صدقت كيبوردي .. وسقط عقلي !

[mezostaregypt]

صدقت كيبوردي .. وسقط عقلي !

احبائي واخوتي
طبعا ...كعادتي كل مره اكون فيها..مهموم..او مش سعيد ..او في نفسي شئ حزين لا اعرفه
لا اتردد وافضل ابحث عن القلم...واي شويه اوراق اكتب فيها ...
طيب لقيت الورق ...فاضل..اني احرك ايدي واكتب ...لكن ..الاستاذ المحترم عقلي رافض انه يعطيني
ويغششني شويه افكاار من عنده ...طيب اعمل ايه

فضلت اتحايل عليه واكون محترم في كلامي معااه ...لحد ماتكرم عليا وقبل انه يحاورني
وقلي طيب انا هديك اي افكاار انت عاوزهاا بس قلي...فيه شد محدد عاوز تكتب عنه او بمعني تاني عاوز تكتب وتدوش النااس المحترمين اللي معاك في المنتدي عن ايه المره دي

قلتله ...يا سلام علي سذاجة سؤالك ...اذاكان انا نفسي موش عارف اكتب عن ايه.....
فقام عقلي وغضب عليا وقلي وحياة كلامك ده ...ماهتاخد مني افكار عن اي مواضيع متفائله..زي الحب والصداقه ..الخ ..الخ

قلتله طيب ناوي تعطيني ايه من افكار غير متفائلة ....
قالي في الغالب هتكون كلها افكار عن مواضيع الواقع الغش والخيانه وكل حاجه متشائمه..لانك يا مدعي نجومية مصر ..بتهوي التفكير الهادي في كل شئ سلبي وانا عقلك اللي هعيطيك كل الافكار السودة والمتشائمة لاني خبير جدا في الواقع ..والبركة فيك يا نجم مصر..!
قلتلة البركة فيا ازاي يعني فهمني لاني بتحاول معاك دلوقتي شخص لشخص ويعتبر مش فيا عقل
جاوب العقل وقال :
كل يوم يا نجم مصر الوهمي تعرضني لمواقف بقوم بتخزين مشاهدها- والمشاهد دي فيها كتير من السلبيات اللي اصبحت سمة عصرنا الحالي ..
فجاءه كان بيسمعنا الكيبورد بتاعي ...وقام وانتفض ..وقال لا لا موش محتاجين لمساعدتك
وقلي خليك معايا يا .. يانجم مصر المنتظر (( معلش اصلي الكيبورد بيحبني جدا )) - وسيبك من عقلك المغرور ده.....اذا كنت هتتكلم عن اشياء واقعيه ...اسمحلي اتكلم عنك.. واعطيني ولو لمرة واحدة في حياتك فرصة الظهور والتعبير عن ذاتي !!
لاني شفت كتير وسمعت اكتر اسمحلي ..اوصل صوتي لاصدقائك المبدعين في المنتدي
وهنا تدخل الاستاذ عقلي المحترم.....وقال.لنا.. في غضب
..اشبعوا ببعضكم
..قلت للكيبورد..سيبك منه.واكشفلي عن كل افكارك ونبضات مفاتيحك ....
بيني وبينكم قلت في نفسي مبقاش الا شويه مفاتيح كمان هي اللي هتتكلم ..يلا ماهو زمن العجايب
واخذ كيبوردي في تسطير كلامه - مستغلا كلتا اليدين اللي بملكهم في جسمي للمساعدة علي الكتابة
ووجه لي كلامه ...وقااال

..ايه تعليقك ورد فعلك
لما تشوف الجهله والمتخلفين...وهما بيدعو اني تخلفنا اللي احنا فيه ناابع من الدين الاسلامي..وتمسكنا بكل اركانه..واللي بيسمووه التشدد
بينما الحضاره والتقدم هو كل ما يأتينا من الغرب...ومنتظرين منا بعد كده ايمان وتقوي ..كلام فارغ..!!!

ايه تعليقك ورد فعلك
لما تسمع شخص جميل يشفي اذنك بقرائته لكتاب خالقك العزيز..القراءن..في كل خشوع وخوف من الله
وفجاءه يختفي هذا الصوت ويتغلب عليه صوت الاغاني والموسيقي..حتي تاااه صوت القارئ...!!!

ايه تعليقك ورد فعلك
لما تسمع بعض الناااس يرددون..وبكل تخلف وجهل اعمي يرددون ان الدين والارهااب وجهان لعمله واحده...!!!

ايه تعليقك ورد فعلك
لما تلاقي الدنيا قامت كلها علي موت شويه يهوود اتنين او 3..وفي الوقت نفسه الاف المسلمين كل يوم بيموتوا
ولا حياه لما تنااادي.........عشان..مسلمين...!!!

ايه تعليقك ورد فعلك
لما نسمي الالتزام..العادي جدا .والتمسك بالقيم والاخلاق والعادات..انه تخلف ورجعيه الي قروون سابقه
بينما اللي بيسمووه تشخلع وخليك سبوورت..انه قمه الانفتااح والتقدم..او مووضه...!!!

ايه تعليقك ورد فعلك
لما تتفرج علي تكريم حراميه الشعر والكلماات..يصبحوون نجوما لهم ثقلهم وثقافتهم وحبهم عند الناااس
وفي الوقت نفسه صاحب الكلمات الحقيقي ...مايعلم بي حاله الا خالقه..لانه اندفن بيد سارقه..!!!

ايه تعليقك ورد فعلك
لما تلاقي عجوز في الشارع يكااد انه يشحت مساعده..شاب بجواره... في عبوور الشارع
فيرد الشاب عليه بكل قسوه وغضب..وينظر ليه بكل احتقاار ..ايه رد فعلك لما تعرف انه اب وابنه...!!!

ايه تعليقك ورد فعلك
لما يعرض احد الكتااب ..كتابا له..يعرض فيه مشاكل المجتمع بكل صراحه ويناقشها ..بلا خووف..ويعرض حلول واقعيه لها
ويتفاجئ بسهووم الانتقااد..له ويتهم انه يفسد المجتمع والراي العام بــ اراءة الشاذه والغير منطقيه وكمان يتهمووه
بافساااد الذوق العااام...!!!

ايه تعليقك ورد فعلك
لما تسمع ان الحمار الايام دي مقامه علي وبيتعمله اغاني للدعوه لحبه ..يمكن هيرشح نفسه في انتخابات ولا حاجه
او تسمع احلي ماغني سعد عبد الوهاب...اسف سعد الصغير
العنب ..والبلح..والحنطوور بالذمه مش حاجه ..تفرح وتسر القلب الحزين
عبقال البطيخ والمنجه..والتفااح...وقريبا اغاني المنتجات الكهربائية..والالكترونيه..والمصالح والهيئات الحكوميه والشركاات..ويمكن كمااان المنتديات وليه لا ...!!!
.امال ايه لازم الكل ياخد حقه ونبقي عادلين مع الكل ...!!!
.لا والمصيبه الكبيره من روائعنا الغنائيه
عن البنجو و الحشيش والمخدرات...حاجه تبكي اعدائنا ولا تفرحهم ...!!!

وتوقف الكيبورد عن تسطير كلامه وقالي كفايه كده ولا تحب المزيد...
ولم اسمع كلامه لي..
فعلا سرقتني عيوني بما سطرتة نقرات اصابع يدي علي نبضات مفاتيح الكيبورد .. واخذت افكر وافكر وافكر انا والسيد عقلي ولكن دون جدوي
فقام الكيبورد بمساعده كل قطع جهازي الكمبيوتر باعطاء صافره قصيره (( من اللوحة الام داخل الكمبيوتر ))...وعندما سمعتها خرجت من لحظه التفكير

فوجه لي الكيبورد كلامه...وقال...هااا.. ايه رأيك عاوز كلام تاني ولا كفايه عليك كده
قلتله..لا كفايه
فسالني تاني طيب متهربش من اسئلتي ليك..........ايه تعليقك ورد فعلك
وحينها اراد عقلي ان يدخل لينتقد كلام الكيبورد ويصفه بانه شئ عاادي..ويجيب علي سؤال الكيبورد لي
لكني رفضت وانحيت عقلي جانبا...واستعنت بنفسي وروحي للاجابه..وكانت
كل كلامك كيبوردي العزيز يتلخص في سطر واحد
متستغربش من اي حاجه تحصل في الدنيا دي..لانك اذا مستعجبتش علي حالك وحاال غيرك من البشر واللي بيحصل في الدنيا
يبقي احنا لسه معشنااش في الدنيا ولسه ضيوف..جداد. عليها....
وفجاءه رايت معالم لوحه المفاتيح بدات تختفي ..حينها عرفت انه قد حزن من كلامي ..من غير سبب
قلتله معااك حق في كل كلامك..الواقعي..
واخيرا قال الكيبورد.........احب ان توجه ذلك السؤال لاصدقائك في المنتدي....ايه تعليقك ورد فعلك
وبلغهم ..اني بتاسف لهم علي الاطاله...وعلي غمامه كلامي علي انفسهم
وفي النهاية كلمت عقلي ووجدتة لا يتكلم
قمت قلتلة كلامك كان هيكون بالشكل دة وكان عارف وشايف كل واقع الحياة الي احنا فيه
قلي عقلي انها مبالغات وصلت الي حد التخريف واراها ليست مبالغات وصلت الي حد التخريف - بل انها واقع مرير وحينها قلت
صدقت كيبوردي وسقط عقلي

فهل تتفقون مع ذلك الكيبوورد ام انها
مجرد تخاااريف للوحه مفاتيح وعقلي علي صواب

By - Ahmed alaithy mahmoud

اقتباستحذير لكل من يشاهد الموضوع - من التفكير في النقل او الاقتباس بدون ذكر اسم كاتب الموضوع

اقتباس

فـ بكل سهولة سيتم التوصل الي ناقل الموضوع في اي موقع او منتدي- وسنترك الحديث في ذلك الموقف الي الكيبورد ليدافع عن نقرات مفاتيحه

مصدر بحثي :

http://www.google.com.eg/#hl=ar&source=hp&q=%D8%B5%D8%AF%D9%82%D8%AA+%D9%83 %D9%8A%D8%A8%D9%88%D8%B1%D8%AF%D9%8A+..+%D9%88%D8% B3%D9%82%D8%B7+%D8%B9%D9%82%D9%84%D9%8A+!+&btnG=%D 8%A8%D8%AD%D8%AB+Google%E2%80%8F&****=&aq=f&aqi=&a ql=&oq=&gs_rfai=&fp=9d1506bb40be95e6

اقتباساعلم اني الموضوع متكرر هنا في المنتدي مرتين ولكني تعمدت اضافته لعدم
اتباع امانه ذكر اسم كاتب الموضوع الاصلي
http://msryat.org/forums/showthread.php?t=78753
http://msryat.org/forums/showthread.php?t=107524

والغريب اني كاتب الموضوع اللي هو انا
عضو مع الاخوه الافاضل اللي نقلوا نفس الموضوع داخل نفس هذا المنتدي
نو كومنت !