هل تخيلت أنك في الشارع ..تحمل سلة على ظهرك تجمع فيها ذنوب الناس؟؟

[mody766]

إخوتي وأخواتي الأعزاء
السلام عليكم ورحمة الله وبركاته
كل عام وأنتم جميعا بخير .. أعود إليكم بعد غياب عام كامل .. وكنت في رمضان من العام الماضي قد شاركت بموضوع عنوانه (للبنات فقط.. رفقا بنا وبأنفسكن فنحن في رمضان) وأعود في رمضان هذا العام لأشارك بموضوع قريب ، فما حكاية السلة ؟؟
قبل حكاية السلة نتذكر حديث رسول الله صلى الله عليه وسلم،وهو في صحيح البخاري، "

لاََ

تُقْتَلُ نَفْسٌ إِلاَّ كَانَ عَلَى ابْنِ آدَمَ الأَوَّلِ كِفْلٌ مِنْهَا" يعني أي جريمة قتل قابيل ياخد ذنب؟؟ تخيلوا يا إخوتي وأخواتي لأنه أول من سن القتل.
طب واحنا مالنا ؟؟ الموضوع اللي انا هتكلم فيه هو موضوع الصور الرمزية والصور الموجودة في التوقيع لبنات متبرجات ، بالقياس على الحديث السابق يبقى أي حد يحط صورة بنت متبرجة وحد يقلده الاتنين ياخدوا ذنب . معقول ؟؟ يعني كل ما حد يقلدني ويحط صورة بنت متبرجة آخد أنا كمان ذنب ؟؟ آه للأسف . مش كدة وبس ، دة كل ما شاب ينظر لهذه الصورة ومعروف إن النظرة دي حرام أنا كمان آخد ذنب ، لأني كنت سبب في أنه ينظر لهذه الصورة.
عرفتوا إيه حكاية السلة؟؟ اللي بيحط صورة لبنت متبرجة كأنه شايل سلة على ضهره بيلم فيها سيئات اللي بيقلدوه ويعملوا زيه ، وسيئات الشباب اللي بيتفرجوا على الصور دي !
تخيلوا يا جماعة بشوف موضوعات أكثر من رائعة .. والله وبمنتهى الأمانة رائعة في القسم اللإسلامي ، لكن للأسف صاحبة الموضوع حاطة صورة لبنت أو أكتر متبرجات ، والله كأن حد نغز قلبي ، وبقول في نفسي ،، الله يسامحك .. حتى في القسم الإسلامي وفي الموضوعات الإسلامية صور التبرج ورانا ورانا
أختي الحبيبة .. الموضوع اللي بتشاركي بيه في القسم الاسلامي المفترض انه يكون صدقة جارية ليكي وتاخدي عليه حسنات كل ما حد يقراه، ليه تفسديه بصورة لفتاة متبرجة لا تليق بفتاة محترمة ورائعة ومتدينة زيك .. أنت تبحثين عن رضا الله ، وصاحبة الصورة الحقيقية مش ممكن تكون تساوي حتى ضفرك .. والله ضفر صباع رجلك الصغير أغلى منها .. لأنها لو كانت بتدور على رضا الله مكانتش وافقت على نشر صورها بصورة تغضب ربنا .
آخر حاجة هقولها كلمة غريبة قالتها بنت فاضلة ليا في رد من الردود . قالت مش أنا لوحدي اللي بحط الصور دي !! بالله عليكي دة منطق ؟؟ طب لو بنات كتير اتبرجو وخلعوا الحجاب ، تخلعي انتي كمان الحجاب لأنك مش لوحدك المتبرجة ؟؟
وقالت أنا مش شايفة ان الصور فيها فتنة للدرجة !! طيب هفترض ان مش فيها فتنة خالص .. هل دة معناه إنها حلال؟؟ طب البنت اللي مش محجبة بس بتلبس لبس طويل وواسع بتقول أنا شعري مش ممكن يكون بالفتنة دي ومش ممكن شعري لوحده يفتن الناس . طب دة مبرر لعدم الحجاب ؟؟ الأهم من كدة إن فيه شباب صغير ، ومسألة الفتنة أو عدمها نسبية ، وحتى لو مفيش فتنة خالص ، هل دة معناه إن النظر للمتبرجات اللي مش فيهم فتنة حلال ؟؟ وهل دة معناه إننا نجيب الصور دي للقسم الإسلامي؟؟

بالله عليكن أخواتي وإخوتي الفضليات والفضلاء
لا تكونوا عونا للشيطان علينا

[ڪــــبرياء الروح]

بارك اللله فيك

[ناصرعبده]

جزاك الله خيراً

[Big Brother]

جزاك الله خييييييييييييييييييييير

[sozan]

بارك الله فيك وجعل كل ماكتبت فى ميزان حسناتك
وكل عام وانت بخير

[mody766]

اقتباس
المشاركة الأصلية كتبت بواسطة عزہ النفس رمز لسمو ذاتے





بارك اللله فيك

شكرا لمرورك أختي الفاضلة عزة النفس

وجزاك الله بمثله

[mody766]

اقتباس
المشاركة الأصلية كتبت بواسطة ناصرعبده





جزاك الله خيراً

شكر الله لك أخي الفاضل والمشرف الرائع ناصر

شرفتني بمرورك

[mody766]

اقتباس
المشاركة الأصلية كتبت بواسطة ehsas81





جزاك الله خييييييييييييييييييييير

بارك الله فيك أخي الفاضل إحساس

نورت الصفحة

[mody766]

اقتباس
المشاركة الأصلية كتبت بواسطة sozan





بارك الله فيك وجعل كل ماكتبت فى ميزان حسناتك
وكل عام وانت بخير

وأنت بخير وصحة وسلامة وسعادة ، وأسرتك وجميع أحبابك أختي الفاضلة سوزان

نورتي الموضوع

[aya1994]

جزاك الله كل خير

جعلها الله في موازين حسناتك