عمرى ما تخيلت ان اقدر اعمل كدا...ولكن المضطر يركب ابو الصعب

[بنت العبد]

السلام عليكم ورحمة الله وبركاته
صباح\مساء النجاح والعزه لاغلى شباب وبنات فالدنيا
عمرك اتحطيط فموقف وظروف صعبه ولقيت نفسك بتتصرف وبتعمل حاجات
عمرك متخيلت انك تقدر تعملها فالظروف العاديه ؟ موقف يخليك تشيل
خوفك من قلبك وتحطه تحت رجليك علشان انت مضطر لكدا؟ ولكن يا
جماعه وعن تجربه المواقف هى اللى بتعملنا هى اللى بتخلينا نكتشف اننا
عندنا قوى وشجاعه مكناش نعرف عنها حاجه...مش هطول عليكم
كنت فى امتحانات ااخر العام وانا ساكنه فى دار مغتربات علشان كليتى
فى محافظه بعيده عن محافظتى اللى بعيش فيها والامتحانات كانت يوم ويوم
وطبعا مستحيل اروح واجى علشان بعد المسافه لكن لازم افضل فالسكن حتى
نهاية الامتحانات علشان اوفر الوقت والحق اراجع قبل الامتحان المهم..لحد نصف
امتحاناتى وكل شئ تمام وفيه بنات ساكنين معايا فدار المغتربات دى وبيمتحنوا هم كمان
وفيوم راجعه مالامتحان عالسكن ولقيت المبنى فاضى مفيش نفس فيه المهم ضربت
على واحده من الادره وسالتها قاليتلى يابنتى كله خلص امتحانات وروح لاهله وانتى
اللى لسه وكان فاضل 6 ايام على امتحاناتى متخلص وقالتلى خليكى لوحدك او اتصرفى
طب اعمل ايه؟لازم اقعد علشان امتحاناتى مينفعش اسافر انا بمتحن يوم ويوم . المهم
قررت انى اقعد فعماره 5 ادوار لوحدى .والمصيبه يا جماعه انى لقيتهم فصلين الكهرباء
عن المبنى كله عشان الفتوره وسيبين بس نور غرفتى والله حتى الحمام فصلين النور عنه
المهم انا كل اللى فدماغى مستقبلى وامتحاناتى تخلص على خير وزى مانا بتمنى المهم
قعدت.. خمس ادوار عليا لوحدى ولازم استحمل لمدة 6 ايام عالحال ده لحد مخلص واروح بلدى
العماره ضلمه كانها مكعب فحم بالليل وانا لوحدى وانا بذاكر بالليل لو القلم او كتاب وقع منى اخاف من
صدى الصوت لو كحيت او عطست اخاف من صوتى لو الهوا خيط الشباك روحى تروح منى
المصيبه ان غرقتى فالخامس والغرفه اللى مقابله لغرفتى بيقولوا انها عايزه تترمم ومقفوله
بقالها خمس سنين وكان البنات يقعدوا يحلفوا انهم بيسمعوا فيها جر الكراسى وخبط فيها
واصوات بس انا كنت بزعق فيهم واقلهم ده كلام فارغ بطلى تفاهه انتى وهى بس لما المبنى
فضى عليا الشيطان بقى يوسوسلى ويفكرنى بكلامهم علشان اترعب مع انى مش مقتنعه بالهبل
ده والله يا جماع زى مبقولكم كدا ..ولما كان الفجر يدن وانا بذاكر طبعا لازم اقوم اتوضا علشان اصلى
الحمام مفهوش نور افضل احسس لحد مدخل ملقيش مياه فالخامس لان الميه مبتوصلوش افضل احسس لحد الرابع وها كذا
لحد التانى الاقى فيه مياه تخيلوا ادخل 3 حمامات فالضلمه عشان الاقى ماء اتوضا واحنا عرفين ان الحمام مكان خبيث
ولازم يكون منور والله كان لما الليل يدخل قلبى كان يقف مالخوف واقول
لنفسي رحلة الرعب ابتدت بس اعمل ايه مستقبلى مفيش حل غير كدا بالليل كنت اخد الكتب واطلع
البلكونه واقفل على نفسي من بره علشان اقنع نفسي انى مع الناس اللى تحت فالشارع دول
انا مش لوحدى انا مع العالم اللى بره ده مش العالم المخيف الضلمه اللى ورايا والله متعرفوش
ربنا الهمنى الصبر فالرعب ده لحد مخلصت االامتحانات وروحت لاهلى
المهم ياا جماعه انى بعد مروحت بلدى ووصلت بيتى اسال نفسي معقوله انا عملت كدا؟
معقوله قلبى جامد للدرجه دى ؟مع انى فالطبيعى بخاف مش ممكن حتى اطلع على سطح البيت
او انزل الجنينه بالليل من غير بابا او اخويا ياااااااااه 6 ايام من الرعب والتحدى مع النفس ومذاكره بجد.
ياترى يا جماعه المضطر يركب الصعب ؟
وممكن صعوبة الموقف تخلينا نعمل اللى ميتعملش؟
طب لو حد حصله موقف ياريت يحكلنا .
دمتم كما تحبوا

[ٍStranger]

لك تحياتي يا بت العبد .. موقف في غاية الرعب لكل فتاة .. لكن أنت شجاعة .. التفكير في مستقبلك وتصميمك على إحراز النجاح هو الذي مداك بالقوة والعزيمة .. صراحة لو كان هذا الموقف حصل لرجل لتملكه الخوف .. مرات كثيرة الإنسان يواجه مواقف في غاية الصعوبة .. وهنا تظهر شخصية الإنسان ..هذا يدل على أنك يا بنت العبد تملكين قوة إرادة وتصميم وشجاعة قل أن تتوفر في كثير من النساء ..

[special girl]

السلام عليكم روحمته الله وبركاته:


اولا انا بحيكي طبعا علي شجاعتك العاليه وبجد


ربنا يوفقك ان شاء الله.


اكيد الانسان بيكون جواه في حاجات هو نفسه ميعرفش انه


ممكن يكون جواه كل الحاجات دي ولكن مع ظروف الحياه والضغط


غصب عنه بيعرف حاجات عن نفسه اكتر بيتعلم وبكون اقوي مع الوقت


انا صراحه اتحطيط فعلا في مواقف متخيلتش ممكن اعملها


بس هي مواقف بسيطه قوي


مثلا وانا صغيره في يوم بابا حصلت ظروف في شغله وسابني وانا عندي


سنتين ونص مع اختي وهي عندها اسبوع


وعيطت ومعرف ازاي سكتها واعدت معاها معرف ده حصل ازاي في سني الصغير ده


ولكن الانسان بيعمل حاجات هو نفسه ميعرفش انه ممكن يعملها ابدا.


تحياتي لكي.

[ماتركس]

السلام عليكم ورحمه الله وبركاته
بنت العبد
موووضووعك ده يعني مفهوش اضرار لااي شي
علشان نركب الصعب فيه
اول شي موضوع الخوف والرعب اللي اتكلمتي عنهم دووال ميجوش اي حاجه كانت الواحد بتحصلو زمان
لكن طبعا الواحد هيعزرك انك بنت
انا طبعا مبحبش اجامل واقعد اقوالك زي الاعضاء التنين واقووالك ياااه ده موقف صعب يا مسكينه انتي اتحملتي ازاي والكلام
ده لا انا سمحيني انا لما برد علي حد برد بصراحه مبحبش اجامل
مووقفك ده نفعك انتي اولا كسر الخووف اللي جواكي اللي هوه من الاساس
مفيش خووف بس بتعتبر تهيئات عبيطه بس الانسان مننا بيكبرها
علي الفاضي اولا مفيش عفريت الا بنادم
ثانيا ربنا قال بذكر الله تطمئن القلوب
يعني دايما اذكري ربنا وهوه هيقف جنبك ويحافظ عليكي من كل شي
النفس طماعه وجبانه مفيش حاجه بتشبع النفس
غير حاجه واحده وهيه مذاق الايمان ونعم بالله
اذقيها من ايمان ربنا بذكر ربنا وهوه ربنا هيثبتك
وهيقف جنبك متدعيش غير لربنا
متتكلميش غير معا ربنا
هوه الوحيد اللي عالم بحالنا
والسلام عليكم ورحمه الله وبركاته
اعزريني علي صراحتي

[بنت العبد]

اقتباسالمشاركة الأصلية كتبت بواسطة ٍStrangerلك تحياتي يا بت العبد .. موقف في غاية الرعب لكل فتاة .. لكن أنت شجاعة .. التفكير في مستقبلك وتصميمك على إحراز النجاح هو الذي مداك بالقوة والعزيمة .. صراحة لو كان هذا الموقف حصل لرجل لتملكه الخوف .. مرات كثيرة الإنسان يواجه مواقف في غاية الصعوبة .. وهنا تظهر شخصية الإنسان ..هذا يدل على أنك يا بنت العبد تملكين قوة إرادة وتصميم وشجاعة قل أن تتوفر في كثير من النساء ..
اشكرك سترنجر فمرورك نور مصفحتى
فى انتظار جديدك فى المكان الذى يليق
بقلمك الساحر..

[بنت العبد]

اقتباسالمشاركة الأصلية كتبت بواسطة speciel girlالسلام عليكم روحمته الله وبركاته:


اولا انا بحيكي طبعا علي شجاعتك العاليه وبجد


ربنا يوفقك ان شاء الله.


اكيد الانسان بيكون جواه في حاجات هو نفسه ميعرفش انه


ممكن يكون جواه كل الحاجات دي ولكن مع ظروف الحياه والضغط


غصب عنه بيعرف حاجات عن نفسه اكتر بيتعلم وبكون اقوي مع الوقت


انا صراحه اتحطيط فعلا في مواقف متخيلتش ممكن اعملها


بس هي مواقف بسيطه قوي


مثلا وانا صغيره في يوم بابا حصلت ظروف في شغله وسابني وانا عندي


سنتين ونص مع اختي وهي عندها اسبوع


وعيطت ومعرف ازاي سكتها واعدت معاها معرف ده حصل ازاي في سني الصغير ده


ولكن الانسان بيعمل حاجات هو نفسه ميعرفش انه ممكن يعملها ابدا.


تحياتي لكي.


اشكرك حبيبتى لمرورك الذى عطر صفحتى
كل الفكرة التى اقصدها ان المواقف تجعلنا
نتصرف ونواجه الواقع بشجاعه مع ان
فالظروف العاديه يستحيل ذلك..
لك تحياتى دمتى جميلة الجميلات

[بنت العبد]

اقتباسالمشاركة الأصلية كتبت بواسطة ماتركسالسلام عليكم ورحمه الله وبركاته
بنت العبد
وعليكم السلام ورحمة الله وبركاته
وموووضووعك ده يعني مفهوش اضرار لااي شي
علشان نركب الصعب فيه
اعتقد انه فيه( الاضطرار) هو انهاء امتحاناتى على مايرام واروح بلدى و(الصعب )انى افضل لوحدى وانا بنت فى بلد غريبه فى سكن ضخم لوحدى ومفهوش نور وابات فيه بالليل وانا اساسا بخاف .
اول شي موضوع الخوف والرعب اللي اتكلمتي عنهم دووال ميجوش اي حاجه كانت الواحد بتحصلو زمان
انا قلت اللى عنده موقف يحكى علشان تؤكد فكرتى ان الظروف ممكن تخلينا نضطر نعمل حاجات متخيلناش اننا ممكن نعملها فالظروف العاديه.
لكن طبعا الواحد هيعزرك انك بنت
انا طبعا مبحبش اجامل واقعد اقوالك زي الاعضاء التنين واقووالك ياااه ده موقف صعب يا مسكينه انتي اتحملتي ازاي والكلام
ده لا انا سمحيني انا لما برد علي حد برد بصراحه مبحبش اجامل
اكره المجامله
مووقفك ده نفعك انتي اولا كسر الخووف اللي جواكي اللي هوه من الاساس
مفيش خووف بس بتعتبر تهيئات عبيطه بس الانسان مننا بيكبرها
علي الفاضي اولا مفيش عفريت الا بنادم
انا كمان قلت ان البنات هم اللى كانوا بيقولوا كدا لما كانوا ساكنين طول السنه وانى مبعتقدش فالكلام الفارغ ده وقلت ان الشيطان هو اللى بيفكونى بكلامهم زمان علشان اخاف اكترمع انى اساسا عارفه ان مفيش حاجه اسمها عفاريت.
ثانيا ربنا قال بذكر الله تطمئن القلوب
يعني دايما اذكري ربنا وهوه هيقف جنبك ويحافظ عليكي من كل شي
النفس طماعه وجبانه مفيش حاجه بتشبع النفس
غير حاجه واحده وهيه مذاق الايمان ونعم بالله
اذقيها من ايمان ربنا بذكر ربنا وهوه ربنا هيثبتك
وهيقف جنبك متدعيش غير لربنا
متتكلميش غير معا ربنا
هوه الوحيد اللي عالم بحالنا
اشكرك لرايك ولك الحق كل الحق هو دا اللى كنت بعمله بالضبط
والسلام عليكم ورحمه الله وبركاته

اعزريني علي صراحتي
لا تعتزر انا قلت اللى كنت حاسه بيه بصراحه وانت قلت رايك بصراحه
الفكره كلها انى اقول ان فيه مواقف معينه صعبه بنتحط فيها وبنتصرف
بشجاعه (الى حد ما)وبنكسر الخوف علشان مصلحتنا مع ان لو فالحاله
الطبيعيه نخاف نعمل كدا .هو دا كل ما اقصده .مش المهم الموقف ايهفيه فروق مثلا بين بنت وولد وفيه حد بيخاف اصلا وحد مبيخفش المهم الفكره...اشكرك لرايك وخربشتك اللطيفه على مصفحتى ..دمت كما تحب ان تكون

[حياتي ذكريات]

السلام عليكم

هو موقف صعب على بنت بصراحة تكون مغتربة لوحدها وفي مكان مخيف
وبيحيكي على شجاعتك انا لو بدالك كنت جبت حد من اهلي معايا
اخواني او مامتي او واحده صاحبتي على الاقل يكون ليا ونيس
ولاني بكره الضلمة جدا بسبب مواقف من صغري
وصعب كمان ان الواحد يعيش 6 ايام بدون نور ومية الا بالعافية
اكيد الشيطان هيلعب في دماغ الواحد مرة ولا اتنين لو سمعتي صوت
وفي النهاية هتكتشفي ان كان فيه سبب مقنع للصوت ده
كفاية بس انك تخافي ان حد يدخل عليكي لما يعرف انك لوحدك
ودي بتحصل كتير جدا
وفعلا احيانا كتير الانسان بيعمل حاجه ما كانش متوقعها ولا على باله
بس اديكي استفدتي من تجربتك واكتسبتي شجاعه وتحدي

ربنا يوفقك دايما ان شاء الله
دمتي بخير

[محمد الشريف]

الفاضلة / بنت العبد


يقول الله تعالى :

" ومن يتق الله يجعل له من أمره يسرًا"

بالرغم من ظروفك التى شرحتيها وملابساتها لكونك فتاة

توكلتى على الله وأسلمتى أمرك له فى سبيل سعيك فى طريق

العلم فسبحانه وتعالى خير حافظك بل وحفظك وصانك وملأ

قلبك إيمانا ، وأنى أهنئك على تلك الشجاعة وطمأنية قلبك

فى كل لحظة مرت بك فى تجربتك الدالة على ثقتك بالله

وبنفسك . أدام الله عليكى ستره وظللك بما يأمنك ويحفظك

وتقبلى موفور احترامى

[عذب المشاعر]

اقتباسالمشاركة الأصلية كتبت بواسطة ماتركسالسلام عليكم ورحمه الله وبركاته
بنت العبد
موووضووعك ده يعني مفهوش اضرار لااي شي
علشان نركب الصعب فيه
اول شي موضوع الخوف والرعب اللي اتكلمتي عنهم دووال ميجوش اي حاجه كانت الواحد بتحصلو زمان
لكن طبعا الواحد هيعزرك انك بنت
انا طبعا مبحبش اجامل واقعد اقوالك زي الاعضاء التنين واقووالك ياااه ده موقف صعب يا مسكينه انتي اتحملتي ازاي والكلام
ده لا انا سمحيني انا لما برد علي حد برد بصراحه مبحبش اجامل
مووقفك ده نفعك انتي اولا كسر الخووف اللي جواكي اللي هوه من الاساس
مفيش خووف بس بتعتبر تهيئات عبيطه بس الانسان مننا بيكبرها
علي الفاضي اولا مفيش عفريت الا بنادم
ثانيا ربنا قال بذكر الله تطمئن القلوب
يعني دايما اذكري ربنا وهوه هيقف جنبك ويحافظ عليكي من كل شي
النفس طماعه وجبانه مفيش حاجه بتشبع النفس
غير حاجه واحده وهيه مذاق الايمان ونعم بالله
اذقيها من ايمان ربنا بذكر ربنا وهوه ربنا هيثبتك
وهيقف جنبك متدعيش غير لربنا
متتكلميش غير معا ربنا
هوه الوحيد اللي عالم بحالنا
والسلام عليكم ورحمه الله وبركاته
اعزريني علي صراحتي
عندك حق طبعا واايدك برضو بان مفيش حاجه اسمها خوف بس احب اضيف انها تصرفت بشجاعه كبنت لان

وضع الاحساس بالخوف بيختلف بين البنت والولد احساس الخوف بالنسبه للولد بيبقا ضعيف جداا والاغلبية الولاد مبيخفوش من حاجه بس طبعا احنا بنشجعها على تصرفها ده وربنا ويوفقها ويوفقنا