يا الثانوى العام يا بلاش

[دمعة مبتسمة]

السلام عليكم

واحدة صحبتى بسألها بقولها لما تدخلى الثانوى هتدخلى ايه ؟
قالت ثانوى عام وأصلا ماما قالت لى لو ما جبتى مجموع الثانوى العام مفيش مدارس

واحدة قريبتنا تانية ابنها كان جايب مجموع الثانوى العام لكنه كان عايز يدخل ثانوى صناعى وطبعاااااااااا والدته ما رضيت نهائى

ووحدة صحبتى داخلة اولى ثانوى عام وقالت لى انها عايزة تدخل كلية هندسة قلتها خلاص بدل ما تدخلى ثانوى عام ادخلى ثانوى صناعى احسن هيفيدك أكتر قالت لا الثانوى الصناعى البنات أخلاقهم مش كويسة
قلتلها يعنى البنات فى الثانوى العام ملائكة ما هم برده فى منهم أخلاقهم مش كويسة

الشاهد من ما سبق

احنا ليه بنقلل من الثانوى الصناعى والتجارى والزراعى والفندقى
ليه بننظر لهم على انه قليلين ومش مهمين
حتى المجموع اللى يسمح بدخوله قليل ليه ؟؟؟؟؟؟؟؟؟؟
على الرغم ان الثانوى الصناعى والتجارى وغيرهم فى الدراسة أصعب من الثانوى العام بكتير وكمان أحسن
يعنى لو حسبناها وواحد عايز يدخل كلية تجارة مثلا لو دخل ثانوى عام مش هتفيده لانه فى الثانوى مش بيدرس شئ من التجارة تمهيد للكلية بيدرسوا رياضة عادية فقط على العكس من الثانوى التجارى اللى بيدخله
وبعدين يدخل كلية التجارة هيكون أحسن بكتير علشان الاستفادة والتمهيد اللى فى الثانوى التجارى

يبقى ليه نحطم الثانوى حتى فى الاوائل يهتموا بالثانوى العام فقط ومفيش اهتمام بالثانوى الاخر
ده حتى الطلبة اللى دخلين ثانوى صناعى أو تجارى أو غيره حاسين انهم اقل من الثانوى العام طبعا ده غير صحيح بالمره
وعلى فكرة الثانوى العام اللى طالعين به السماء ما فى غير ميزة واحدة فقط \
انه ممكن يدخل اى كلية وأى معهد ما تفرقش بالعكس مثلا الثانوى الصناعى بيدخل كليات الهندسة وفنون جميلة وكليات خاص به فقط

انتم بتنظروا للثانوى الصناعى والتجارى والزراعى والفندقى ازاى ؟
وكمان عايزين نغير الفكرة عنهم نغيرها ازاى ؟l

[yara5]

وعليكم السلام ورحمه الله
بجد الموضوع دا جميل جدااااا
ومن وجهت نظري انا ان الانسان يدخل الحاجه الي بيحبها
عشان ينجح فيها مش يافرحتي يدخل ثانوي عام وهوه مش فاهم اي
حاجه في اي حاجه ولما يجي يتخرج ولا عارف الالف من كوظ الدرة
لكن ممكن الي دخل ثانوي تجاري او زراعي
ممكن ينجع في حياته ويبرع في التخصص بتاعه
اكتر من واحد في ثانوي عام
تسلمي ياقمر علي الموضوع الجميل
وياب اكون عرفت اوضح وجهت نظري كويس

[P R ! M O]

كلام صح
بس هتعرفى تغيرى عقلية 80 مليوووووووون مواطن
!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[monmona]

كلامك صح بس انا رأيي ان الانسان يدخل الحاجة اللي شايفها احسن له واللي يقدر يمشي فيها

[دمعة مبتسمة]

اقتباس المشاركة الأصلية كتبت بواسطة yara5 وعليكم السلام ورحمه الله بجد الموضوع دا جميل جدااااا ومن وجهت نظري انا ان الانسان يدخل الحاجه الي بيحبها عشان ينجح فيها مش يافرحتي يدخل ثانوي عام وهوه مش فاهم اي حاجه في اي حاجه ولما يجي يتخرج ولا عارف الالف من كوظ الدرة لكن ممكن الي دخل ثانوي تجاري او زراعي ممكن ينجع في حياته ويبرع في التخصص بتاعه اكتر من واحد في ثانوي عام تسلمي ياقمر علي الموضوع الجميل وياب اكون عرفت اوضح وجهت نظري كويس

كلامك صح جدااااااااااااا ووجهة نظرك روعة
لازم نختار الحاجة اللى نحبها علشان ننجح فيها
واحد قريبنا دخل ثانوى عام رغما عنه لرغبة والدته فشل على الرغم انه كان من الممتازين دراسيا
لكن انتى ايه رأيك الثانوى العام احسن وافضل من الثانوى الصناعى والتجارى والفندقى والزراعى ويستحق التفضيل عنهم ولا انه كمان الثانوى الصناعى ................ وغيره لهم أفضلية وما يقلوا أهمية
عن الثانوى العام

ومتشكرررررررررررررررررررررررررررة لحضورك المعطر

[دمعة مبتسمة]

اقتباس المشاركة الأصلية كتبت بواسطة nemo temo كلام صح بس هتعرفى تغيرى عقلية 80 مليوووووووون مواطن !!!!!!!!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سهل تغير 80 مليون وأكتر
وهذا الذى علينا فعله
كل ما سنفعله أن نقتنع من داخل أنفسنا بهذا ثم نقوم باقناع من حولنا وكل واحد فى محيطه ومن ثم سنرى المجتمع كله مقتنع بذلك
وعلينا التطبيق وبعد من سهل اقناع الوزارة نفسها باهمية الموضوع وتبعا لرغبة الشعب سيتم التعديل
وأهم شئ الشعور بالأمل اطموح من امكانية التغير

شكرا جزيلا لحضرتك

[دمعة مبتسمة]

اقتباس المشاركة الأصلية كتبت بواسطة monmona كلامك صح بس انا رأيي ان الانسان يدخل الحاجة اللي شايفها احسن له واللي يقدر يمشي فيها

وانا كمان مع رايك بلا شك فى كلامك الجميل ووجهة نظرك الحلوة
ولازم فعلا اختيار اللى نشوفه احسن علشان نقدم الاحسن
لكن انا قصدى انتى رايك ان الثانوى العام افضل بكتير من الثانوى التجارى وما يشبه غير الثانوى العام ولا لاء ؟

شكراااااااااااااااااااااااااااااااااااا ليكى على طلتك الحلووووووووووووووووه

[ملاك الصمت]

السلام عليكم ورحمة الله وبركاته

يارب تكوني بخير اختي وصحه وسلامه

كلامك صح بجد انا شايفه بجد ان الاهتمام بالثانويه العامه العاديه كبير وسيبين اللي بجد المهمه

شوفي مش هنقول ان الاتنين مش مهمين لا هما مهمين اوي كمان بس هيا عاوزلها حكاية العدل

زي ماندي لدى ندي لدى زي مابنطور في دى نطور في دى بس هما بجد مهمين حتى لو كان الثانوي

التجاري او الصناعي او الزراعي التعليم فيهم اكتر بس برضوا الاتنين اهم من بعض ولكل وحده هدفه

هو عاوز يطلع ايه ويكون ايه فعشان مانظلمش دى على حساب دى لازم يكون فيه عدل

تقبلي مروري

[funny bunny]

انا شايفة ان مفيش حاجة فيهم احسن من التانية وده بيعتمد على الشخص نفسه بيحب ايه و على فكرة كلامك صح جدا وده مش بس في حكاية الثانوي بل في حاجات تانية كتير في ناس كتييير اوي مش بتدخل الحاجة اللي بتحبها لمجرد بس ان الناس شايفة ان في حاجة تانية احسن ليهم يعني مثلا انا جايبة مجموع عالي في الثانوية العامة وكنت عايزة ادخل اعلام بس اهلي عارضوا جدا وخلوني اكتب في التنسيق طب وانا مش بحب الطب وكأن كل اللي جايب مجموع كويس لازم يدخل طب

[دمعة مبتسمة]

اقتباس المشاركة الأصلية كتبت بواسطة ملاك الصمت السلام عليكم ورحمة الله وبركاته يارب تكوني بخير اختي وصحه وسلامه كلامك صح بجد انا شايفه بجد ان الاهتمام بالثانويه العامه العاديه كبير وسيبين اللي بجد المهمه شوفي مش هنقول ان الاتنين مش مهمين لا هما مهمين اوي كمان بس هيا عاوزلها حكاية العدل زي ماندي لدى ندي لدى زي مابنطور في دى نطور في دى بس هما بجد مهمين حتى لو كان الثانوي التجاري او الصناعي او الزراعي التعليم فيهم اكتر بس برضوا الاتنين اهم من بعض ولكل وحده هدفه هو عاوز يطلع ايه ويكون ايه فعشان مانظلمش دى على حساب دى لازم يكون فيه عدل تقبلي مروري

وعليكم السلام ورحمة الله وبركاته
انا بخير الحمد لله
الله يجازيكى خير

رأيك تماااااااااااااااااااااام وجميل هو فعلا لازم العدل وان الثانوى كله سواء صناعى \ تجارى \ عام \ فندقى \ زراعى
كله واحد وكله تعليم فلازم يكون فى عدل

اااااااااااااااااااااااااااااااااااالف شكررررررررررررررررررر ليكى وعلى مرورك المعطر