حكاية ولد وبنت من اول بحبك وبموت فيكي لحد ما يبصلها من فوق لتحت ويقولها سوري موعدتكيش بحاجة

[P R ! M O]

حكاية ولد وبنت من اول بحبك وبموت فيكي لحد ما يبصلها من فوق لتحت ويقولها سوري موعدتكيش بحاجة

اكشن
(فى الجامعة)



هو - بحبك

هي = طيب

هو -باقولك بحبك

هي = أوكى عرفت خلاص

هو - يابنى ادمه انا بحبك بجد

هي = طب وانا اعمل ايه.؟

هو -حبينى زى مابحبك

هي = انا باعتبرك اخ وصديق ومابافكرش فيك غير كده

هو - انتى متحجرة الاحساس والمشاعر..تلاقى فيه حد تانى فى حياتك

هي = وهو لو انا ما حبيتكش يبقى بحب غيرك؟؟ تفكير غريب جدا

هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي

هي =لا وعلى ايه..خلاص ياسيدى ..اعتبرنا مرتبطين مؤقتا

هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر





(فى البيت)




هي = معقول يكون فيه حد ممكن يحبنى الحب دا كله؟؟
طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى




(فى التليفون)



هو -عازمك النهارده على الغدا والسينما

هي = افندم؟؟

هو - ايه..كلامى غامض؟

هي = انا اسفه..ماقدرش اخرج معاك مادام علاقتنا مش رسمية

هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض

هي = مش هاينفع

هو - يبقى انتى مش بتحبينى

هي = طب قولى انت..لو انا اختك..هاترضى انى اخرج مع واحد تانى غريب؟

هو -( بغضب) لأ طبعا..دانا كنت قطمت رقبتك

هي = امال عايز تخرج معايا ليه؟

هو -آآه.. دى حاجه ودى حاجه تانيه

هي = هو انا مش بنت ناس برضه وليا أخ؟؟

هو - أنا مش هاثق فى أى حد تانى..لكن انا عارف نفسي وانتى عارفانى

هي = المبدأ واحد.. أخويا برضه ما يعرفكش

هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا

هي = وهو يا كده يا إما مش بحبك؟

هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟

هي = خلاص خلاص..أنا اسفه..بس اوعدنى انك مش هاتكررها تانى

هو - خليها لوقتها..هاستناكى قدام السينما الساعه 6 بالليل





(فى البيت)



هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هو اللى عملته ده صح ولا غلط؟
..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده






(فى السينما)




هي = انت مش قلتلى انه فيلم خيال علمى؟؟
دا طلع فيلم رومانسي

هو - حبيت اتفرج عليه انا وانتى..قصته رائعه..وكأنها اتعملتلنا

هي = ومالقيتش مكان أحسن من اخر صف فى القاعه؟

هو - أعمل ايه بس..جينا متاخرين والصفوف قدام كلها محجوزة

هي = الصاله شبه فاضيه..كلامك مش مريحنى

هو - ارجوكى بقى..احنا هانقلبها خناقه ولا ايه..عيشي معايا اللحظه

هي = ايه ده؟..ايه السفاله دى..ابعد ايدك عنى..انت بتعمل ايه؟

هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب

هي = انت اتجننت؟
والله لو ما لميت نفسك هافضحك فى السينما كلها

هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟

هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده

هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام

هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟

هي = حبك عاوزنى أكسر كل اللى اتربيت عليه

هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر

هي = أنا عارفه انك بتحبنى..وانا كمان بحبك...لكن...انا..مش


هو -بحبك وبحب كل حاجه فيكى..انتى جميله قوى

هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا






(فى البيت)



هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..
يارب سامحنى أرجوك..ماقدرتش استحمل كل الضغط ده على اعصابى






(فى الجامعة)


هو - ها يا حبيبتى..تحبى نروح فين النهارده؟

هي = مش رايحه فى حته وكفايه بقى لحد كده؟؟

هو - ايه الكلام ده يا حياتى؟

هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه

هو - كلامك ده اكبر دليل انك مش بتحبينى

هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك

هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه

هي = بعد كل الابتزاز العاطفى ده؟؟

هو - ماحدش يقدر يجبر حد على حاجه..كان عندك مطلق الحرية انك ترفضى

هي = مع كل الضغط ده..ماكنتش قادره افكر

هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم

هي = انت حيوان بتمشيه رغباته..

هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك


النهاية
اولا
تسير البطلة ودموعها على خدها وحالتها تقطع القلب
ثانيا
اما البطل الجبان
بيدور على ضحية جديدة يضحك عليها
ثالثا
بس مسيره يوم هيتجرح زى مجرح دة الى هو البطل

[تانيا]

أولا في كلام خارج مينفعش يتقال عشان في أعضاء هنا سنهم صغير أقل من 18 سنه
وحتى لو مش سنهم صغير
المفروض ان في بنات هنا في المنتدى يعنى مش اى حاجه نكتبهاااا
هو الموضوع حلو
بس انت كان ممكن توصل وجهة نظرك بطريقه تانيه
ثانيااااا
انت معاااااك حق ...مش لازم يبقى في ثقه بين اى بنت وولد
حتى لو كان بيحبهاااا بجد أو هى بتحبه
لازم تعمل حدود في العلاقه بينهم ...
ومش اى كلمتين كده يأثرو عليهااااا
وعلى فكره مش كل البنات من السهل حد يضحك عليهم
وهى لو محترمه مكنتش عملت كده
حتى لو كان هيسيبها
ميرسي ع الموضوع
بالتوفيق

[tefa]

انا اول ما دخلت التوبيك وقريته قولت اكيد بنت اللى عاملاه
دخلت على صفحتك لقيتك ولد
امال لو كانت بنت كانت هتهزقنا اكتر من كدا ازاى

أقولك على حاجة
الحكاية اللى حكيتها دى بتحصل كتير
الولد غلطان والبنت غلطانة اكتر منه
عارف ليه

لأن هى مش بتحبه اصلا ازاى تقنع نفسها انها بتحبه او ممكن تحبه بعدين
يعنى ايه اديله فرصة يمكن يطلع كويس
الحب بييجى لوحده
من غير احنا ما نقرر نحب ومن غير ما نختار الشخص
ومتقوليش البنت ساذجة والواد ضحك عليها بكلمتين
البنت غلطانة مليون فى المية
ولعلمك مصعبتش عليا
ولو كل البنات فكرت صح مفيش حاجة هتحصل

شكرا على الموضوع يامعلم
تقبل مرورى

[P R ! M O]

اقتباس
المشاركة الأصلية كتبت بواسطة تانيا




أولا في كلام خارج مينفعش يتقال عشان في أعضاء هنا سنهم صغير أقل من 18 سنه
وحتى لو مش سنهم صغير
المفروض ان في بنات هنا في المنتدى يعنى مش اى حاجه نكتبهاااا
هو الموضوع حلو
بس انت كان ممكن توصل وجهة نظرك بطريقه تانيه
ثانيااااا
انت معاااااك حق ...مش لازم يبقى في ثقه بين اى بنت وولد
حتى لو كان بيحبهاااا بجد أو هى بتحبه
لازم تعمل حدود في العلاقه بينهم ...
ومش اى كلمتين كده يأثرو عليهااااا
وعلى فكره مش كل البنات من السهل حد يضحك عليهم
وهى لو محترمه مكنتش عملت كده
حتى لو كان هيسيبها
ميرسي ع الموضوع
بالتوفيق


اولا
انا مش شايف ان فية كلام خارج في الموضوع
ثانيا
ميرسي يا عثل على توجيهات سيادتك وانشاء اللة هعمل بيها في الخطط المستقبلية الجاية



ملحوظة
يا ريت يا جماعة لو حد مش بتعجبة موضوعاااااااتى يريح دماغة ومش يعلق عليها
وشكرا

[Princess Noran]

اكثر حد غلطان هى البنت هى الى كانت


سهلة وبتخاف على زعلة اكثر من الازوم


وهو شفها سهلة قدامة بكلمتين ياخد

الى عايزة


شكرا على التوبيك الرائع

[be with me]

اولا بحيك على القصة الواقعية دى
ثانيا فى اصناف من الشباب الزبالة دى بالكلية معى كتير
بيجو الكلية هدفهم بس حيعمل اية مع دى ودى
وناسى انة عندة اخت او ام
وناسى ان بنات الناس مش لعبة
وكمان البنت غلطانة لانة اول مقلها نتقابل وكدا
تفهم ان فى حاجة
وتفهم انة مش همة حد يشوفها معاة
اللى بيحب حد بيحب يحافظ علية
ومهمة البينت بقى تعرف ازاى تقدر تميز بينهم
اة فى كدا ولاد ستين بسبعين
بس فيهم برضة يملكو قلب طاهر وحب اطهر
ياريت اللى حبة اقولة يكون وصل
تقبل مرورى
نونا

[تانيا]

اقتباس
المشاركة الأصلية كتبت بواسطة nemo temo





اقتباس
المشاركة الأصلية كتبت بواسطة تانيا




أولا في كلام خارج مينفعش يتقال عشان في أعضاء هنا سنهم صغير أقل من 18 سنه
وحتى لو مش سنهم صغير
المفروض ان في بنات هنا في المنتدى يعنى مش اى حاجه نكتبهاااا
هو الموضوع حلو
بس انت كان ممكن توصل وجهة نظرك بطريقه تانيه
ثانيااااا
انت معاااااك حق ...مش لازم يبقى في ثقه بين اى بنت وولد
حتى لو كان بيحبهاااا بجد أو هى بتحبه
لازم تعمل حدود في العلاقه بينهم ...
ومش اى كلمتين كده يأثرو عليهااااا
وعلى فكره مش كل البنات من السهل حد يضحك عليهم
وهى لو محترمه مكنتش عملت كده
حتى لو كان هيسيبها
ميرسي ع الموضوع
بالتوفيق


اولا
انا مش شايف ان فية كلام خارج في الموضوع
ثانيا
ميرسي يا عثل على توجيهات سيادتك وانشاء اللة هعمل بيها في الخطط المستقبلية الجاية



ملحوظة
يا ريت يا جماعة لو حد مش بتعجبة موضوعاااااااتى يريح دماغة ومش يعلق عليها
وشكرا




ايه ده؟..ايه السفاله دى..ابعد ايدك عنى..انت بتعمل ايه؟
هى فعلا سفاله
هو - انا بحبك قوى..صعب أتحكم فى نفسي وكل جمالك ده

انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام


هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

بص انا مش بجيب حاجه من عندى
مش ده الكلام ؟؟
لو مواضيعك كلها هتبقى كده يبقى متعملش مواضيع أحسن
وابقى اهدى شويه عشان كده مش كويس على أعصابك
وانا فعلااا غلطانه انى برد على مواضيع بالمستوى ده

[P R ! M O]

اقتباس
المشاركة الأصلية كتبت بواسطة تانيا




اقتباس
المشاركة الأصلية كتبت بواسطة nemo temo





اقتباس
المشاركة الأصلية كتبت بواسطة تانيا




أولا في كلام خارج مينفعش يتقال عشان في أعضاء هنا سنهم صغير أقل من 18 سنه
وحتى لو مش سنهم صغير
المفروض ان في بنات هنا في المنتدى يعنى مش اى حاجه نكتبهاااا
هو الموضوع حلو
بس انت كان ممكن توصل وجهة نظرك بطريقه تانيه
ثانيااااا
انت معاااااك حق ...مش لازم يبقى في ثقه بين اى بنت وولد
حتى لو كان بيحبهاااا بجد أو هى بتحبه
لازم تعمل حدود في العلاقه بينهم ...
ومش اى كلمتين كده يأثرو عليهااااا
وعلى فكره مش كل البنات من السهل حد يضحك عليهم
وهى لو محترمه مكنتش عملت كده
حتى لو كان هيسيبها
ميرسي ع الموضوع
بالتوفيق


اولا
انا مش شايف ان فية كلام خارج في الموضوع
ثانيا
ميرسي يا عثل على توجيهات سيادتك وانشاء اللة هعمل بيها في الخطط المستقبلية الجاية



ملحوظة
يا ريت يا جماعة لو حد مش بتعجبة موضوعاااااااتى يريح دماغة ومش يعلق عليها
وشكرا




ايه ده؟..ايه السفاله دى..ابعد ايدك عنى..انت بتعمل ايه؟
هى فعلا سفاله
هو - انا بحبك قوى..صعب أتحكم فى نفسي وكل جمالك ده

انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام


هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

بص انا مش بجيب حاجه من عندى
مش ده الكلام ؟؟
لو مواضيعك كلها هتبقى كده يبقى متعملش مواضيع أحسن
وابقى اهدى شويه عشان كده مش كويس على أعصابك
وانا فعلااا غلطانه انى برد على مواضيع بالمستوى ده





اولا
احب اقولك ميرسي على ذوقك
ثانيا
انا مش عارف لية كل مواضيعي مش بتعجب حضرتك
؟؟؟؟؟؟؟؟؟؟؟؟؟
!!!!!!!!!!!!!!!!!

[P R ! M O]

اقتباس
المشاركة الأصلية كتبت بواسطة tefa




انا اول ما دخلت التوبيك وقريته قولت اكيد بنت اللى عاملاه
دخلت على صفحتك لقيتك ولد
امال لو كانت بنت كانت هتهزقنا اكتر من كدا ازاى

أقولك على حاجة
الحكاية اللى حكيتها دى بتحصل كتير
الولد غلطان والبنت غلطانة اكتر منه
عارف ليه

لأن هى مش بتحبه اصلا ازاى تقنع نفسها انها بتحبه او ممكن تحبه بعدين
يعنى ايه اديله فرصة يمكن يطلع كويس
الحب بييجى لوحده
من غير احنا ما نقرر نحب ومن غير ما نختار الشخص
ومتقوليش البنت ساذجة والواد ضحك عليها بكلمتين
البنت غلطانة مليون فى المية
ولعلمك مصعبتش عليا
ولو كل البنات فكرت صح مفيش حاجة هتحصل

شكرا على الموضوع يامعلم
تقبل مرورى


اكيد ما فيش حد ساذج اليومين دول
سواء بنات او اولاد
اشطااااااااات يا برنس

[عاشقة الهدوء]

السلام عليكم ورحمة الله وبركاته


بجدقصتك دى قصه جميله جدا ومعبره وكمان عبره واتعاظ لاى بنت انها تقع فى الغلط وتعرف ان الشاب

الى ما يدخلشى من الاول البيت من بابوا ويمثل عليها دور الحب بقه وانوا هيتقدم ليها يبقه انسان

غير متزن فكروا مريض ماشى وراء غرايزه وشهواته فقط وما اكثرهم اخى والله فى هذا الزمن

اصحاب العقول المريضه الى بيضحكوا على بنات الناس ويزجوا بيهم الى الوقوع فى الخطر

والرزيله ويجيبوا الاخر الغلط على البنت والبنت معروف عنها انها كائن ضعيف مجرد ما اى

شخص يقولها كلمه حلوه تحبوا وتخلص ليه بتبقى سعاتها بنت طايشه مش فاهمه الحياه ماشيه

ازاى فتبقه ضحيه لحاجه زى دى انما فيه بنات كتير بتقدر تتحكم فيه مشاعرها ومتخليش اى شخص

بسهوله كده يضحك عليها بالعكس بتطلع هى الكسبانه والى حاول يضحك عليها هو الخسران لانها

بتكون عندها درايه كافيه وفهم بهذه الامور والتعامل مع الشخصيه الى قدامها وتسلم اخى مره


تانيه على قصتك الجميله الى فعلا عجبتنى عشان هى مفيده للبنات عشان ميوضعوش

ثقتهم فيه اى شخص مهما كان وينضحك عليهم بسهوله تقبل مرورى اخى للك ودى