اكثرهم التزاما أقلهم اتباعا!!!!!!

[♥..pure]

السلام عليكم

موضوع مميز جدا يا ياسمين وبيناقش قضيه من اكثر القضايا جدلا الان

موضوع الالتزام بانواعه بس هنا هنتكلم عن التزام الدينى

هو يعنى ايه التزام دينى اصلا سواء كان مسلمين او مسيحين

هتتكلموا عن اللحيه واللبس والكلام دة طيب مهو شيخ الجامع بيلبس جلباب وبيلتحى

وبردو القسيس بيلبس جلباب وملتحى الدين مش باللبس نهائى

قريت مقوله فى كتاب مرة عمرى ما هنساها بتقول

الدين موضوع قبل أن يكون شكلا وجوهر قبل أن يكون مظهرا

وحكمة فى الرأس قبل أن تكون شعرا يطول أو يقصر..

هذا هو مضمون الكلام ،، فليست اللحيه والجلباب عنوان الشخص الملتزم

بالعكس تمام فهناك اشخاص حاليون اعرفهم معرفه شخصيه ملتحين ويلتزمون بالزى التزام تام

ولكن ادخل الى بيته وظل هناك لمدة ساعه واحدة

والله هتشوف البدع فهناك الاب من ان دخل المنزل فانه يسب الدين الذى كان من مدة قصيره ينادى به

وترى ابناءه البنات لا يلتزمون بامور دينهم البسيطه التى اوصى بها رسولنا الكريم

ترى امرأته تتحدث معه عن اخبار جيرانهم وينممون فيهم ويسخطون عليهم

فسبحاااان الله تعرف امور دينك بل وتنصح بها المسلمون وتقول قال الله وقال الرسول

ولكن لا تنصح نفسك اولا ،،، يقول تعالى " اتأمرون الناس بالمعروف وتنسون أنفسكم "

فقبل ان تنصح اهل المنظقه انصح اهل بيتك ارشد بناتك وعرفهم دينهم

اتبع ما تقول ،،، لهذا حقا " اكثرهم التزاما اقلهم اتباعا"

ولكن ليس معنى ذلك ان كلهم مثل ذلك لا طبعا

يوجد القليل الملتزمين ولهذة الصورة الذى طبعها كثير من الملتحيين

فاصبحنا الان نخشى الملتحى ونتنافر منه ونبتعد عن اماكن تواجدهم

فهذة الجماعه الى شوهت صورة الملتزمين تسببت فى تعميم الفكرة

فالان نعرف ان الملتزم هذا متعصب لدينه ولا يطبقه صحيحا ويؤمن بافكار متشددة لا اساس لها

استوقفنى موقف حصل لى شخصيا ،،

فى مرة كنا مسافرون ووقفنا فى لجنه وكانت هذة اللجنه لجمه الملتحيين

وذلك لانهم يبحثون عن ملتحى قاتل وسفاح فمن يعرف ان السفاح ملتحى

سيعمم الفكره عليه ويقول ان جميعهم مجرمين

ننتقل الى الفكرة الثانيه وهى ان الغير ملتزمين زيا اكثرهم اتباعا لدينهم

فنرى شخص عادى جدا ملتزما دينيا واخلاقيا بعكس الملتحى الان

لا نكتفى بالمظهر الخارجى ولكن تعمق فى الشخصيه فهى المغزى

واكرر المقوله التى ذكرتها ،،

الدين موضوع قبل أن يكون شكلا، وجوهر قبل أن يكون مظهرا

وحكمة فى الرأس قبل أن تكون شعرا يطول أو يقصر

موضوع مميز يا ياسمين

بالتوفيق للجميع

،،،،

[Mo7aMaD 3aLa2]

موضوع مهم جدا يا ياسمين

اول نقطة ان اللى بتتكلمى عنهم دول ... لا علاقة لهم بالالتزام ...دول ناس متشددين ...وغاويين يعقدوا الامور

والدين يسر...يسر ولا تعسر

ثانيا ...عند كتير من الناس لسة محتاجين وقت كتير على ما يعرفوا ثقافة المظهر والجوهر

اول ما يشوف واحد مطلق اللحية يقولة يا شيخ ...

ولو شاف واحد تانى لابس سلسلة يقول ف نفسة دة فاسق

...واتبعى بقى الطريقة دى فـ اى حاجة

اللحية والثوب القصير دى ثنة مشكور عليها ...لكنها مش دليل قاطع على انة انسان ملتزم

شخص ملتزم ...يعنى ملتزم بتعاليم دينة وبيطبقها فـ حياتة العملية ...مش حافظها وماشى يقولها وينصح الناس بيها

فـ خلينا نسميهم متشددين بدل ملتزمين

الثوب القصير واللحية لا يعنى الالتزام ابدا .. دى ثنة متبعة

والاهم فـ كل الموضوع انكـ قولتى ان حديثك خالى من التعميم

موضع رائع

تقبلى مرورى

[҉ آنينُ صمتـﮯ ҉]

موضوع جميل ي ياسمين

والعنوان جميل

~اكثرهم التزاما اقلهم اتباعا~

وقولي كدا حسة انك بتقري افكاري هههههه

او زي مطارق قال اتكلمتي بلسان حالي

ومش انتي بس اللي مدايقك مدايقني انا كمان

مش عرفة انا ايه دا دي ا نتشرت علفكرة كتير

**

صدق العلي العظيم

~ يامرون الناس بالتقوي وينسون انفسهم~

بقيت فعلا كل حاجة حرام حرام وتفاجي اني بيعملها بس دا مش كتير طبعا

بس انا بشوف كدا

**

لا لو بنت منقبة وشافت بنت غير كدا دي فاجرة وهي ملتزمة بلبسها

ولاسف بشوف كدا وكمان بيقولها في المسلسلات

انا مش عرفة هما بيعملو ليه كدا

دا مش دينا ودينا فيه تسامح

لو الواحدة معملتش باللي بتقولها كدا

انتي مش مسلمة انتي مش عرفة ايه

وكمان عند بعض الشيوخ

**

انا شيفة اني الناس مش بتستخدم الدين صح

او ممكن تكون بتستخدمه بس بتاخد اللي علي مزاجها

يعني مثلا لو واحد بيعمل بالدين بحاجات وحاجات لا

طيب ليه ي كله ي بلاش

لا يقلك مثلا الرسول كان بيعمل كدا

وفي حاجة تانية ينسي الدين وينسي الرسول

بجد حاجة بقيت متعبة اوي

يعني بصراحة خلو الواحد يكره الحياة علي التناقض اللي

شيفاه

ربنا يهدي الناس


**

دمتي بكل خير

[yasmine refat]

اقتباسالمشاركة الأصلية كتبت بواسطة SiLver Spectra

لا بجد موضوعك روعة يا ياسمين

كانك اتكلمتي بلسان حالي
بس أنا لما كنت بقول كدا كانوا بيقولوا عني اني بتاع هوليود و منحرف
فريحت دماغي احتفظت بأفكاري
لكن مش تنازلت عنها بس زمان كنت بناقش أي حد و كنت بصطدم جامد
اكتشفت في النهايه ان ناس كتير ما بتفكرش
فماتحولش تجادلهم
الي تجادله دا هو الانسان الي هيحاول يتعمق في فكرك
لكن الي هياخده بسطحية ريح دماغك معاه
لك فكرك و لي فكري
و الكلام مش موجه لأي شخص كان
و ربنا يشهد بنيتي

عارفه في منتدى دخلته من كام ساعه و لفت نظري موضوع لاقيت واحده كاتباه
بتوجه رساله للأخوة المسيحيين
حاولت اجيب اقتباس لموضوعها لأني بصراحه لما قريته اكتشفت اد ايه عقولنا سطحية
بس للأسف مش لاقيته لأن المنتدى كبير ما شاء الله
ممكن كنت اجيبها من الهستوري بس لما افتح من اللاب توب الي شوفته فيه
المهم ان من خلال الموضوع الاخت حابه توجه رساله للمسيحيين عن طريق موقف مع صديقة مسيحية ليها
بتقولها تعرفي ايه عن كاميليا ؟
فقالتلها مش عارفه و بعدين سألت مامتها و قالتلها ماما (المسيحية طبعا) بتقول ان كاميليا دي مسلمين اختصبوها!!
فالاخت عامله الموضوع و بتقول يا جماعه احنا مش كدا خالص
و لا يمكن مسلم يعمل كدا
و قاعدت تحلف ان مافيش مسلم يعمل كدا نهائي!!
طبعا استوقفني انها خلطت سلوك البشر بالدين

طيب ما أي ديانه في الدنيا لو حتى بوذيه هتلاقيها بتحرم الاختصاب!
دا في النهايه سلوك بشري منحرف عن الديانه

مشكلة فعلا في سطحية التفكير
اني افهم الدين انه يعني جلابيه قصيره و امسك سواك في بؤي يبقى انا كدا تمام
و تبقى معاملاتي مع الناس فظه!!
مش فاهم ان الدين في الاصل فرض لتحسين علاقة البشر ببعضهم
عشان مافيش انسان يظلم التاني أو يضر التاني
دا الهدف السامي للدين أو لفلسفة الدين

واحد تاني يقولك الأغاني حرام و مش عارف ايه
و بعدين تلاقيه كل يوم يتخانق مع أمه!!
ياعم روح كلم امك عدل و بعدين ابقى تعالى اتكلم عن الاغاني و شوف هي حلال و لا حرام!!

عندنا شعور الافضلية
ان احنا أفضل شعب!!
افضل شعب بالكلام لكن مش بالعمل
زي الي يقولك مصر فوق الجميع
طيب و بعدين نعملك ايه يعني
مصر فوق الجميع عشان فيها زباله كتير مثلا!!
نفسي و الله أقتنع ان مصر أم الدنيا بس مش لاقي الميزه لسه انها تبقى أم الدنيا غير انها مهد الحضارات
ايه بقى الميزه الي تخليها أم الدنيا حاليا أنا مش عارف
بس لسه بدور يمكن أطلع بالسبب

فدي مشكلة كبيره اني اشوف نفسي افضل من غيري و ما أديش مساحه للإختلاف
انت هتبقى أحسن من غيرك بسلوكك مش بالكلام
لو تشوفي الحضارات من 1400 كان الاسلام بالمقارنه بيها جنه
عدل و مافيش ظلم و ثوابت و مبادئ..فرق كبير جدا
دلوقتي الحضارات أو الغرب سلوكهم اتغير و اطور مع الوقت
في حين انت ماشي بنفس السلوك القديم مع فهم خاطئ في التطبيق(زي عربية موديل 1920) و الغرب دلوقتي راكب عربية موديل 2010
فانت محتاج تطور فكرك
عشان كدا الاسلام انتشاره ضعف جدا بالمقارنه بالعصور الماضية
شوفي رقعة انتشار الاسلام و قارني
و حاولي تلمسي الأسباب
هتلاقي في القرون الهجرية الأولى كان مفهوم الاسلام صحيح و ماكنش في اي مقارنه بين الاسلام و بين أي ديانه أو نظام آخر الي كانت كلها ظلم و افترا (تقريبا شبه حيوانات)

لكن دلوقتي حالك ايه!!
تكفير و تفجير..مافيش تسامح
اساءة لديانات أخرى
يعني استغرب تلاقي شيخ يصر على انه يقول عن المسحييين انهم نصارى
ياعم هما زمان كان اسمهم كدا دلوقتي هما بيسموا نفسهم مسيحيين احتراما ليهم بتندهلهم بنفس المسمى الي هما أطلقوا على نفسهم بيه
يقولك هما نصارى!!
زي بالظبط لما واحد مش مسلم يقولك المسلم دا محمدي بدل ما يسميه مسلم!!
اسم استفزازي!!

فانت ازاي هتجذب غيرك اذا كنت انت مش قابلهم!!

معلش على الاطاله في الرد بس الموضوع رائع
ممكن اكتبلك فيه للصبح

أهلا ياطارق

كنت متوقعه ردك وكنت متوقعه كمان إن الموضوع ينال رضاك:vb26:

وعادي لو كانت في ناس بتقول عنك من تباع هوليود ومنحرف

انا في ناس بتقول عني يهوديه وفي طريق الالحاد:ju6:

تعرف المدح الزياده مبحبوش لإن الناس بتمدح في الغالب الشيء الي هي بتأيدوا وبتفكر زيو

وده لوحدوا بيخلني اشعر أني بحقق رغباتهم او لغيت استقلالي

وبشوف عكس المدح في حالة لوطرحت فكره مغايره عنهم

ولكن..

إذا قال الناس عنك مجنون فإنك تسير في الطريق الصحيح:biggrin:

أما بالنسبه للموضوع

هو فعلا في نسب خاطيء لإشياء كتير للدين وكلها طبعا بغرض الفتنه

الديانات في اغلبها بتدعوا للإخلاق والإنضباط وللتسامح والعفو

لإن الدين هو أساس أنضباط الشخصيات

فبالتالي من الغلط إني انسب الفعل الخاطيء للدين

فلو لحظت هتلاقي الدين ((في اغلبه)) بيدعوا الانسان لصلاح النفس والصلاح في التعامل مع المجتمع ((وده في حد ذاته ممكن يكون شيء مشترك بينا نعتمد علي في الاندماج ))

عارف مره قعدت أفكر ايه سبب وجود شخصيات مشوهة قاتله

استنتجت إن مش السبب طفوله سيئه فقر مقدع..... فقط وإن كانت امور تساهم بشكل كبير في التأثير والتشكيل

السبب في الغالب ((فكره)) تحولت لإعتقاد ومنها نتجت المباديء والقيم وحتى التعاملات مع الاخرين

حتى انعدام الانسانيه عن شخص سببها قد يكون فكره

يعني ايه لما أغرس في الناس فكرة بإن غير المسلمين وحشين ومش كويسين

ده هيزرع فيهم إنك مهما عملت في ده المختلف عنك مسموح

وده بيجد هيفسد فكرة الاندماج وهيصبح المجتمع مشوه ((جماعات)) مشتته مفرقه

احترام الديانات الاخرى واحترام اصحاب الديانات الاخرى واعطاءهم حريتهم وقدرتهم على تطبيق شعائرهم امر الاسلام امر بي ولا خلاف على ذلك

وبعدين حكاية تطوير الدين ((دي حاجه جوهريه في الدين))

فالدين يتميز بالثبات والمرونه

وباب الاجتهاد والاعتماد على الشورى أمور هتساعد للتقدم

بس عيزلها ناس تفهم العصر

مش ناس عيزه تمشي بنفس الاحكام الي طبقت قبل 100 سنه

وحكاية التحريم المبالغ فيه هي الي بتغظني

في اشياء كتير نقدر نستغلها لصلحنا لو عايزين بس مش لازم نقدمها لغيرنا يسيطر علينا بيها لمجرد انا فضلنا المنع للمنع

والدين الاسلامي زي ماذكرت رفيف جوهر مش شكل بس

وكما ذكرت اسلوب حياة مش تعبد فقط

شكرا على مرورك

وتقدر تدخل زي ما أنت عايز:vb26:

[بنت العبد]

السلام عليكم ورحمة الله وبركاته
اولا اشكرك عالطرح المميز واحترم فى موضوعك انك لا تعممى
لان هنا الفكره وهى عدم التعميم فعلا كتر جدااا اقابل نساء ملتزمات
منقبات وااجى اتكلم معاهم تلاقي ردودهم وكلامهم غايه فالنقض الغليظ
لملابس البعض ونسوا ان الله يقول فى كتابه العزيز وان كنت فظا غليظ القلب
لانفضوا من حولك ...ان هنا العنف فى توجيه النقض الاخرين عدم تنفيذ
لكلام الحق عز وجل طب فين هنا اللين و الرافه فى نشر الدعوه واصلاح
الاحوال وتلاقى بدلاا من انه يتكلم مع الشخص العاصى باللين والاقناع
والهدؤ حتى يكتب الله له الهدايه يكرهه فنفسه ويعقده وممكن احيانا
يتهكم عليه ويسخر منه وهو لا يعلم انه قد يكون الا فضل عند الله..
جميل جداااا ان الانسان يكون مقصر وملتحى وان المراه تكون منتقبه
ولكن ليكن الداخل والقلب والعقل جميل ايضااا
اعلم ان الكمال لله وحده ولكن مطلوب ان المظهر الملتزم يجب
ان يكون مقترن بالقلب الملتزم ..وان الانسان يجب الا ينهى عن شئ
وياتى بمثله بل احيانا افظع منه ....
هناك امثله لعنوانك اكثرهم التزاما اقلهم اتباعا وهناك ايضا الملتزم التابع
لكلام الله وسنة نبيه وهذا هو الاجمل والاجمل وهناك ايضا من هو ليس ملتزم وليس تابع
الامثله كلها موجوده واحترمت فى موضوعك عدم التعميم ولكن انتى خصيتى بالكلام
فئه معينه الملتزم غير التابع لكلام الله والسنه الشريفه واحسنت التعبير والطرح
لوجهة نظرك وتفكيرك...اشكرك دمتى بهذا الالق والتميز

[yasmine refat]

اقتباسالمشاركة الأصلية كتبت بواسطة عيون الغدالاخت يااسمين قرأت موضوعك



واعجبتني صياغته, وعنوانه جايب الخلاصه كلها




بالموضوع



((اكثرهم التزاما أقلهم اتباعا))





بالفعل كتير من الناس تلاقيهم ماسكين مراكز



ووظائف وواصلين وكلمتهم بالسوق الي فلانابن فلان



مواضب نفسه بالماجد ووالصلوات والصدقات باسم(سمعتي


بالبلد)



ويمسك كتاب الله قال الله وقال الرسول( وهو بينه وبين

نفسه شيطان عامل السبعه وذمتها)



والله كتير ناس مغطيه بقشورها يا ياسمين


ويجي يتكلم بالحرام والحلال وهوامه ما بعرف حالها,


زوجته مش عارف واجبه



المهم اللهم امتع نفسي واشبع رغبي بستار الاسلام


على خشبه الحياه اما الجمهور مهم الناس ليهم


بالظاهر



الناس الجاهلين ما بتتقربش الا من اللي قريب من



كتاب الله ستنه ,


والعينه المنحطه اتخذنت نقطه ضعف لاغلب الناس



وانا لا اعمم بس والله هاد يللي صاير


بالعالم...........



موضوعك رائع



بالتوفيق

أهلا يا أم أحمد

اصحاب العقول في راحه ...وصدقت المقوله

للأسف فعلا مظهر الالتزام ممكن يستغل بشكل سيء

بسبب انه بيعمل هيبه ومكانه واحترام

ومن السهل اصحاب العقول الجاهله ان تنخدع بيهم

والله المستعان

[yasmine refat]

اقتباسالمشاركة الأصلية كتبت بواسطة حنونوالله ياياسمين الانسان الاكثر التزاما براى هو الاكثر اتباعا

انما الى انتى بتكلمى عنهم دول مش اكثر التزاما دول اكثر

تشدد اكثر خروج عن المالوف وخروج عن صلب الدين الى هو اصلا

بيامرنا بالمرونه وفى حديث عن الرسول فيما معاناه يعنى

ان المؤمن هين لين سهل

مش متشدد وبيكلم وخلاص عن امور ظاهريه مالهاش اى علاقه بالداخل

الانسان الملتزم براى هو الانسان الوسطى لان دينا دين وسطيه

وعلى فكره الدين مش كله حرام حرام زى الى بنسمعه دلوقتى

دى بئت اسهل كلمه عشان نبان اننا مؤمنين مع ان المفروض

اننا نواكب العصر ونعرف اى نتكيف معاه من غير ما نغضب ربنا

ونكون بنفذ الاسلام بحق والى مش عارف كدا يرجع لايام النبى

ويشوف ازى قدر يتعامل مع بيئه مختلفه غير الى كان عايش فيها هو والصحابه

لما عاشوا فى المدينه وازى قدر يتعامل مع اليهود وقتها وقدر يحافظ على

حقوق كل المواطنين بما فيهم اليهود نفسهم لان الدين مش قاصر

على اللحيه والجلباب القصير دى حاجات ظاهريه مش بتعبر ابدا عن جوهر الدين

ولا عن الالتزام انا عن نفسى مش بسمع للناس الى انتى اتكلمتى عنهم دول خالص ياياسمين

عارفه طبعا

فى النهايه الدين لو اطبق صح ومش ربطنها بسلوك فرد متطرف مش فاهم حاجه

الحياه هتكون دايما افضل والملتزمين دايما هيكونوا اكثر اتباعا

موضوع رااااااااائع ياياسمين

موفقه

أهلا ياحنان

مش انتي بتسمعي لعمروا خالد ((يبقى أنتي تمام))

مع أني عندي شوية ملاحظات سلبيه علي ومبفضلوش

بس دي وجهة نظر شخصيه مافيش لزوم اعرضها

لأنو داعي فاهم للعصر واسلوبو مناسب للشباب وافكاروا مش متعصبه

فاستمري...:vb26:

وطبعا كلامك جميل ياحنان والدين بيعلمنا التعايش مع الغير وبيعلمنا الاحترام ((مدام مفيش ضرر منهم))

وموفقه ياحنان

وربنا يهدينا جميعا ويثبتنا

[yasmine refat]

شكراااااا للجميع على المرور

رفيف ...

رأي رائع جدا وعجبتني المقوله

الدين موضوع قبل أن يكون شكلا وجوهر قبل أن يكون مظهرا

وحكمة فى الرأس قبل أن تكون شعرا يطول أو يقصر..


دي المقوله فعلا بالموضوع كلوا فلها معنى كبير جدا

محمد....

كلامك جميل جدا والمظاهر هي قد تكون مغايره للحقيقه لكن في نفس الوقت الشخص بأمكانو يستخدمها لتحديد الهوية الي عيزها ((والغرب ليس لهم سوى المظاهر)) وفي الغالب اختيار التعامل مع الاشخاص لأول مره بيكون بالمظاهر ((فهي سلاح)) ييضر صحبها يايفدوا

نور عيني....

يعني بصراحة خلو الواحد يكره الحياة علي التناقض اللي


شيفاه


عجبتني قوي الجمله دي

ولكن التناقض أكيد بيفسره منطق ورؤيه محدده لدي الشخصيات

بنت العبد ...

بشكرك على مرورك ورأيك الجميل

بالتوفيق للجميع