من اخبرك بأن ابوك ذئب؟

[بنت العبد]

السلام عليكم ورحمة الله وبركاته

صباح |مساء النجاح والعزه لاحلى وارقى شباب وبنات فالدنيا.....

اسمحولى استعمل اللغه العاميه فالكلام علشان يكون التفاهم اسهل

والفكره توصل بابسط الصور.

اولا, هحكيلكم حاجه اعتقد ان فيها درس فالحياه ويهمنى اعرف اارائكم فيها انتوا كمان....

كان فيه رااجل راعى غنم وهو فنفس الوقت شاعر كان عنده شاه(عنزه) واحده بس كل يوم ياخد

الشاه دى ويسرح بيها فارض الله تلتقط العشب وهو يدندن جمبها وفاخر اليوم ياخدها ويروح كوخه

البسيط وهكذا كل يوم.وفيوم وهو ماشى مع الشاه بتاعته لقى جرو (صغير الكلب) بردان قاعد يرتعش

مالبرد وكانه هيموت فصعب على الراجل فقرر ياخده معاه الكوخ يربيه وياكله ويكسب فيه ثواب

وفعلا اخد الراجل الجرو والشاه وروح وقعد يدفيه بس مش عارف ياكله ايه ؟هو لسه صغير رضيع فقرر

انه يخلى الجرو يرضع من ثدى الشاه .وعاش الجرو والراجل والشاه مع بعض والجرو يرضع من ثدى الشاه

وكل يوم الراجل ياخدهم ويسرح ويروح ااخر النهار .وهكذا استمرت الحياه والاسره المكونه من

الراجل والشاه والجروالرضيع وفيوم من الايام الراجل لاحظ ان الكلب ده بدأت ملامحه تتغير

وشكله ميديش على كلب بدا جسمه وراسه تدى على ذئب فعرف الراجل ان الجرو اللى هو خده

زمان من الصحره مش كلب زى مهو كان فاهم وانه ذئب المهم الراجل بقى مش عارف يعمل ايه؟

بس هو قرر يخلى الديب ده معاهم هو بقى أليف بالنسبله لهم وعشرة عمر والشاه اخدت عليه

ورضع منها يعنى خلاص ميستغنوش عنه ..ومرت الايام والديب ده كبر وهو عايش معاهم

ويروح وييجى معاهم .وفيوم الراجل خرج يروح مشوار فالجبل ورجع لقى الصدمه الكبيره

لقى الديب اكل الشاه ...قعد يبكى ويقول(لقد عشت بيننا وشربت من لبنها فمن اخبرك بان ابوك ذئب؟؟)

ياااااااااه تخيلوا يا جماعه فيوم من الايام كان بيرضع من ثديها فيه حاجه اكتر من كدا !!!

الذنب ده عمره معرف الافتراس.. يعنى هو مترباش فى بيئة ذئاب علشان يتعلم الافتراس

مشفش ابوه بيفترس قدامه علشان يفترس هو كمان..دا ميعرفش اساسا انه ذئب

عاش طول حياته فى سلام مع الراعى والشاه ولكن انه الطبع..

سؤالى يا جماعه,,,

هل الطبع بيغلب التطبع؟

يعنى ممكن انسان حرامى او خاين وهو دا طبعه لكن انت مدتله ايدك ودخلته بيتك ممكن يسرقك او يخونك؟

طب لو فيه واحد معروف انه خاين وغادر والخيانه والغدر فدمه وانت مدتله ايدك وفتحتله قلبك وبيتك ممكن تاامنله؟

ممكن تعطيه الثقه المطلقه علشان انت متاكد انه عمره ميغدر بيك علشان انت اكرمته وساعدته؟

هتكون واثق من ولائه ثقه مطلقه ولا مش هتنسي انه اصلا غادر ومعروف بالخيانه وهتحرس منه؟

احب اسمع اارائكم وتعليقاتكم ..
دمتم انجح وارقى الناس

[نانـــــو]

اكيد طبعا الطبع يغلب التطبع
ودايما بننصح ان الناس تاخد كامل حذرها من البشر وتحرص منهم
لانى للاسف بقوا فى ناس غدارة كتير
يسلمووووووووووووووووووووووو ياقمر على الطرح الجميل

[شاعر واسير الحب]

هل الطبع بيغلب التطبع؟
اكيد وبعدين فطرته انه ديب والجينات اللي جواة بتقول كدا
يعنى ممكن انسان حرامى او خاين وهو دا طبعه لكن انت مدتله ايدك ودخلته بيتك ممكن يسرقك او يخونك؟
اذا كان وخدها مهنه سيئة اكيد هيخون اما لو تاب الي الله سيكون افضل مما كان
طب لو فيه واحد معروف انه خاين وغادر والخيانه والغدر فدمه وانت مدتله ايدك وفتحتله قلبك وبيتك ممكن تاامنله؟
معروف انه خاين اصلا لا ادخلة البيت ولا اعطيه الامان
ممكن تعطيه الثقه المطلقه علشان انت متاكد انه عمره ميغدر بيك علشان انت اكرمته وساعدته؟
الثقة في حاجات امام عيني اما اذا كانت بعيده فلا اعطية الامان
هتكون واثق من ولائه ثقه مطلقه ولا مش هتنسي انه اصلا غادر ومعروف بالخيانه وهتحرس منه؟
لا
اشكرك وتقبلي مروري

[FarEdah]

هل الطبع بيغلب التطبع؟

يقولنا ذلك ولكن عندي قناعة ان الطبع ممكن يتغير لافضل او الاوحش لاننا بني ادمين وبنقدر نغير طباع كتير فينا

/

يعنى ممكن انسان حرامى او خاين وهو دا طبعه لكن انت مدتله ايدك ودخلته بيتك ممكن يسرقك او يخونك؟

هقولك ع حاجة في ناس ضميرها هو المتحكم فيها يعني مش عشان هو خاين وحرامي وفيه صفات وحشة يبقى ضميرو مات لابد ربنا مبينساش حد برحمتو ربنا بيرحم البني ادم من بعض الاخلاقيات الي فيه فيبدلها في لمح البصر ليه مدهوش فرصة انو يعرف ان في ناس رغم كل الي فيك عندها ثقة فيك انك تكون معاها ع الاقل افضل واحسن، متعرفيش يمكن ربنا يهديه ويتعلم شيء من تصرفي معاه

/


طب لو فيه واحد معروف انه خاين وغادر والخيانه والغدر فدمه وانت مدتله ايدك وفتحتله قلبك وبيتك ممكن تاامنله؟

لو احساسي من جوايا بيقولي انو ممكن يكون كويس معايا هد ايدي وافتح بابي مش معقول كلنا نقسى على بعض ويسكنا الجبروت بالشكل دا ومنديش فرصة لاخرين انهم يتغيرو او حتى يتبدل السلوك عندهم بسلوك تاني

/

ممكن تعطيه الثقه المطلقه علشان انت متاكد انه عمره ميغدر بيك علشان انت اكرمته وساعدته؟

ثقة مطلقة لا ثقة بوعي وحذر عشان منندمش على اي تصرف عملناه مع اي حد مش هو بس
وبعدين لو هعمل دا معاه هعملو لله فربنا كفيل انو يديني الخير منه ويبعد شرو عني

/

هتكون واثق من ولائه ثقه مطلقه ولا مش هتنسي انه اصلا غادر ومعروف بالخيانه وهتحرس منه؟

مش هكدب عليكي هخلي النقطة دي في بالي عشان الحذر بس لازم يحس مني بامان عشان اقدر اعمل شيء ليه او يسيبني في حالي وميضرنيش ع الاقل

/


تسلمي ياجميلة بجد انتي رائعة

[ماتركس]

السلام عليكم ورحمه الله وبركاته
يا بنت العبد
انا مبحبش التزم بنقاط في الموضووع
انا هتكلم عن الموضوع بعميه
الطبع والتطبع
قد يكون للعامل الوراثي دور ثأتير كبير على الطباع فمثلا نقول هذا
ثلتين الولد لخاله ونقول طلعت البنت لامها
واكيد ان عامل التربية يؤثر كثيرا على خلق الشخصية والتي نتاجها الطبع
وايضاً ثأثير الاصدقاء قل لي من تعاشر اقل لك من انت
فعلينا عند اختيار الزوجة نحسن الاختيار ونختار من عائلة حسنة الطباع
وننتبه لاصدقاء اولادنا
فقد يتطبع الانسان بطبع فيستمكن منه فالتطبع عادة مايكون ارادي فعندما يتمكن منه هذا الطبع يصبح مطبوع عليه ويصبح لاارادي
وطبع الانسان ماجبل عليه
انا مش معا مقوله الطبع يغلب التطبع حتى وان كانت صحيحة
لان الطبع الغير سوي لابد من تقويمه وتصحيحة اصلا منذ البداية حتى لايصبح طبعاً له
ولا نجعل له مبرر تصرفاته الغير منطقية او العصبية بانها طبعه فتزيد طباعه وامراضه النفسية في التغلغل تم ان حاولنا معالجتها نجد فعلا ان الطبع هنا غلب التطبع ولا نستطيع ان نطبع عليه بطابع غير طبعه لاننا تأخرنا في ذلك
وليس كل الطباع مذمومة وهناك طباع حميدة من سلوك جيدة وبال واسع ولكن مايلاحظ الا الطبع السئ هوده
راي يا بنت العبد

[فلنتينا]

السلام عليكم ورحمة الله وبركاته
الحيوانات تتصرف بالغريزة الي بيتحملها بالفطرة

بس بالرغم من ذلك الحيوان وفي ويعمل حساب

للعيش والملح والدليل على هذا كثيير من الناس

بتربي حيوانات مفترس زي الاسد والنمر والدب

لو كان الذئب بينطق وبيتكلم كنا عرفنا منو السبب

اكل الشاة ليه هههههههههه على الاغلب انو اتعلم الغدر من البشر على ما اظن

لان الحيوان دالوقتي بقى اوفى من البشر

تقبل مروري مع اطيب تحياتي

[P R ! M O]

اكيد طبعا كان لازم يعمل كدة دى غريزة

[بنت العبد]

اقتباسالمشاركة الأصلية كتبت بواسطة NANO.N.Sاكيد طبعا الطبع يغلب التطبع
ودايما بننصح ان الناس تاخد كامل حذرها من البشر وتحرص منهم
لانى للاسف بقوا فى ناس غدارة كتير
يسلمووووووووووووووووووووووو ياقمر على الطرح الجميل


اشكرك لوجودك نور صفحتى ومعكى الحق كل الحق

[بنت العبد]

اقتباسالمشاركة الأصلية كتبت بواسطة شاعر واسير الحبهل الطبع بيغلب التطبع؟
اكيد وبعدين فطرته انه ديب والجينات اللي جواة بتقول كدا
يعنى ممكن انسان حرامى او خاين وهو دا طبعه لكن انت مدتله ايدك ودخلته بيتك ممكن يسرقك او يخونك؟
اذا كان وخدها مهنه سيئة اكيد هيخون اما لو تاب الي الله سيكون افضل مما كان
طب لو فيه واحد معروف انه خاين وغادر والخيانه والغدر فدمه وانت مدتله ايدك وفتحتله قلبك وبيتك ممكن تاامنله؟
معروف انه خاين اصلا لا ادخلة البيت ولا اعطيه الامان
ممكن تعطيه الثقه المطلقه علشان انت متاكد انه عمره ميغدر بيك علشان انت اكرمته وساعدته؟
الثقة في حاجات امام عيني اما اذا كانت بعيده فلا اعطية الامان
هتكون واثق من ولائه ثقه مطلقه ولا مش هتنسي انه اصلا غادر ومعروف بالخيانه وهتحرس منه؟
لا
اشكرك وتقبلي مروري

اشكرك شاعر واسير الحب اجاباتك منطقيه جدااا
والانسان مهما كان لابد انه يكون واخد حرسه
نورت صفحتى بوجودك