يــلا مــاهــي بــقــت مــهــلــبــيــه ...

[yara5]

يــلا مــاهــي بــقــت مــهــلــبــيــه

دلوقتي إحنا عايشين في دنيا مفتوحة زيادة عن اللزوم كل واحد يعمل إلي هو عايزه ويقول دا أنا مظلوم ..
ياراآآآجل تصدق صعبت عليا

الدكتور بقة مخلص زيادة عن اللزوم ممكن ينسي المشرط في بطن المريض ولما يشتكيله يقوله وفيها إيه بعد كدة هعملهالك بسوستة .... ياعم ما تكبرش الموضوع زيادة عن اللزوم.

يــلا مــاهــي بــقــت مــهــلــبــيــه

تيجي للمهندس يقولك العمارة دي تشيل أربع ادوار .. تقوله طب بعد الكيس ده تشيل كام .. .. يأخذ قرار العمارة تشيل مليون دور وكله بيعدي .

يــلا مــاهــي بــقــت مــهــلــبــيــه

تروح للمحامي علشان يحميك وأنت متعرفش انه قابض ومخبي عليك وبعد أما كان عليك حكم كام سنة بقة عليك حكم مؤبد أو إعدام .

يــلا مــاهــي بــقــت مــهــلــبــيــه

فجأة واحد يصحى من النوم يقول أنا عندي فتوة ويقولها وقت اللزوم وحلل الحرام وحرم الحلال وعنده كله بيهون .

يــلا مــاهــي بــقــت مــهــلــبــيــه

تيجي في رمضان تلاقي الكسل والنوم ياعم قوم سيبك الدنيا صيام وهو أصلاً مش صايم والسيجارة بين إيديه. بس هيعمل إيه عنده حق مهو شيخنا قال مش حرام !!

يــلا مــاهــي بــقــت مــهــلــبــيــه

في وحش كبير حوالينا وبنسلمله نفسنا بإيدينا ........يا تري هو إيه ؟؟؟

السحر والدجل والشعوذة :::: تروح يقولك شوبيك لوبيك كل حاجة بين إيديك وانت تعلي صوتك
وتقول: افرح يا قلبي وغني كمان خلاص وصلنا لدنيا الأحلام
وطبعا ده كله شغل مهلبية .

أنا نسيت حاجة مهمة نسيت أقول

إن زي ما في مهلبية في ناس لسه بتشتغل بجدية لا كيس يهزهم ولا رشوة تعمي قلبهم .

[♥..pure]

ههههههههههههههههه

مهى بقت مهلبيه بقا

هههههههههههههههه

موضوع جميل يا يارا

تسلمى يا قمر