مهم جداا لجميع اعضاء المنتدي ....؟

[ماتركس]

السلام عليكم ورحمه الله وبركاته
اولا ازيكم وحشتووني جداا
انا عارف اني مقصر في حقكم بس معلش والله ضغط شغل
وهيروح لحالو وشويه كده كام يووم وافضالكم
انا عندي موضوع محيرني جداااا واكيد محيركم انتو كمان
انا لاحظت ناس كتير في ردود بعض الموضيع وبالذات البنات
انو كل عضوه بتقوال انا روحت اصلا منتدي نسائي ومش منتدي نسائي
انا عايز اسئلكم دلوقت شويه اسئله لو كل واحد يحترم نفسه ونحترم بعض في المنتدي
ايه الفرق بين منتدي مختلط وبين منتدي نسائي او شبابي
ياتري الاحترام مش هوه اللي بيجمعنا ويخلينا نتناقش معا بعض
وياتري ايه الفرق بين المنتدي النسائي والمنتدي المشترك
وعايز اعرف دلوقتي مش في كل مكان في الحلو والوحش يعني ف المنتدي النسائي مش
ممكن نلاقي ناس مش محترمه ومش ممكن نلاقي ناس كدابه ومش ممكن نلاقي اصدقاء مش كويسين
يعني كل مكان فيه الحلو والوحش صح والا انتو ايه رايكم
عايز اعرف رايكم دلوقتي انتو تفضلو ايه منتدي نسائي كله والا منتدي مشترك
وايه الاسباب لااختياركم
وياتري المنتديات المشتركه بقت وحشه وفيها انفتاح والا عادي
وياتري الاحترام هوه دائما ساير الموقف والا
نشكركم عل حسن تعاونكم معنا
اخوكم في الله احمد الشريف

[خزآمى الروح]

صراحة هو موضوع مهم
ولكن كما قلت كل منتدى يه مميزات وعيوب وصاددقين وكاذبين
واشخاص محترمة واشخاص دون ذلك لكن العبرة فيمن يحفظ حدوده
ممكن حضرتك تتدخل منتدى نسائي بس كل الموجود في مش كويسي وبعدين ايه اللي يخليكي متاكده انه خلف السم المستعار ده
وحده ست بجد ما يمكن يكون راجل متنكر في اسم ست
مش كل حاجة نصدقها
وبعدين مش كل المنتديات المختلطة فيها حاجات مش كويسة
بالعكس بيبقى في ناس محترمه
متشكرة على الموضوع المهم بحد ذاته
تقبل مروري المتواضع

[عاشقة الهدوء]

السلام عليكم ورحمة الله وبركاته

شوف ياحمد موضوعك ده فعلا موضوع مهم وفى منتهى الاهميه انا واحده من الناس

دخلت منتدى نسائى قبل كده وسجلت فيه بس بصراحه سمعت عن المنتديات

النسائيه كلام انو ممكن شباب فى المنتديات دى تدخل باسماء مستعاره وتضحك على البنات

واكيد يعنى فى وعى فى هذه المنتديات ويقدروا يعرفوا مين الولد ومين البنت حتى لو عامل

نفسوا بنت واكيد طبعا مش كلهم هيعرفوا ففيه بنات ممكن تقع ضحيه لحاجه زى كده

فانا والله بالصدفه وانا بدور على الجوجل كتبت بس كلمة ش لقيت شات بنات مصر دخلت

هذا المنتدى والله قعدت 3 ايام ادور فيه واشوف لغاية ما سجلت فيه ودخلت عملت موضوع

ترحيب ولاقيت الترحيب من الاعضاء يدل على الاحترام والذوق العالى ومنتدى بجد كويس

واعضائوا مقدرين بعضهم ومحترمين بعضهم واكيد برضوا زى ما فيه الصالح فيه عكس ذللك

بس احنا مانحكمشى على احد ربنا هو الى عالم يالنيات فانا دخلتوا عشان صريح فيه

اولاد وبنات الولد مش هيدارى نفسوا ولا البنت هتدارى نفسها ومدام البنت جدعه كده

ومحترمه نفسها خاصة عشان الاولاد كلوا هيحترمها ويقدرها وهيخاف انوا يقرب منها

عشان عارف حدودها فين وهو حدودا فين فانا والله لما دخلت هذا المنتدى ارتحتلوا نفسيا

وما شوفتش لحد الان حاجه فيه غلط او عيب حتى لو حصل شد فى بعض الاحيان بين الاعضاء

بيرجعوا يتصافوا تانى ربنا يديم بينا الاخوه يارب والاحترام والتقدير من كل عضو شاب او بنت

وخاصة الشباب بقولهم احنا اخواتكم وزى ما هتفكروا لينا بالضرر ان ربك لبمرصاد وزى

ما هتفكروا لينا بالخير دايما وتبقوا فعلا فى معزة اخواتنا وتخافوا علينا زيهم ربنا

هيكرمكم ويسعدكم ويهديكم على قد نيتكم الطيبه اسال الله لنا الهدايه ولكل عاصى

تايه فى ملذات وشهوات الدنيا اللهم امين تسلم احمد على موضوعك القيم المميز

تقبل كلامى ومرورى

[كاجين]

السلام عليكم ورحمة الله وبركاته
بصراحة الابخاف من العفريت بيطلعلو والابخاف من المنتديات المختلطة بيتلقى العفريت فى المنتدى بتاعة
والدنيا دلوقتى بقى كلهااختلاط فى الدراسة او الشغل او الشارع ومش معنى ان الانسان الذى يجار من حولة الايلتزم بحدود المعاملة لان ذلك سوف يحافظ على التعامل المطوب
والله يعينك فى شغلك وننتظرمنك المزيد
مشكوووووور والله يعطيك الف عافيه

[حياتي ذكريات]

السلام عليكم

فيه بنات تحب تدخل منتديات نسائية لانها بتقول بنبقى بنات مع بعض

وممكن آخد راحتي فيه اكتر من المنتديات المختلطة

فيه منتديات نسائية حلوة كتير وفيه منتديات تانية ولا ليها اي اهمية

وبعضهم بيبقى فيه بنات لكن باسم مستعار وخلفها شاب بيصطاد كام بنت

فاللي غالبا بتدخل المنتديات النسائية بتاخد حذرها جدا ومش اي حد تتعرف عليه

بس سواء البنت مشتركة في منتدى نسائي او مختلط لازم تحافظ على نفسها

وتاخد حذرها كويس ..

تسلم على طرحك وموضوعك الجميل .. خالص تحياتي ليك

[الأميرة منة]

انا كنت داخلة على ان المنتدى ده للبنات بس
بس بعد كده لقيته مختلط
مش فرق معايا بس اللى يفرق اننا بعمل ايه جواه
اصل حياتنا كلها لازم يحصل اختلاط بس المهم كيفية التعامل
ساعتها جوة المنتدى زيه زى تعاملنا مع بعض فى اى مكان فى الحياة العادية

ميرسى على الطرح المميز
بالتوفيق

[~♥ Queen sozan♥~]

السلام عليكم ورحمة الله وبركاته
والله انا هتكلم من وجهه نظرى
مفيش فرق بين منتدى نسائى ومنتدى عادى غير ان الشباب هناك بيكون مستخبين فى اسم امرأة
بس كدة لان بيكون عندهم فضول مميت يعرفو البنات بتتكلم عن اية فى المنتدى الخاص بيهم
انم هنا على الاقل عارفة انتى بتكلمى بنت ولا ولد
واى حد بيحترم نفسو هيلقى احترام الاخرين
ولى بيحترم نفسو جمسع الاعضاء هتحترمو
وموضوع الاخطلت دة
خالص دة كل شئ بقى فى اخطلات فية اية فى مصر مش مخطلت
بس المهم احترم النفس


شكرا على موضوعك منتحرمش من جديدك

همس

[ملكة القلوووب]

انا كمان دخلت المنتدى وعامله حساابي انه للبنات بس بعدا خلاص لما شفته مختلط سكت ..
وكمان انا اشووف الولاد محتررمين يعني مشفتش منهم حاجه وحشه...
اهم شي انه يكون بينا احترااام وادب
وهذا المنتدى عشان نستفيد منه مش عشاان حق بنات او حق اولاد..
اتمنى يكوون كلامي صح
وميرسي على الطرح الجميييل

[princess73]

على فكره اللى فكره ان المنتدى ده ليفنج روم و ستات بس تبقى طيبه اوى اوى لانك كل حاجه بتكتبيها اى حد على النت ممكن يشوفها و مفيش حاجه اسمها ابقى براحتى مع البنات فى منتديات نسائيه لان اى راجل ممكن يسجل باسم بنت و ده كتير اوى اوى و ياما سمعت عن مشاكل من النوع ده
و بعدين هو الاختلاط فين اصلا؟؟؟
البنت بتبقى فى بيتها و الراجل بيكون فى بيته ههههه
بجد فيه حاجات كده بقينا نسمعها غريبه اوى
ال منتدى نسائى بس!!!
طيب انا كنت مره مسجله فى منتدى باسم راجل ده زمان لما كنت لسه باجرب ادخل منتديات
و شكرا لموضوعك المفيد

[be with me]

اولا بحيك على الموضوع دا
ثانيا دلو قتى المنتديات النسائية
مش كل اللى فيها بنات
بالعكس اكترهم شباب دخلين باسم بنت
وكمان يعنى كل شىء مختلط حتى الجامعة كلة بيعد جنب كلة
حيجى المنتدى بقى نسائى وكدا
لاء البنات زى مافيها الحلو والوحش
فالشباب فيها الحلو والوحشبرضة
وكمان مفروض كل بينت تعرف حدودها
لان اى شب حيلاقى بنت بتتكلم عادى مع كلة بدون احترام
اكيد حيكلمها بدون احترام
اهم شىء باى منتدى نسائى او غيرة المختلط
اهم شىء هو الاحترام المتبادل بين الاعضاء بس مش اكتر وكلنا اخوات ياجماعة فكل واحد يراعى ربنا
بغيرة
بس مش اكتر
دى وجة نظرى
وتحياتى
اتقبل مرورى اخى