و هذا هو ما جعلنى اترك المنتدى

[love iz messy]

اولا اهلا بيكم

ثانيا انا من رايى الانسحاب عمره ما كان رد للاساءه بل كان ضعف كان لازم توجهوه وتستمرون فى صده لان لو كل واحد عمل زى ما انتم عملتوا عمرهم ما هيوقفوا اسائتهم لينا ولديننا بل هيتمادوا وشكرا

[dr.marmar]

يجماعه والله انا عارفه ان الانسحاب عمره مابحل مشكله
لكن ضعوا نفسكم اماكنا
مكان يسب فيه دينك واصحاب رسول الله
وانت رديت وحاولت تقنع
لكن دون فائده
وحسيت انك ممكن تتأثر بكلامه
وفيه حاجه انتم ماتعرفوهاش
الدكتورده اتوقف
لكن رجع تاني باسم بنت
تكتب سلسله قصص كل غرضها فيها
افساد البنات
بتتكلم بكلام مافهوش اي حياء
وهذا الاداري موافق جدا علي الي بيحصل
وبيقولها كملي واستمري
اعتقد مالناش مكان في بيئه زي دي
يعني ده لو حبينا نكون في وسطكم

[أنثـے مًنْ الّخٍـْيـِالْ→♀]

اشكرا كل واحد رد

و زى ما مروة وضحت فعلا هو رجع

بس باسم عضوية بنت

و بتكتب او بيكتب قصص لا حياء فيها

و بجد الادارى ده هو اللى مشجعه

وهو اللى حاميه

و بعدين احنا فعلا واجهناه كتير و فى اعضاء تم ايقافهم بسبب كلامهم معاه

وناس اتسحب منهم الاشراف

بس لقينا ان كلامنا جاء بدون فائدة فاصبح الانسحاب من المنتدى احسن شئ

و فى الاخر اشكركم على ارائكم

تحيتى
الابتسامة الحائرة

[شموسه]

فعلا الموضوع اثر فيا جدا بس انا لو مكانكم ماكنتش عمنت كده. بقى هو واحد غريب ييجى المنتدى اللى احنا اعضاء كبيره فيه وبقالنا كتير جدا فيه ويخلى 45 مننا يستقيلوا من المنتدى يعنى انتوا كده حققتلوه غرضه طيب ليه كده هو اللى كسب . معلش يا ان انتى والدكتوره اناارجو انكم تتقبلوا رايى وماكنش زعلتكم بس هو كده اتبسط ارجعوا لمنتداكم احسن وواجهوه ومش معقول 1 هيبقى على 45 او اكتر وصدقونى الحق هو اللى هينتصر
بس مش يمكن ربنا عمل كده عشان تيجولنا وتنورونا هههههه .ماتزعلوش نفسكم بس فعلا انتم كده نفذتولوا اللى هو عايزه ارجعه لمنتداكم وحاولوا تتجاهلوه بس اوعوا تغيبوا علينا وماتحرموناش من مواضيعكم .يارب ماكنش طولت عليكم وكل سنه وانتم طيبين وعيد سعيد عليكم

[أنثـے مًنْ الّخٍـْيـِالْ→♀]

شمس النهار

اشكرك على ردك

بس هو فعلا اتوقف

بس بيسجل بعضويات تانية

و هو بيتعرف من طريقة طرحه للمواضيع اللى اقل ما يقال عنها انها منحرفة

و كانت اخر عضوية له باسم بنت سجل بيها يوم ايقافه

و فعلا لاحظنا ان الادارى ده هو اللى مشجعه و مقويه علينا

و على فكرة ده مش كلامة انا و الدكتورة و بس

لكن كلام كل الاعضاء

و ادى دى فرصة اننا ننضم لاسرة تانية

و ان شاء الله هتكون عند حسن ظننا

[بنت الفراعنة]

اختى الابتسامه الحائرة
هو الموضوع غريب شويه
يعنى هو تقريبا مفيش مشكله
لو انتى تقصدى يعنى انك تاخدى رأينا فى رده فعلك مع العضو ده
فأنا معترضة بصراحة
يعنى لو كنتم صبرتم شويه ووافقتم على المناظرة دى وكنتم شوفتم ايه سبب اللى هو قاله ده
يمكن هو واخد فكرة غلط عن الصحابه
كان ممكن توقفوا جنبه وتساعدوه فى تغيير الفكرة الغلط دى وتعرفوه الصح
وخصوصا ان انتم كنتم بتحبوا المنتدى ده ومتعلقين بيه بالشكل ده
يبقى كان المفروض ما تتنازلوش بالسهولة دى
تقبلى مرورى
تحياتى

[الراجية رحمة ربها]

السلام عليكم اختي وحبيبتي طمطم اولا انا مش عايزاكي تزعلي نفسك ايدا ده بني ادم او اقل م كده كمان المفروض انكم في المنتدي كنتم تردوا عليه مش تسيبوه كده زي ما قال اخي قلم بلا حبر
وانا احب احكيلك عن موقف بردوا حصل معايا دخلت شات اسلامي ولاحظي كلمة اسلامي لاقيت حد دخل عليا وقال انتي مسلمة قلت الحمد لله تصوري سألني وقالي لية؟

قلت يعني اية لية الحمد لله مسلمة وهو حضرتك بتسأل لية؟
قالي هو رسولكم ده ( حبيبي وقدوتي محمد صلي الله عليه وسلم )طبعا هو اتكلم بمنتهي قله الأدب علي حبيبي
اننا سيبته وقلت له نتناقش

قلت له انت مسلم
قالي لا مرتد
تخيلي يمكن اللي عندكم ده كان بيسيء للخلفاء وللصحابة وانتم كلكم ماشاء الله مع بعض في المنتدي لو ده مردش ده هيرد

وانا مع الغبي ده لوحدي

المهم فضل يغلط في النبي عليه الصلاة والسلام وفضلت اكلمه واحاول اقنعه ان فكرته غلط

يعني هو كان بيقولي ان محمد ده طبعا يقصد النبي عليه الصلاة والسلام استغفر الله العظيم انه شهواني
قلت له لية بتقول كده؟
قالي لية يتجوز طفله زي السيدة عائشة طبعا انتم عارفين انه صلي الله عليه وسلم اتجوزها صغيرة السن

قلت له لو كان كلامك صح في ام المؤمنين سودة بنت زمعة اتجوزها النبي وهي في 82 سنة ياتري لو فعلا واستغفر الله زي ما انت بتقول كده كان ممكن يفكر يتجوزها

المهم وانا اسفة اني طولت عليكم لازم حد يرد عليهم بس يكون علي الأقل ملم بالدين ويحس نفسه ان مش هيتعرض للفتن وربنا يحفظني واياكم من الفتن بحبكم في الله

[dr.marmar]

يجماعه للاسف انتم مش فاهمين الموضوع
لو كان الموضوع يخص الصحابه بس
كنا احنا نقدر بعون الله نوقفه عند حده
لان الصحابه تاريخهم مشرف
لكن القصه انهم عاملين حمله فساد كامله
يعني من ناحيه يسب في الصحابه
شويه يسجل باسم تاني ويكتب قصص تفسد اخلاق اي بنت
باسلوب يخلو منه اي حياء او ادب
وبعدين يجيبلك حاجات يقنعك بيها ان الاسلام ظلم المرأه
في كل حاجه زي السفر من غير محرم والحجاب والولي
يعني تحسي انهم اتفقوا ازاي
يضيعوا الشباب دول
فانتم شباب اكبركم 20سنه
هتعملوا ايه قدام الفساد ده كله
اكيد ممكن تتاثري بالكلام ده
وخصوصا انه دكتور جامعه
واسلوبه لبق جدا
يعني عنده اسلوب ممكن يقنع بيه اي حد
بس هو فيه ايه يجماعه
انتم مش مبسوطين اننا جينا معاكم ولا ايه

[miraa]

موضوع مفيد جدا ياريت ده ميحصلش فى منتدى بنات مصر
لانه للاسف حصل معانا فى المنتدى السابق بس انا عندى حاجه تانيه عايزه اقولها
المشكله يا جماعه ان فى اعضاء بجد كويسين جدا بس الاداره هى اللى بتعمل كده لان لابد من اداره حازمه وتستطيع السيطره على المنتدى
شكراا طمطومه على الموضوع