قولولى ايه رايكم !!!!!

[koky97]

عيب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* هياا الوزيرة معندهاش وزاره النهارده قومى يا حبيبتى الساعه10 .


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* المسلسل مش هينفعك ...قوم .


*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) .


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك ما تحفش .


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انته طالع لمين.


* انا : ياماما بقه ايه ده ؟؟؟
ماما:مووو لما يخدك .


* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط :d:d .


* احمد ربنا الاكل الى مش عجبك ده فى ناس مش لقينه .


* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟

[بنت العبد]

ههههههههه الموضوع شاكله مضايقك خاااااااالص والجمل دى خنقاك عادى عادى كلنا بنسمع ده
لا بس بجد شكلك عالاخر يعنى مالحاجات دى
بص هم كدا وهبفضلوا كدا وانت شخصيا لما تكبر هتبقى كدا وهتقول كدا لان دى حاجه طبيعيه احنا فلذات اكبادهم وحته منهم نفسهم ان ربنا يصلح احوالنا واننا نكون بخير ونكون مظبوطين وملتزمين ومستقبلنا مشرف وصحتنا كويسه طبيعى الاوامر دى بتضايق وبتخنق بعض الشئ وانا اعترف بكدا لكن والله دا قلبهم اللى بيتكلم مش لسانهم هم مش قاصدين يدايقونا بس نفسهم يبقوا كويسين نفسهم نطلع احسن منهم نفسهم نعمل اللى هم معملهوش بابا دايما يقولى انتى ورده انا زرعتها وعمال ارويها واحاجى عليها واحافظ عليها واتفرج عليها يوم بعد يوم وهى بتكبر وبتترعرع وبتوصل يااااااااه شايق التعبير عامل ازاى انت عمرك متحس بالى هم بيحسوا بيه لاب هم اب وام واحنا لسه مجربناش الاحساس ده لما تبقى حته منك بتكبر قدام عينك اكيد ممكن تخنقها علشان تحافظ عليها وتبقى دايما كويسه ومستقبلها حلو والمفروض منزعلش ياسيدى احمد ربنا ان ليك اب وام بيقولولك كدا هم ابوهم ومامتهم ماتوا وسابوهم بابا يقولى لو سالوا الواحد نفسك مين فالدنيا يبقى احسن منك هيقول مفيش حد غير ابنى يااه تضحيه تعرف ان الحب الوحيد الصادق المجرد من اى مصالح من اى اغراض هو حب الاب والام لابنائهم عالعموم بكره نكبر ونجرب وهنقول لاولادنا اكتر من كدا .
اشكرك عالموضوع الجميييييل ده واعتزر عالاطاله ربنا يوفقك ويصلح حالك

[koky97]

اقتباسالمشاركة الأصلية كتبت بواسطة بنت العبدههههههههه الموضوع شاكله مضايقك خاااااااالص والجمل دى خنقاك عادى عادى كلنا بنسمع ده
لا بس بجد شكلك عالاخر يعنى مالحاجات دى
بص هم كدا وهبفضلوا كدا وانت شخصيا لما تكبر هتبقى كدا وهتقول كدا لان دى حاجه طبيعيه احنا فلذات اكبادهم وحته منهم نفسهم ان ربنا يصلح احوالنا واننا نكون بخير ونكون مظبوطين وملتزمين ومستقبلنا مشرف وصحتنا كويسه طبيعى الاوامر دى بتضايق وبتخنق بعض الشئ وانا اعترف بكدا لكن والله دا قلبهم اللى بيتكلم مش لسانهم هم مش قاصدين يدايقونا بس نفسهم يبقوا كويسين نفسهم نطلع احسن منهم نفسهم نعمل اللى هم معملهوش بابا دايما يقولى انتى ورده انا زرعتها وعمال ارويها واحاجى عليها واحافظ عليها واتفرج عليها يوم بعد يوم وهى بتكبر وبتترعرع وبتوصل يااااااااه شايق التعبير عامل ازاى انت عمرك متحس بالى هم بيحسوا بيه لاب هم اب وام واحنا لسه مجربناش الاحساس ده لما تبقى حته منك بتكبر قدام عينك اكيد ممكن تخنقها علشان تحافظ عليها وتبقى دايما كويسه ومستقبلها حلو والمفروض منزعلش ياسيدى احمد ربنا ان ليك اب وام بيقولولك كدا هم ابوهم ومامتهم ماتوا وسابوهم بابا يقولى لو سالوا الواحد نفسك مين فالدنيا يبقى احسن منك هيقول مفيش حد غير ابنى يااه تضحيه تعرف ان الحب الوحيد الصادق المجرد من اى مصالح من اى اغراض هو حب الاب والام لابنائهم عالعموم بكره نكبر ونجرب وهنقول لاولادنا اكتر من كدا .
اشكرك عالموضوع الجميييييل ده واعتزر عالاطاله ربنا يوفقك ويصلح حالك



ميرسى لمرورك الجميل

[ملك الليل]

اهم حاجه رايك انتي

تسلم يدك

تقبلي مروري في صفحتك الجميله

[FarEdah]

تقريبا كلنا مرينا بكل دا صبيان او بنات
المشكلة اننا احنا مش بنقدر نفهم اهلينا كويس يعني بنحس انهم جايين علينا شوية وبالنسبالنا ان الموضوع عادي اننا نمارس اي حاجة من حقنا لانها تخصنا
رغم اننا داخل قانونهم لسة صغيرين واننا تحت حمايتهم ولازم يكون لينا خطوط حمرا مش ممكن نتعداها
الاهم من كل دا انا نتقبل دا بروح طيبة عشان اكيد ومتاكدة اننا هنكون نفس النسخة دي منهم لما نكبر وتكون عندنا عيلة خاصة بينا

/

تسلمي ع التوبيك بجد جميل

[koky97]

اقتباسالمشاركة الأصلية كتبت بواسطة ملك الليلاهم حاجه رايك انتي

تسلم يدك

تقبلي مروري في صفحتك الجميله


هو معظمه بيحصل معايا

ميرسى لمرورك الجميل

[koky97]

اقتباسالمشاركة الأصلية كتبت بواسطة PoCaHoNtAsتقريبا كلنا مرينا بكل دا صبيان او بنات
المشكلة اننا احنا مش بنقدر نفهم اهلينا كويس يعني بنحس انهم جايين علينا شوية وبالنسبالنا ان الموضوع عادي اننا نمارس اي حاجة من حقنا لانها تخصنا
رغم اننا داخل قانونهم لسة صغيرين واننا تحت حمايتهم ولازم يكون لينا خطوط حمرا مش ممكن نتعداها
الاهم من كل دا انا نتقبل دا بروح طيبة عشان اكيد ومتاكدة اننا هنكون نفس النسخة دي منهم لما نكبر وتكون عندنا عيلة خاصة بينا

/

تسلمي ع التوبيك بجد جميل
ميرسى لمرورك الجميل