نفسي اخس بس ازاي؟؟؟؟

[كنت جاهليا]

اهلا بيكم معايا في حلقة من حلقات مساعدتي يا اهل المنتدى
نفسي اخس
انا وزني زاد 25 كيلو
وبقيت تخنون
والناس بتضحك عليا
لأني كنت رفنوع خالص
وفجأة مليت
معرفش وراثة ولا اهمال\بس بجد نفسي اخس
كرشتي تاعباني ومدايق نفسيا من التخن
هل تنصحوني بحبوب
ولا بالرياضة ولا ايه
ياريت اللي عنده نصيحة ومتأكد منها يدلني
محتاجكم ارجكوكم

[لميس العرب]

شوف انا موش عارف بس اللى اعرفه ان بابا

دكتور صيدلى بيقول ان الحبوب دى غلط

عل الصحه فا نصيحتى ليك

تظبط اكلك وتعمل رياضه كتير والمشى حلو جدا

بس بلاش الحبوب

وواحده واحد واحسن ليك تروح تشوف دكتور وهو هيفيدك اكتر

ويعرف اذا كان وراثه ولا لأ لأن 25 كيلو كتير

بجد دا اللى اعرفه

[Tefa Salem]

شكرا على الموضوع موضوع حلو

[Silver Flower]

اقتباسالمشاركة الأصلية كتبت بواسطة Tefa Salemشكرا على الموضوع موضوع حلو

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟
الظاهر بترد من غير ما تقرا الموضوع

[لميس العرب]

اها انا جيت تانى

شوف والله ما نسيتك عماله ادور على حاجات مش مضره وبتساعد

على نقص الوزن

ولقيت حاجه غريبه عجيبه

اقرأ اللى جاى دول بالحرف وانا متأكده مليون فى الميه منه

وفيه ناس خسه فى 4 ايام 5 كيلو يلا اتفضل بس لازم تدعيلى مااااااااشى


رجيم البطاطس

المده : 4 ايام

النتائج : نقص 5 كيلو

الشروط : يستخدم هذا الرجيم لمدة 4 ايام فقط وبعدها يتبع نظام ويؤكل من البطاطس عند الجوع فى اى وقت غذائى اخر لمدة اسبوع وبعدها 4 ايام اخرى من رجيم البطاطس

بشرط عدم الافراط فى الاكل والاكل المعتدل بعد الرجيم لتثبيت

الفنانة العالمية‏:‏ جينا لولو بريجيدا عاشقة البطاطس تقول أن حكاية ريجيم البطاطس قد بدأت بإعلان طبي يقول‏:‏ ان أكل البطاطس مسلوقة في الماء بغير اضافات وبدون ملح هو احدث طريقة طبية لإنقاص الوزن وهي طريقة سهلة وميسورة‏,‏ ويمكن لذوي السمنة استعمالها للحفاظ علي الوزن المعقول والمطلوب لكل جسم وسن بشرط أن يواظب الإنسان علي اكل البطاطس المسلوقة لمدة لا تقل عن ثلاثة ايام‏,‏وأن يقاوم الفرد كل اغراءات الاكل الاخري مهما تكن‏,‏ تلك النشرة الطبية كانت نتيجة ابحاث علمية طبية اخذت من العلماء ابحاثا طويلة‏.‏ ‏(‏البطاطس المسلوقة تمتص الدهون‏)‏ يقول الدكتور موسي
الخطيب خبير التغذية والنظم العالمية للريجيم‏:‏ البطاطس المسلوقة تحتوي مواد تستطيع امتصاص الدهون من الجسم بطريقة لا تضر الإنسان وعندما يتناولها الإنسان بدون أي نوع آخر من الاكل فإنها تعتبر وجبة غذائية كاملة تساعد علي النشاط والحيوية وخفة الحركة بعكس المضاعفات التي تحدث عن ادوية التخسيس بل علي العكس فالبطاطس بها مادة قادرة علي امتصاص كل السموم في الجسم وتعالج الغليظ ولا تضر بالقلب ولها فوائد اخري يستفيد منها الجسم شأنها شأن عسل النحل فهي تقي من يتناولها شر الاصابة بمرض السرطان لاحتوائها علي المواد الغذائية الاساسية للجسم مثل ‏(‏ المعادن والحديد والكالسيوم والبوتاسيوم والفوسفور والنحاس‏)‏ بالإضافة إلي فتيامين ج حيث تتميز علي الاطعمة الاخري باحتفاظها بهذا الفيتامين في الطقس شديد الحرارة‏,‏ وهي عنصر غذائي مهم ايضا في فصل الشتاء فهي افضل الاغذية منحا للدفء واكثرها امدادا بالسعرات الحرارية ومقاومة الهزال ذلك ان العنصر النشوي في البطاطس يتحول في جسم الإنسان الي سكريات تمنحه الطاقة وتقيه اخطار السمنة بسهولة

[أسفار]

الحل الوحيد والاكيد والفعال انك تشترك بجيم رياضي ... ومن هنا هتتشجع نفسيا والارادة بتزيد وشكل الجسم بيتغير بشكل مؤكد مية بالمية

بالحركة بركة

بالتوفيق