هتتغير ازاي؟؟

[FarEdah]

/

لو طلب حد منك قريب منك مثلا والدك والدتك ، اختك اخوك، حببتك حبيبك ، معلمك استاذك....
عادة سيئة من عاداتك الشخصية التي تشعر بانها فيك اصلا

( هل توقفها على طول...؟؟)

اظن ان معظمنا مش هيوافق... وكمان ممكن يصطدم مع الاخرين الي بيحاولو يغيروه بشكل مباشر

/

بس التغير له اصول لاننا بحاجة الى وقت طويل وصبر عشان نوصل للنتيجة المطلوبة ، الموضوع عايز تدريج لتحقيق نتائج مرضية

يقال( لو اردت ان تغير عادة فانك تحتاج الى مدة لا تقل عن واحد وعشرين يوما تجاهد نفسك خلالها لتتخلص من عادة سيئة او ان تكسب عادة حسنة)

وهذا مانحتاج ليه فعلا لما نيجي ننصح حد ونستعجل في ضرورة مشاهدة مظاهر التغير مباشرة بعد منتكلم معاهم او ننقد سلوكهم

احنا بنظلم نفسنا وغيرنا لما مبنشوفش نتيجة التغير بشكل سريع

يقال ( التعليم في الصغر كالنقش على الحجر ) ودا الي احنا محتاجينو غرس بذور جميلة في سن مبكر من العمر مع متابعة مستمرة ورعاية حتى تتكون العادات والسلوكيات السليمة والايجابية من البداية

ودا هيخلينا منستعجلش في قطف ثمار التغير على الي حولينا ويهمونا

/

كلمة قبل السؤال:-

اذا اردنا ترك بصمة التغير لافضل في نفوس الي حوالينا وفي مجتمعنا لازم نتحلى بالصبر والمثابرة وانتظار النتيجة في الوقت المناسب

/

السؤال:-


- ياترى حصلك ان حد طلب منك تغير عادة فيك ، او انت طبلت من حد تغير عادة معينة وجالك احباط او جيبت لغيرك احباط من عدم سرعة النتيجة في التغير ؟

- نفسك تغير ايه فيك ؟ وتستبدلها بايه؟

- مين اكتر حد ليه تاثير عليك في موضوع تغير العادات؟

- تفتكر الصراحة مع النفس في التغير مهمة لاي درجة، وانت صريح مع نفسك وعارفها يعني فاهمها وقادر تسيطر عليها وتغيرها؟

/

تحياتي للجميع

[lost]

بسم الله الرحمن الرحيم

-ياترى حصلك ان حد طلب منك تغير حاجة فيك أو انت طلبت من حد يغير عادة معينة وجالك احباط أو جبت لغيرك احباط لعدم سرعة النتيجة في التغيير؟
آه أهلي وأصحابي بيطلبوا مني اني أغير عادات في نفسي
وكمان أنا ساعات بأطلب من أصحابي وأهلي انهم يغيروا حاجات في شخصيتهم

-نفسك تغير ايه فيك؟ وتستبدلها بايه؟
الحاجة اللي نفسي أغيرها بجد هي ثقتي بنفسي لأنها تقريبا منعدمة
وكمان بجد نفسي اني لما أزعل ما أزعلش أوي لأني بجد بأتعب جدا لما بأكون زعلانة وكل تفكيري بيكون على الحاجة اللي مضيقاني وبس
نفس أعرف أكبر دماغي ويكون عندي ثقة في نفسي ولو حتي قليلة

-مين أكتر حد ليه تأثير عليك في موضوع تغيير العادات؟
أهلي وأصحابي

-تفتكر الصراحة مع النفس مهمة لأي درجة؟وانت صريح مع نفسك يعني فاهمها وقادر تسيطر عليها وتغيرها؟
بيتهيئلي مفيش حد مش صريح مع نفسه لأنه مهما حاول انه يكدب على نفسه هتفضل في حاجة جواه مخلياه مش مصدق
بالنسبة ليا الحمد لله صريحة مع نفسي لكن لسة في حاجات مش عارفة أغيرها

مشكوووووووووورة على الطرح الرائع

[~♥ Queen sozan♥~]

السلام عليكم ورحمة الله وبركاته


- ياترى حصلك ان حد طلب منك تغير عادة فيك ،
اةةةة

او انت طبلت من حد تغير عادة معينة وجالك احباط او جيبت لغيرك احباط من عدم سرعة النتيجة في التغير ؟

وانا طلبت لكن مجليش احباط ولا حاجة
لان انا لفت النظر ليهم اتغيرو اوك متغيروش هلفت نظرهم تانى وتالت

- نفسك تغير ايه فيك ؟

اغير من نفسى اية
اغير نظرتى لى المجتمع
مش عيزة اشوف كل حاجة بوضوح كدة
عيزة
اشوف لى الان
مبصش لى قدام اوى
لان بجد حاجة تتعب لم تعيش حياتك
كله با الورقة والقلم
وتكونى بظبطاها لو عملتك كدة هيكون غلط
ولو عملت كدة الناس هتتكبم
ولو مشيت كدة الموشوار بعيد
والله انا انا بقول لى البنات صحابى يا بختكم عشان مش بيفكرو
قبل اى حاجة
بينفزو وخلص وزى ما تيجى
وهو غلط بردو لكن عيشين الواقع
وتستبدلها بايه؟

براحة العقللل

- مين اكتر حد ليه تاثير عليك في موضوع تغير العادات؟

اهلى واصدقائى يعنى البنات لى قريبين منى اووووووى

- تفتكر الصراحة مع النفس في التغير مهمة لاي درجة،
100%
وانت صريح مع نفسك وعارفها يعني فاهمها وقادر تسيطر عليها وتغيرها؟

اة الحمدلله

شكرا على موضوعك

[FarEdah]

lost

نورتيني برايك حببتي

مشكورة

[FarEdah]

همسღ الجراح

نورتني بردك ياقمر

تسلمي

[حياتي ذكريات]

السلام عليكم

جميل ان الانسان يسعى للتغيير .. أو بالتحديد يسعى لتغيير صفة سيئة فيه

أو عاده زاولها سنين ومش عارف يتخلص منها

هقولك حاجه لو انسان اتعود على صفة او عاده بيعملها من 10 سنين

مش معقول يتخلص منها في شهر أو حتى اتنين .. لانه كل ما كانت المده طويلة

كل ما كان صعب على الانسان يتخلى عنها بسبب تعودو عليها

زي اللي بيشربو سجاير بالضبط مش بيعرفو يبطلوها في شهر او حتى 4 اشهر

وفيه اللي بيعد سنين يتعالج من ادمان السجاير .. بسبب التعود عليها

فانا مثلا لو شفت فيا صفة سيئة او حد نصحني من صحباتي أو أهلي

وحاولت أوقفها أو إني أعدلها مش هحبط لو قعدت احاول شهور عشان أكيد بحس

ان فيه تغيير حاصل في حياتي والتغيير عموما شيء مش بالسهل

لكن كل حاجه انا بمشيها بالتعود .. لو حاجه مش مريحاني بكرة أتعود عليها

أو حاجه صعبة عليا بكرة تبقى أسهل .. والحياة تعود

وفي رأيي الصراحة مع النفس من أهم الأشياء المؤدية للتغيير

يعني لو ما صارحتش نفسي إزاي هوصل لنتيجة أنا عايزاها

لازم أفهم نفسي الأول كويس وأفهم انا عايزة ايه عشان أعرف أغير من نفسي

طرح جميل وشيق منك .. تسلم الأيادي .. تحياتي

[حبرالقمر]

السلام عليكم ورحمة الله وبركاته
اختي العزيزه شكرا على الطرح المميز
انا بقول ان الانسان اهم حاجه يكون عنده قناعة التغيير يعني هوه يكون عايز يتغير مش الي حوليه بس همه الي شيفين كده لان ده مش كفايه
ولو الامر وصل لعاده فصعب جدا انها تتغير ان لم يكن مستحيل ومع ذلك فبالاراده كل شئ ممكن لكن صعب
عشان كده الانسان يلاحظ صفاته السيئه ويحاول يغيرها ابل ماتبقى عادات يصعب تغيرها
تقبلي م ر و ري اختك حبـــــــــــــــر القمـــــــــــــــــــــــــر

[♥..pure]

السلام عليكم

موضوع التغير دة صعب جدا وبيختلف من شخص للتانى

يعنى ممكن تلاقى شخص قابل للتغيير او بمعنى اصح محب للتغيير

بيحب يغير كل حاجة حتى نفسه لو لقى حاجة غلط بيحاول يغير فيها للاحسن

وبالعكس للاشخاص التانيه اللى بيبقوا خلاص اتعودوا على حاجة

وصعب انك تغيرها مهما عملتى زى الصفات الموروثه او الحاجات المفضله

بيكون الانسان مقتنع بيها ميه فى الميه فصعب انك تغيره من يوم وليله

عن نفسى بحب التغير بس مش معنى كدة انى اغير حياتى بسهوله

لا طبعا على حسب الشئ اللى انا هتغيرله وهتغير ليه وعشان مين

كل دى تساولات لازم اسألها لنفسى قبل ما اعمل اى حاجة

واكيد انها حاجة حلوة ان الانسان يداوم على انه يغير الغلط

او يغير علطول عشان الملل والزهق اللى بنحس بيه

تسلمى يا قمر على التوبيك

بالتوفيق ،،،

[FarEdah]

اقتباس
المشاركة الأصلية كتبت بواسطة حياتي ذكريات





السلام عليكم

جميل ان الانسان يسعى للتغيير .. أو بالتحديد يسعى لتغيير صفة سيئة فيه

أو عاده زاولها سنين ومش عارف يتخلص منها

هقولك حاجه لو انسان اتعود على صفة او عاده بيعملها من 10 سنين

مش معقول يتخلص منها في شهر أو حتى اتنين .. لانه كل ما كانت المده طويلة

كل ما كان صعب على الانسان يتخلى عنها بسبب تعودو عليها

زي اللي بيشربو سجاير بالضبط مش بيعرفو يبطلوها في شهر او حتى 4 اشهر

وفيه اللي بيعد سنين يتعالج من ادمان السجاير .. بسبب التعود عليها

فانا مثلا لو شفت فيا صفة سيئة او حد نصحني من صحباتي أو أهلي

وحاولت أوقفها أو إني أعدلها مش هحبط لو قعدت احاول شهور عشان أكيد بحس

ان فيه تغيير حاصل في حياتي والتغيير عموما شيء مش بالسهل

لكن كل حاجه انا بمشيها بالتعود .. لو حاجه مش مريحاني بكرة أتعود عليها

أو حاجه صعبة عليا بكرة تبقى أسهل .. والحياة تعود

وفي رأيي الصراحة مع النفس من أهم الأشياء المؤدية للتغيير

يعني لو ما صارحتش نفسي إزاي هوصل لنتيجة أنا عايزاها

لازم أفهم نفسي الأول كويس وأفهم انا عايزة ايه عشان أعرف أغير من نفسي

طرح جميل وشيق منك .. تسلم الأيادي .. تحياتي




انا معاكي لازم نعرف احنا عايزين ايه وهنعمل ايه عشان نقدر نقرر التغير الي عايزينو والي حوالينا عايزين يشوفو
وفي حاجة كمان احيانا الناس بتمثل انها اتغيرت وانها قدرت ع نفسها بس عشان تهرب من انتقادات الناس لانها هي مش قادرة تغير نفسها او تعمل الي حواليها عايزو منها ولانها محتاجة الوقت الي مع نفسها تقدر تاخدو وبقوة لغاية متتغير بجد وبدون متنافق حد

/

نورتيني حببتي تسلمي ع المرور

[FarEdah]

اقتباس
المشاركة الأصلية كتبت بواسطة dr.pharma





السلام عليكم

موضوع التغير دة صعب جدا وبيختلف من شخص للتانى

يعنى ممكن تلاقى شخص قابل للتغيير او بمعنى اصح محب للتغيير

بيحب يغير كل حاجة حتى نفسه لو لقى حاجة غلط بيحاول يغير فيها للاحسن

وبالعكس للاشخاص التانيه اللى بيبقوا خلاص اتعودوا على حاجة

وصعب انك تغيرها مهما عملتى زى الصفات الموروثه او الحاجات المفضله

بيكون الانسان مقتنع بيها ميه فى الميه فصعب انك تغيره من يوم وليله

عن نفسى بحب التغير بس مش معنى كدة انى اغير حياتى بسهوله

لا طبعا على حسب الشئ اللى انا هتغيرله وهتغير ليه وعشان مين

كل دى تساولات لازم اسألها لنفسى قبل ما اعمل اى حاجة

واكيد انها حاجة حلوة ان الانسان يداوم على انه يغير الغلط

او يغير علطول عشان الملل والزهق اللى بنحس بيه

تسلمى يا قمر على التوبيك

بالتوفيق ،،،




صح الجميل فعلا اننا نداوم ع البحث جوانا عشان نغير فينا ونجدد لاحسن والافضل الي بنتمناه عشانا الاول وبعدين للي حوالينا

نورتيني حببتي تسلمي ع المرور