بتحبي عائشة رضي الله عنها؟!

[داعية!!]

السلام عليكم ورحمة الله وبركاته

كيف حالكم أخواتي في الله؟

بتحبي عائشة رضي الله عنها الصديقة بنت الصديق؟
سؤال غريب مش كده؟ والرد الطبيعي والفطري طبعا بحبها!

طيب يا أختي أنتِ فين من هذا الحب؟ يعني مش ال بيحب حد وعارف أنه في الجنة
بيحب يقلده ويبقى نفسه يشوفه؟ نفسه يدخل الجنة

طيب أين أنتِ من عائشة رضي الله عنها؟ بتعملي ايه عشان تكوني زيها؟
لو أنها مازالت على قيد الحياة ودخلت عليكِ ماذا سيطون موقفكِ

لو شافت موبايلكِ وأرقام رجال من غير محارمكِ
وسألتكِ مين ده ياحبيبتي؟! قلت لها: ده صاحبي يا أم المؤمنين!
تفتكري موقفها منكِ هيكون ايه؟!

لو دخلت حجرتك ولاقت صور المطربين والمطربات والممثلين والممثلات في كل ركن
مين دول يابنتي ، دول ناس بحبهم أوي يا أم المؤمنين
تفتكري موقفها منكِ هيكون ايه؟!

لو دخلت على جهازكِ وشافت الصور عاملة ازاي وشافت كمية الأغاني ال موجودة والمعازف
ده غير طبعا شوية المنتديات وموضوعاتكِ ال فيها ال بتخالف إسلامك وملفكِ الشخصي ال فيه طبعا صورة المطربة فلان الفلانية

مين دي يابنتي" ياخبر يا أم المؤمنين دي مطربة 2010 دي أنا بموت فيها
بتموتي فيها يابنتي؟ يابنتي دي الأغاني حرام وزوجي رسول الله -صلى الله عليه وسلم- قال:
(ليكونن من أمتي أقوام ، يستحلون الحر والحرير ، والخمر والمعازف ) [رواه البخاري]

طب وحجابك يا أختي ايه اخباره؟
ايه يابنتي تونيك وبلوزة قصيرة وبنطلون ضيق ؟
انت فين من الدين والحجاب الشرعي يا أختي؟

انت بترخصي نفسك ليه يا أختي؟ ليه بعتي حجابك ليه بعتي نفسك وبتكلمي شباب وتقولي صاحبي وزميلي
هو الصحابة -رضوان الله عليهم- كانوا ده يا أختي؟ أمك عائشة -رضي الله عنها- كانت كده يأختي؟!

هو احن ليه دايما نقول بحبك يارب وبحب رسولك -صلى الله عليه وسلم وبحب الدين
طيب بالله عليكم هو الحب بالكلام؟ هو دين لعبة يا أخوات نأخذ منه ونسيب على راحتنا
ده احنا هنتحاسب بالذرة يا أختي وحبيبتي في الله (فَمَنْ يَعْمَلْ مِثْقَالَ ذَرَّةٍ خَيْرًا يَرَهُ (7)
وَمَنْ يَعْمَلْ مِثْقَالَ ذَرَّةٍ شَرًّا يَرَهُ )

مش خايفة بجد من يوم القيامة؟ هو احنا ليه مطمنينن كده؟ ليه عايشين ومش فارق معانا حاجة؟
ماحنا عارفين أن زي مافيه جنة فيه نار
النار ال في الدنيا مش بنقدر نقرب منها؟ والجو لما يحرر شوية بيبقى اليوم يعني في التمام؟
طيب هنعمل ايه في الأخرة ؟ هي نار الدنيا تيجي ايه جنب نار الآخرة؟
لما نقف أمام المولى عز وجل ويأمر بأي شخص إلى جهنم والعياذ بالله وتيجي ملائكة غلاظ شداد وسلاسل ويجر بكل الذل إلى جهنم
موقفنا ايه بس هي الدنيا تستحق ايه بس
هتبيعي الغالي بالرخيص يا أختي؟ هناك في الآخرة خلاص مفيش رجوع للدنيا مفيس موت تاني

وعلى الناحية التانية الجنة
الله! ايه الموسيقى الحلوة دي ؟! دي موسيقى الجنة يا أختي
اسمعيها ما أنتِ حرمتِ نفسكِ من الموسيقى الحرام في الدنيا اتمتعي بقى في الآخرة
مفيش هم بقى ولاحزن ولا قلق ومعاكِ أخواتك ال كانوا معاكِ في الدنيا ال كنتوا بتنصحوا بعضكم
مش ال كنت بتبعتوا لبعض اغاني دي هتتبرأوا من بعض والله يا أختي مش هتبقي طايقة تشوفيها خلاص
ابعدي عني انتِ جبتيلي سيئات كتير أوي!

يلا يا أختي كفاية بعد عن ربنا بقى
مش شايفة ال بيحصل في المسلمين؟! مش شايفة الحرب على دينك؟!
مستنية ايه تاني عشان تتغيري ؟ السعادة والله في طاعة ربنا
مش هتلاقي السعادة الحقيقية فيما يغضب الله دي سعادة مزيفة والله متسبيش الشيطان يضحك عليك أكتر من كده
قدوتكِ الحقيقة هي رسولكِ صلى الله عليه وسلم وأمهات المؤمنين رضي الله عنهن وكل الصحابة والصحابيات رضوان الله عليهم
مش هنتعلم ديننا من الممثلين والممثلات والمطربين والمطربات يا أختي!

قولي لمولاك سبحانه وتعالى:

يارب هسيب الأغاني عشانك يارب، هسيب رفقة السوء عشانك يارب
همسح كل حاجة بتغضبك مني يارب، هبقى زي ما أنت بتأمرني يارب
هطيعك يارب، وهطيع أهلي عشانك يارب، ومش هسيب الصلاة أبدا يارب
يارب أدخلنا الجنة زمرا وأجرنا من النار يارب فنحن لانقوى على عذابها

قد يكون الكلام قاسيًا بعض الشيء ولكن هذا الكلام من قلبي والله أخواتي في الله
فإني احبكن في الله لا لشيء إلا لأننا مسلمات ونفسي ندخل الجنة مع بعض !
وال عايز أي مساعدة مني هيلاقيني بإذن الله وبعونه
وال عنده أي اعتراض او تعليق على الكلام المكتوب يتفضل طبعا بإذن الله

ال هيدخل الموضوع ده مش هيبقى داخله كده عبثيًا لكن يمكن دي رسالة لك من ربنا
ضمن الرسايل كتير ال بيرسلها لنا برحمته، يارب نفهم ويارب كلنا نتغير لما يحبه ويرضاه الله
ولايكون هذا سوى بفضل الله ورحمته

اللهم ارزقنا الإخلاص والقبول
اللهم اجعلنا هداة مهتدين اللهم آمين يارب
سبحانك اللهم وبحمدك أشهد أن لا إله إلا أنت

[عاشقة الهدوء]

السلام عليكم ورحمة الله وبركاته

بجد عندك حق فى كلامك ياحببتى ربنا يكرمك ويسعدك ويحفظك ويجزيك الله خيرا كثيرا

مباركا فيه على مجهوداتك الطيبه فى القسم الاسلامى اسال الله لنا الهدايه

والتقوى والمغفره من جلاله وان يرضى عنا ويقربنا من كل عمل خير يرضيه اللهم امين

تسلمى ياحببتى تقبلى مرورى

[ڪــــبرياء الروح]

اللهم صلى على محمد وعلى آله وصحبه أجمعين

[mishoo]

وعليكم السلام ورحمة الله وبركاته

مشكله الالتزام بيننا وصلت لحد غير معقول (لاحول ولا قوة الا بالله العلى العظيم )
ألا لم يأن الاوان للالتزام ؟
من خلال هذه الصفحه (بعد اذن داعيه طبعا )
دعوة للالتزام (غضبة لأمنا عائشه) وأمهات المؤمنين فى حق من تطاولن عليهن من الشيعة واليهود .
دعوه لكل فتاه لم تلتزم فى التمسك بأمور دينها أن تلحق نفسها الان قبل أن يأتى يوم لاينفع
فيه الندم على ما قد فات .
فلا تعلم كل نفس بأى عمر وبأى أرض تموت !.
فبادرى أختاه بالالتزام والتوبه الى الله تعالى والندم على ما قد فات (ان الله غفور رحيم)

اذالم تلتزمى الان فمتى تلتزمى ؟!!


اللهم أنا نسألك الثبات والتقى والعفاف والغنى فى ديننا ودنيانا
اللهم أخرجنا من هذه الدنيا سالمين غانمين
اللهم اهدنا الى ما تحب وترضاه
يارب العالمين