كورس شرح صيحيح البخاري ـ المجلس الخامس

[هشام الريدي]

الحديث الأول:

عن عمر بن الخطاب رضي الله عنه قال: سمعت رسول الله صلى الله عليه وسلم يقول: "إنما الأعمال بالنيات.. وإنما لكل امرئ ما نوى.. فمن كانت هجرته إلى دنيا يصيبها أو امرأة ينكحها.. فهجرته إلى ما هجر إليه".
ده النص جاء في جميع الأصول اللي ثبتت عن البخاري
يجي واحد يقول طب ده فيه جزء ناقص من الحديث..
وهو "فمن كانت هجرته إلى الله ورسوله"
أقولك يا سيدي
أولا: البخاري لما ذكر الحديث ده ذكره هنا في أول مصنفه وهو زي خطبه أو مقدمه للكتاب..
فكأنه ابتدأ كتابه الصحيح ده بنية رد علمها إلى الله..
فجاء بالجزئية اللي فيها ذكر الدنيا.. وترك الجزئية اللي فيها ابتغاء وجه الله تواضعا.. فمكنش عايز يزكي نفسه لأنه بالطبع معروف انه هاجر في سبيل الله علشان يجمع الكتاب ده.
طيب نبتدي باسم الله
- لما نقول عن عمر بن الخطاب رضي الله عنه نبقى بنقصد هنا إن عمر بن الخطاب هو راوي الحديث يعني هو الله سمعه من الرسول صلي الله عليه وسلم وحفظه ونقله للبعديه
ولما يقول "عمر" سمعت يعني هو سمع الكلام ده بأذنه من المصطفى صلى الله عليه و سلم
إنما الأعمال بالنيات: يعني ربنا سبحانه وتعالى هيحاسبك ويعطيك أجر العمل اللي انت عملته على أساس
إيه هو الأساس ده.. الأساس ده هو النية
يعني ايه..
يعني لو انت جيت في ليلة ما يعلم بيها إلا ربنا من شدة البرد اللي فيها
ورحت طالع على شوية فقراء .. ووزعت على كل واحد فيهم بطانية
هسألك: وانت رايح.. انت رايح تديهم بطاطين ليه..
ايه الهدف من انك تديهم البطاطين دي
تقولي : أصل انا نازل انتخابات اليومين الجايين دول..
وعاوزين نضمن شوية أصوات
أقولك ان نيتك هنا مش لوجه الله.. انت في الحالة دي بتطلب أجر الدنيا.. مش أجر الآخرة..
أما لو قلت : والله انا وديت البطاطين دي علشان صعبوا علي.. أو أبتغي وجه الله في العمل ده وعايز الأجر منه هو..
هنا أنت مهاجر إلى الله ولك الأجر إن شاء الله .. في الدنيا والأخرة
فاحرص أخي .. احرصي أختي على صلاح نيتك في كل عمل تعمليه..
والنية دي بتفرق العادة عن العبادة..
يعني الصبح سعادتك بتصحى تفطر دي هي العادة
طيب لو انت نويت بإفطارك ده ربنا يقويك علشان يكون كل عمل ليك في النهار ده لوجهه.. دي تكون عباده
وبكده يكون الأكل عباده

يا ريت حد يكتب كام مثال كده عن الفرق بين العادة والعبادة وتشاركونا

سبحانك اللهم وبحمده أشهد أن لا إله إلا أنت أستغفرك وأتوب إليك


هشام الريدي

[حَرفُُ هجآءّ]

السلام عليكم ورحمه الله وبركاته

فى البدايه احب اشكرك على المجهود الجميل

وان شاء الله فى ميزان حسناتك

امثال احتساب الاجر عند الله

عمل الام الطعام لاولادها

فان احتسبت عملها هذا وهو اطعام اولادها وزوجها عن الله ستأجر عليه

مثال اخر وهو احتساب النيه فى الذهاب للمسجد

لو العبد احتسب فى هذا الذهاب عدد من النيات

سيأجر باضعاف ذهبه فقط

فمثل لو نوى ذهبه هذا لافشاء السلام سيأجر عليه وايضا تعمير بيوت الله

وايضا التقرب الى الله بالفرض والنوافل

وايضا انتظار نزول الرحمه


ارجو ان اكون اضافت

اختك

[هشام الريدي]

جزاك الله خير على هذه الإضافات الرائعة وربنا يجعله في ميزان حسناتك يا رب
ويا ريت لو فيه نقد على الأسلوب ولا أي حاجة في الموضوعات تقوليها علشان أحسن