طيب ايه السبب في كده ممكن تقوالو ليا ايه السبب ...؟

[ماتركس]

السلام عليكم ورحمه الله وبركاته
رمضان كريم عليكم وعلي الامه الاسلاميه اجمعين يارب
ازيكم ايه اخباركم عاملين ايه في الصيام
يلا ربنا يقدركم علي الصوم يارب
انا عندي موضوع غريب ممكن يكون غريب بالنسبالي انا
انا هدخلكم في المووضووع عالطوال مش هطول عليكم
طبعا كل شخص مننا بيبقي ليه ذكريات وليه ماضي
في مننا اللي بيبقي ماضيه كله حزن
وفيه اللي بيبقي ماضيه كله فرح
وفيه يبقي ماضيه شويه فرح وشويه حزن
وطبعا السؤال اللي محيرني
ليه سهل جدااا انو ننسي ماضينا اللي فيه فرح
ليه مش بنقدر ننسي ماضينا اللي فيه حزن
ليه بننسي لحظات السعاده
ومش بنقدر ننسي لحظات الحزن والجرح والا لم
ياتري ايه الحل علشان ننسي
ياتري عندكم اجابه
وياتري ممكن ننسي
وعايز اعرف ايه السبب في كده انو قلوبنا وعقلنا بتنسي لحظات السعاده بسرعه
ومش بننسي لحظات الحزن
منتظر رايكم اتكلمو براحتكم في نطاق الموضووع
اخوكم في الله
احمد الشريف

[بـقـآيـآ ح ــڻيـڻ დ]

وعليكم السلام يا ماتركس

اظن ان لحظات الفرح هى جميلة وكل حاجة

بس بتمر علينا بسرعة ومش بنحس بيها

زى الطيف كدا

لكن لحظات الحزن مهما كانت الاسباب

بتبقى حاجة ليها علاقة بيك

وبتاثر عليك وتسيب اثر فيك

لان اى حاجة محزنهـ ليكـ

اكيد كانت غالية عندكـ

ولما تحصل هتسيب اثر فيك اكتر من الفرح

ولو تلاحظ بعد كل حاجة جميلة بتحصل حاجة

حزينة تنسيك الفرح وتبدأ تهتم بالحزن

الحياة مش كلها كدا ولا كدا

موضوع جميل جدا ومهم

شكرا ع التوبيكـ

[لحظة عتآب]

والله انا فكرت في الموضوع دا كتيـــر
لحد ما توصلت لحل يمكن يكون صحيح
ان الفرح بيعدي وبيفووت ومينفعش نفضل عايشين فيه
اما الجرح فدا ممكن يأثر في شخصية الفرد ويسيب اثر في حياته
عشان كدا مبيقدرش ينساه

اشكرك اخي احمد علي الموضوع
لك مني افضل تحية

ودادي

[جوهرةالقصر]

اولا بشكرك علي الموضوع الجميل
لان الموضوع ده فكرت فيه كتير
وانا رائي ان لحظات الفرح بتمر بسرعة
والانسان مش بيحس بيها ومبيفكرش فيها
علشان كده بينساها بسرعة
انما لحظات الحزن بتأثر في الانسان وتخليه يفكر فيها كتير
وممكن تتعبه وكمان بتبقي فترتها طويلة
وممكن تاخد مع الانسان سنين علشان يقدر ينساها
و الحل علشان نقدر ننسي لحظات الحزن
فكرت فيه كتير اوووووووي بس ما وصلتش لحل
غير (الايام )
لان هي الوحيدة اللي تقدر تنسي
وبشكرك علي الموضوع الاكثر من رائع

[حَرفُُ هجآءّ]

وعليكم السلام

الفرح دائما لحظات وتمر مرور الكرام

تؤثر فينا لكنها لا تدوم

الحزن اقسى لحظات يعيشها الانسان

تؤثر فيه ويتأثر بها لحبه الشديد لتحقيق ما كان وراء الحزن

من احلام وعندما لا تتحقق نشعر بالهزيمه

اومثلا فراق شخص غالى او فقدان شىء ظللت طيله حياتك تحافظ عليه

ذلك هو الانتماء والحب والولاء لهذا الشخص او لذلك الشىء

فمن كثرة الحب يكون الحزن عليه اقسى

موضوع جميل جدا

يخاطب القلب قبل العقل

[countess]

وعليكم السلام يا احمد

بنسبه ليه بخاف افرح وافكر با الفرح بحسه قصير عكس الحزن بتبقى محفوره حفر من ماضينا ونبقى نتلذذ

واحنا بنفتكرها وما ارتاح الي لما افتكرها واعد اعيط

تشكرات يا احمد على مو ضوعك النااااااايس

[حـ,ـكـ,ـآيـ,ـهـ,ـ ۅطـ,ـنـ,ـ]

اهلا اخ احمد

دايما بتتحفنا بمواضيعك

الاسم بيكون غريب والموضوع نفسه فيه
شيء يعود بالفائده
ندخل بالموضوع خي
اقلك انا السعاده لحظاتها قليله ما بتغير من الوضع
الحقيقي بشء يمكن تقلي بنعيشه زي حلم
وما بدنا نصحا منه وغصب عنا بنصحاباوقات قصيره

امن الحزن بعاندنا القدر وبرميه بوجوهنا
وبتمر ساعاته كأنها سنوات
وبدنا نطلع من ثوب الحزن لكن لا فائده لهيك
بياخد حيز بالتفكير
اكتر من الفرح
مجره نظره
لاتنسى اختك بالله
انسام

[فــــــــــرح]

طرح موفق يا احمد
والموضوع من رائي ليس الفرح او الحزن ..!!
بل مبدأ الرضا دائما بما قسمه الله لنا ..

فلو رضينا بما قُدر لنا من ظروف حزينه
لقدرنا لحظات الفرح التي نمر بها
ولستشعرنا بمبدأ الرضا ..

حينما قرأت الموضوع يا احمد
تأملت في حياة امـــي وتفكرت !!
كم عانت وقاست وحزنت ولم ارها يوما حزينه ..!!
كحالي لم ارها تتذمر وتكثر من ذكر الماضي
فلا يوجد اصعب من ان تفقد امرأة شريك حياتها ونصفها الثاني
بعد عمر من الزواج
ولكن هاهي مازالت سعيده وقادرة على ان تضحك من قلبها
انا لا احسدها بل اتمنى لها السعاده دائما وابدا وان لا يرها الله
مكروه فينا ابدا..

ولكن تفكرت في سر سعادة والدتي
وعلمت انه الرضا

لذا الموضوع ليس حزن وفرح
بقدر ما هو رضـا بما وبمن حولنا..

[بنت العبد]

السلام عليكم
اشكرك احمد على موضوعاتك المميزه بجد ...
وده كان سؤالك ...
ليه سهل جدااا انو ننسي ماضينا اللي فيه فرح
ليه مش بنقدر ننسي ماضينا اللي فيه حزن
ليه بننسي لحظات السعاده
ومش بنقدر ننسي لحظات الحزن والجرح والا لم
ياتري ايه الحل علشان ننسي
اولا انا قراة ردود الاعضاء السابقه كلها تقريبا بتدور عالجانب العاطفى للانسان انه دائما بيتالم كتير من الحزن لذلك بياخد منه وقت طويل فبالتالى بيظل فاكرها اما لحظات الفرح بتفضل وقت اقل وبتمر بسرعه لذلك بننساها وهم عندهم حق طبعا دى فعلا حقيقه .
انا عارفه انه كتر تذكر لحظات الحزن والجرح بتخلى الانسان دايما حزين لكن انا عن نفسى
مش بنسي ولا احب ان انسى دى حياتنا فرح وحزن صفحه كدا وصفحه كدا ليه انسى الحزن وهو بالفعل كان جزء من حياتى فيوم من الايام واخذ من تفكيرتى ومن وقتى ومن حياتى يبقى بالفعل اتحسب عليا... مبنساش اى حاجه اخذت من وقتى وتفكيرى .. اساسا مش حبه انى انسى مينفعش انى اقطع صفحة من حياتى انا بالفعل عشتها انا بين الفرح والحزن هى دى حياتى انا فكراها وقبلاها بالاتنين الحلو والمر الصفحة الحزينه بجانب الصفحة الفرحه مبنساش الاتنين دايما قدامى راضيه بالاتنين لكن الانسان بقى لازم يكون قوى الهروب مالحزن مش هو الحل لكن التصدى له وللمشكلات والعقبات هى دى الحل الانجح لازم الانسان يبرمج نفسه انه دايما قوى ويعيش حياته يعيش السعاده باتقان وميسبش لحظه حلوه تعدى من غير ميفرح فيها من قلبه والحزن يقف له ويتحداه ويعدى وهكذا مينفعش نقف عند محطه معينه ونقول انا حزين وحصلى حاجه وحشه واقعد اعيط وخلاص ده الفاشل الكسول الضعيف والله يا احمد النجاح والثقه فالنفس والرضا دول اهم حاجه ومش لازم تنسى لكن لازم تعدى وتبقى اقوى..
اسفه احمد طولت عليك لكن من لرايي وانا عن نفسى كدا ...لو كنت بتسال السؤال ده علشان مشكله عندك او علشان فيه حاجه حزينه فحياتك ومش قادر تنساها ربنا معاك فى كل صعب ويقف جنبك.

[~♥ Queen sozan♥~]

السلام عليكم ورحمة الله وبركاته
طرح مميز منك ومشكور علية
بنسبة للى لى موضوع نسيان الفرح والتمسك با ذاكرة الجراح والحزن
دة بيكون طبيعة فى الانسان وسبحان الله ثابتة من انسان للى اخر
يعنى الفرح بيمر كا لحظة ..ولو تخيلت معى لو انت بتجهز لى فرح او مناسبة
هو يوم او اتنين وخلص الفرح خلص وبقى ذاكرة انم لو فى حزن او حالة وفاة
بنتذاكرها دايما وبنفضل عيشين فيها على القل سنة ..ويقولو ذاكرة
انا مثلتلك بسيط لكن وضح الفكرة كلها
ان الفرح بيمر وبيكون مناسبة خاصة
انم الحزن بيكون عام
ولو على جراح النفس با النفس يعنى جرحك من حد عزيز عليك
ممكن تنسى اى لحظة حلوة مرت بنكم وتفتكر بس الالم والحزن
هو دة غلط طبعا لان انت لو افتكرت اى حاجة حلوة لية اكيد هتسامح
وسبب عدم التسامح بين الناس الموضوع دة
بيفضلو شيفين الجراح ونسين الفراح او اى موقف بسيط
اسعدك من الانسان للى انت زعلان منو
يعنى انا شايفة ان نسيان الجراح واجب علينا لان لو الجراح تكاثفت
فوق بعضيها كدة هنموت من الضغط وعدم النسيان او التسامح

اسفة على الاطالة ..وانا اتنقشت فى كزى جانب من الموضوع
يارب اكون قدمت اى افادة

تحياتى ليك
همس