها
رمضان شهر الانسان بيتقرب فيه من ربنا اكتر
مش يتفرج على كم المسلسلات ده
بقى فيه صراع مين الى يعمل مسلسلات
ربنا يهديهم
تسلم ايدك
تقبل مرورى

[big bốss]

رمضان مش شهر عباده حولناه لشهر مسلسلات وتليفزيون


الغريبه يا طارق اننا مسلمين وعرفين ربنا وبنعمل كدا فى شهر مقدس ومهم بالنسباله لينا


اما فى الغرب انا بشاهد تليفزينتهم فى اعيادهم كلها

مفيش تخصيص او كم هايل زى الى عندنا للدراما


بس فى الاول والاخر الانسان هو مخير طريقه

ليه انه يعبد ربنا وبس

وليه انه يضيع وقته


والظروف دى اختبار للمؤمنين


اما التلفزيون بتاعنا عليه العوض


اعمل زيي يا طارق وسيبك من النايل سات واقلب على الهوت بيرد :spain-flag1:

[حـ,ـكـ,ـآيـ,ـهـ,ـ ۅطـ,ـنـ,ـ]

بالفعل يا اخ طارق
كلامك لا تعليق عليه
الانسان يظلم نفسه ولا يقدر وقت رمضان
يقضي وقته بالملهيات والنظر للمحرمات بغرض
(تضيع وقت واعانه بالصوم)
وهو نسي ان الصيام لا يجوز الا بالنيه الصالحه
الزياده العذاب بالصيام تترك اثر بالنفس
وتجزيهه ثوابا عظيما
اشاهد الكثير اخ طارق من الدعايات للمسلسلات كم ذكرت شهر
لا اعتقد انه اصبح تعبد اصبح شهر اشهار واعلانات
يوجد بعض المسلسلات التاريخيه تترك اثر بنفسيتنا كمسلمين
وقصص وعبر خاصه بحيات الاطفال
بما انه شهر تاريخي حافل بالمعارك والاحداث المهمه اتمنى ان
يشجعو على تلك المسلسلات
موضوعك راقي وفي محله
اعتذر للاطاله
وكل عام والجميع بالف صحه وسلامه

[رحيق الجنه]

ان كان هذا يحدث فهو جهاد للنفس
فهنيئا لكى ايتها النفس على مقاومتك لكل هذا
لم نسمع هنا يوما اعداد 20 مسلسل لعرضها فى شهر واحد
ومن الواضح انها على قناه واحدة فما بالنا بباقى القنوات
لمذا لا يتم التعامل مع هذا الشهر كتعامل اى بلد اسلامى له
انا ديما كنت بقول رمضات فى الشرق له طابع خاص
فقد حضرته منذ 5 سنوات فى مصر مع انى رحمها الله
فوجدت به الروح الايمانية واشياء جميلة لشهر معظم
لم يضيع كل هذا
لكن فى النهاية هذا هواختيار الانسان ذاته
تحياتى لك طارق
كل عام وانت بخير

[اليسمينه]

لن أتحدث في القضية بمنطور سطحي
(انهم عايزين يلهونا و حسبي الله و نعم الوكيل..الخ)

لاحول ولاقوه الابالله
ربنا يستر علينا
فعلا الاعلانات والمسلسلات
بتتعرض فى رمضان
بغزاره
كلهم بيتسابقوا
سوال مهم جدااااااااااا
هلى الشيطان مقيد فى رمضان؟
ام انه يعيش وسطنا
حتى فى رمضان
ام كل من يفعل خذا شيطان
هل الشيطان معنا حتى فى رمضان
ليقتل كل منا شيطانه فى رمضان
وربنا يستر على الا مه الاسلاميه
لاحول ولا قوه الا بالله


تسلم يا طارق
على المواضيع التحقه ديه
مش عارفه
خالتك ماجده ديه جبتها منين بس ماعلينا
سلملنا عليها
ههههههههههه
فى امان الله

[خليكـ معايا]

السلام عليكم ورحمه الله وبركاته

كل سنه وانت طيب ياتارق .. وربنا يبلغنا رمضان ويعينا على صيامه وقيامه

كل الكلام الي كتبته سليم 100 %

المصيبه كل مالها تزداد وتكثر والناس هما الي بيدوهم الفرصه انهم يستمروا في طرح هذه السلع الرخيصة

فلو وجدو من المشاهد صدود واقفال لشاشة التلفاز خلال شهر رمضان لباءوا بخيبات الامل وارتدعوا

وتركو عباد الله يتعبدون في الشهر الفضيل ويعوضون مافاتهم في الاشهر الباقيه !


اسال الله العلي العظيم ان يهدينا سواء السبيل ويحبب الينا مايقربنا من بلوغ مرضاته ودخول جنته انه هو السميع المجيب





مرسيه على طرحك الراقي


عـــــــــــــــــــــــــــلا

[ماتركس]

السلام عليكم ورحمه الله وبركاته
الدكتور طارق
اولا يا طارق كل سنه وانتا طيب
عارف يا طارق والله امبارح باليل وانا عند الحلاق والله اني
اول مره كنت اسمع الاعلان ده وانتا جبتوه هنا يبقي تاني مره اه والله
اولا انتا صدقت يا طارق في كل كلمه قوالتها
بس انتا يا طارق عارف اللي فيها هات معايه المشكله من الجذور لغايه لما نوصل لااخرها معا بعض
مسلسل ناجح مين اللي بينجحوه جمهوره
فيلم ناجح مين اللي بينجحوه جمهوره
منتج ناجح مين اللي بينجحوه جمهوره
طول ما فيه جمهور بيشجع يا عم طارق يبقي الموضووع ده مش هينتهي
وطبعا ربنا يخلي لينا الجمهور 95% من البنات
البنت تروح تقوال لاامها ايه ماما ماما انا هعدل البيت في النهار علشان باليل متقوالليش علي
حاجه علشان هقعد اتفرج لغايه السحور وبعدين ربنا يعنها تعبانه طول الليل قاعده تتفرج المسكينه
وطبعا تتسحر وتشد نووم يا معلم هباااه تصحي علي الساعه كام 4 العصر
يدووب علي تجهيز الفطار تجهز الفطار ويستمر عرض رمضان ده داخل كل بيت 30 يوم
ادي البنت
نيجي للوالد ياريس طبعا الوالد مش فاضي للكلام ده
الوالد عاقل اكبر من انه يسمع مسلسلات وافلام كرتون
الوالد طبعا بعد الفطار هب تلقيه هرب من البيت وعلبه السجاير في جيبه اليمين ليه ياعم ما اللي صبرك في
النهار مش هيصبرك باليل يقوالك ايه ياعم اسكت والله طوال النهار وانا خرمان علي الاخر والا سيجاره يا راجل من الصبح لما كان الواحد هيمووت
طبعا يروح يمر من قدام اللي بيشربو سيجاير دووال واحدربنا فاتحها عليه وراح يصلي صلاه العشاء
طبعا يرمي السلام ويقوالهم يا جماعه تعالو صالوو
طبعا الرد جاهز ومعروف شوف ابن برعي اللي عمرو ما ركع ركعه بيقوالنا تعالو صلو
ياد ده انتا ابوك كان بيسرق الشباشب من قدام الجامع
ويستمر المشهد 30 يووم من رمضان
تصدق بالله يا طارق اني احنا ما عندنا تلفزيون في البيت اللي احنا ساكنين فيه
مش علشان معناش فلوس لا علشان اتعودانا علي كده
والله ماعندنا تلفزيون
وموضووع الافلام والمسلسلات ده بيكون منتشر بكتره في مصر
لكن عارف يا طارق والله انو احنا هنا في الخليج بسيط جدا تلاقي حد متابع في التلفزيون والله
وعايز اقوالك حاجه عايز تقضي علي الظاهره دي
اقضي علي البنات وهتلقيها اتحلت لوحدهاااا
:Sport-114::Sport-114:

لكن الاولاد فيهم اللي مكفيهم اديهم فلوس انتا بس يجبو سجاير وهتلقيهم والله يوالعو في الاذاعه
والتلفزيون نفسها هههههههههههههههههههه

معلش وجعنا دماغك بس اشكرك يا طارق طلعت
الشحنه اللي جوايا
سلام ياريس وكل سنه وانتا طيب

[yasmine refat]

موضوع جميل جدا ياطارق

عارف الغريب في ناس عندها شهر رمضان (للغنى والطرب والسهر والشيشه)

نقول كده عليه (شهر المعاصي)

وناس تانيه تعمل المعاصي كلها طول السنه وفي رمضان تفتكر ربنا

وفي أول يوم عيد كل حاجه وحشه تتعمل!!!

بصراحه بستغرب منهم

الناس الأولى لإنتظرهم الشهر للمتعه

والتانيه الي بتفتكر ربنا في رمضان بس وطول السنه ربنا أخد أجازه

عموما كلامك جميل إن فعلا المشاهد لي دور كبير في أستمرار العمل

وفعلا هي حلقه من جيبك لعيونك:vb19:

زي دعاية لاكتيك الزبادي بتاع نانسي <<ده أكثر أعلان أستفزني حديثا

قال بتزعل أما متلقيش الزبادي في الثلاجه:090:

والناس تجري تشتري (ياه ده المنتج الي جاه مع نانسي)

والله بتمنى يعملوا على الأقل دعايه أرقى يستغلوا بأدب:vb19:

مش الدعايا دي

ألي على قولك رزق الهبل على المجانين:liverpool-flag:

وحتى المسلسلات أغلبها تعبان وملوش هدف والناس بتتفرج أي حاجه أحنا نتابع

بس في مسلسلات باين عليها حامله فكره زي بتاع هند صبري

وشكرا ياطارق على الموضوع

وأستمر في الكتابه:080402gudl_prv:

[a m i r a]

من المؤسف حقا ما نراه حاليا
من تحويل شهر العبادة والصلاة والتقرب الي الله
الى مجرد شهر للفرجة والتسلية
وهنا ننسى الحكمة من الصيام والصبر
الذي من المفروض انه ينمو في هذا الشهر الكريم
الى مجرد وقت فراغ يسعى الانسان لملئه بمشاهدة التليفزيون والمسلسلات المختلفة فيه.
وقد سمعت انه تم انتاج 45 مسلسل و20 سيت كوم لعرضهم في رمضان هذا العام.
ولا شك ان لهذا علاقة كبيرة بالسياسة الاستعمارية والغزو الخارجي
الذي يسعى جاهدا للفصل التام بين المسلمين ودينهم وقرانهم وشعائرهم
وحسبي الله ونعم الوكيل.
وهنا على كل فردأن يجاهد نفسه كثيرا حتى يجعل من رمضان شهر العبادة والتقوي،
هذا الشهر الذي يومه يعادل الدهر كله
ففي اولة رحمة واوسطه مغفرة واخرة عتق من النار.
ولابد من التنشئة الدينية الصحيحة
التى تجعل الابسان يسعى لخير الاخرة
ويبعد عن الدنيا وتلك الملهيات.
شكرا ع لموضوعك يا طارق ورمضان كريم.