اسمعو بالعربي كده البنت دي محجوزه محدش يقرب منها ...؟

[أميرة الدفا والوفا]

لاء طبعا
أنا ضد الحجز ده
وأكيد الغلطان في الحكايه دي الأهل
لأنهم لزم يتيحوا الفرصه لأولادهم وبناتهم يختاروا الشريك المناسب
ليهم وأكيد الأهل هيبقي ليهم رأي بس مش هو الأساس

يسلمووووووووو موضوع رائع

[ملاك الصمت]

السلام عليكم ورحمة الله وبركاته


طرح أكثر من رائع ياأحمد وهو موضوع منتشر فعلا بس مسألة حجز البنت بجد مسأله غلط في غلط


يعني ايه تحجز بنت لمدة عشر سنين ولا اقل وبعدين في الأخير تسبها ولا كأن الناس عرفوا حاجه


طيب نقول انه سبها فيفكر اهلها ان حد هيخطبها تاني بالعكس دول بيعنسوها وهيخليلوها عندهم في البيت


كمان لأن أي شاب مش هيرضى بكدا خالص لان اللي هيجي في فكره طيب محجوزه عشر سنين طيب سبها

ليه أكيد فيها حاجه غلط أكيد سلوكها وحش أكيد بنت مش كويسه هو دى بالزبط اللي هيجي في فكر الشاب

اللي ناوي يخبطها وصدقني هيتراجع بعد تفكير بينه وبين نفسه وبكدا البنت اللي كانت ضحية الأهل والعادات

عنست ولا طالت لا أبيض ولا أسود لامنها اتخطبت ولا منها اتجوزت دى بالعكس كلام الناس هيكتر لحد

ماتموت المشكله في مجتمعنا يأحمد هي التقاليد الغلط اللي اتربى عليها اهلناوبيحاولوا يربونا عليها وهي غلط

في غلط صحيح انا مش هقول كل التقاليد والعادات غلط بس على أيامهم كان صحيح في حجز البنت بس مكنتش

بتعقد بالعشر سنين ولا الخمسه ولا حتى بتكمل السنه ايامهم غير ايامنا والمشكله هما بيحاولوا يقنعوا نفسهم

إن زمنا زي زمنهم مافيش اختلاف وهو موجود والاختلاف كبير جدا اختلاف ان البنت بقت بتكمل تعلمها

ان الولد مش بيتجوز غير لما بجد يكون نفسه ويبقى مقتنع انه قادر يشيل بيت مش زي زمان كانوا بيتجوز

بدري والارض بتجيب وبيصرف ولا كلامي غلط المشكله في تقالدينا اللي مش عارفه هتودينا لفين مش بقول

نمحيها لا نصلح الغلط فيها والمفروض دى ابن عمها يعني يخاف عليها من كلام الناس من الغريب مش يسبها

لكلام الناس ويسبها بعد مشاور وقال عاوزها ايه اللي تغير عشان يسبها وبعدين كمان فيهاايه كمان لو عاوزها

وهو لسه بيدرس ويخطبها ولا حتى يستنى يكمل البنت يعني مش هطير وفي حاجه اللي اعرفها ان المسأله

دي بالذات مش عاوزلها استعجال واتخاذ الامور فيها بسراعه سواء من الاهل من البنت مش الشاب لان

دي حياة شخصين والمساله دي مسألة نصيب يعني مش اختيار مننا دى ربنا بالذات في الموضوع دى ربنا

هو اللي بيقسمه لنا فكانوا من الاول بعد مش استعجلوا بجد مش عارفه مصير بنت عمك من كلام الناس ايه

ولا مصير اي بنت زيها لو بإيدي اغير التقاليد الغلط اللي فينا وفي اهلنا بس هقول ايه قدام تقاليد خلت

حياتنا خراب في تقاليد يقبلها العقل والدين وتقاليد عاوزلها نفي من تاريخنا ياريت بجد اي اب ميعملش كدا

لانه هيضيع حياة بنته وكدا بجد حرام

موضوع بجد حلو اوي

لك مني كل التقدير والاحترام

[ماتركس]

اقتباسالمشاركة الأصلية كتبت بواسطة nannaلا طبعا الحجز دة غلط الاهل
ما انتم متضمنوش
يمكن ميطلعوش متوافقين فى الطباع , التعليم , التفكير ,..... حاجات كتيرة قوى
يمكن لما يتعرف على بعض ميحبوش بعض
يبقى ايه العمل البنت خدت سمعه انها بتاعت حد وممنوع الاقتراب او التصوير
وبعدين ايه الحجز دة اصلا عبارة عن ايه يعنى ؟؟؟ خطوبة مؤجلة ..... مش فاهمه بجد
على فكرة انا عيشت الحكاية دى بس كانت من طرف واحد ولا انا ولا اهلى كنا فى دماغنا والحمد لله بمجرد ما نصيبى جالى اتخطبت وأعلنتها للكل
شكرا على طرحك للموضوع

نانا

رايك جميل يا نانا وكلامك صح مفيش افضل انو النا تتجوز عالطووال

ومفيش حد عالم الغيب غير ربنا سبحانه وتعال

يبقي ليه نسبق الاحداث

منوراني يا نانا ومنتحرمش منك ابدا ارب

[warm heart]

موضوعك حلو يا ماتركس

وحصل انه حد من قرايبي قاله اني لابنهم وحوارات كدة بس بابا زعقلهم طبعاً لانه دة غلط . ومن ساعاتها ولا روحت عندهم ولا شوفتهم اساساً .
المهم عادة معظم الحاجت دية بتكون متخططة من قبل الاهل ع اساس الميراث او فلوس العيلة متطلعش بره وكدا .
وبعدين اساسا تلاقيهم لما بيقولوا كدة تلاقي الواد حاطط عينه ع واحدة غير قريبته والبت معجبه بحد تاني .. يعني الاهل بيخططوا والعيال ولا هما هنا

[فرولة]

اولا مساء الخير عليكم جميعا
ثانيا بقى الغلط عليهم كلهم بس البنت هى اكتر واحده هتتضر فى الموضوع لانها بجد هانت نفسها من الاول ازاى تسمح انها تكون زى اى قطعة اثاث واحد يجى يحجزها ويدفع العربون وبعدين يغير رأيه وميشتريش بجد قمة المهانه والمهزله وهو عادى هيعيش حياته وهيتجوز وهينسى الغلبانه اللى استنته كل السنين دى وفى الاخر سابها
واهلها بجد غلطانين جدا ازاى يوافقو على كده على فكره انا مدايقه جدا من طريقة التفكير الرجعيه دى
وتسلم ايدك

[نانـــــو]

احمد ازيك عامل ايه يارب تكون بخير
صباح الخير يا احمد
الطرفين مش غلطانين
الاهل هما العامل الاساسى
بس انت تقريبا بتقول قرايب
انا اسمع انى فى ولاد العم بالاخص ده شئ اساسى
بس ده خطا طبعا لانى يوم بعد يوم مشاعر كل واحد فيهم يتغير
وباذن الله ربنا يعوض الطرفين الخير كله يارب
يسلمووووووووووووووووووووووووو يا احمد على موضوعك الجميل