انا مش كنبه يادكتور

[dr.marmar]

السلام عليكم انا مش كنبه يا دكتور

ايوه انا مش كنبه

كنبة

كنبة ايه يا بنتى روقى كده و وحدى الله

لا اله الا الله
انتو مش فاهمين بس

الدكتور قالى اعمل كده كل ما احس انى كنبة اقول انا مش كنبه

جميل .... ايه موضوع الكنبة ده
تعالوا نشوف واحد تعبان و مضايق و قرفان من عيشته
( يبقى انت أكيد أكيد فى مصر )
و ماشى فى الشارع و لقى استراحه اكيد الاستراحة فيها
كنب ..هيييييييييييييييه

هيعمل ايه و هو تعبان اكيد هيقعد عليها

صح ما هو ده الطبيعى يا عمنا امال هيعمل ايه

كنبه + أنا تعبان = اقعد عليها شويه
حلوة المعادلة دى تجنن

طيب استريحت يا عمنا

ايوه الحمدلله ياااااااه احنا كنا فيييين و بقينا فييييييين
رضا

اقوم اكمل اللى ورايا

طبيعى جدا انى اقوم و اسيب الكنبه ورايا

مش هخدها معايا يعنى

و بعدين هى خلاص ادت مهمتها

تكمل طريقك بالسلامة يا بو محمد و لا تبص على الكنبة المسكينة ..اللى شالتك دى صح
ابص ايه انتى مجنونة دى حتت كنبه..... صح حتت كنبه

مااااااشى مااااااشى معاك حق

الكنبة دى ممكن يكون اي صديق وقف جنبك وقت ضيقك... سمع همومك و مشاكلك و عايشها معاك و حاول يوصل لحلول ليها

الكنبة دى ممكن تكون اى شخص احساسك بيه انه مجرد حاجة انت شايلها وقت ما بتحتاجه

لكن وقت ما يحتاجك يلاقيك .. فص ملح و داب

ده علشان هو خايب فى الكمياء
و مش عارف يبخر الميه و يرجع الملح تانى

يعنى انت بتاع مصلحتك و بس و هو شايل الهموم و بس .. و وقت ما يحتاجك علشان تشاركه

تخيلوا ممكن الرد يكون ايه ؟
انت بتفكر فى نفسك زيادة عن اللزوم او فاضى زيادة عن اللزوم

أصله خايف عليك تفكر انك تعبان فتتعب زيادة يااه على الحب و الأخوة

اه اصل الكنبة وظيفتها تشيل و بس

صح مش هى دى وظيفتها !!
بس حتى الكنبة اوقات بتحتاج تتصلح

كود بلغة Html:
لالالالالالالالالالالا.............. تتصلح ايه بس

وقت ما تحتاج تتصلح نكسرها و نجيب واحدة تانية احسن


يا ترى هل فيه حد فنا بيتعامل مع الناس اللى حواليه بالشكل ده.... انهم كنب او كراسى

كل وظيفتهم انهم يشيلوه وقت تعبه و بس ؟؟

هل عمرنا فكرنا اننا بنعمل كده مع أهالينا

الاب الام الاخوات أو اى شخص مهم فى حياتنا

و لو كان كده يا ترى ايه اللى بيدفعنا نتعامل مع بعض الناس انهم كده مجرد شىء نتحتاجه فى وقت و غير كده يبقى مالوش اى لزوم ؟

طيب لو انت مش كده يا ترى هل بتحس انك مستغل ؟
طيب بتعمل ايه علشان الاحساس ده يختفى؟ طبعا منقول عشان انا مش كنبة؟؟

[NOUR alsma]

التعاملات الانسانيه لا تقاس بهذه الطريقه
الانسان الحق يسعى دائما للارتقاء بنفسه واخلاقه
الانسان الحق لا يبنى نفسه على اكتاف الاخرين
الانسان الحق لا يسرق حقوق الاخرين وينهبها لنفسه طلبا لعلا او رونق كاذب
الانسان الحق يعرف متى واين وكيف يكون انسان وليس آله فى يد آخرين يكوونه بالنار بعد ان يقف بجوارهم
الانسان الحق يعى من تكون ويقدرك حق قدرك
الانسان الحق يعرف للانسانيه حقوق وواجبات يؤدى ما عليه ويأخذ ما له بالعدل والاحسان
يوما ما سنقف جميعا امام الله
جميعا طامعين فى رحمته واحسانه وفضله
لا فى عدله وسلطانه وميزانه
قد يستغرب قارئ هذه الجمل
ولكن بالتفكير البسيط جدا نجد ان عدل الله يصعب على الانسان تحمله
احسان الله خيرا من ميزانه
رحمته اوسع من ضيق افقنا فى التفكير فيها
دمتى بروعتك د\مرمر
نور السما

[dr.marmar]

أنرت الموضوع كعادتك نور السما
بإضافتك الجميله
دمت بود

[noona]

تشبيه جميل يا مرمر

فعلا فى مواقف كتير فى حياتنا الانسان فيها بيعتبر الاخ او الصديق او اى شخص قريب منه مجرد كنبة

ممكن تكون بمواقف صغيرة او على مستويات كبيرة .. الحاكم الاساسى للعلاقة هنا هى المصلحة ..

ممكن ننسى قد ايه فى ناس قدمت لنا المساعدة او وقفت جنبنا .. المهم ان الشخص اخد راحته واستريح شوية على الكنبة

""

موضوع جميل للنقاش يا مرمر

ينقل لقسم النقاش الجاد .. فهو انسب هناك

خالصـ تقديرى ،،،

[loveman]

بجد مش قادر اعبر عن اعجابى بلموضوع غير انى اقول اروع من الرائع

[ريكاردو كاكا]

واللة هذا هو عين العقل في كثير جدا من الناس وفي ناس بيعملوها من غير ما يحسة ممكن تكوني انتي كمان عملتيها

[H&H]

صعب الواحد يكون كنبه

شكرا ليكي على

طريقه العرض الرائعه

[A7la banota]

الحمد لله انا لا بستغل حد و لا بسمح لحد يستغلني

[لوليتا المصريه]

موضوع بجد تحفه

وتشبيه اكتر من رائع

الكنبه

دة حتى لو اخدنا بالمعنى هنلاقى اننا ماينفعش نستغنى عنها

وجودها ضرورى فى حياتنا

هى المكان المناسب اللى يوم مابنتعب بنتسريح عليها

هى اللى بتشيل تعبنا وبتريحنا

يبقى ليه لمجرد اننا حسينا بالراحه نبيعها

لمجرد اننا حسينا ان احنا مش محتاجنها دلوقتى يبقى نستغنى عنها

ماهو اكيد هايجى الوقت اللى هنتعب فيه تانى وتالت

الواحد مش هيفضل سليم طول الوقت

هيجى اليوم اللى هنقع فيه ونحتاج اللى يسندنا

يبقى بلاش نبيع بالساهل

عشان محدش يتخلى عننا بالساهل

موضوع بجد فكرته رااائعه

تسلم ايديكى

منتظرين جديدك بأذن الله

اختك

e m

[ألاء الرحمن]

طريقتك فى العرض اكثر من رائعه اختى الغاليه
فعلا والله فى كتير اوى مننا وانا شفت النماذج دى كتير واتضايقت منها كتير ان الشخص اللى قدامك اول مايكلمك يقعد يحكى عن همومه ومشكلاته ولما تيجى انتى تحكى عن اى حاجه خاصه بيكى تلاقيه بيقفل فى الكلام وبيختلق اى عذر !!!
بجد الواحد زى ما بيتسمع لازم يسمع
وزى ما محتاج مساعده مفروض هو كمان يساعد
ياريت كلنا ناخد بالنا من النقطه دى
بش بجد موضوعك تحفـــــــــه
تقبلى مرورى