اكثرهم التزاما أقلهم اتباعا!!!!!!

[yasmine refat]

هل فعلا بقينا اكثرنا التزاما اقلنا اتباعا؟؟؟!!

في الغالب بفضل ابدء موضوعاتي بسؤال لإن تفكيري بينتج بهذه الطريقه عن ظاهرة بشفها بضيقني وبكون تساءل عنها وببدء بوضع الأجوبه

ولكن اليوم موضوعي عن شيء اعتبر بأنه خالي من الأجوبه ومليء بالضجر والملل من الي بشفو مع التنبيه منذ البدء ((ان حديثي خالي من التعميم))

الي مستفزني حاليا كشابه هو حال الملتزمين حاليا وفي شخصيات كتير بصادفها في حياتي بتكرهك في الالتزام أو حتى إنك تكون على علاقه بشخص ملتزم وخلينا نخصص الرجال بشكل أكبر ((فتمسك المراءه والتزامها الشديد في حالات كتير صدفتني بتكون بفعل الرجل وسيطرته على المراءه فبتكون تحت تأثير ذكوري شديد وفي الغالب لا بتهش ولا بتنش وبتفعل وبتنفذ ))فبالتالي اكثر فئه من الملتزمين بصراحه بيسبب لي نوع من النفور هم ((الرجال)) لحيه ثوب قصير بيصلي ومبيديش زوجته حقوقها ومافيش اسوء منه مع عياله!!!!!!!!

وأنا هنا بقرأ في المنتدى في موضوع في قسم النقاش عنوانه ((اموت ولا اتجوز ملتزم))

وحقيقة انا داخليا بأيد دي المقوله طبعا مش هكون هدفي النساء تتجوز برجل منحرف لا بس ((الشكل مش كل شيء)) ((والالتزام بشيء معين مش معناه الاعتقاد بي او صلاح الكل)) فكتير مننا بيشوف إنسان عادي وممكن عاصي احسن بمليون مره من شخص ملتحي

فالقضيه مش هو بيعمل ايه مع نفسو (اد ماهي بيتعامل ازاي مع الاخر)

طيب ياجماعه ليه كده ليه الملتزمين بقوا كده !!!!!!

مانكرش اني فعليا بحاول ابحث عن السبب حسيت أنه التأسيس غلط

أغلبنا بيسمع الشيوخ بيسمع الخطب بيشوف القنوات الي بقت على التلفزيون

والله احيانا بيجلي نفس حد يسبني وأنا اخترق التلفزيون ومسك في رقبة المتحدث:vb26:

وده شعوري حقيقة

أولا ياجماعه مش عارفه ليه حسه في موضى جديده اسمها ازعق واكفر في الخلق

حد مثلا مخرج يعمل شيء ينتقد فيه تصرفات بعض تباع الدين الاسلامي ((زي مابعمل في الموضوع ده))

تلاقي فجأه مقاطع والخ انه لا يخاف الله فالنرحم امتنا ولندافع عن ديننا اتجاه هذا الفكر!!!!

مع شوية ناس بتنشد ....والسلامو عليكووووووو

طب اقنعني فهمني قلي حضرتك بتقول كده ليه هل كلمت صاحب العمل فهمت موقفو أي حاجه يعني...

وطبعا هنا وانا بتكلم ذكرت شيء برضوا بيضيقني ((الموضوعات وطريقة عرضها))

النار ... العذاب... العصيان...المراءه الي لازم تتلم والراجل فين في الحكايه كلها الله اعلم.. وكلام وكلام وكلام اكثره في كلمة اتقوا الله........

((طبعا بعيد انا لا اعمم)) لإني بصراحه مش متابعه كويس ومش حابه حد يفكر بدالي بس ده شيء مضايقني لا اكثر

ونرجع لكلامي عايزه افهم ياناس هل الدين كده بس؟؟؟!!!

طب علمونا شيء يتناسب مع العصر خلونا نعرف ازاي ممكن نطبق دينا

بس متكونوش لينا مجموعه مخليه حياتها مظاهر تقوى مش فاهمه الدين ولو فهم بسيط متعصبه شايفه الضد ديما وحش وكافر وغضب الله عليه....

يعني ابسطها الرجال صاحبة المظهر الملتزم بتتمسك بقوله تعالى ((الرجال قوامون على النساء))

واتحدى انهم فهمينها حتى وفهمينها بفهمهم القاصر للدين ((مدى السيطره ونفاذ الكلمه!!!))

عارفين ياجماعه سمعت معلومه شدتني جدا بأن في الغرب ((بيدخل في الاسلام من النساء اكثر من الرجال)) وهنا الستات لو عليها تولع في نفسها وتهرب:vb39:

معنى ايه ده ياناس معنى ايه!!!!!!!!

معنى ايه يوصل العنف في دوله عربيه لـ75%

وبرى الستات بتسلم بشكل اكبر

ليه ياناس منحولش نفهم الدين بدل مانخلي في عذاب ونار

مش كده كأننا بنقول للشخص سارع لخلاصك وسيبك من الناس الي حوليك مش هينفعوك....

في حجات كتير في الدين مهم أنحنا نتعلمها ونفهمها غير عن الحجات الي مش هتنفعني مثلا بمجرد خروجي عن المسجد وعن حالة التعبد ..((مش هي دي العلمانيه الي بتحربوها ولا ايه!!!)


وبعدين عايز افهم بتهجموا ايه بالضبط ايه هو الشيء الي متجهين نحيتو وبتحاربو

وبعدين ليه منتعلمش شيء يجمعنا

مش يفرقنا

ويلا ياجماعه هتلاقوا المنظر أزاي


ده في ناحيه وده في ناحيه وكل واحد منهم بيغلط على التاني!!

كل شخص بيشوف ماعليه هو الاصح بس قصدي خلينا نركز على الاشياء الي تجمعنا ونركز على الاشياء الي فعلا بضرنا ونركز على صلاح الامه وازاي نوصلوا مش نخلي الناس داخل الوطن الواحد تاكل في بعض

وبعدين حاجه برضوا نفسي افهمها ليه كده مخلين الدنيا محصوره على شيء معين ((ليه حبسين نفسكم )) حرام..حرام..حرام

ما أنت لو منعت ده الشيء غيرك هياخدوا منك وهيسخروا ليه...

سعتها هتخلي غيرك يسيطر على حياتك وانت ساكت

في فراغ انت ماملتهوش غيرك هيملي

فبدل ماتحرم خلي الشيء مناسب ليك

وأخيرا هنهي موضوعي بسألي ...

هل اصبحنا اكثرنا التزاما اقلنا اتباعا؟؟؟؟؟؟؟؟؟؟!

ورغيت كتير بس ممكن تعتبروني مخنوقه:sad_1::thumbdown:

[قلـــــــــــــــــم]

الي مستفزني حاليا كشابه هو حال الملتزمين حاليا وفي شخصيات كتير بصادفها في حياتي بتكرهك في الالتزام أو حتى إنك تكون على علاقه بشخص ملتزم وخلينا نخصص الرجال بشكل أكبر ((فتمسك المراءه والتزامها الشديد في حالات كتير صدفتني بتكون بفعل الرجل وسيطرته على المراءه فبتكون تحت تأثير ذكوري شديد وفي الغالب لا بتهش ولا بتنش وبتفعل وبتنفذ ))فبالتالي اكثر فئه من الملتزمين بصراحه بيسبب لي نوع من النفور هم ((الرجال)) لحيه ثوب قصير بيصلي ومبيديش زوجته حقوقها ومافيش اسوء منه مع عياله!!!!!!!!

المفروض ما يصلي

حرام انه بيصلي

اعقلي الكلمة اخت في ياسمين

انا معك التذمد ضغينه

والتسيب اهمال ودنو معك في كل حرف

لكن هل الملتزم كافر ؟؟؟

ليس بكافر رجل عادي

له عقيده هو حر فيها

يلبس قصير يلبس مني جيب

هو حر

ولا اكراه في الدين

الست الي مش عاجبها الملتزم

في قانون الخلع

متوفر حاليا بالاسواق المحليه

ليس ردي تهجما عليك

لكن اسم الموضوع

هل اصبحنا اكثرنا التزاما اقلنا اتباعا؟؟؟؟؟؟؟؟؟؟

ليس لك الحق وليس لي الحق وليس لأي فرد الحق

في تدخل ما بنفس الاخر

من سيحاسب الله

ربما هذا الرجل الملتزم هو الافضل عند الله

ربما انت

ربما هي

ربما هو

ربما انا

ربما ...... الي ما لا النهايه

اختي الغالية

تذكري قول رسول الله صلي الله عليه وسلم
إن الله لا ينظر إلى صوركم وأموالكم ولكن ينظر إلى قلوبكم وأعمالكم

فليس ما تصورة عقلك صحيح بل هو تهكم على بشر

انت لا تدرين ان كان هو الصح ام نحن

انت ما دخليتي بيوتهم ولا زوحتهم فضفضت لك

فربما هو افضل منا انا لست ملتحي

بس ما اقدر اقول ان الملتحي اقل اتباع

معقول

كلام ما يستوعبه عاقل

اتمنى ان لا تغضبي

وبدل ما تدخلي التليفزيون وتخنقيه

اقفلي عليه واسمعي هيفا وهبي او نانسي

هم دول شيخ الاسلام الي على المزاج

انت كده الي بتكفري بعنوان موضوعك

اتمنى ان لا تغضبي فانت بالنهايه اخت

واختلاف الراي لا يفسد من الاخوة شيء

حفظك الله واعز قدرك

وافر تحيتي اخيك

ممكن تحذفي الرد لو هيضايقك

[رحيق الجنه]

لم اتعجب من قوة الموضوع
فانتى كاتبته فتحياتى لكى
اسمحلى لى ان اتناول الموضوع من وجه نظر قد يرفضها الجميع
ما معنى الملتزم؟ هل الالتزام هو من ارتدى كذا وكذا وباقى كفرة
ان رفضت المرأة ما تطلقون عليه ملتزم فهذا حقها ولم تخطأ ابدا فى ذلك
الاسلام ما عامل احدا بلبسه بل على نيته
لم يقم فى الاسلام حدا على ترك الزى الشرعى فسبحان الهادى
لكن هؤلاء الذين يحملون القاب الملتزمين ولا يطبقوا منها حرفا واحدا فالاولى لهم ترك هذه الالقاب ونزع كل مظاهر لها
فاين تطبيق ابسط قواعد الدين
ان تعطى بيتك واسرتك اهتماما اكثر من لحيتك ومسجدك
اعذرونى انى لا اتجاوز لكنى اتناقش
مالم تنهاه صلاته عن الفحشاء والمنكر والبغى فلا صلاه له
فانا اعتبر اهدار حق الزوجه والاولاد منكر يضيع ثواب الصلاه
نحن فى الغرب مظهر الملتزم لا نهتبره الا ارهابى ( عفواااااااااااااا)
لسبب بسيط اننا نرى كل ما يحدث من عنف فى الدول الاسلاميه تحت هذا المظهر
وان كان ما يحدث سببه اخرين فنحن كشعب لا نعرف الا ما نراه
لماذا تم استغلال هذا المظهر فى التخفى تحت اى عنف وتحت اى فكر
لماذا نرى ان اغلب الحوادث من السيدات تحدث تحت النقاب
كل تلك المظاهر ظلمها اصحابها قبل ان يظلمها العالم

اطلت عذرا
لك كل الود والتحيه ياسمين

[yasmine refat]

اقتباسالمشاركة الأصلية كتبت بواسطة قلـــــــــــــــــم

انت كده الي بتكفري بعنوان موضوعك

حلو بكفر!!!

انا اعرف ان التكفير بيكون عن طريق ناس لها علم ومعرفه

وعن معرفتي عن التكفير واسبابه ((الموضوع خالي عن الاسباب))

لا استهزءت ولا نفيت احد الثوابت ولا فضلت اي نظام على نظام الله اعتقادا بأنه افضل من نظام الله ولا ايدت الامور المخالفه لديني اعتقادا بأنها افضل من امور ديني

فين الكفر ((بقى!!!))

وبعدين شكلك كده كنت بتقراء في الموضوع وهدفك النقد الهدام فقط لا شيء غير كده

ومنتبهتش لعدم تعميمي

ان ذكرت ان الالتزام مالوش علاقه بالشكل

وان الدين مش حاله تعبديه فقط

وكتفيت بالعنوان وكلمه بالموضوع!!!

عموما ممكن اخد ردك ضدك

بتقولي ماحكمش على الشكل والباطن عند الله

وبتستهزء بشخصيات كهيفاء ونانسي

مش ممكن يكونوا احسن عند الله مني ومنك ومكتوب لهم الهدايا...

واضح كده انك مبتفتحش التلفزيون وتشوف الكم الهائل من الحجات الغريبه والدعوى للتطرف

ولو هنتكلم عن عنوان الموضوع

((اكثرهم التزاما اقلهم اتباعا))

برأي جدا معبر

اولا ممكن ناخد العنوان من ناحية

بأن الغلو والتشدد في الدين مرفوضين لإن الدين الاسلامي دين وسطيه

فأزاي اقول عنهم متبعين إذا هم بيخلفوا الوسطيه

ولا الرجال الي بتعتكف اسابيع في المساجد تاركه اهلها بدون مال ولا طعام ولا شراب ولا بتسأل عنهم بحجة التقرب لله

ده حضرتك تسمي ايه ..

وبعدين محدش يقدر ينكر إن في ناس متشدده كتير وبتشوه للدين

يمكن حضرتك مابتخطلتش كتير ولا بتقراء كتير عن ده

بس يعني ايه اب متشدد يمنع بنتو من انها تعد مع اخوها لانو ولد..

وشفت الحاله دي

وغيرهاااااااااا كتير

اقراء الموضوع كويس وهتعرف مقصدي تماما

وانتبه لعدم تعميمي

وجمله مش مهم هو مع نفسو ايه ((اد ازاي هو مع الاخرين))

علاقتو بربنا كويس لكن مقصر في اهلو ((اهلو هيستفيدوا منو ايه))

وكان المفضل انك تضيف للموضوع وتجيب عن بعض تسألاتي

ومايهمكش لست بغاضبه...

وشكرااااااااااا على المرور

[yasmine refat]

اقتباسالمشاركة الأصلية كتبت بواسطة رحيق الجنهلم اتعجب من قوة الموضوع
فانتى كاتبته فتحياتى لكى
اسمحلى لى ان اتناول الموضوع من وجه نظر قد يرفضها الجميع
ما معنى الملتزم؟ هل الالتزام هو من ارتدى كذا وكذا وباقى كفرة
ان رفضت المرأة ما تطلقون عليه ملتزم فهذا حقها ولم تخطأ ابدا فى ذلك
الاسلام ما عامل احدا بلبسه بل على نيته
لم يقم فى الاسلام حدا على ترك الزى الشرعى فسبحان الهادى
لكن هؤلاء الذين يحملون القاب الملتزمين ولا يطبقوا منها حرفا واحدا فالاولى لهم ترك هذه الالقاب ونزع كل مظاهر لها
فاين تطبيق ابسط قواعد الدين
ان تعطى بيتك واسرتك اهتماما اكثر من لحيتك ومسجدك
اعذرونى انى لا اتجاوز لكنى اتناقش
مالم تنهاه صلاته عن الفحشاء والمنكر والبغى فلا صلاه له
فانا اعتبر اهدار حق الزوجه والاولاد منكر يضيع ثواب الصلاه
نحن فى الغرب مظهر الملتزم لا نهتبره الا ارهابى ( عفواااااااااااااا)
لسبب بسيط اننا نرى كل ما يحدث من عنف فى الدول الاسلاميه تحت هذا المظهر
وان كان ما يحدث سببه اخرين فنحن كشعب لا نعرف الا ما نراه
لماذا تم استغلال هذا المظهر فى التخفى تحت اى عنف وتحت اى فكر
لماذا نرى ان اغلب الحوادث من السيدات تحدث تحت النقاب
كل تلك المظاهر ظلمها اصحابها قبل ان يظلمها العالم

اطلت عذرا
لك كل الود والتحيه ياسمين

أهلا ياباسكال

كعادتك ردود واعيه وفي صلب الموضوع

بس اكيد مش كل من هو زيه زي الالتزام ((هو ارهابي))

ده مجرد تعميم اعمى

في ملتزمين كتير تعملت معاهم وزيهم زي الالتزام المعروف ومتفتحين وخلقهم راقي

فأن لم اتحدث في الموضوع الى على جزء منهم وليس جميعهم

وإن كان للأسف فعلا هناك من يستغل ذلك بشكل سيء

وللأسف ايضا الكثير ممن يقع فريسه لهذا التشكيل الخاطيء للدين

من الشخصيات البسيطه محدودة العلم

فتتأثر بكلمات العذاب والجنه والنعيم

فتصبح لها كالخلاص من حياة جافه

وما اكثر هذه النوعيه في عالمنا العربي

ولكن ايضا التعميم الاعمى ليس سوى عنصريه بحته ودفع للإرهاب

لإن التعميم يزرع الكراهيه فهو يتهم الوجود وينقص من الاعتراف بك

مشكوره على مرورك

[countess]

يا سمين انتي جوابتي على سؤالك

فعلا الملتزمين هم اغلبهم اقلهم اتباعا

وياما شوفنا وسمعنا

ويا ما ها نشوف ونسمع

نسئل الله الوعي والتعقل والالتزام للمعنى الحقيقي له

غاليتي كتبتي واصبتي

تشكرات حبيبتي

[yasmine refat]

اقتباسالمشاركة الأصلية كتبت بواسطة برنسيسه Sيا سمين انتي جوابتي على سؤالك

فعلا الملتزمين هم اغلبهم اقلهم اتباعا

وياما شوفنا وسمعنا

ويا ما ها نشوف ونسمع

نسئل الله الوعي والتعقل والالتزام للمعنى الحقيقي له

غاليتي كتبتي واصبتي

تشكرات حبيبتي

آميــــــــــــــــــــــــــــــن يارب العالمين

ومشكوره ياساره على ردك وقراءة الموضوع

بالتوفيق دائما

[SiLver Spectra]

لا بجد موضوعك روعة يا ياسمين
كانك اتكلمتي بلسان حالي
بس أنا لما كنت بقول كدا كانوا بيقولوا عني اني بتاع هوليود و منحرف
فريحت دماغي احتفظت بأفكاري
لكن مش تنازلت عنها بس زمان كنت بناقش أي حد و كنت بصطدم جامد
اكتشفت في النهايه ان ناس كتير ما بتفكرش
فماتحولش تجادلهم
الي تجادله دا هو الانسان الي هيحاول يتعمق في فكرك
لكن الي هياخده بسطحية ريح دماغك معاه
لك فكرك و لي فكري
و الكلام مش موجه لأي شخص كان
و ربنا يشهد بنيتي

عارفه في منتدى دخلته من كام ساعه و لفت نظري موضوع لاقيت واحده كاتباه
بتوجه رساله للأخوة المسيحيين
حاولت اجيب اقتباس لموضوعها لأني بصراحه لما قريته اكتشفت اد ايه عقولنا سطحية
بس للأسف مش لاقيته لأن المنتدى كبير ما شاء الله
ممكن كنت اجيبها من الهستوري بس لما افتح من اللاب توب الي شوفته فيه
المهم ان من خلال الموضوع الاخت حابه توجه رساله للمسيحيين عن طريق موقف مع صديقة مسيحية ليها
بتقولها تعرفي ايه عن كاميليا ؟
فقالتلها مش عارفه و بعدين سألت مامتها و قالتلها ماما (المسيحية طبعا) بتقول ان كاميليا دي مسلمين اختصبوها!!
فالاخت عامله الموضوع و بتقول يا جماعه احنا مش كدا خالص
و لا يمكن مسلم يعمل كدا
و قاعدت تحلف ان مافيش مسلم يعمل كدا نهائي!!
طبعا استوقفني انها خلطت سلوك البشر بالدين

طيب ما أي ديانه في الدنيا لو حتى بوذيه هتلاقيها بتحرم الاختصاب!
دا في النهايه سلوك بشري منحرف عن الديانه

مشكلة فعلا في سطحية التفكير
اني افهم الدين انه يعني جلابيه قصيره و امسك سواك في بؤي يبقى انا كدا تمام
و تبقى معاملاتي مع الناس فظه!!
مش فاهم ان الدين في الاصل فرض لتحسين علاقة البشر ببعضهم
عشان مافيش انسان يظلم التاني أو يضر التاني
دا الهدف السامي للدين أو لفلسفة الدين

واحد تاني يقولك الأغاني حرام و مش عارف ايه
و بعدين تلاقيه كل يوم يتخانق مع أمه!!
ياعم روح كلم امك عدل و بعدين ابقى تعالى اتكلم عن الاغاني و شوف هي حلال و لا حرام!!

عندنا شعور الافضلية
ان احنا أفضل شعب!!
افضل شعب بالكلام لكن مش بالعمل
زي الي يقولك مصر فوق الجميع
طيب و بعدين نعملك ايه يعني
مصر فوق الجميع عشان فيها زباله كتير مثلا!!
نفسي و الله أقتنع ان مصر أم الدنيا بس مش لاقي الميزه لسه انها تبقى أم الدنيا غير انها مهد الحضارات
ايه بقى الميزه الي تخليها أم الدنيا حاليا أنا مش عارف
بس لسه بدور يمكن أطلع بالسبب


فدي مشكلة كبيره اني اشوف نفسي افضل من غيري و ما أديش مساحه للإختلاف
انت هتبقى أحسن من غيرك بسلوكك مش بالكلام
لو تشوفي الحضارات من 1400 كان الاسلام بالمقارنه بيها جنه
عدل و مافيش ظلم و ثوابت و مبادئ..فرق كبير جدا
دلوقتي الحضارات أو الغرب سلوكهم اتغير و اطور مع الوقت
في حين انت ماشي بنفس السلوك القديم مع فهم خاطئ في التطبيق(زي عربية موديل 1920) و الغرب دلوقتي راكب عربية موديل 2010
فانت محتاج تطور فكرك
عشان كدا الاسلام انتشاره ضعف جدا بالمقارنه بالعصور الماضية
شوفي رقعة انتشار الاسلام و قارني
و حاولي تلمسي الأسباب
هتلاقي في القرون الهجرية الأولى كان مفهوم الاسلام صحيح و ماكنش في اي مقارنه بين الاسلام و بين أي ديانه أو نظام آخر الي كانت كلها ظلم و افترا (تقريبا شبه حيوانات)

لكن دلوقتي حالك ايه!!
تكفير و تفجير..مافيش تسامح
اساءة لديانات أخرى
يعني استغرب تلاقي شيخ يصر على انه يقول عن المسحييين انهم نصارى
ياعم هما زمان كان اسمهم كدا دلوقتي هما بيسموا نفسهم مسيحيين احتراما ليهم بتندهلهم بنفس المسمى الي هما أطلقوا على نفسهم بيه
يقولك هما نصارى!!
زي بالظبط لما واحد مش مسلم يقولك المسلم دا محمدي بدل ما يسميه مسلم!!
اسم استفزازي!!

فانت ازاي هتجذب غيرك اذا كنت انت مش قابلهم!!

معلش على الاطاله في الرد بس الموضوع رائع
ممكن اكتبلك فيه للصبح

[حـ,ـكـ,ـآيـ,ـهـ,ـ ۅطـ,ـنـ,ـ]

الاخت يااسمين قرأت موضوعك



واعجبتني صياغته, وعنوانه جايب الخلاصه كلها




بالموضوع



((اكثرهم التزاما أقلهم اتباعا))





بالفعل كتير من الناس تلاقيهم ماسكين مراكز



ووظائف وواصلين وكلمتهم بالسوق الي فلانابن فلان



مواضب نفسه بالماجد ووالصلوات والصدقات باسم(سمعتي


بالبلد)



ويمسك كتاب الله قال الله وقال الرسول( وهو بينه وبين

نفسه شيطان عامل السبعه وذمتها)



والله كتير ناس مغطيه بقشورها يا ياسمين


ويجي يتكلم بالحرام والحلال وهوامه ما بعرف حالها,


زوجته مش عارف واجبه



المهم اللهم امتع نفسي واشبع رغبي بستار الاسلام


على خشبه الحياه اما الجمهور مهم الناس ليهم


بالظاهر



الناس الجاهلين ما بتتقربش الا من اللي قريب من



كتاب الله ستنه ,


والعينه المنحطه اتخذنت نقطه ضعف لاغلب الناس



وانا لا اعمم بس والله هاد يللي صاير


بالعالم...........



موضوعك رائع



بالتوفيق

[حنـــــون]

والله ياياسمين الانسان الاكثر التزاما براى هو الاكثر اتباعا

انما الى انتى بتكلمى عنهم دول مش اكثر التزاما دول اكثر

تشدد اكثر خروج عن المالوف وخروج عن صلب الدين الى هو اصلا

بيامرنا بالمرونه وفى حديث عن الرسول فيما معاناه يعنى

ان المؤمن هين لين سهل

مش متشدد وبيكلم وخلاص عن امور ظاهريه مالهاش اى علاقه بالداخل

الانسان الملتزم براى هو الانسان الوسطى لان دينا دين وسطيه

وعلى فكره الدين مش كله حرام حرام زى الى بنسمعه دلوقتى

دى بئت اسهل كلمه عشان نبان اننا مؤمنين مع ان المفروض

اننا نواكب العصر ونعرف اى نتكيف معاه من غير ما نغضب ربنا

ونكون بنفذ الاسلام بحق والى مش عارف كدا يرجع لايام النبى

ويشوف ازى قدر يتعامل مع بيئه مختلفه غير الى كان عايش فيها هو والصحابه

لما عاشوا فى المدينه وازى قدر يتعامل مع اليهود وقتها وقدر يحافظ على

حقوق كل المواطنين بما فيهم اليهود نفسهم لان الدين مش قاصر

على اللحيه والجلباب القصير دى حاجات ظاهريه مش بتعبر ابدا عن جوهر الدين

ولا عن الالتزام انا عن نفسى مش بسمع للناس الى انتى اتكلمتى عنهم دول خالص ياياسمين

عارفه طبعا

فى النهايه الدين لو اطبق صح ومش ربطنها بسلوك فرد متطرف مش فاهم حاجه

الحياه هتكون دايما افضل والملتزمين دايما هيكونوا اكثر اتباعا

موضوع رااااااااائع ياياسمين

موفقه