ايه مصير العلماء هنا فى مصر !!!!!

[kodoo]

بصراحة الموضوع ده واخد دماغى من مده كبيرة ويوم ورا يوم بيعدى
واحنا عمالين نشوف التقدم العلمى والحضارى والاقتصادى
فى الدول الاوربية والعالم الغربى كله
وانا حبيت بصراحة اناقش معاكم الموضوع ده بكل صراحة وجراءة
بصم احنا هناقش الموضوع ده من خلال كذا زاوية مع بعض
ونشوف العيب فين ........ اوكى

الاول كده من حيث الدماغ والمخ يعنى التفكير والقدرات العقلية لدينا : ...............
الطفل المصرى بصراحة هو من اذكى الاطفال فى العالم ولو تم توجيه هذه القدرات فى محلها سيصبح هذا الشخص ذا مكانة علمية عالية وستستفيد منه الدولة والشعب المصرى كله بما سيستطيع تحقيقه هذا الشخص .............
طيب من حيث القدرات العقلية دى هل الاطفال نفسهم يولدون بهذا الذكاء الخارق الذى نتحدث عنه ؟
بالطبع لا فغالبية الاذكياء ما يكونون بنصف الذكاء الذى يولدون به ولكن يعتمد النصف الاخر على القدرات والخبرات وعمليات تنشيط القدرات لديهم حتى يصلوا الى المستوى المطلوب ..........
اذا الذكاء ليس كله محتوم للقدر والجينات ولكن بعضه يكتسب من الحياة من خلال التجارب والامتحانات التى يوضع فيها الشخص فيزداد معدل الذكاء لديه يوم بعد يوم ...............
بعد كده نقدر نخرج عالم للمجتمع بتاعنا والذى تم توجيهه منذ الصغر للميول الذى انجذب اليه فيصبح جاهزا ليقدم للمجتمع كل ماهو عظيم .................
اذا التوجيه عند الصغر مهم جدا ولكن قبله يجب تنشيط القدرات العقليه لدا اطفالنا منذ الصغر لكن طبعا احنا هنا عندنا النظام مختلف شوية ................
هنا عندك الطفل يعد فى الشارع طول اليوم صايع محدش يعرف عنه حاجة وبالتالى بياخد على كده لم يكبر ويطلع زى محنا شايفين اليومين دول كل اللى يهمه المغنين والممثلين والموضى والازياء وغيره وغيره ..................
اذا العمليه لازم يكون متخططلها من البداية خطوات متتالية

تنمية قدرات ودى لازم نركز عليها اوى ومنعتمدش على ان الطفل هيتولد عبقرى لوحده
صحيح ان معدلات الذكاء تختلف عند الاشخاص ولكنها زى الترمومتر بتزيد وتنقص ليس لها كميه محددة
دى كانت اول واهم حاجة .......... تانى حاجة بقى ودى مهمة جدا التوجيه فلازم الانسان يتوجه للطريق اللى بيحبه واللى بيميل ليه عشان يقدر يبدع فيه ويطلع اامكانيته كلها وفى الحالة دى يكون النفع اكبر ..........
وده طبعا مبيحصلش عندنا خالص ...........
يعنى مثلا الولد يكون حابب الرياضيات جدا ومستمتع بيهه وقدراته عاليه جدا فيها وييجى على سنة العمر
(الثانوية العامة طبعا)
يلاقى ابوه بيقوله لازم تطلع ظابط عشان كذا وكذا ........ وامه بتقول دكتور وكل واحد بيقول اللى يعجبه واللى هو عايزه لكن الطالب ياعينى ولا ليه اى راى فى الموضوع ده ولا كانه مستقبله ..........
بصراحه طريقة التعليم هنا فى مصر غلط جدا وانا مش مقتنع بيهه
يعنى ايه الطالب يكرس حياته فى سنة معينه ويتعب فيها ويلعب فى باقى السنين بيطلع مش عارف اى حاجة فى الدنيا ......
دى نقطة نقطه تانية : احنا قلنا قبل كده الطالب ممكن يكون متميز مثلا فى الرياضيات فيعد يتعب عشان يجيب هندسة مثلا ويبص يلاقى اخر السنه فارق عنها حاجة بسيطة واظن دى حصلت لناس كتير قبل كده من حبايبنا اللى خلصم الحكاية دى وفلتم ........
المهم ييجى يلاقى نفسه داخل علوم اللى كلها احياء وكيمياء وهو مش مقتنع بيهه وبيبدا ياخد الموضوع تحصيل حاصل
قلولى بقى ازاى هيقدر يبدع ويطلع قدراته فى حاجة هو مش حببها اصلا ............

لو سالتونى مثلا طب والحل ؟؟؟؟؟
انا رايى المجتمع الاوروبى بيعمل ايه ............
مفيش حاجة اسمها ثانوية عامة وتدخل اللى مجموعك يجيبه والكلام ده كله اللى حابب حاجة بيقدم عليهه ويدخلهه
طبعا فيه ممكن منكم يقولى طب مهو كله كده هيقولك ياعم هدخل طب وانا مرتاح
طبعا العملية مش كوسة كده .......... لا ...... الحكاية متظبطه فيها امتحانات واسس وشروط بتظبط الموضوع
وتعرفوا مشكلتنا هنا ايه فعلا فى الموضوع ده ان احنا عاطيين الحاجة اكبر من حجمها يعنى مثلا خريج العلوم مش زى الدكتور دايما الدكتور رقم واحد والهندسة رقم اتنين وعلوم تلاتة وانت ماشى بقى
ليه ميبقاش كله زى بعضه بنفس المكانة ونفس الفلوس اللى هتقبضها وتتساوى .........
بتهيقلى لو حاجة زى دى كده حصلت مشاكل كتير اوى هتتحل وهنقدر نطبق الطريقة دى المساواة ممكن تحلها ولا ايه
دى حاجة ........... الحاجة التانية ان الشخص اللى ضربت معاه ودخل الكليه اللى هو حببها مش حابب فلوسها ومكانتها اهم فترة فى عمره ويقدر ينتج فيها ويخرج ابداعاته هى ما بعد الكلية مباشرة وهو بيشتغل وقبل ميتلبخ فى الجواز ومشاغله ........ يعنى مثلا لو شخص حابب يبقى عالم فى اى قسم كان ازاى هيقدر يخرج ابداعاته ومفيش اى اجهزة حديثة عشان يشتغل عليها ويقدر يخرج ابدعاته ويستكشف ويخترع .............
ومع وجود بعض المحاولات من جانب الطلبة للاختراع والتقدم الى انه لاجدوى من قبل الحكومة فمثلا انا سمعت من فترة ان بعض الشباب فى كلية العلوم اخترعه بعض الاجهزة البدائية والتى لاتحتاج سوى التحديث والتظبيط ولكن ماذا كان رد الحكومة لقد اخذت هذه الاجهزه ورمتها فى المبانى التخزين ولم تلقى لها بالا على الاطلاق ................
يبقى التقصير منين ..........
من جانبنا كاباء ومن جانب التعليم والتدريس وايضا من جانب الحكومة ...........
وهذه العوامل كلها تجعل اى دولة تذهب فى الحضيض وتهمل ولا يلتفت اليها وايضا قد يدفع بعض الدول الى الجرئة على احتلال هذه الدولة وهذه العوامل ايضا تسبب الجهل والتخلف الذى يعيش فيه مجتمعنا الان ...............
ولكن
لا حياة لمن تنادى
وهذا هو حال من يحاول فى مجتمعنا العربى ان يصبح عالما او يحاول التقدم بهذه الامة الى الامام
واتمنى فعلا انى اشوف امتنا دى من ارقى الامم فى العالم
ولكن ذلك لن يحدث الا اذا توافرت هذه الامور اولا
فان العالم المصرى اذا ما لم يجد الامكانيات الكافيه لكى يكمل مشروعه
فسيضطر بائسا الى الاستعانة بالدول الاوربية التى ستوفر له كل الامكانيات المناسبة لمشروعه وطبعا هيكون النفع الاكبر ليهم لانهم هيكونوا اول المستفيدين بهذا المشروع وهذا بالفعل ما حدث مع العالم المصرى احمد زويل فهو فى الاصل خريج لكلية العلوم التى فى زمننا هذا لا يلتفت اليها على الاطلاق حاول فى البداية هنا ولكنه لم يجد اى استجابة من الحكومة المصرية فماذا فعل استغلت امريكا الموقف واخذته عندها وسخرت له كل الامكانيات المناسبة وجعلته يخرج كل امكانياته حتى اكتشف لنا اختراعات عظيمة والتى اخذ عليها جائزة نوبل واخر ماتوصل اليه هو الميكروسكوب رباعى الابعاد الذى فى المستقبل القريب سيعالج امور كثيرة فى مجالات عدة كالاحياء والفيزياء والكيمياء حيث انه يستطيع تصوير الذرة فى لحظة معينة بعدما كان لا يستطيع اى مكروسكوب فعل ذلك مهما بلغت قدرته على التكبير وطبعا النفع الاكبر عائد على مين
بالطبع امريكا
وخلونا برده منظلمش الدكتور احمد زويل
لانى سمعت كلام كتير عنه عن عدم انتمائه لمصر وكلام زى كده
الراجل بصراحة حاول كتير مع الحكومة المصرية على انها تفتح حاجة زى مؤسسة للعلوم والاكتشافات
يعنى لراجل حاول يكون فيه مؤسسة علمية وقاعده علمية هنا فى مصر
بس طبعا طالبة امكانيات معينة
لكن للاسف الحكومة رفضت رغم انه عرض عليها انه يمسك هذه المؤسسة
يكون رئيس عليها ومع ذلك فلا
وطبعا فيه غيره من العلمه المصرين اللى حاولم يعملم حاجة لوطنهم ولكن للاسف كانوا ما غالبا يسافرون للخارج فان رفضوا فيتم اغتيالهم على الفور لانهم يشعرون انهم سيشكلون خطرا عليهم
اذا ما الحل الان ؟؟؟
انستسلم للامر الواقع
ام نحاول مرة اخرى اقناع الحكومة بامر مثل هذا
ام ماذا نفعل ؟؟؟؟؟
طبعا الموضوع محتاج نقاش
انا مستنى ردودكم
وعايز اشوف اراكم فى الموضوع ده
وايه هو الحل .....

[زنبقة تناجى ربها]

صدقنى فيه ناس أخترعوا أجهزة بأفضل مايكون لكن مافيه أحد من رجال الأعمال يأخذ الإختراع

وينزله السوق يعنى وش فايدة الإختراع إذا قعد بمكانه .... فيه عندنا عالم فى السعودية أخترع

مجموعة إختراعات لكن ماأحد أخذ أختراع واحد بس للسوق ويقول أنا سويت له للناس ليش ماأحد

يتبناه ....

تخيل فيه إختراعات رغم عدم وجود معامل وهذا حسب مهاراتهم فما بالك لوكان فيه معامل

بس مانقول إلا الله يكون فى عون المسلمين عامة والعرب خاصة*ويارب تقيض لهم من لايخاف فى

الله لومة لائم لأن هذا حقهم بس عاجبهم الإستسلام