مينفعش نرتبط دلوقتي؟؟

[special girl]

السلام عليكم ورحمته الله وبركاته:-

ازيكم؟؟

موضوعي موضوع ملموس اوي في حياتنا اليوميه

وانا بسبب كده كتير فكرت فيه وحاولت الاقي حلول له

ولكن قلت اعرضه هنا يكون في مجال كبير للنقاش احسن

كتير بنشوف بنات او شباب في اعمار مش كبيره يعني مثلا ما بين الي 14 لل17 سنه مثلا

بتكون مثلا البنت في شاب معجب بيها او عايشين قصه حب وهما في السن ده فعلا

ولكن بسبب سنهم ده بيكون محال الزواج او الارتباط حتي كخطوبه او قراءه فاتحه

لكن ده لأن عادتنا عمرها ما كانت كده فالاهل مش بيفكروا حتي في الموضوع ده

طيب ايه الحل؟؟؟لما مثلا تكون بنت عندها 15 او 16 سنه ومعجبه بشاب والشاب كويس جدا جدا

ليه مينفعش يرتبطوا ارتباط جزئي يعني مثلا مجرد نقرأ الفاتحه او بلاش الحاجات الجديه دي

طيب مثلا زي زماان نقول انه ده ان شاء الله من نصيبها ولما يكبروا يرتطبوا ببعض

هي الحاجه دي كانت موجوده زماان ولكن حاليا راحت خالص

بس بيصعبوا عليا اوي بنات و شباب يكونوا متعلقين ببعض اوي

ولكن لأن مفيش حاجه اسمها انه نرتبط ببعض دلوقتي فالطرفين يأما بيعيشيوا بتعاسه او بأحساس الفراق او انه خلاص نحاول ننسي

لكن ليه مش نفكر في انه نرتبط ببعض اذا لاقينا شخص مناسب ويستاهل وبعدين صعب نلاقي الناس الكويسيه في الزمن ده؟؟؟

ايه رأيكم بقي في الموضوع ده؟؟

ويا ترا المشكله فين في الاهل ولا الاشخاص ولا العادات؟؟؟

اتمني اشوف رأيكم؟؟؟

[P R ! M O]

العيب اكيد فيناااااا
واكيد الظروف
وميرسي على موضوعك كتير حلو

[dinan]

السلام عليكم ورحمة الله وبركاته اختى المشكلة ان البنات او الاولاد الى بسن 15 او 16 صغيرين جدا على الارتباط والاهل عندهم حق لانهم بيكونوا عارفين انها افكار مراهقة

[نادر]

سبشل قيرل موضوعك حلو بس يبي لنا وقت طويل علا شان التنفيذ

[دمعة مبتسمة]

هو السبب فى رفض فكرة الزواج المبكر
فى سن 14 او 15 او حتى 17 بيكون بعض الاولاد غير مؤهلين للزواج لنقصهم الحكمة
لكن هناك من فى هذا السن ويمتلكون الحكمة والعقل الكبير فى التفكير فلما لا لزواج هؤلاء الابناء
وهذا ما يعاب عليه
حتى ليس من فى هذا السن فقط لكن حتى من هم فى الجامعة ويمكن يصل سنهم الى 20 او 21 او حتى 22 يقفوا امامهم ولا يقبلون فكرة الارتباط بينهم وهذا خطا بالتاكيد
لكن قولك يكون الارتباط مجرد خطوبة فقط على اساس يكون افضل للابناء بدلا من عدم وجود اى ارتباط
فذلك من راى خطا لان الخطوبة مجرد وعد بالزواج وليس هناك مجال للكلام الغير جاد وفى حاجات تافهة
وهؤلاء قد تكون عقولهم فيها من النقص فلا يحسنون التصرف وحتى لو كانت عقوله ناضجة فيعنى من كلامك انهم عادى لى خرجوا بمفردهم او حتى تم الكلام بينهم فى اشياء غير جادة حتى يكون ذلك افضل حيث ان عدم وجود ارتباط نهائى ولا حتى خطوبة فلا يستطيعون الكلام سويا
من راى قبل الخطوبة لا تفرق بعد الخطوبة

وشكرااااااااااااااااااااااااااااااااااااااااا لموضوعك

[~♥ Queen sozan♥~]

السلام عليكم ورحمة الله وبركاته

بصى موضوع ان عشان يقولو دى مربوطة لى دة شئ صعب بصراحة
احنا كان عندنا الموضوع دة بس مختلف شوية
يعنى البنت تتول
والولد ابن عمها خالها اى حد من قريبها وهم لسة فى الحضانة
يقولو دول لبعض
يكبارو الولد يكون فى مستقبلو يحب بقى فى البنت وهى كمان
البنت يجيها عريس اهل البنت يوفقو لان لسة المشوارع على الولد صعب
يفضل الشاب يتوجع على حبيبتو وكدة الاهل السبب
وكان هيحصل معاية كدة بس الحمدلله كبرنا الحب لى بنا حب اخوة
فا بيكون اكبر غلط

والجانب التانى ان 2 انتى قالتى 14 واو 15 ازى فهمين ان دة حب
بالله عليكى المراهقة هنسميها حب
وكمان يرتبطو طيب هيصرف عليها ازى
هيعرف يعملها با عقل ازى

لازم يكون فى توافق فكرى مش شعور مراهقة
لازم الارتباط يكون على اساس
ولازم يكون سنهم متكافئ قبل ما يمشو فى اى ارتباط

شكرا على موضوعك
انا حبيت اوضحلك اكتر من جانب

واسفة على الاطالة

همس

[ماتركس]

السلام عليكم ورحمه الله وبركاته
ساره
الفتاه الخاصه
مووضوعك جميل وبحييكي علي طرحه
ثانيا عاايزين ندخل في قلب القضيه علشان نحكم عليها
بصي يا ساره الحب في سنه اللي تحت ال20 سنه مهدد بالخطر دايما علشان
ده سن مراهقه صعب يتبني فيه حب حقيقي انتي اديكي قوالت في الموضوع اعجاب
يعني ده مجرد اعجاب يعني مشاعر وهميه مش مشاعر حقيقيه
ومينفعش اصلا انو البنت تتزوج تحت ال20 سنه علشان شباب دلوقتي مش زي شباب زمان
زمان كان ينفع الزواج تحت ال20 سنه علشان مكنش فيه انفتاح زي دلوقتي
لكن دلوقتي مينفعش انو يبقي ارتباط بين بنت وشاب عنده 17 او 18 سنه
علشان معندهمش المعلومات الكافيه في الحياه
دووال عيال صغيرين ايه عرفهم في اداره البيوت والاطفال
وكمان لو حملناهم عبي اكبر منهم وهما صغيرين هنلاقي الجوازه مش هطوال
علشان في اقرب محطه هيقفو فيها ومش هيقدرو يكملو ينفع الزواج تحت ال20 سنه
للبنت فقط وكمان بس شرط ان يكون الزوج ده عنده اقل شي 25 سنه
علشان هيه هتبقي صغيره وعايزه راجل تسند عليه لكن مينفعش
تسند علي عيل يبقي سندها ضد الظروف لما يبقي زوجها عنده 18 سنه
وبياخد مصروفه من باباه هينزل جدا من نظرها هيه بكده البنت مش هتحس بالامان لكن لما تلاقي
زوجها بيتعب وبيشقي علشان يوكلها ويصرف عليها بعرق جبينه هتزيد هيه تمسك بيه
وهتبقي حياه سعيد
وهوه كمان هيعلمها ظروف الحياه
لكن انا مش معي الارتباط بين البنت والوالد تحت سن ال20 سنه
علشان اول شي هيبقي مهدد للخطر
ثانيا الوالد لما يكبر لو لقي بنت احلي منها هيسبها علشان ده بيبقي
مشاعر وهميه واعجاب وتعود انو يكلمها ويشفها فقط لاغير لكن مش بيكون حب
لكن لو البنت صغيره والوالد كبير ممكن تستمر الحياه والزواج بينهم مفيش مشكله
وتسلمي علي موضوعك واسف علي الاطاله يا ساره

[حياتي ذكريات]

السلام عليكم

هما الاهل بيرفضو فكرة الارتباط عشان دا سن مراهقة وصعب جدا

فيه ان اي اتنين في السن ده يعرفو يكونو بيت كويس واسرة

انا عندي زميلات كتير ارتبطو وانا كنت في اعدادي لاني كنت بدرس وعشت

في مجتمع غير عن مصر فعادتهم وتقاليدهم بتسمح للبنت تتجوز من اول ما تخش

اعدادي .. لكن بجد زميلاتي دول شايلين مسؤلية كبيرة

وانا كمان بحس ان البنت لما تتجوز بدري مش هتلحق تعيش حياتها زي ما بتتمنى

لان لكل سن ولكل مرحلة ليها حاجه تناسبها .. وانا بصراحة مش بأيد الزواج المبكر

لان دايما في الغالب بيفشل لان مش بيكون عند الطرفين وعي كبير وعقل واعي

لما يكون الزواج في السن المعتاد هيكونو الطرفين عندهم استعاد للمسؤلية

وعارفين وفاهمين الحياة كويس

فأنا اصلا مش من مؤيدات الزواج المبكر بحسه في ظلم للطرفين

تسلمي على طرحك للموضوع .. خالص تقديري وودي

[special girl]

اقتباسالمشاركة الأصلية كتبت بواسطة nemo temoالعيب اكيد فيناااااا
واكيد الظروف
وميرسي على موضوعك كتير حلو

ميمو كنت اتمني اشوف رأيك بطريقه اوضح

ولكن نورت...

[special girl]

اقتباسالمشاركة الأصلية كتبت بواسطة dinanالسلام عليكم ورحمة الله وبركاته اختى المشكلة ان البنات او الاولاد الى بسن 15 او 16 صغيرين جدا على الارتباط والاهل عندهم حق لانهم بيكونوا عارفين انها افكار مراهقة

وعليكم السلام ورحمته الله وبركاته

بصي موضوعي اتفهم غلط انا مش بقوول زواج خالص لا

انا بقول انه يكون في ارتباط جزئي يعني مثلا يكون في امكانيه للتواصل بين البنت والولد لحد ما يقدروا يكون بيت

نورتيني...