شايف ابن خالتك وصل لايه !

[جوهرةالقصر]

السلام عليكم ورحمة الله وبركاته









موضوع النهاردة بقيت بلاحظه كتير اوي

وكمان اكيد كلكم لاحظتوه في اقاربكم او جيرانكم

او ممكن تكونوا اتعرضتوا ليه وانتم صغيرين

وهو موضوع المقارنة بين الاطفال

والموضوع ده بشوفه كتير اوي يعني

اسرة عندهم طفل وابن عم الطفل او ابن خاله او ابن الجيران ايأ كان

في نفس عمر ه ولكنه عنده بعض المهارات او نسبة ذكائه عالية

او له قدرات ليس في مقدرة هذا الطفل ان يكون مثله

واللي نلاحظه هنا ان الاسرة دي طول الوقت بتعذب في ابنها

وتقوله شايف فلان وشايف مستواه الدراسي

وشايف جسمه عامل ازاي وشوف بيتكلم ازاي وشوف........

وشوف ........ وشوف ........

مع ان لازم يعرفوا ان كل طفل او اي انسان وله قدرات خاصة به ومش كل

الاطفال ذي بعض وان ممكن يكون طفلهم

احسن من الطفل الاخر في اشياء اخري

وان واجبهم بدل ما يقارنوه بغيره

المفروض انهم يعلوا من قدراته ويوصلوها للتفوق

والله يا جماعة انا الموضوع ده بشوفه كتير

وبالذات بين الاطفال اللي في المدرسة

شوف ابن خالتك جاب كام في امتحان اخر السنة

وشوف حصل علي تقديرات ايه

وبجد الاطفال بيصعبوا عليا لاني بحس ان الطفل بيتعقد

لانه بيحاول يعمل اللي يقدر عليه علشان يرضيهم

وتلاقيهم هما لسه بيقارنوا بينه وبين اقاربه

واكيد كلكم لاحظتوه الموضوع ده


ودلوقتي عايزة اعرف / هل المقارنة بتشجع الطفل وتحفزه علي الاجتهاد ؟

او بيبقي لها اثار سلبية وبتأثر علي الطفل وتوصله الي الفشل
لعدم اعتراف الاخرين بقدراته

وهل انت / انتي عندما تتزوج وتنجب هل ممكن ان تقارن طفلك
باي طفل اخر ؟



مستنية رايكم ......

[ماتركس]

السلام عليكم ورحمه الله وبركاته
جوهره القصر
موضوع جميل وقيم مثلك
عارفه يا جوهره ساعات الاهل ممكن يكونو بيقوالو كده لسبب
لسبب علشان ابنهم يغير وتصيبه الحراره والحماس بداخله علشان يتعلم
بس ساعات كتير بيبقي تفكير الاب والام خضي جدا علشان بيحصل للعكس للطفل
علشان الطفل بيبقي في الوقت المهزوم فيه بيبقي محتاج لتشجعي ومن اقرب الناس اليه
لكن لما يلاقي اقرب الناس اليه بيجرحو فيه ببعض الكلمات بيصيبو خمول كبير جداا
وبيئثر علي نفسيه ولازم الاب والام يقفو جنب ابنهم في
اشد المحن ببعض الكلام الجميل كي ابنهم يحس بالحماس والتشجيع من جديد وبعد كده لما
نلاقي الحماس والتشجيع من الاهل
الطفل او الابناء بمعني صح
هيبزلو اقصي شي كي يسعدو اهلهم
لكن موضوع انهم يجرحو ببعض الكلمات المسيئه ليه
هنلاقي الاب اتاثرت نفسيه
وهيفضل طوال عمره متئثره نفسيه
الابتسامه من الوالدين بتحي حياه الطفل من جديد
وارجو اكون افدكم في الموضوع يا جوهره القصر
فائق تقديري وتحياتي لكي

[P R ! M O]

ودلوقتي عايزة اعرف / هل المقارنة بتشجع الطفل وتحفزه علي الاجتهاد ؟
اكيد طبعا دة علم نفس

او بيبقي لها اثار سلبية وبتأثر علي الطفل وتوصله الي الفشل
لعدم اعتراف الاخرين بقدراته
اكيد لها اثار سلبية حتى لو الطفل دة مش غبي او كدة من كتر وصفة بصفة معينة بيتعود عليها

وهل انت / انتي عندما تتزوج وتنجب هل ممكن ان تقارن طفلك
باي طفل اخر ؟
لا طبعا

[حياتي ذكريات]

السلام عليكم

هو موضوع المقارنة للطفل بيأثر سلبيا عليه لو كان معاه احباط

يعني انا مثلا ليا من طرف عماتي وأعمامي 6 قرايب في سني

كنا زمان في ابتدائي واعدادي نعد نشجع بعض وانا كان منهجي غير منهجهم

الدراسي لكن كان فيه دروس متشابهه .. كنا نكلم بعض على الميل ونشرح لبعض

كان والدي يقلي شوفي بنت عمك شاطرة إزاي ابقي زيها انتي كمان عشان تحققي

اللي انتي عايزاه ..

فأنا ما كنتش أدايق أو أي حد من قرايبي كانو يدايقو بالعكس كنا كلنا بنشوف بعضنا

كاننا واحد ومش بنغير من بعض وكان اسلوب أهلنا بيشجعنا اننا نبقى احسن من بعض

بس اهالينا ما كانوش يقارنونا في كل حاجه .. كانو بيقارنو في حاجات بسيطة كان

معظمها عن الدراسة .. فعشان كدا ما كناش بنغير من بعضنا أو حد بيكره التاني

وانا مش من المحبين لاسلوب المقارنة في كل الأمور

لان كل انسان ليه مميزات مختلفة عن التاني وكل شخص ليه فكره الخاص

وانا لو فضلت طول الوقت أقارن الطفل بابن عمه او ابن خالته مش هيوصل لحاجة

لانه هيحس بمدى صعوبة اللي هيوصله غير ان الحقد ممكن يتمكن من قلبه عليه

شكرا على طرحك .. خالص تقديري

[دمعة مبتسمة]

موضوع المقارنة بيختلف من طفل لطفل كلٌ على حسب تكوين شخصيته
ففى أطفال يتحفزون ويتقدموا للامام ويكون لهم دفعة المقارنة بينهم وبين سائر الاطفال
بينما هناك اطفال اخرين يشعرون باليأس والاحباط من المقارنة
فعلى الوالدين التاكد من شخصية ابنائهم ليتبعوا ما يصلح للابناء لرقيهم ولعلماء النفس مجال فى ذلك

واااااااااالف شكرررررررررررررر ليكى

[جوهرةالقصر]

اقتباسالمشاركة الأصلية كتبت بواسطة ماتركسالسلام عليكم ورحمه الله وبركاته
جوهره القصر
موضوع جميل وقيم مثلك
عارفه يا جوهره ساعات الاهل ممكن يكونو بيقوالو كده لسبب
لسبب علشان ابنهم يغير وتصيبه الحراره والحماس بداخله علشان يتعلم
بس ساعات كتير بيبقي تفكير الاب والام خضي جدا علشان بيحصل للعكس للطفل
علشان الطفل بيبقي في الوقت المهزوم فيه بيبقي محتاج لتشجعي ومن اقرب الناس اليه
لكن لما يلاقي اقرب الناس اليه بيجرحو فيه ببعض الكلمات بيصيبو خمول كبير جداا
وبيئثر علي نفسيه ولازم الاب والام يقفو جنب ابنهم في
اشد المحن ببعض الكلام الجميل كي ابنهم يحس بالحماس والتشجيع من جديد وبعد كده لما
نلاقي الحماس والتشجيع من الاهل
الطفل او الابناء بمعني صح
هيبزلو اقصي شي كي يسعدو اهلهم
لكن موضوع انهم يجرحو ببعض الكلمات المسيئه ليه
هنلاقي الاب اتاثرت نفسيه
وهيفضل طوال عمره متئثره نفسيه
الابتسامه من الوالدين بتحي حياه الطفل من جديد
وارجو اكون افدكم في الموضوع يا جوهره القصر
فائق تقديري وتحياتي لكي

فعلا يا ماتركس الخطأ بيبقي في الطريقة اللي بيواجهوه بيها
يعني ممكن يقولوله نفس الكلام بس بطريقة عادية
من غير تجريح وده هيساعده اكتر ما هيضره
واكيد طبعا لو هيفضلوا يجرحوا فيه بالكلمات المسيئة
اكيد هيأثر علي الابن لغاية ما يكبر
وممكن كمان يتعقد
وميرسي لمرورك الجميل
نورت الموضوع

[جوهرةالقصر]

اقتباسالمشاركة الأصلية كتبت بواسطة nemo temoودلوقتي عايزة اعرف / هل المقارنة بتشجع الطفل وتحفزه علي الاجتهاد ؟
اكيد طبعا دة علم نفس

او بيبقي لها اثار سلبية وبتأثر علي الطفل وتوصله الي الفشل
لعدم اعتراف الاخرين بقدراته
اكيد لها اثار سلبية حتى لو الطفل دة مش غبي او كدة من كتر وصفة بصفة معينة بيتعود عليها

وهل انت / انتي عندما تتزوج وتنجب هل ممكن ان تقارن طفلك
باي طفل اخر ؟
لا طبعا

اكيد من كتر وصفه بصفة معينة هيتعود عليها
وهيبدأ يصدق انه فعلا تنطبق عليه الصفة دي
وميرسي لمرورك الجميل
نورت الموضوع

[جوهرةالقصر]

اقتباسالمشاركة الأصلية كتبت بواسطة حياتي ذكرياتالسلام عليكم

هو موضوع المقارنة للطفل بيأثر سلبيا عليه لو كان معاه احباط

يعني انا مثلا ليا من طرف عماتي وأعمامي 6 قرايب في سني

كنا زمان في ابتدائي واعدادي نعد نشجع بعض وانا كان منهجي غير منهجهم

الدراسي لكن كان فيه دروس متشابهه .. كنا نكلم بعض على الميل ونشرح لبعض

كان والدي يقلي شوفي بنت عمك شاطرة إزاي ابقي زيها انتي كمان عشان تحققي

اللي انتي عايزاه ..

فأنا ما كنتش أدايق أو أي حد من قرايبي كانو يدايقو بالعكس كنا كلنا بنشوف بعضنا

كاننا واحد ومش بنغير من بعض وكان اسلوب أهلنا بيشجعنا اننا نبقى احسن من بعض

بس اهالينا ما كانوش يقارنونا في كل حاجه .. كانو بيقارنو في حاجات بسيطة كان

معظمها عن الدراسة .. فعشان كدا ما كناش بنغير من بعضنا أو حد بيكره التاني

وانا مش من المحبين لاسلوب المقارنة في كل الأمور

لان كل انسان ليه مميزات مختلفة عن التاني وكل شخص ليه فكره الخاص

وانا لو فضلت طول الوقت أقارن الطفل بابن عمه او ابن خالته مش هيوصل لحاجة

لانه هيحس بمدى صعوبة اللي هيوصله غير ان الحقد ممكن يتمكن من قلبه عليه

شكرا على طرحك .. خالص تقديري

احنا اكيد لو طول الوقت فضلنا نقارن الطفل باطفال اخرين
الطفل مش هيفكر غير انه ازاي يكون ذي الطفل الاخر
علشان يرضي اسرته
يعني مش هيفكر ازاي يكون له شخصية مستقرة
وده اكيد مش هيوصله لحاجة لانه مش هيكون نفسه
يبقي ازاي هيكون شخص اخر
وميرسي لمرورك الجميل
نورتي الموضوع

[جوهرةالقصر]

اقتباسالمشاركة الأصلية كتبت بواسطة دمعة مبتسمةموضوع المقارنة بيختلف من طفل لطفل كلٌ على حسب تكوين شخصيته
ففى أطفال يتحفزون ويتقدموا للامام ويكون لهم دفعة المقارنة بينهم وبين سائر الاطفال
بينما هناك اطفال اخرين يشعرون باليأس والاحباط من المقارنة
فعلى الوالدين التاكد من شخصية ابنائهم ليتبعوا ما يصلح للابناء لرقيهم ولعلماء النفس مجال فى ذلك

واااااااااالف شكرررررررررررررر ليكى

صحيح لازم الوالدين يعرفوا شخصية ابنائهم
علشان يعرفوا يتعملوا معاهم
واكيد لعلماء النفس مجال في ذلك
وميرسي لمرورك الرائع
ونورتي الموضوع

[تانيا]

بصى يا قمر .. أنا مش مع موضوع المقارنه لانه ببساطه بيجيب للطفل احبااااط
لما اهله كل شويه يقولوله شوف ابن خالتك وشوف ابن عملك
اكيد الواد يعينى هيحس انه خيبه ومش بيعرف يعمل اى حاجه واكيد هيفشل ان شاء الله
وفعلاااا مش قادرين يفهموا ان الموضوع .. بيكون قدرات ونسب الذكاء بتكون مختلفه بيبن الاشخاص
وانا مش مع موضوع المقارنه دى ...
المفروض اننا نشجع الطفل حتى لو قدراته بسيطه
لان المقارنه بتجيب نتايج عكسيه
وميرسي يا قمر ع الموضوع
تحياتى