اتعلمى تحطى مكياجك لنفسك ..

[sPrInG rOsE]

من خلال الموضوع دة


هتكلم ببساطه فى الميكب


1-اساليب جديدة


2-افكار جديدة


3-طرق مختلفه


4-باقل التكاليف


5-من غير خساير فى كنزنا


6-وباقل الادوات المتوفرة

ok



بس عاوزين نتفق على حاجات اساسيه لما هنتعلم مع بعض:-




1-انا من رايى ودة اللى بطبقه معاكم ان مافيش قاعده اساسيه فى المكياج


ودة اللى هتلاحظوة معايا


ليه بقى؟


لان الميكب دة فن وزوق وطبعا الفن والزوق ملهمش قواعد


انما ليهم ادواتهم


انا هعلمكم الميكب بطريقتى


ابسط طرق للمبتدئين


2-الميكب بيتحط عشان يبرز جمالك مش عشان هيه هيه هيه هنحط ميكب وابقى بيضه لا الميكب مش عشان يبيض الميكب عشان ينور ويصفى ويبرز جمالك


3-عايزين نتفق على نقطه مهمه اول خطوة فى الميكب الصح بشرة نظيفه وبشرة حلوة اه عندنا مشاكل فى البشرة هنحلها ونعالجها لكن مش ندارى شوائب بشرتنا بالميكب انا محبش اقول عيوب لان الحمد لله الذى حسن خلقنا حتى لو بشرتك تعبانه يبقى ليها ميكب خاااااااااااااااااااااااا اااااااااااااااااااص وبكرر خاااااااااااااااااااااااا ااااص لاننا لازم نراعى انها محاجه عنايه خاصه


4-عايزين نتفق ان كل وقت وليه اذان يعنى ميكب الصبح يختلف عن ميكب الليل يختلف عن ميكب سهرات وهكذا


5- اخيرا هدفى البساطه فى شرح الميكب البسااااااااااااااااااااا اطه ووعد مافيش مصطلحات غير مفهومه وهحاول افيدكم فى احسن واجود الانواع ان شاء الله





الاول قبل ماابدا


عاوزة كل واحدة تدخل تدينى صوتها بحق الله فى الاسفتاء اللى فوق



ومتنسوووووووووووووووووووو وووش







بسم الله نتوكل على الله


تعالوا بقى نبدا نتعلم براحه وبدون كلاكيع
اسايات الميكب
اللى المفروض تبقى عند اى بنوته واى ستوته
يالا نتوكل على الله


ادوات واساسيات


بصوا ياقمرات
اى واحدة لازم يكون عندها الادوات دى:-
لغايه هنا دى هى الادوات اللى هنحط بيها الميكب بتاعنا


1. فرشه روجاجو عشان تحطى بيها:-
.كريم الاساس
.البودرة
.احمر الخدود





2. فرشاه اى شادو عشان تحطى بيها:-
.الاى شادو اوظلال الجفون
.ترسمى بيها عينك بدل الكحل





3. اسفنجه عشان تحطى بيها:-
.كريم الاساس
.احمر الخدود
.البودرة


شوفوا مليون طريقه نعمل بيها الحاجه وهفهمكم ازاى كل دة بس واحدة واحدة


طيب لغايه هنا وفهمنا؟
نيجى بقى
للميكب الاساسى يتقسم الى:-
1. ميكب وجه
2. ميكب عيون
3. ميكب شفايف


بصوا
قاعدة مكياجك
1. كريم اساس+لوز بودر
2. كريم اساس+كومابكت بودر
3. كريم بشرة+كومباكت بودر
4. بودرة مائيه فقط ودى نصيحه لله
بلالالالالالالالالالالالا لالالالالالالالالالالالال الالالالالالالالالالالاش منها
ولو يعنى لابد منها يبقى للضرورة فقط


انا عارفه ان كتير منكم هيقولوا ايه؟
كريم بشرة +كومباكت بودر
ههههههههههههههههههههههههه هههههههه
بصوا بقى انا كنت اتفقت معاكم اننا لما هنحط ميكب لازم تكون بشرتنا نظيفه واننا نحافظ عليها لانها هى اللى هتبرز جمالنا

يبقى نصلى على النبى الغالى ونبتدى
[IMG]http://hajisqssu.***********/v38.gif[/IMG]
التنظيف:-

فيه مليون ومليون طريقه تنظفى بيها وشك

اول خطوة فى التنظيف اختارى من دول:-

1-بللى قطنه بزيت زيتون وامسحى بيها وشك وبعدها اغسلى وشك بمايه دافيه ليه؟ عشان نفتح المسام وتنظف

2-بللى قطنه بشويه لبن وامسحى وشك وبعدعا اغسليه بمايه دافيه بردة

3-حطى كريم مرطب على وشك بس بزمه وكترى وهاتى قطنه ومرريه على وشك ولملمى التراب اللى عليه واغسليه بردة بمايه دافيه

4-اغسليه بصابونه موثوق فيها وانا هقولها ليكم عندك(منتجات نيفيا-منتجات دوف_نابلسى شاهين _صابونه الكبريت ) واثناء مابتغسلى وشك وعليه رغوة هاتى كريم مرطب ونقطى منه ورغى وشك وبعدها اغسليه

5-اعملى ماسك نشا وماء ورد معلقتين نشا+معلقه ماء ورد +نثرة سكر وعلى النار ودوبيهم بسرعه لغايه ميبقوا زى الكريم وحطيه من من ربع لنص ساعه واغسلي وشك

6-عندك منظف وش مستحضر يعنى لتنظيف الوجه استعمليه مافيش اى مشاكل

تانى واهم خطوة فى التنظيف

تمرير تلجه على كل الوش وتمرريها بذمه يعنى مش لفه وكروووت عشان نسد المسام

تالت خطوة

وضع كريم مرطب وافضلى دلكى وشك لغايه ميشربه عشان نحمى المسام من المكياج

خلاص اول خطوة التنظيف خلصنا منها

[IMG]http://hajisqssu.***********/v22.gif[/IMG]

ثانى خطوة :-

قاعدة مكياجك

اللى هى عبارة عن الاساس اللى هتحطيه على وشك ومن خلاله هينورلك وشك ويفتحه وينقيه وهوة زى موضحكت قبل كدة عبارة عن

1. كريم اساس+لوز بودر(بودرة سايبه)
2. كريم اساس+كومابكت بودر(بودرة مضغوطه)
3. كريم بشرة+كومباكت بودر(بودرة مضغوطه)
4. بودرة مائيه فقط ودى نصيحه لله
بلالالالالالالالالالالالا لالالالالالالالالالالالال الالالالالالالالالالالاش منها
ولو يعنى لابد منها يبقى للضرورة فقط


تعالوا ناخد واحدة واحدة ونفصص فيها كدة براحتنا

كريم الاساس +لوز بودر(بودرة سايبه)

كريم الاساس



هوة نوعين وهوة واحد اللى بيختلف اذاكان معاه بودرة سايبه او مضغوطه اوكش

1-سايل يفضل لاصحاب البشرة الدهنيه والمختلطه

2- اصبع ستيك او جاف يعنى بيبقى قلم لاصحاب البشرة الجافه



2-لوز بودر(بودرة حرة او سايبه)




عرفنا شكل كل واحد

تعالوا نعرف


كريم الاساس

بيتحط ازاى كريم الاساس ؟

ليه كذا طريقه وانا هعرضها ليكم وشوفا اللى يناسبكم فيها

فيه فرق مابين يتحط وبيتوزع ازاى؟

هنشوف

الاولى

بيتحط كدة




1-شوفوا عملت تلات خطوط على الخدود
2-خطين على الدقن
3-خطين على الانف
4-تلات خطوط على الجبهه

طبعا الطريقه دى هتبقى لو بكريم اساس ستيك او قلم

طب لو سايل ؟؟؟؟؟؟؟

هتحطى على ايدك كريم اساس وتاخدى بصبعك وتوزعى على وشك زى الصورة كدة حتى لو هتنقطى نقط نقط مثلا


التوزيع

بيبقى

بفرشاه


او بصوابعنا

او باسفنجه



وطريقه التوزيع اهه زى الصور باختلاف بقى انتى بتوزعى بايه



شوفى هى بتوزع للخارج ازاى



سواء بفرشاه او باسفننجه او بصوابعنا هيكون للخارج كانك بتحطى كريم للوجه بس الفرشاه هتبقى صعبه شويه لو انتى مبتدئه

طيب وزعنا كريم الاساس

بجد يارب يكون كان سهل عليكم

واتمنى اسمع ردكم ها

سهل ولا اعيد بطريقه ابسط؟

[IMG]http://hajisqssu.***********/v27.gif[/IMG]

توزيع البودرة السايبه

بيبقى بفرشاه زى متفقنا

ازاى؟

1-خدى حبه بودرة على ايدك

2-اغمسى الفرشاه فيهم



نزلى الفايض بالطريقه دى


ونوزعها كدة





طيب

دة بالنسبه للسايبه

طب لو هنستعمل

كريم اساس +بودرة مضغوطه

طبعا عرفنا فوق كريم الاساس بيتوزع ازاى

تعالوا بينا نعرف البوردة المضغوطه ازاى نوزعها

البودرة المضغوطه

عن طريقه الطبطبه تاخدى البودرة بالاسفنجه

وتطبطبى بيها على وشك مش تمسحى

زى كدة





وكمان كدة








حلو الكلام لغايه هنا


طيب سبق وقلت تلات طرق عشان تحطى بيها القاعده بتاعه مكياجك الاوهى :-

1. كريم اساس+لوز بودر
2. كريم اساس+كومابكت بودر
3. كريم بشرة+كومباكت بودر


اخدنا طريقه توزيع

كريم الاساس

البودرة السايبه

البودرة المضغوطه


طيب والطريقه الرابعه

كريم البشرة+البودرة المضغوطه وممكن كمان السايبه على فكرة

طريقه التوزيع



1-هنحط كريم البشرة عادى جدا
2-هنجيب البوردة سواء سايبه او مضغوطه ونحطها بنفس الطريقه اللى فوق

وبس كدة
الطريقه دة للبشرة

1-المجهدة سواء بقى من حبوب مش نقيه كل المشاكل

2-الدهنيه بس مش فى كل الاوقات لو فى سهرة يبقى هنحط كريم اساس

3-ممكن لميكب الصبح كمان


الطريقه دى انا بنصح بيها كل بنت بتضطر تحط ميكب يوميا وفى الشمس ليه بقى لانها خفيفه وفى نفس الوقت سريعه وخطورتها اقل اكيد

الطريقه دى

لذوات البشرة الدهنيه بس زى مقلت ماعادا اوقات السهرات عشان هى مدة ثباتانها مش كتير

على فكرة انا نفسى بستخدمها



انا الحاله الوحيدة اللى بحط فيها كريم اساس لو فى مناسبه


اشر او الرجاجو

انا اعتقادى الشخصى انه هوة دة نصف مكياج الوجه

لان جمال مكياج وجهك متوقف على :-
1-اختيارك اللون المناسب
2- طريقه وضع احمر الخدود
3-طريقه توزيع احمر الخدود

انا عارفه هتقولولى الروجاجو بيعمل كل دة هقولكم اى نعم

تعالواا بقى ناخد شرح تفصيلى عن طريقه وضع احمر الخدود حسب

1- شكل وشك
2-لون بشرتك
3-لون مكياجك
4-اوقات خروجك بيه

البلاشر=احمر الخدود=الروجاجو

اربع انواع

1-سايل

2-كريمى

3-بودرة

4-قلم او ستيك

كل نوع من دول ليه طريقه لوضعه وكمان ليه وقت معين

وعشان نبقى صرحه مع بعض صعب اننا نلاقى غير نوع او نوعين منهم الباقى موجود بس مش منتشر اوى بس هقولكم ايه فوايد الانواع كلها؟ وازاى يبقى عندنا كل الانواع فى درج مكياجنا

نتوكل على الله

النوع الاول السايل

النوع التانى الكريمى

النوع التالت الستيك

بصوا

طريقه توزيع احمر الخدود الكريمى او السايل او الستيك

بتاخدى على صوابعك من احمر الخدود وتضحكى كدة

لما هتضحكى هتظهر لك تفاحه خدك شوفوا مكان وضع الفرشاه اهى دى التفاحه
شوفوا هنحطه ازاى على التفاحه بصوابعنا بالطبطبه

او صورة توضيحيه اكتر

وبعدها شوفو هنوزعه ازاى بالفرشاه

طيب دة بالنسبه للكريمى او الستيك او السايل

تعالوا بقى

احمر الخدود البودرة

بردة تضحكى

وعلى تفاحه خدك بالفرشاه

احنا كدة خلصنا ازاى يتحط كل بلاشر

نصلى على نبينا الغالى

ونكمل بقى البلاشر

بصوا بقى سبق وقلنا ايه ان تكمله جمال مكياجنا هوة سرة فى البلاشر
ليش؟ عشان بيتوقف على:-
1- طريقه وضع احمر الخدود
2-طريقه توزيع احمر الخدود
3-اختيارك اللون المناسب




بسم الله نبدا

ماهى انواع احمر الخدود؟؟؟

اربع انواع

1-سايل

1-مناسب لفصل الشتا وليلا لانه فى الشمس ممكن يسيح ويبقى ملزق
2-افضل الانواع للبشرة الجافه



2-كريمى

1-مناسب شتا او ليلا بسبب الشمس كما سبق فى السايل
2-لايفضل للبشرة الدهنيه المليانه حبوب من عند الخدود لانه مش هيثبت وهيبقى كانه مزيت



3-بودرة

1-مناسب لكل وقت
2-يفضل لكل انواع البشرة لانه خفيف ويمتص زيوت البشرة



4-قلم او ستيك

1-لكل الاوقات لانه بيبقى تقيل شويه عن الكريمى والسايل وبيثبت اكتر
2-ممكن نقول انه مناسب لكل انواع البشرة ولكنه ميفضلش اوى للبشرة الدهنيه المليئه بالحبوب من عند الخدود




طريقه وضع احمر الخدود

السايل

الكريمى

الستيك (قلم)

1



او صورة توضيحيه اكتر واكتر
2




طريقه التوزيع

تعالوا بقى نشوف بيتوزع ازاى



طب ياعساسيل

طب والبودرة يتحط ازاى

اقولكم



احمر الخدود واشكال الوجوة

بصوا متسمعوش كلام اللى يقولكم مش عارفه الوش الفلانى البلاشر يتحط مش عارفه ازاى

هجبلكم من الاخر

بس احب اعرفكم مصطلح تفاحه الخد

اهه
هاتى مرايه واضحكى هتلاقى خدودك طلعت بالونه فى كل خد هى دى بقى التفاحه شوفوا



الوش المليان

يبقى كدة شايفين

من عند تفاحه الخد لغايه منبت الشعر ومن منبت الشعر لغايه الدقن




الوش الرفيع

نركز على الفاحه ونطلع سنه برة زى منتوا شايفين



وفى الاول وفى الاخر احمر الخدود دة امزجه وكل واحد ليه طريقته اللى بتريحه صح ولا لع؟




1-نفرض اتزنقى مرة فى خروجه وعاوزة تزبطى احمر الخدود ومش معاكى بس معاكى قلم رووووج نقطى زى الصور وووزعيه بايدك

2-عايزة لمعه فى الخدود زى عارضات الازياء هاتى ودنك هاتى ملمع شفايف وبعد متحطى احمر الخدود نقطى بيه على تفاحه خدك ووزعيه وادعيلى

3-ملقيش ملمع شفايف هتعملى ايه هاتى حته فازلين بس مش تكترى وووزعيها على خدك دة ودة

4-زهقى ونفسك جربى احمر خدود كريمى خدى بصبعك لحسه فازلين او كريم وعليها لحسه من احمر الخدود البودرة ووزعى بقى على خدودك

5-اياك ثم اياك ثم اياك تحطى احمر خدود بمبى واى شادو بنى الاى شادو لازم يتناسق مع احمر الخدود الا لو اتزنقى

6-الالوان اللى بتليق على البشرة البيضا (كل الالوان)

7-الالوان اللى ليق على البشرة القمحاويه(المشمشى_الروزات_


يارب تكونو استفدتو يا بنات

[Silver Flower]

موضوع رائع ومميز
يسلموا يا قمر

[sPrInG rOsE]

تسلمى يا قمر لمرورك
والحمدلله انه عجبك

[sandi.m.m]

Tslmy ya 7oby
eih el tobek el gamd da

[sPrInG rOsE]

اقتباسالمشاركة الأصلية كتبت بواسطة sandi.m.mTslmy ya 7oby
eih el tobek el gamd da


نورتى يا حبى

[falta tanto amor]

ميرسي كتير علي الموضوع الرائع بجد استفدت منه

بس معلش ليه سؤال كريم البشرة اللي هو كريم مرطب ولا ايه

هل ممكن احط كريم بشرة ولوس بودر لوبشرتي دهنية ولا لازم كريم اساس

لانها بتبقي دهنية كدة .عليها زيت.وبتلمع ومعلش طولت عليكي ممكن نوع حلو لوس باودر

[The heart]

موضوع رائع ومميز ومفيد
مرسي ليكي

[dinan]

مشكورة يا امورة