اسمعو بالعربي كده البنت دي محجوزه محدش يقرب منها ...؟

[ماتركس]

بسم الله الرحمن الرحيم
السلام عليكم ورحمة الله وبركاته
مهما قعدنا نجيب قضايا مش هنخلص انا النهارده جايبلكم قضيه عايزين نتناقش فيها
يلا تعالو معنا نسمع قصتنا الاول
انا اليوم كنت قاعد اكلم امي علي الموبايل
وطول عمري اقوالها يا امي مبديش اعرف حاجه عن حد بس لا لازم امي تشيلني هموم الدنيا كلها
اقوالها يا امي انا مش عايز اعرف غير اخباركم انتو بس
تقوالي لا لازم تبقي عارف ايه الل بحصل
امي قالتلي مشوفتش قوالتلها والله يا امي مشوفتش خير ايه الل حصل
قالتلي فاكر بنت عمك فتحي اللي في اخر الشارع قوالتلها والله يا امي مش فاكر ده عنده يجي 20 بنت
قالتلي البنت الكبيره نورا قوالتلها مالها يا امي قالتلي مش ابن عمك محمد سبها مرضيش يتزوجها
قوالتلها مش محمد ده الل كانت محجوزاله من هما وصغار ودايما كانو يقوالو محمد لنورا ونورا لمحمد
قالتي ما اديك فاكر يا مضروب هههههههههههههههههه
قوالتها ازاي سبها يا امي بعد ما تكلم عليها والناس كلها عارفه انها محجوزالو
قوالتها طيب كده مفيش حد هيروحالها والا حتي عريس
وهوه ازاي محمد بعد ما تكلم علي بنات الناس ازاي سبها
انا عندي بعض الاسئله عايز رايكم فيها
مين الذنب .في ده كله الشاب الشابه الأهل العادات والتقاليد
ومين اللي يحدد ويقرر ان فلان لفلانة وفلانة لفلان الاهل ام الشاب ام النسب
اذا تقدم لكي ايتها الفتاة شاب للآن يدرس وقالوا لك أهلك انه عايز يحجزك ايه بيكون موقفك
وانت ايها الشاب مارأيك في مسألة الحجز وان تكون محجوز لفتاة
ويا تري ايه رايكم ف مووضوع حجز بنات الناس مش غلط والا الموضوع عادي
وياتري انتو معا حجز البنت انو الواحد يحجز بنت بالعشر سنين او خمس سنين وبعدين يسبها
وايه رايكم يا تري الواحد علشان يتزوج يحجز بنت قبليها بعشر سنين والا لما ينوي بمشيئه الرحمن
يتوكل عل الله ويتزوج
وايه رايكم في مووضوع محمد ونورا ومين الغلطان
منتظر رايكم
اخووكم

احمد الشريف

[nanna]

لا طبعا الحجز دة غلط الاهل
ما انتم متضمنوش
يمكن ميطلعوش متوافقين فى الطباع , التعليم , التفكير ,..... حاجات كتيرة قوى
يمكن لما يتعرف على بعض ميحبوش بعض
يبقى ايه العمل البنت خدت سمعه انها بتاعت حد وممنوع الاقتراب او التصوير
وبعدين ايه الحجز دة اصلا عبارة عن ايه يعنى ؟؟؟ خطوبة مؤجلة ..... مش فاهمه بجد
على فكرة انا عيشت الحكاية دى بس كانت من طرف واحد ولا انا ولا اهلى كنا فى دماغنا والحمد لله بمجرد ما نصيبى جالى اتخطبت وأعلنتها للكل
شكرا على طرحك للموضوع

[السفينة]

اقتباسالمشاركة الأصلية كتبت بواسطة ماتركس

انا عندي بعض الاسئله عايز رايكم فيها
مين الذنب .في ده كله الشاب الشابه الأهل العادات والتقاليد

اكيد ذنب العادات والتقاليد والجهل التي تحكم بعض الناس
ومين اللي يحدد ويقرر ان فلان لفلانة وفلانة لفلان الاهل ام الشاب ام النسب

الذي يقرر هكذا الحكم هو حكم اكيد غير عادل الاهل الغارقين بالجهل ويندفعوا وراء العادات
اذا تقدم لكي ايتها الفتاة شاب للآن يدرس وقالوا لك أهلك انه عايز يحجزك ايه بيكون موقفك

اكيد اذا كنت عاوزاه اكيد استناه بس مش كتير ااوي
وانت ايها الشاب مارأيك في مسألة الحجز وان تكون محجوز لفتاة
ويا تري ايه رايكم ف مووضوع حجز بنات الناس مش غلط والا الموضوع عادي

اكيد غلط اكيد غلط
وياتري انتو معا حجز البنت انو الواحد يحجز بنت بالعشر سنين او خمس سنين وبعدين يسبها
وايه رايكم يا تري الواحد علشان يتزوج يحجز بنت قبليها بعشر سنين والا لما ينوي بمشيئه الرحمن
يتوكل عل الله ويتزوج
حجز البنت لسنوات غلط لانه يمكن يعرف غيرها ويسيبها ويتزوج غيرها وهي الي حجزت عمرها له اكيد راحت عليها وما تتزوج ابدا ولوجا ء نصيبها يكون برجل كبير بالسن

الشكر كل الشكر لك على هذا الموضوع الرائع بس على فكرة هذا

الشي يحصل في الارياف كتير اما المدن نادر جداً
وايه رايكم في مووضوع محمد ونورا ومين الغلطان
منتظر رايكم
اخووكم

احمد الشريف

[Out oƒ CoŋtroL]

بصراحه اما هتكلم فى الموضوع عموما

الغلط بيكون من الاهل
لانهم بيقررو ويحددو من والاطفال لسه يمكن بيرضعو هههههههه

يقولك دا لدى والعكس

وانا حصل معايا الموقف دا والموضوع كبر عندها
بس الحمد لله خلص بخير

الاهل هى السبب فى المشكله دى

وانا رافض طبعا موضوع حجز البنت دا لانه غلط

لانه محدش بيكون عارف فين نصيبه يبقى ليه نعذب بنات الناس معانا؟

[نادية]

السلام عليك اخي الزواج مكتوب من عند الله و حجز البنت للولد شئ مش معقول خصوصا في زماننا هد الرجل لا يتزوج الا بمن يقتنع بها كزوجة من جميع النواحي و العكس بالنسبة للفتاة و الاهل لما يصرنا علي موقف الزواج انهم يعقدون الامر و يزرعون الكراهية بينهم لو رفض الشاب الزواج من الاحسن يترك لهم الحرية في الاختيار و شكرا

[فيروزه]

	الجواز دا بيبقا قسمه ونصيب ومحدش بقا بيقول فلان لفلانه والكلام دا لو ربنا كاتب انه يبقا من نصيبها اكيد هيكونو لبعض بس لو ربنا مش رايد والله لو قاعدو يقولو من هنا للصبح بس موضوع العادات والتقاليد دي كانت من زمااان اوي وبرضو في ناس بتعمل بيها بس قليـــل جدااا او معدش حد بيعمل كدا بقو بسيبو الاتنين يختارووا بعض بس انا لو بحب حد وهو لسه بيدرس واهلي وافقو عليه وكل حاجه تماام بس لسه مكونش نفسه والله انااا معااااه لحد ما يقف علي رجليه ولو ااقدر اساعده هساعده اكيد مادام برضا الجميـــع ومخسرش حد انا بحبه ونفسي اكمل عمررري معاااه وتسلمــ ايديك علي كل موضيعك الرائــــــــــعه تقبل مروري

[*تحدوها البشر*]

اولا احب احيك علي طرحكـ وعلي مواضيعكـ الرائعه عالعاده...

بصراحه الموضوع ده بيحصــل كتير
ومنتشر من زمان في دوول الخليج كمــان
بس الغلـــــــــط من البدايه علي الاهل والعادات والتقاليد
يعنــــي اييه فلان لفلانه ....
هي البنت لعبه علشان يحجزوها من صغرها
قبل ما تتباع لحد غيره...؟!!
والولد من صغره يحكموا انه لأزم يتزوج فلانه..!!
ده طبعا غلط ويبقوا بيظلموا الاثنين
سواء ولد اوبنت وده ما ينفعش...
محدش عارف نصيبه فين.

بصراحه مش عارفه اقول ايه....,,,
غير......
يارب اهديهم ويبعدون عن العادات والجهل اللي
هما فيه,,,

لكـ ودي قبل ردي
اختكـ *...ـ تحدوها البشر...*

[ڪــــبرياء الروح]

ههههههه
يارب يخلي لكَ امكَ واهلكَ يارب
اولا الحمد لله ع العقل
وهدي من العادات والتقاليد ان البنت دي لفلان والشاب داه لفلانه
يعني هي عادلت وتقاليد انجبر الناس على العمل بهاااااء
ولكن الموضوع خطاء من اساسه
يعني انا بقول ايه انه يحجز البنت دي بتبقى طول العمر محجوزه!!
طيب افرض انه مات
يبقى ايه حال البنت دي
انت عارف انا بعرف ناس كتيره ما تبقى تكتب كتاب البنت الا بيوم الزواج الظهر
ولما سالت ليه طيب
ازاى تكلمه وتتعرف عليه
يعني وتشوفه اقلها
قالوا لا
الاعمار بيد الله ايه عرفنا لو مات قبلها
بتكون البنت وضعها ايه

اما اني اتمسك لحد حتى يخلص دراسته
او يكون نفسه
ليه هو احنا سلعه
نتباع ونشتري على كيفهم
لالالالالالالالا
مش موافقه بالحركات دي
اصلها تودي البنت اولاً بستين داهيه
واحناا يعيني غلابه يا البنات خاااالص ومن الاول ههههه


وربنا للمره التانيه يخلي لك امك واهلك

[AnGeL SenSe]

موضوع بجد مهم يا احمد

دا اكبر غلط ان الاهل يحجزوا على البنت او الولد

لان الجواز دا قسمة ونصيب والله اعلم اية الي هيحصل بكرة

يعني مش حتة ارض محجوزة ههههههههه

والله بجد العادات والتقاليد فيها حجات صغيرة تجنن الواحد

يعني اساسا موضوع الحجر دا غلط

وعلى موضوع نورا ومحمد دا بقى قسمة ونصيب

لو كان محجوزين لبعض لعشرين الف سنة

وربنا كاتب انهم مش لبعض هيكونو اكيد مش لبعض

والعكس في كدااا بس اساسا الحجز دا اكبر غلط من الاهل

لانهم ممكن بكدا بيظلمو اولادهم انهم يتجوزوا بدون حب او اي حاجة

يعني الجواز والرابط بنهم انهم محجوزين وكل واحد ولا يعرف عن التاني

حاجة خالص دي بجد بيظلمهم جداا

وبيرجع بسبب الاهل وطبعا العادات والتقاليد

الي بعضها بيظلمنا

وربنا يجبلنا كل خير يارب

ويوفقنا في حياتنا

بجد تسلم ايدك يا احمد موضوع جميل جدااا

من ضمن مواضيعك الجميلة بجد

تحياتي

حسناء الشريف

[lolo&nono]

الموضوع حلو جدا بس انا برفض جدا حاجه اسمها محجوز او محجوزه علشان ميتعشمش البنت او الولد في ذلك وان كان الطرف الاخر لا يرغب اما بالنسبه ان الولد يتكلم عن البنت و لما ينوى يبقي يتجوزها
لو كانت البنت بتحبه وهو جاد خلاص تستناه بس تكون وثقه فيه مش كلام

انا لو اهلي قلولى هرد اقول ليه انا بعنى هو انا كوره علشان اتهجز ده لو مكنتش بحببه اما لو بحبه اكيد ليا موقف تانى خلاص
والذنب في كده للا هل لانهم بيقولوا اللي نعرفه احسن من اللي ما نعرفهوش

انا من راي ان ما فيش حاجه اسمها كلام لان الكلام في الهواء لا بيودي ولا يجيبو ان بتحبها خطبها مش كلام

اما بالنسبه لمحمد ونور انا احسن انه هو الي غلطان لو هو مش عيزاها بيتكلم ليه عليه

شكرا الموضوع روعه