مين اللى معروف عنه الاخلاص

[حَرفُُ هجآءّ]

السلام عليكم

موضوعى النهارده

عن

الاخلاص فى الحب

برضو مش شرط الحب اياة

حب الزوج لزوجته او الخطيب لخطيبته اوالعكس

الانسان المخلص لحبيبه هو اكتر انسان حبه عشان كده حتى بعد فراقه بيبقى مخلص ليه

فى موضوعى قصه لنموذج من الاخلاص صعب يتكرر

شاب خطب بنت كانت حلم حياته من صغرهم كانوا بيتمنوا بعض

وهما فى الجامعه خطبها وكانوا عايشين اجمل قصه حب فى الوجود

تشاء قدرة الخالق ان يتوفى هذا الشاب

طبعا كانت صدمه لاهله وخطيبته

تخيلوا البنت حبته اد ايه وكانت احلمها كلها هو فارسها

مفيش ساعه كانت بتعدى اللى ولازم يكون على الاقل فى بينهم تليفون

حالت البنت تدهورت وكل يوم بتموت اكتر من اللى قبله

لحد دلوقتى بتعيط مع ان مر على وفاتة 3 سنين

وكل لما يتقدملها حد ترفض

معندهاش اى استعداد تتجوز غيرة

بتقول انا مراته هو وبس

النهارده كلمتها عشان اقنعها توافق على العريس اللى اتقدملها

زعلت منى ورفضت رفض غير عادى وقالتلى مستحيل حد غيرة يمسك ايدى

يااااااااااااااه على الحب والوفاء والاخلاص

لسه فى الدنيا حب بالشكل ده

ديما مثلا لما الزوج بيتوفى تلاقى الزوجه مش بتتجوز غيرة طبعا مش الكل بس الغالبيه العظمى

بتقعد على ذكرى زوجها ولو عندها اولا بتربيهم وخلاص على كده

لكن الزوج لما زوجته هى اللى بتموت ديما تلاقيه على طول يتجوز وحده تانيه

بحجه انه مش عارف يعيش ومش لاقى حد يهتم بحياته من كل شى

ليا شويه اسئله

ليه ديما الوفاء بيبقى معهود من حواء؟

ليه ادم سريع النسيان لو هو اللى خطيبته او مراته ماتت؟

البنت دى ايه التصرف اللى المفروض تعمله عشان تعيش حياتها؟

لان حياتها كده واقفه

والله مش عارفه اعمل معاها ايه تعبت من كتر اقناعها

وهى مفيش فايده

[AnGeL SenSe]

ليه ديما الوفاء بيبقى معهود من حواء؟

لان حواء هيا الاحساس والمشاعر مش معنى كدا ن الرجالة عكس بس حواء بتكون اكتر

في كداا بيكون عنديها وفاء واخلاص اكتر من ادم بكتير اووي لان القلب بيسطر على حواء

ليه ادم سريع النسيان لو هو اللى خطيبته او مراته ماتت؟

يمكن يا اسيل لان ادم الاغلبية بيتعامل بعقلو مش بقلبو عشان كدا بينسى دايما حواء عاطفية

والاغلبية بتعاملو بقلبهم مش بعقلهم ادم بقى العكس في كدا ودا بقى الي بخلي ادم ممكن ينسى

البنت دى ايه التصرف اللى المفروض تعمله عشان تعيش حياتها؟

هيا بجد ربنا يكون في عونها لان لو احنا كمان حصل معانا كدا

هنعمل نفس الي عملتو واكتر بس تحاول تعرف ان الدنيا مش

بتوقف على كدا وان دا ربنا كاتبو عليها وقدر وكتوب

تحاول تعيش حياتها هوا ممكن في الاول صعب عليها

بس لازم تحاول حرام تظلم نفسها كداا وربنا يكون في عونها يارب

ويكرمها بفضلة ويخفف عنها ان شاء الله


توبيك بجد جميل اوووي يا اسيل تسلم ايديكي يا حببتي
وربنا يكون في عون صحبتك ياااارب
تحيااااتي اختك
حسناء الشريف

[big bốss]

الحب يختلف بين القلوب

وليس بسبب جنس الانسان


والثقه والاخلاص مش حكر على حواء


ادم برضو بيحب وبيخلص حتى بعد المووت :vb29:


موضوع جميل يا اسيلوووووووو

[ماتركس]

السلام عليكم ورحمه الله وبركاته
اسيل
بصراحه قصتك تعطي لنا مثال انو لسه الحب والاخلاص موجود في قلوب
بعض البشر
انا مبحبش ارتبط بنقاط انا هتكلم كده اولا موضوع الحب والاخلاص والوفاء
موجود بس مش بكتره واللي يحب بجد ومتقي نفسه وبيحبو
بعض اكيد هتعمل البنت زي ما عملت كده بالظبط
والوالد مثلها
بس ربنا خلق لينا نعمه النسيان لسبب علشان نرضي بقضاء الله وقدره
ومنقوالش غير الحمدالله
كل واحد فينا مكتبلوه هيحصلوه ايه قبل ما يتوالد
يعني ده قدر ومكتوب
بس الحب والاخلاص موجود بس اللي يتقي الله
ويحب بجد
السلام عليكم يا اسيل

[~♥ Queen sozan♥~]

ليه ديما الوفاء بيبقى معهود من حواء؟
لان حواء رمز الحنان والعطاء


ليه ادم سريع النسيان لو هو اللى خطيبته او مراته ماتت؟

لان ادم من النوع الذواق


البنت دى ايه التصرف اللى المفروض تعمله عشان تعيش حياتها؟

المفروض تجدد حياتها وحدة وحدة
ومش عيب تفضل على ذكراة
بس تجدد فى حياتها عشان ميحصلهاش انتكاسة من الكئتائب


ــــــــــــــــــــــ

دة ردى على الاسئلة يا اسيل
اتكلم كا نقاش بقى
دايما حواء مش بتنسى اى شئ حصل داخل
حياتها وخصوصا لو يخص قلبها
انم الرجالة بينسو ولو بعد فترة زمانية مش طويلة
يعنى الراجل زجتو بتموت لو مخلص اووووووووووى
ممكن يقعد على ذكراها سنة او اتنين دة لو مبيموت موت فيها
ودة قليل اووووووووى
ويبدء تانى يعيش حياتو
دة العادى والمتوقع النسيان منهم
ودة نعمة ربنا اعطاها لى الرجال النسيان السريع


شكرا على موضوعك

وكانت عيزة اكلم اكتر بس
هيقولو منحازى لى النساء
بس بجد النساء اوفياء اكتر من الرجال


تحياتى ليكى همس

[حياتي ذكريات]

السلام عليكم

هو مش مختص بحد معين لكن حواء صعب عليا تنسى الحبايب بسرعه

بصي الراجل لما يتجوز على مراته بعد وفاتها مثلا بيبقى في احتيا شديد ليها

عشان هو بيجي تعبان من شغله محتاج حد يعمله الاكل محتاج حد ياخد باله من عياله

غير انه هو مصدر الرزق لاولاده فهيخاف يسيبهم لوحدهم فيضطر يتجوز لانه محتاج حد يساعده

لكن المرأة غالبا بتكون قاعده في البيت وهتخاف لو هتتجوز ممكن زوجها يعامل اولادها بطريقة وحشة

او حتى لو ما كانتش مخلفة هتحس انها هتظلم الراجل اللي قدامها لان المراة بتهتم جدا بالمشاعر

والأحاسيس .. فيه واحده كبيرة في السن عايشة قريب مننا زوجها متوفي من 51 سنة تقريبا

كل ما اروحلها الاقيها ماسكة الموبايل وعليه صورته وتفضل تعيط شوفتي الوفاء كام سنة !!

بس هو عموما مش مختص بحد معين

تسلمي على الطرح .. خالص تقديري وودي ليكي

[Silver Flower]

صحيح كلامك يا اسيل
في رجال اوفياء ولكن مش قد الستات ليه ؟
الصراحه مش عارفه ممكن الاننا ناقصات عقل ودين وبنفكر في قلبنا وما بنفكر في عقلنا عكس
الرجل بيفكر في عقله :752:
متابعه معك تعليقات الشباب لعل وعسى نشوف تفكيرهم وعقليتهم وازاي بيحسبوها

شكرا للموضوع

[حَرفُُ هجآءّ]

اقتباسالمشاركة الأصلية كتبت بواسطة AnGeL SenSe

ليه ديما الوفاء بيبقى معهود من حواء؟

لان حواء هيا الاحساس والمشاعر مش معنى كدا ن الرجالة عكس بس حواء بتكون اكتر

في كداا بيكون عنديها وفاء واخلاص اكتر من ادم بكتير اووي لان القلب بيسطر على حواء

ليه ادم سريع النسيان لو هو اللى خطيبته او مراته ماتت؟

يمكن يا اسيل لان ادم الاغلبية بيتعامل بعقلو مش بقلبو عشان كدا بينسى دايما حواء عاطفية

والاغلبية بتعاملو بقلبهم مش بعقلهم ادم بقى العكس في كدا ودا بقى الي بخلي ادم ممكن ينسى

البنت دى ايه التصرف اللى المفروض تعمله عشان تعيش حياتها؟

هيا بجد ربنا يكون في عونها لان لو احنا كمان حصل معانا كدا

هنعمل نفس الي عملتو واكتر بس تحاول تعرف ان الدنيا مش

بتوقف على كدا وان دا ربنا كاتبو عليها وقدر وكتوب

تحاول تعيش حياتها هوا ممكن في الاول صعب عليها

بس لازم تحاول حرام تظلم نفسها كداا وربنا يكون في عونها يارب

ويكرمها بفضلة ويخفف عنها ان شاء الله

توبيك بجد جميل اوووي يا اسيل تسلم ايديكي يا حببتي
وربنا يكون في عون صحبتك ياااارب
تحيااااتي اختك
حسناء الشريف

السلام عليكم

فعلا حواء عاطفيه

معهوده بالوفاء والاخلاص

عن ادم دائما عقلانى الى درجه كبيرة

نورتى ياحسناء

وميرسى على النصيحه الغاليه

تسلمى ياقمر

[حَرفُُ هجآءّ]

اقتباسالمشاركة الأصلية كتبت بواسطة نورررالحب يختلف بين القلوب

وليس بسبب جنس الانسان


والثقه والاخلاص مش حكر على حواء


ادم برضو بيحب وبيخلص حتى بعد المووت :vb29:


موضوع جميل يا اسيلوووووووو

السلام عليكم
نوررر

مش كل ادم مخلص

كتير اوى من ادم بيجرى وراى غرائزة

على طول لو مراته ماتت يروح يتجوز غيرها

هو مش بيعمل حاجه حرام

ولا غلط

بس ديما حواء تقعد على ذكرى جوزها

او تربى اولادها

قليل تلاقى حواء بتتجوز تانى

ميرسى لمرورك يانوررر

[حَرفُُ هجآءّ]

اقتباسالمشاركة الأصلية كتبت بواسطة ماتركسالسلام عليكم ورحمه الله وبركاته
اسيل
بصراحه قصتك تعطي لنا مثال انو لسه الحب والاخلاص موجود في قلوب
بعض البشر
انا مبحبش ارتبط بنقاط انا هتكلم كده اولا موضوع الحب والاخلاص والوفاء
موجود بس مش بكتره واللي يحب بجد ومتقي نفسه وبيحبو
بعض اكيد هتعمل البنت زي ما عملت كده بالظبط
والوالد مثلها
بس ربنا خلق لينا نعمه النسيان لسبب علشان نرضي بقضاء الله وقدره
ومنقوالش غير الحمدالله
كل واحد فينا مكتبلوه هيحصلوه ايه قبل ما يتوالد
يعني ده قدر ومكتوب
بس الحب والاخلاص موجود بس اللي يتقي الله
ويحب بجد
السلام عليكم يا اسيل

وعليكم السلام ورحمة الله وبركاته

هو فعلا مش موجود الا قليل الايام دى

كل واحد بيفكر فى نفسه وبس

وصح كل واحد مكتوبله قدرة

من قبل ما يتولد

اشكرك ياحمد على مرورك وردك