يا الثانوى العام يا بلاش

[دمعة مبتسمة]

اقتباس المشاركة الأصلية كتبت بواسطة funny bunny انا شايفة ان مفيش حاجة فيهم احسن من التانية وده بيعتمد على الشخص نفسه بيحب ايه و على فكرة كلامك صح جدا وده مش بس في حكاية الثانوي بل في حاجات تانية كتير في ناس كتييير اوي مش بتدخل الحاجة اللي بتحبها لمجرد بس ان الناس شايفة ان في حاجة تانية احسن ليهم يعني مثلا انا جايبة مجموع عالي في الثانوية العامة وكنت عايزة ادخل اعلام بس اهلي عارضوا جدا وخلوني اكتب في التنسيق طب وانا مش بحب الطب وكأن كل اللي جايب مجموع كويس لازم يدخل طب

كلامك جميل وفعلا مافيش ثانوى احسن من التانى كل فرع ثانوى له اهميته وما ينفع الاهتمام بفرع ونتجاهل الاخر
ومن ناحية تانية لازم اختيار ما تميل له رغبتنا ما دام لا يخالف شرع ولا اخلاق لتقديم الافضل

انا ممتنة ليكى جداااااااااااااااااااااااااااا على تواجدك الحلوووووووووووووو

[lost]

بسم الله الرحمن الرحيم

هو فعلا الفكر ده موجود في المجتمع المصري لأ ساعات كمان بيصمموا يدخلوا أولادهم ثانوي عام مع انهم عارفين ان مستواهم ميأهلهمش انهم يدخلوا ثانوي عام ومع ان الولاد دول أحسنلهم الثانوي الصناعي أوالزراعي لأنه هيعلمهم حرفة أحسن
لكن الناس للأسف مش بتفكر كده

أنا فيه حد قريبي كان مجموعه قليل في تالتة اعدادي ومدخلش ثانوي عام لكن طلع من الأول على المحافظة وبعدها دخل كلية كده شبيهة بالهندسة وبقى فني تكيفيات وبيشتغل في شركة كبيرة الحمد لله

فياريت فعلا الناس تغير الفكر ده

ومشكورة على طرح الموضوع

[الأميرة منة]

اكيد اى ام او اى طالب مفروض بالعقل يختار ثانوى عام طبعا
عشان المستوى احسن فى التعليم وممكن تدخلى الكلية اللى عايزاها
وبتبقى وحشة لما تكبرى وتقولى للناس انا كنت خريجة ثانوى صناعى او الكلام ده
بصى انا مش ضده خالص انا اعرف واحدة دخلت ثانوى من دول بس مش
فاكرة ثانوى ايه ودخلت كلية هندسة فمش شرط ثانوى عام بس طالما
احنا قادرين ندخلها ومجموعنا الحمد لله جاب يبقى ندخل طبعا
اما اللى مايجبش مجموع يدخله ثانوى عام
ده يبقى خايب اوى الا لو حصلت ظروف قبل الامتحانات هى اللى اضطرت
لكده انه مايدخلش ثانوى عام

بس برده اللى هايدخل فنى او صناعة مش هايبقى زى اللى دخل
ثانوى عام الا اللى حصلتلهم ظروف جامدة بئا من قبليها ليهم
عذرهم اما اللى مايجبش مجموع ثانوى عام ده يبقى بيبرر
موقفه اساسا ان الفنى او الصناعة احسن وكده بس من جواه لو طال
انه يدخل ثانوى عام هايدخل اكيد
بس الغريب اللى مجموعه جايب ومايدخلش طب ليه ؟

وميرسى عالطرح المميز
بالتوفيق

[تيا]

بصي انتي كلامك مظبوط
والسبب ان شاء الله عشان احنا شعب بنحب الفشخره والتقليد
يعني ازاي واحد مصري اصيل يوافق ان ابن جاره يدخل ثانوي وابنه صنايع طبعا مينفعش لازم نقلد الناس عشان الفشخره الكدابه
مفيش اهتمام بالثانوي التاني ده مع انه مهم برده
بس المفروض ان كل واحد هو اللي بيختار
الطريق اللي بيمشي فيه بمزاجه من غير غصب من العيله وكده
والغلط الحقيقي مش ف الاهتمام بالثانوي ده واهمال التاني
المشكلة الحقيقية اللي لازم نتكلم فيها بتبقى ف الأهالي اللي عايزين يحددوا مصير ولادهم بمزاجهم
ولا كأن ولادهم دول لعب ف ايدهم
يعني البنت تبقى عايزة ثانوية عامه مثلا وهما عايزينها تاخد
الدبلوم وتقعد ف البيت تقطف ملوخيه مع مامتها ونسيت اقول حاجه مهمه عشان برده تستنى ابن الحلال عشان بدل ما تشتغل بشهادتها تشتغل له خدامه هو وولاده والبنت بترضى وده بيبقى غباء منها عشان مستسلمه كده تسمع كلامهم ف اي حاجه الا مستقبلها محدش يقرره غيرها
والعقلية دي عقلية متخلفه وفي منها كتير ف مصر
لازم كل واحد يبقى عنده حرية الاختيار
بس هنعمل ايه الحرية انقرضت من زمان عند معظم الناس
وحكاية البنات اللي ف الصنايع ومش محترمين وكده برده الثانوي فيه كتير مش محترمين
لأن أكيد كل مكان فيه الحلو وفيه الوحش
ودايما السيء بيعم على الكل
طبعا مفهمتيش حاجه عشان انا اتكلمت ف حكاية تانية بس الحكاية دي هي اللي أهم
ميرسي على التوبيك يا جميل

[حياتي ذكريات]

السلام عليكم

هقولك على حاجه الناس دولوقتي بقت تهتم بالمظاهر جداااا

دولوقتي لو واحد عايز يدخل صنايع من نفسه تقوم الدنيا وتقعد عليه من طرف

أهله لانهم بيشوفو ان اللي بيدخل صنايع هما اللي مش بيجيبو مجاميع كبيرة

غير ان مثلا لو شاب اتقدم لبنت وسألو اهله انت خريج ايه وقالهم صنايع

بكل صراحة احتمال كبير جدا يترفض ..

عشان الناس بتهتم جدا بالمظاهر غير ان الثانوي العام مجالها اوسع في

الشغل فعشان كده هنا الكل بيحرص على دخولها

اما بالنسبة للبنات اللي في صنايع بجد احنا قريبة مننا مدرسة صنايع بنات واولاد

والاتنين بصراحة الطلاب أغلبهم قمة في قلة الأدب مش هعمم يعني بس بجد دا الغالب

لان اللي بيخشو صنايع بتبقى نسبهم في اعدادي من تحت 50 % والنازل

فدول مش بيبقو مهتمين بالمذاكرة من الاساس وأخلاقهم مش كويسة

وانا اتعاملت مع كذا وحده من البنات داخلين صنايع تفكيرهم مش كويس

حتى هما نفسهم بيقولولي كلام من اللي بيحصل داخل الفصول يخلينا نقول ربنا يرحمنا

وعندي بنت الجيران دخلت صنايع مش بتروح الا كل فين وفين عشان لقت الجو وحش

في المدرسة والبنات اخلاقهم من حلوة ..

لكن في كل مكان فيه الحلو والوحش ..

تسلمي على طرحك .. خالص تحياتي وتقديري ليكي ..

[دمعة مبتسمة]

اقتباس المشاركة الأصلية كتبت بواسطة lost بسم الله الرحمن الرحيم هو فعلا الفكر ده موجود في المجتمع المصري لأ ساعات كمان بيصمموا يدخلوا أولادهم ثانوي عام مع انهم عارفين ان مستواهم ميأهلهمش انهم يدخلوا ثانوي عام ومع ان الولاد دول أحسنلهم الثانوي الصناعي أوالزراعي لأنه هيعلمهم حرفة أحسن لكن الناس للأسف مش بتفكر كده أنا فيه حد قريبي كان مجموعه قليل في تالتة اعدادي ومدخلش ثانوي عام لكن طلع من الأول على المحافظة وبعدها دخل كلية كده شبيهة بالهندسة وبقى فني تكيفيات وبيشتغل في شركة كبيرة الحمد لله فياريت فعلا الناس تغير الفكر ده ومشكورة على طرح الموضوع

زى ما قلتى ممكن يكون الطالب غير مؤهل للثانوى العام اصلا ومع ذلك يدخل ثانوى عام سواء كان لغربته علشان مش عايز يكون قليل او من رغبة الاهل وده غلط بكل المقايس
والمثل اللى ذكرتيه جميل ونموذج مشرف وده دليل ان اى ثانوى غير الثانوى عام مهم برده وليس اقل منه

ومليوووووووووووووووووون شكر لتواجدك الرائع

[دمعة مبتسمة]

اقتباس المشاركة الأصلية كتبت بواسطة الأميرة منة اكيد اى ام او اى طالب مفروض بالعقل يختار ثانوى عام طبعا عشان المستوى احسن فى التعليم وممكن تدخلى الكلية اللى عايزاها وبتبقى وحشة لما تكبرى وتقولى للناس انا كنت خريجة ثانوى صناعى او الكلام ده بصى انا مش ضده خالص انا اعرف واحدة دخلت ثانوى من دول بس مش فاكرة ثانوى ايه ودخلت كلية هندسة فمش شرط ثانوى عام بس طالما احنا قادرين ندخلها ومجموعنا الحمد لله جاب يبقى ندخل طبعا اما اللى مايجبش مجموع يدخله ثانوى عام ده يبقى خايب اوى الا لو حصلت ظروف قبل الامتحانات هى اللى اضطرت لكده انه مايدخلش ثانوى عام بس برده اللى هايدخل فنى او صناعة مش هايبقى زى اللى دخل ثانوى عام الا اللى حصلتلهم ظروف جامدة بئا من قبليها ليهم عذرهم اما اللى مايجبش مجموع ثانوى عام ده يبقى بيبرر موقفه اساسا ان الفنى او الصناعة احسن وكده بس من جواه لو طال انه يدخل ثانوى عام هايدخل اكيد بس الغريب اللى مجموعه جايب ومايدخلش طب ليه ؟ وميرسى عالطرح المميز بالتوفيق

أهلااااااااااااااااا بالثانوية العامة كلها
أخبارك ايه يا سكره
هو فعلا كل أم وكل طالب يتمنى دخول الثانوى العام
والثانوى العام له فرص أكبر فى الكليات ممكن يدخل اى كلية وكمان معاهد مش محدد زى الثانوى الزراعى والصناعى وغيره
لكن مش معنى كده ان اى ثانوى غير الثانوى العام يبقى قليل وتبقى وحشة لو قلت انى خريجة ثانوى صناعى مثلا بالعكس ده يبقى الفخر كمان لانى تعلمت حاجات هتفيدنى فى الكلية بعد كده وحاجات هتفبدنى فى حياتى العملية وده اللى بيميز الثانوى الصناعى ................وغيره عن الثانوى العام

وكمان عادى لو حد جاب مجموع الثانوى العام ودخل ثانوى تانى مفهاش حاجة دى رغبات عادية
ومن المؤكد ان اى ثانوى غير الثانوى العام انه له مكانه واهمية
عارفة لما كنت فى الشهادة الاعدادية كنت نوية ادخل ثانوى صناعى بس عند علشان بيقللوا منه
بس للاسف نسيت لان المدرسة اللى كنت فيها كانت بتدخل ثانوى زى العام كده مباشرة وما فى اختيارات وكان لازم احول ورقى نهائى يعنى احول من المدرسة لمدرسة تانية لكن ما فيش نصيب

ومليووووووووووووووووووووووووووووووون شكر لحضورك نورتينى

[دمعة مبتسمة]

اقتباس المشاركة الأصلية كتبت بواسطة تيا بصي انتي كلامك مظبوط والسبب ان شاء الله عشان احنا شعب بنحب الفشخره والتقليد يعني ازاي واحد مصري اصيل يوافق ان ابن جاره يدخل ثانوي وابنه صنايع طبعا مينفعش لازم نقلد الناس عشان الفشخره الكدابه مفيش اهتمام بالثانوي التاني ده مع انه مهم برده بس المفروض ان كل واحد هو اللي بيختار الطريق اللي بيمشي فيه بمزاجه من غير غصب من العيله وكده والغلط الحقيقي مش ف الاهتمام بالثانوي ده واهمال التاني المشكلة الحقيقية اللي لازم نتكلم فيها بتبقى ف الأهالي اللي عايزين يحددوا مصير ولادهم بمزاجهم ولا كأن ولادهم دول لعب ف ايدهم يعني البنت تبقى عايزة ثانوية عامه مثلا وهما عايزينها تاخد الدبلوم وتقعد ف البيت تقطف ملوخيه مع مامتها ونسيت اقول حاجه مهمه عشان برده تستنى ابن الحلال عشان بدل ما تشتغل بشهادتها تشتغل له خدامه هو وولاده والبنت بترضى وده بيبقى غباء منها عشان مستسلمه كده تسمع كلامهم ف اي حاجه الا مستقبلها محدش يقرره غيرها والعقلية دي عقلية متخلفه وفي منها كتير ف مصر لازم كل واحد يبقى عنده حرية الاختيار بس هنعمل ايه الحرية انقرضت من زمان عند معظم الناس وحكاية البنات اللي ف الصنايع ومش محترمين وكده برده الثانوي فيه كتير مش محترمين لأن أكيد كل مكان فيه الحلو وفيه الوحش ودايما السيء بيعم على الكل طبعا مفهمتيش حاجه عشان انا اتكلمت ف حكاية تانية بس الحكاية دي هي اللي أهم ميرسي على التوبيك يا جميل

تصدقى ممكن يكون الموضوع كله علشان التباهى بالمظاهر ليس اكتر
بس كمان وزارة التعليم نفسها بتشجع الثانوى العام اكتر وبتهتم بها وبالاوائل وجعلت لها مجموع عالى الى من يدخلها فالظاهر ان الموضوع تباهى بالمظاهر وكمان تقليل من شان الثانوى الاخر
وكمان الاهل مزودين الحكاية ولازم اولادهم يدخلوا الثانوى العام على اساس ان الثانوى التانى سئ للاسف نظرتهم خاطئة
وزى ما قلتى الاخلاق بتكون فى كل مكان فى الصناعى والتجارى والعام والسئ كمان فى كل مكان
عارفة احنا عندنا فى الثانوى العام اكتشفوا بنت تدخن يعنى مش شرط اللى عنده اخلاق هيكون فى كل مكان كويس ومش مبرر نقلل من الثانوى الاخر
لا انا فهمت قصدك وعادى دى نقاش الحوار مفتوح يعنى خذى راحتك

تحية حاااااااااااااااااااااااااااااااره لتواجدك الذى اضاء الصفحة

[دمعة مبتسمة]

اقتباس المشاركة الأصلية كتبت بواسطة حياتي ذكريات السلام عليكم هقولك على حاجه الناس دولوقتي بقت تهتم بالمظاهر جداااا دولوقتي لو واحد عايز يدخل صنايع من نفسه تقوم الدنيا وتقعد عليه من طرف أهله لانهم بيشوفو ان اللي بيدخل صنايع هما اللي مش بيجيبو مجاميع كبيرة غير ان مثلا لو شاب اتقدم لبنت وسألو اهله انت خريج ايه وقالهم صنايع بكل صراحة احتمال كبير جدا يترفض .. عشان الناس بتهتم جدا بالمظاهر غير ان الثانوي العام مجالها اوسع في الشغل فعشان كده هنا الكل بيحرص على دخولها اما بالنسبة للبنات اللي في صنايع بجد احنا قريبة مننا مدرسة صنايع بنات واولاد والاتنين بصراحة الطلاب أغلبهم قمة في قلة الأدب مش هعمم يعني بس بجد دا الغالب لان اللي بيخشو صنايع بتبقى نسبهم في اعدادي من تحت 50 % والنازل فدول مش بيبقو مهتمين بالمذاكرة من الاساس وأخلاقهم مش كويسة وانا اتعاملت مع كذا وحده من البنات داخلين صنايع تفكيرهم مش كويس حتى هما نفسهم بيقولولي كلام من اللي بيحصل داخل الفصول يخلينا نقول ربنا يرحمنا وعندي بنت الجيران دخلت صنايع مش بتروح الا كل فين وفين عشان لقت الجو وحش في المدرسة والبنات اخلاقهم من حلوة .. لكن في كل مكان فيه الحلو والوحش .. تسلمي على طرحك .. خالص تحياتي وتقديري ليكي ..

صح ممكن تكون مظاهر
وفعلا لو احد الابناء اقترح انه يدخل ثانوى صناعى يرفضوا بلا تفكير
وطبعا حتى الخطيب فيه انه يترفض لمجرد انه خريج ثانوى صناعى او تجارى او فندقى او زراعى
يعنى مافيش عدل نهائى
وانتى رايك صح اغلبية الى بيدخلوا ثانوى غير الثانوى العام بتكون اخلاقهم قليلة وعايزين تقويم اخلاقى وكمان المستوى الدراسى فى الارض
احنا كمان عندنا الثانوى الفندقى مفيش اخلاق اصلا لكن ده يمكن شعوره بانهم اقل من الثانوى العام بيخليهم يضعوا فى تفكيرهم انهم فاشلين اخلاقيا ودراسيا وما دام ان الحظ لم يحالفهم بدخول الثانوى العام يبقى هم قليلين عنهم وانهم مش مهمين لذلك يلجأوا للاستخفاف بالدراسة وايضا بالاخلاق
ومنعا لقلة الاخلاق وانخفاض المستوى الدراسى نهتم بهذا الثانوى دراسيا ومعنويا لتقديم الافضل لانهم اصلا من افضل الثانوى وليس هناك تقليل من شانهم

الله يسلم قلبك
ونووووووووووووووووووووووووووووورتى الصفحة بمرورك المعطر

[EMoOoO]

بصراحه عندك حق 100%
فعلا دايما الناس بتقلل من اي ثانوي غير العام مع ان ممكن يكونو ناجحين اكتر من اللي في ثانوي عام
بس هم الناس بيقللو من شأنهم لان اغلبهم مش بيدخلوها على اساس انها رغبه بل مجاميعهم هي اللي بتجبرهم انهم يدخلو الثانوي التجاري او الصناعي
ميرسي عالموضوع المهم