إِنَّمَا أَشْكُو بَثِّي وَحُزْنِي إِلَى اللَّهِ

[mohamed yousef]

السلام عليكم جميعا ..

انا اول مرة بجد اكتب حاجة تخصني اوي كده .. سواء كان في ورق يخصني او قدام الناس .. فكرت اختار اسلوب اكتب بيه .. مش لقيت غير الاسلوب اللي بيتكلم بيه قلبي وعقلي .. مش هتجمل في كتابة الاسلوب .. لان بجد لما هتكلم هنا هحس ان فيه حد سامعني وشايفني .. لكن خايف تعملوا فيا زي ما قال الشاعر ..

قد يفقد المـرء بين الناس عـزته إذا شكا أمره أو سب محنتـه
فكن كليث الشرى ما باع هيبته
ولا تشك إلى خلق فتشـمته



علشان كده اخترت عنوان لصفحتي الإسم ده إِنَّمَا أَشْكُو بَثِّي وَحُزْنِي إِلَى اللَّهِ وده كان رجاء سيدنا يعقوب لبنيه ..
هحاول بجد اكتب كل حاجة طالعة من قلبي لأني بجد محتاج كده .. وخاصة ان ماليش حد اتكلم معاه .. ولو فيه حد هتكلم معاه مش بعرف افضفض يعني كده ..

اسيبك دلوقت واخد نفسي شوية .. وهحاول ارجع تاني ولو مش رجع يبقى وقت تاني انشالله ..

في حفظ الله

[mohamed yousef]

السلام عليكم،، 27/09/2010
_______________________

النهاردة قايم من النوم مخنوق جدااااااا، مش عارف ليه، فضلت امبارح احضر شنطتي، وحاسس ان في حاجات كتير اوي نقصاها والوقت بيجري زي الصاروووووخ .. اللي يشوف كده يقول اني مهاجر ، ومايعرفش ان هما 7 ايام بس ههههههههه .

المهم انا امبارح زعلت ناس كتير مني وزعلت كمان انسان عزيز اوي عليا ، بس والله هو اللي كان السبب، لو كل انسان فكر في تصرفاته كويس قبل ما يعملها .. ماكنش حد زعل من حد ..

المهم الحمد لله بدأت يومي بمشاكل في البيت وفي الشغل ههههههههه مشالله يوم مليئ بالمشاكل ..

بس بحاول اظبط الأمور ..

واللي يخنق اكتر ان صاحب الشغل سافر معرض في ألمانيا .. وساب الدنيا تضرب في بعضها هنا في الشركة هههههههه ..

بجد الحياة بقت صعبة اوي.. بس هنعمل ايه بقى،، الحمد لله ..

انا بكتب اصلا دلوقت وانا في الشغل والجو هدوء بعد الخناقات والحروب اللي حصلت النهاردة .. وطبعا انا ومكتبي كنا طرف في الحروب ديه ههههههه .. ربنا يستر والراجل ميرجعش يلاقي الشركة والمصنع بتوعه اتقلبوا كشك سجاير ..

هاخرج انا دلوقت واعمل شوية مشاوير وربنا يستر في اللي جاي ..

في حفظ الله،،

[mohamed yousef]

انا النهاردة كالعادة مخنوق حبتين .. لكن السبب اتغير .. الاول كنت بتخنق علشان انسان مش يستاهل .. وللأسف اكتشفت كده بعد فترة ..

انما المرة دي مخنوق لأن انسان بحبه اوي اوي (اخوية) متضايق .. ولما اقول اخوية مش علشان هو اخوية ، لأ

علشان بجد هو اطيب واحن حد ربنا خلقه بجد ..

انا متضايق اوي اوي علشانه ووالله مش عارف لو بأيدي حاجة كنت عاملتها .. لكن ربنا كاتب كده ومقدر كده ..

بحمد ربنا ان انا كنت جنبه اليومين دول .. مش عارف بجد لو مش جنبه كان ممكن اي جراله ..

اجمل حاجة بجد انك تبكي في حضن اخوك ياااااااااااااااااااااااااااااااااااه .. يلا اهو اللي الواحد اتحرم فيه من امه وابوه ربنا يعوضه في اخوه ..

لكن للأسف كلها يومين وابعد عنه ههههههههههههههه

ويا عاااااااااااالم هشوفه تاني ولا لأ ..

يارب اللي يدخل الصفحة دي ويقرأ اللي كاتبه يدعيله ارجووووووووووووكم ، انا عارف والله انكم ناس طيبين جدا ..

02/10/2010
محمد يوسف

[mohamed yousef]

ماكنتش اتخيل اني المشاركة الجاية ليا هتكون بعد الفترة دي كلها

واللي يألم أكتر ان اخر مشاركة ليا في الموضوع ده كانت في بلدي وسط اهلي وناسي

يمكن زي ما سمعت من ناس كتير ان الغربه في أولها صعبه ولازم يحصل كل اللي بيحصلي ده

بس انا عمري ما توقعت ان احساس الغربة مرير أوي كده ..

سعات بحس اني ضعيف اوي ، وسعات بحس اني اقوى انسان في الدنيا

بس بجد بحس اني بموت كل لحظة وكل ودقيقة وانا بعيد فيها عن أهلي وناسي

الوقت بيمر ببطئ شديد أووووووووووووووووي

انا عارف اني بعذب نفسي باني بسمح لنفسي اني افكر كده ..

بس غصب عني بجد ..

يااااااااااااااارب هون عليا يارب

[mohamed yousef]

وحشتيني أوي يا أمي

وحشني الممبار والمحشي بتاعك ولا البشاميل مممممممممممممممممم

نفسي بجد أشوفك وأبوس ايدك وبعد كده أموت

ربنا يخليكي ليا ومايحرمنيش منك ويطول في عمرك ياااااااا أجمل أم في الدنيا كلها

يااااااااااااااااااااااااااااااارب