باباااااااا خنقني.............

dr.marmar · منذ /10-05-2008, 06:23 AM

شوفوا الحوار بس

وقولولى

باباها خنقها ولا هى الدنيا كده

اسيبكوا مع الحوااااار

انتي صوتك عالي ليه ؟
انتي بنت ميصحش كده !

اتاخرتي بره ليه
انتي بنت عيب كده !

رايحة فين لوحدك خدي اخوكي معاكي
انتي بنت الناس تقول ايه ؟

البسي حاجة عليكي وغطي دراعاتك دي
انتي ح تقلدي اخوكي ولاايه !
انتي بنت

متقعديش علي النت لوحدك
انتي حاجة واخوكي حاجة
يعني انتي بنت وهو ولد

ادخلي جوة لان جاي لي ضيف
ميصحش تباني قدامه
انتي بنت وهو غريب

انتي بنت

انتي بنت

البنت قرفت من حياتها

ياريتها كانت هي الولد

البنت انفجرت في باباها وقالت له

خنقتني يابابا
هي البنت دي مش بني ادمة
هي البنت مش زي الولد

الاب حاول يفهمها
حاول يقنعها
ان البنت غير الولد
لكن البنت
مش عايزة تقتنع

طب وبعديييين؟

الاب في تفكير دائم

ماهو كمان خايف ان البنت تفتكر انه بيحب اخوها اكتر منها

او تفتكر انه رجعي

وهنا جاءت الفكرة

وبدأ الاب يلقن ابنته الدروس

ومع اول درس يابنات

تعالي معايا يابنتي ...علي فين يابابا؟

اهو رايح مشوار تعالي سليني

البنت فرحانة ومزقططة...ايه الرضا ده

دايما ياخد اخويا معاه اشمعنى النهارده

ياترى هايخرجوا فين ؟

نشوف

السلام عليكم

وعليكم السلام

عملت ايه في العربية يااسطي سعيد

كله تحت السيطرة يابيه ... مسافة ماتشرب الشاي اكون فنشتها

هات كرسيين ياد ياحنفي

حاضر يااسطي

اتفضل يابيه . اتفضلي يامزمزيل اهلا وسهلا تشربوا ايه ؟

هات لهم شاي ياد

حاضر يااسطي

البنت ياحبة عيني مستغربة

ايه اللي بابا بيعمله ده !

وقاعدة طبعا قرفانة من نفسها

ماهي قاعدة عند ميكاxxxxxxxxxي

وورشة

والفاظ غريبة

وناس عجيبة

شوية والشاي وصل البنت مقدرتش تتحمل قرفت من منظر البني ادم اللي جايب الشاي ومن اكواب الشاي ومن الشاي نفسه

ايه القرف ده !

بابا انا ماشية

رايحة فين ؟

ماشيه هروح

طيب خلي بالك من نفسك

ووراها علي طول روح باباها

لقاها قاعدة تشتكي لمامتها

ازاي بابا ياخدني ويقعدني عند الميكاxxxxxxxxxي

كان منظري شاذ قوي ياماما

انت اتجننت ياراجل انت ؟

ايه اللي انت عملته ده ؟

ايه بس اللي مزعلكم ياجماعة ؟

فيها ايه يعني لما اخدت البنت معايا عند الميكاxxxxxxxxxي ؟

لا يابابا

لو سمحت

انا مش ولد علشان اروح اقعد عند الميكاxxxxxxxxxي انا بنت

ابتسامة عريضة من الاب
وانتهى الدرس الاول

ها ايه رأيكو في الحوار ده ؟

فارس العمارى · منذ /10-05-2008, 08:02 AM

جامد اوى اوى اوى الحوار دى وفعلاً لكل من الجنسين دوره فى الحياه وذكاء وحكمة جميلة من الاب تجاه تعليم البنت وياريت كل البيوت كده تعلم بجد وبطريقة نفسية لإكتساب السلوك

مشكورة على الموضوع الجميل وننتظر جديدك

SiLver Spectra · منذ /10-05-2008, 08:52 AM

حوار جامد بصراحه
طبعا لازم نحترم الفرق بين الذكر و الأنثى...
بس في نفس الوقت...ما نضيقش على البنت بحجة إن هي أنثى...
و بدل ما نعاقب مثلا الشخص إلي بيعاكس...نعاقب البنت إلي بتتعاكس!!!
و أهم حاجه التربيه...لأن الأوامر من غير تربيه مش بيبقى ليها قيمه

تسلم الأيادي على الموضوع يا مروه

Karamela · منذ /10-05-2008, 09:27 AM

هههههههههههههه

والله العظيم عين العقل الاب ده

وبعدين ايه البت العجيبة دي مش عاجبها حاجة

جاتهم نيلة ملوا البلد

ميرسي اوي اوي ياقمر فعلا موضوع جاااااااامد جااااااامد موووت

بالتوفيق واهلا بيكي ياقمر معانا منووورة

أنثـے مًنْ الّخٍـْيـِالْ→♀ · منذ /10-05-2008, 10:59 AM

هههههههههههههههههه

الحمد لله انى بنت

شكرا على الموضوع يا مروة

حلم بريء · منذ /10-05-2008, 11:11 AM

هي مش كانت هتموووووت وتعمل زي اخوها .. ولا
هو كلام وبس ،،
لا الاب ده والله راااااائع ،، قدر يخليها تقول بلسانها
((انا مش ولد عشان اعمل كده انا بنت )) ،،

درس راااائع وحكيم جداا ..
ميرسي يا ميرو على طرحه ،،
الف شكر ،،

dr.marmar · منذ /10-05-2008, 09:01 PM

ميرسي يجماعه علي مروركم
فعلا البنات الايام دي عاوزه تكون زي الاولاد في كل حاجه
وده ماينفعش لان في فرق بس مش معني كده
اننا مانديش للبنت حريتها
لازم يكون لها حريه بس مش مطلقه
وحتي الاولاد لازم حريتهم تكون مقيده بعض الشئ
كل سنه وانتم طيبين

سمسمة2008 · منذ /10-06-2008, 06:36 AM

بجد حوار روووووووووووووووعة عجبنى بجد
عجبنى تفكير الاب جدا وعجبنى اسلوبه
هى دى المفروض تكون سياستنا فى التعامل مع ولادنا وبلاش افعل ولا تفعل ماهو مينفعش مش بيقولوا لا دول مشبيقولوا احنا كلنا بنعمل كده الممنوع مرغوب والمفروض مرفوض لما يتمنع مننا حاجة نبقى هنموت عليها ولما تبقى قدامنا ولا نبصلها اصلا اصلها موجودة عنتب نفسنا ليه
والبنت دى زيها زى معظمالبنات وبلاش نقول انها حالة شاذة لا دى حالة موجودة ويمكن نكون كلنا كده بس كل واحدة بدرجة مختلفة مش لازم نفس المواقف بس كلنا مشتركين غى نفس الاسلوب زينا زى الشباب بالظبط هما كمان بيموتوا ويعملوا الحاجة الممنوعة عنه
وانا شايفة انه افضل طريقة للتعليم بجدالتجريب التجريب وبس لازم نشوف الوحش علشان نحس بالحلو لازم ندوق المر علشان نحس بطعم الحلو
تحياتى ليك ياميرو بجد موضوعاتك هايلة وبتفتحى لنا طرق كتير نتكلم فيها باسلوب وافكار جميلة زيك اكيد

dr.marmar · منذ /10-06-2008, 12:52 PM

اقتباس

المشاركة الأصلية كتبت بواسطة سمسمة2008


	بجد حوار روووووووووووووووعة عجبنى بجد عجبنى تفكير الاب جدا وعجبنى اسلوبه هى دى المفروض تكون سياستنا فى التعامل مع ولادنا وبلاش افعل ولا تفعل ماهو مينفعش مش بيقولوا لا دول مشبيقولوا احنا كلنا بنعمل كده الممنوع مرغوب والمفروض مرفوض لما يتمنع مننا حاجة نبقى هنموت عليها ولما تبقى قدامنا ولا نبصلها اصلا اصلها موجودة عنتب نفسنا ليه والبنت دى زيها زى معظمالبنات وبلاش نقول انها حالة شاذة لا دى حالة موجودة ويمكن نكون كلنا كده بس كل واحدة بدرجة مختلفة مش لازم نفس المواقف بس كلنا مشتركين غى نفس الاسلوب زينا زى الشباب بالظبط هما كمان بيموتوا ويعملوا الحاجة الممنوعة عنه وانا شايفة انه افضل طريقة للتعليم بجدالتجريب التجريب وبس لازم نشوف الوحش علشان نحس بالحلو لازم ندوق المر علشان نحس بطعم الحلو تحياتى ليك ياميرو بجد موضوعاتك هايلة وبتفتحى لنا طرق كتير نتكلم فيها باسلوب وافكار جميلة زيك اكيد

بجد ياسمسمه انتي قمر
بصراحه انا مش هلاقي كلام احلي من الي قلتيه ده
كل سنه وانتي طيبه ياقمر

سمسمة2008 · منذ /10-06-2008, 07:15 PM

وانتى طيبة ياميرو ياقمراية
بجد ميرسى لذوقك ياسكر
تحياتى ليكى

الذين يشاهدون محتوى الموضوع الآن : 6 ( الأعضاء 0 والزوار 6)

..{ فع‘ــآآليـآآت المنتــدى }..

الإهداءات

باباااااااا خنقني.............

قسم مناقشة المواضيع المتداوله والمنقوله