::: الاكلة المفضلة ؟؟::: للنقاش

[hema elngm]

السلاام عليكم


ليكم وحشة والله >>


انهاردة هنتكلم عن موضوع الاكلاات المفضلة بما ان الغذاء جزء مهم من حياة الانسان


تفتكر حب الاكلاات نوع من الزوء للانسان ؟؟


اية اللى بفرض حب الانسان للاكلة المعينة >> طعمها ولا طبيعة جسمة ؟؟

هى ممكن الانسان غير الوجبات اللى بيحبها والعكس عنى حب اللى كان بكره اكلها؟؟



وشوة اسئلة شخصية بقاا


اية هى اكلتك المفضلة؟؟

بتميل للموالح ولا الحاجات المسكرة اكتر >>الحلويات؟؟

كلمنا اكلاات مش بتحبها والسبب فى انك مش بتحبها؟؟



سؤال خاص للبنات


لية نسبة كبررررررررة جداا بيعشقو البشمل والمحشى؟؟؟


اية اكتر اكلاات بتتعرفى تعمليها ؟؟

سؤال للصبيان


اية رائيك فى اكل البيت ولا التيك اووى والمحلاات ؟؟

مين اكتر حد بتحب تاكل من ايدة؟؟




طبعا هو الموضوع فية نوع من التغير >> اتمنى انو يعجبكم واشوف تفاعلكم

[حبرالقمر]

السلام عليكم ورحمة الله وبركاته
مرسي هيمه على الطرح الرائع
بالنسبه للاكل تقدر تعتبره اختيار زي اللبس او اي حاجه تانيه

اية اللى بفرض حب الانسان للاكلة المعينة >> طعمها ولا طبيعة جسمة ؟؟
بصراحه سؤال محير تقريبا طعمها
اية هى اكلتك المفضلة؟؟
البيتزا ..............

بتميل للموالح ولا الحاجات المسكرة اكتر >>الحلويات؟؟
الموالح بس لازم اعدل يعني لما اكل حاجه ملحه اكل على طول حاجه مسكره والعكس نفسي بتجزع بسرعه

كلمنا اكلاات مش بتحبها والسبب فى انك مش بتحبها؟؟
الاولآس او القلقاس ده لايمكن اكله لانه طري جدا والسمك بسبب رحته وزفارته
لية نسبة كبررررررررة جداا بيعشقو البشمل والمحشى؟؟؟
ههههههههههههه معرفش يمكن طفاسه اصلها بتشبع


اية اكتر اكلاات بتتعرفى تعمليها ؟؟
هههههه الشاي والبيض
مرسي تقبل م ر و ري اختك حبــــــــر القمــــر

[نانـــــو]

تفتكر حب الاكلة بمثابة ذوق خاص لكل انسان عن الاخر ؟

اكيد يا هيما كل واحد حر فى اختيار اكلته

ايه الى بيفرضها على انسان ؟

هههههههههههههههههههههه
والله دى بقى هيما دى طبيعة وخصائص كل واحد فينا مختلف فينا عن الاخر فى الاسباب

هو ممكن الانسان يغير الوجبات الى بيحبها ؟

اكيد اه يا هيما اسئلتك غريبة اوى

ايه اكلتى المفضلة ؟

فراخ وسمك

بتميل للموالح والمسكر ؟

كنت زمان باكل الموالح ومبكلشى سكريات انا ضد السكر تماما
انما دلوقتى مبقتش ليا فى الموالح اطلاقا والسكر كده كده مليش فيه

كلمنا عن اكلات مش بتحبها والسبب ؟

كتير اكلات مش بتحبنى علشان حرام نقول العكس
قول انا باكل ايه
لسان عصفور وفراخ وسمك ولحمة و المحاشى بس مش مش باكل فيها كتير كتيرى صابعين
ده اكلى الباقى مش باكله لا طبيخ بانواعه ولا الكلام ده
رشاقة بقى هههههههههههههههههههههههههه
هههههههههههههههههههههههههه
السبب لانى بهتم بالوزن جدا وبعيدة عن اى دهون بهتم بالرشاقة اكتر
ليه اغلب البنات بيحبوا الباشميل والمحاشى ؟
انا عن نفسى عادى زى ما قلتلك فوق الاكل عمره مكان فى دماغى احنا بناكل علشان نعيش مش نعيش علشان ناكل ده مبدائى

ايه اكتر اكلة بعرف اعملها ؟

هههههههههههههههههههههههههههههه بلاش احراج
كله ماعدا الارز للاسف مبعرفش اعمله

ايه رائى فى اكل البيت ولا التيك واى والمحلات ؟

اكيد اكل البيت نضيف وصحى
بس للاسف وقت الدراسة اكلى كله تيك واى
مين اكتر حد بحب اكل من ايده ؟
ست الحبايب وحبيبة قلبى انا ماما

يسلمووووووووووووووووووووووووووو ياهيما موضوع جميل

[FarEdah]

تفتكر حب الاكلاات نوع من الزوء للانسان ؟؟

انا بعترف ان الاكل نوع من انواع الزوء اختيارو تنسيقو تدوقو طقوسو كلها ليها فن يعني مش اكل هحطو في طبق وخلاص واكلو احنا بناكل عشان نعيش يعني نستمتع بالحاجة بشطلها بطعمها كدا يعني

/

اية اللى بفرض حب الانسان للاكلة المعينة >> طعمها ولا طبيعة جسمة ؟؟

هي في العلم لكل جسم اكل يناسبو بس في العام احنا بناكل الاكل الي بنستطعمو ونحبو

/

هى ممكن الانسان غير الوجبات اللى بيحبها والعكس عنى حب اللى كان بكره اكلها؟؟

في اكل بترتبط بيه بمواقف معينة يعني ياتحبو يتبطل تاكلو يا تكرهو واستغفر الله ع النعمة

/

اية هى اكلتك المفضلة؟؟

انا بحب السمك موت موت

/

بتميل للموالح ولا الحاجات المسكرة اكتر >>الحلويات؟؟

بحب الاتنين بس الموالح ليها مذاق لا يقاوم وتطوير باستمرار وتجديد

/

كلمنا اكلاات مش بتحبها والسبب فى انك مش بتحبها؟؟

بص ياسيدي انا كنت باكل السبانخ وبحبها اوي لما كنا نروح عند جدتي يوم الجمعة لو هي عاملة سبانخ كانت بتعبيلي الطبق وانا صغيرة كلي متخليش حاجة في طبقك خلصي طبقك بنتك ضعيفة كدا ليه مش بتاكل ليه وتحطلي في طبقي لغاية محس ان الطبق الاكل هينزل من جوانبو لغاية ماقالتلي كلمة ( كلي دي السبانخ كلها حديد) سعتها بقا انا حسيت اني شميت ريحة حديد المفاتيح وانا اصلا بقرف اوي من ريحة الحديد والله من يوميها الموضوع دا ليه 10 سنين محطتش السبانخ في بوقي ولا بخلي مامي تطبخها الا لو انا متاخرة في الكلية وهاكل برا

/

لية نسبة كبررررررررة جداا بيعشقو البشمل والمحشى؟؟؟

انا مش بفضلهم كتير بس المحشي اكلة مصرية معتبرة يعني مفيش سفرة متلاقيش فيها محشي ويمكن عشان البنات مايلة اكتر للنشويات فعشان كدا

/

اية اكتر اكلاات بتتعرفى تعمليها ؟؟

عندنا في الصعيد صعب اوي تلاقي بنت مبتعرفش تطبخ الاكل العادي الي هو طبيخ ورز بس مع التلفزيون والفضائيات وبرامج الطبخ اتعلمت كتير عشان كدا بعرف اتقن واتفنن في السمك بانواعو بكل الي جنبو من رز وسلطات وشوربة وعصير، بعرف اعمل معجنات للشاي ، بعض الحلويات مش كلها، انواع شوربة ، سندوتشات ، سلطات،مشويات كدا يعني
و اتعلمت من ماما واختي كتير ربنا يخليهم ليا

/

توبيك جميل اوووووووووووي بجد وفيه فعلا تغير

[الأميرة منة]

اية هى اكلتك المفضلة؟؟

مش حاجة معين بس ممكن البيتزا

بتميل للموالح ولا الحاجات المسكرة اكتر >>الحلويات؟؟

انا بموووووت فى الموالح بس مابحبش المسكر اوى يعنى ممكن اخد حتة صغننة خالص بس مابقدرش استحمل السكر كتير الا لو كان قليل خالص

كلمنا اكلاات مش بتحبها والسبب فى انك مش بتحبها؟؟


انا مابحبش الخضار

سؤال خاص للبنات


لية نسبة كبررررررررة جداا بيعشقو البشمل والمحشى؟؟؟


مافتكرش البنات بس بس انا فعلا بحب المحشى جدا بعشقه واحب اكل اى اكله فيها بشمل بتفتح النفس لما بشوف شكلها كده حتى لو فى اكله مابحبهاش معمولة بالبشمل اكلها بس عشان البشمل اللى فيها

اية اكتر اكلاات بتتعرفى تعمليها ؟؟

احم احم ليه الاحراج ده هههههههه
والله نفسى اتعلم بجد ونفسى اتعلم كمان الاكلات الصعبة بتتعمل ازاى وكده
مش فرحانة او فخورة انى مابعرفش لانى عارفة
انى لازم اتعلم وهاضطر اعمل لنفسى اكيد بعد كده
بس مش عارفة ليه ماجربتش
بس بعمل فروت سلات جامد ماحدش بياكله غيرى ههههههههه


توبك جميل اوى
بالتوفيق

[yara5]

تفتكر حب الاكلاات نوع من الزوء للانسان ؟؟
اكيد طبعا الاكل دا ذوق


اية اللى بفرض حب الانسان للاكلة المعينة >> طعمها ولا طبيعة جسمة ؟؟ لا طبعا طعمها

هى ممكن الانسان غير الوجبات اللى بيحبها والعكس عنى حب اللى كان بكره اكلها؟؟ من وجهت نطري مش ممكن ابدا






اية هى اكلتك المفضلة؟؟

طبعا المحشي هو في غيره

بتميل للموالح ولا الحاجات المسكرة اكتر >>الحلويات؟؟
ولا دي ولا دي
باكل الاتنين قد بعض
عادي يعني

كلمنا اكلاات مش بتحبها والسبب فى انك مش بتحبها؟؟
مش بحب الجبنه خالص
وعمري ما دقتها
ولا اعرف طعمها ايه
وليه دي مش عارفه انا طلعت كده



سؤال خاص للبنات


لية نسبة كبررررررررة جداا بيعشقو البشمل والمحشى؟؟؟
هههههههههههههههههههه
والله مش عارفه بس مش البنات بس الي بيحبوها
الشعب المصري كله



اية اكتر اكلاات بتتعرفى تعمليها ؟؟

كل حاجه بعرف اعملها
طبعا كلكم بتقولوا هيه بتكدب دلوقتي
بس والله كل حاجه بعرف اعملها
لاني بقف في المطبخ مع ماما علي طول
واتعلمت كل حاجه


اية رائيك فى اكل البيت ولا التيك اووى والمحلاات ؟؟
لا طبعا اكل البيت
هوه في زي اكل البيت
بس في ناس بتطر انها تاكل التيك اوي
يعني بيكون عندهم ظروف
ناس عيانه ومش قادرة تطبخ
ناس مش بتعرف تطبخ كده يعني

مين اكتر حد بتحب تاكل من ايدة؟؟
ماما طبعا
وماعرفشي اكل من ايد حد تاني
بحس اني الاكل مش حلو
اتعودت علي اكلها بقي

ميرسي جدااااااا
علي التوبيك الجميل
وجه في وقته
بما اننا في رمضان والاكل بقي والحاجات دي
ههههههههههههههه

[جميلة مصر]

اية اللى بفرض حب الانسان للاكلة المعينة >> طعمها ولا طبيعة جسمة ؟؟
اعتقد طعمها
هى ممكن الانسان غير الوجبات اللى بيحبها والعكس عنى حب اللى كان بكره اكلها؟؟
مش فاهمة السؤال



وشوة اسئلة شخصية بقاا


اية هى اكلتك المفضلة؟؟
الكشرى بعدس اصفر والبيض والبطاطس والسلطة دى الوجبة المفضلة
بتميل للموالح ولا الحاجات المسكرة اكتر >>الحلويات؟؟
الموالح
كلمنا اكلاات مش بتحبها والسبب فى انك مش بتحبها؟؟
الجمبرى والسبانخ و الفراخ والخ هههه
هو كده من غير سبب
لية نسبة كبررررررررة جداا بيعشقو البشمل والمحشى؟؟؟
والله ماعرف بس انا بعشقهم فعلا وبالذات البشاميل


اية اكتر اكلاات بتتعرفى تعمليها ؟؟
ولا حاجة انا مابادخلش المطبخ خالص ومابحبش الطبيخ وانا اصلا ماحاولتش ولا هاحاول ده قرار هههههههههههه

موضوع جديد وجميل
تحياتى

[ملاك الصمت]

اقتباسالمشاركة الأصلية كتبت بواسطة hema elngm

اية هى اكلتك المفضلة؟؟

بتميل للموالح ولا الحاجات المسكرة اكتر >>الحلويات؟؟

بحب الوسط لا المسكر أوي ولا المالح أوي الوسط

كلمنا اكلاات مش بتحبها والسبب فى انك مش بتحبها؟؟

الكوارع حاسه أنها على بعضها كدا استغفر الله والكرشه والمنبار الاكلات دي بصراحه مابحبهاش

سؤال خاص للبنات

لية نسبة كبررررررررة جداا بيعشقو البشمل والمحشى؟؟؟

عشانها أكلات سريعه هي صح صعبه في التحضير بس سريعه يعني ماتحتجش انك تقطع ولاصح دسمه بس في حجمها صغير تتاكل في اي نحيه في البيت اظن كدا

اية اكتر اكلاات بتتعرفى تعمليها ؟؟

بعرف أعملها كتير بعرف اعمل الكشري والاكلات المصريه عموما البشمل شويه مش اوي

المحشي بعرف اعمله وبعرف اعمل بعض الطبخات السعوديه

[dinan]

سؤال خاص للبنات


لية نسبة كبررررررررة جداا بيعشقو البشمل والمحشى؟؟؟ علشان البنات بتحب الاكلات الى تتخنها


اية اكتر اكلاات بتتعرفى تعمليها ؟؟
البشملى

[hema elngm]

اقتباسالمشاركة الأصلية كتبت بواسطة حبرالقمرالسلام عليكم ورحمة الله وبركاته
مرسي هيمه على الطرح الرائع
بالنسبه للاكل تقدر تعتبره اختيار زي اللبس او اي حاجه تانيه

اية اللى بفرض حب الانسان للاكلة المعينة >> طعمها ولا طبيعة جسمة ؟؟
بصراحه سؤال محير تقريبا طعمها
اية هى اكلتك المفضلة؟؟
البيتزا ..............

بتميل للموالح ولا الحاجات المسكرة اكتر >>الحلويات؟؟
الموالح بس لازم اعدل يعني لما اكل حاجه ملحه اكل على طول حاجه مسكره والعكس نفسي بتجزع بسرعه

كلمنا اكلاات مش بتحبها والسبب فى انك مش بتحبها؟؟
الاولآس او القلقاس ده لايمكن اكله لانه طري جدا والسمك بسبب رحته وزفارته
لية نسبة كبررررررررة جداا بيعشقو البشمل والمحشى؟؟؟
ههههههههههههه معرفش يمكن طفاسه اصلها بتشبع


اية اكتر اكلاات بتتعرفى تعمليها ؟؟
هههههه الشاي والبيض
مرسي تقبل م ر و ري اختك حبــــــــر القمــــر

نورتى التوبيك يا حبر والله تسلمى على التوضيح دة

بس شاى وبيض بس؟؟ هههههههههه

مش هقول لحد متخافيش