طريقة الزواج في مصر من زمااااان حتي اليوم

[شاعر واسير الحب]

السلام عليكم

اخواني ....اخواتي

=============================
اهلا بكل اعضاء المنتدي الكرام
=============================

طريقة الزواج في مصر من الفراعنة حتي الأن

*************
مصر الفرعونية

يابا انا عايز اتجوز اختى حت حور

خلاص يا ابنى خليها تنقل حاجتها فى قوضتك..

وابقى هاتلها حجرين صوان هدية.. مبروك يا تاح

:shiny01::shiny01:

مصر فى عصر الرومان

تتجوزينى يا افروديت اتجوزك يا بانسيلوس

يللا بينا نبنى كوخ ع البحر و

نعيش هناك يللا

:752::752:

مصر بعد الفتح الاسلامى

ولدى أسير الحب يا شيخ احمد بيريد يتجوز ابنتك البكر الكريمة..

وبيبنى خيمة..

ويقدم مهر بعير والله أسير الحب ولدك زين الرجال ..

وايه اتمنى غير رجل صالح يكون زوج لبنتى ..

وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' ....

قيموا الافراح

:tongue::tongue::tongue:

مصر 1919

انت ح تتجوز بنت الحاج عبد الجليل ..

انا كلمته خلاص ووافق ..

وضب قوضتك وهات خلخال ..

فرحك يوم الخميس اللى جاى

طب مش اشوفها الاول يابا

اعرف اسمها طيب
انت اتجننت يا ولد تشوفها ده ايه ..

اسمها هتكون معاك بعد ساعات
انت ح تتجوز والا تخبص وتعمل سجل مدني اختشي
حاضر يابا

:blow::blow:

مصر

1960

بقى يا ستى بنتك فوزية جالها عريس

ياألف نهار ابيض يا ألف نهار مبروك

جدع طيب وابن حلال موظف فى الحقانية ..

وماهيته مش بطالة ..

ومن حسن الحظ عندة حمار بيركبه بيوصلة للشغل

اهو يبنوا حياتهم سوا بعد الجواز..

والا ايه رأيك يا أم العروسة؟

الرأى رأيك يا أبو العروسة ..

اسمه ايه ياحاج
اسمه شاعر
والله العيال ح يعجزونا يا ابو محمد ..فشر ..

تدبل الوردة وريحتها فيها يا نرجوستى

:shiny01::shiny01::shiny01:

مصر فى عصر الانفتاح

اخرسى يا بنت...

انا اللى يتجوز بنتى لازم يكون عنده شقة تمليك وعربية وسوبر ماركت

بس يا ماما

ما فيش بس..

انا وابوكى قبل ما يموت فى الحرب

كانت بتعدى علينا ايام ما بنلاقيش ناكل..

انا يا بنتى مش عايزاكى تتعذبى زى ما احنا اتعذبنا..

انتى ح تتجوزى جلال ابن خالتك

بس انا مش بحبه يا ماما الحب ما بيأكلش تونة فى الزمن ده يا فالحة

امرك يا ماما

:vb29::vb29::vb29:

مصر دلوقــــت

البنت: بابا ريكو حييجى يقابلك بكره

وهو راجع من المول مع ديدى متتكلمش معاه فى اى ماديات

من فضلك وبعدين الكلام فى المهر والعفش والقايمه والفرح ده موضه قديمه حاجات بلدى

ياى انا اتفقت معاه على كل حاجه والفرح فى كافيه ماريانو فى الطريق العام على الضيق كده

مع الفرندز وانا

جيت اعزمك انت ومامى

:vb29::vb29:

اخواني انت وهي

مع اي عصر من العصور وهل يوجد اختلاف عن المألوف عن وقتنا هــــــــــــذا ؟؟؟؟؟؟؟

نرجو ان تزودنا افادكم الله ؟؟

ايه رأيكم انت ياأولاد وبنات اليوم في انتظاركم

[شاعر واسير الحب]

اعرف وقارن وقولنا

[FarEdah]

جميل اوي التوبيك شاعر وبجد فرق شاسع بين كل عصر

وانا من راي ان الجواز التقليدي يكسب فوق اي ظروف بس ياريت يكون في وعي وتحضير لعقل البنات والشباب وان الجواز مش فسحة ونزهة ولا هو مؤسسة فاشلة زي مبيزعمو الاخرين او قادة حرية المراة والبحث عن الحب قبل الزواج

لاني اعترف ان الخطوبة هي مرحلة التعارف المبدائية لاي علاقة زواج ومش ممكن هتعرف انسان مية بالمية بس ع الاقل بتكون كونت حاجة مبدائية عنو ودا المهم
وبعد العشرة هتعرف و وهتتقبلو او ترفضو وهو دا الي ربنا كاتبو للكل

المسالة عايزة تفهم وحكمة اهالي مش اكتر

/

تحياتي ليك وللتوبيك الراقي

[غير الكل]

الأجيـــــــــــــال تختلف عن بعضها كل جيل غير اللي قبلة

[شاعر واسير الحب]

اقتباسالمشاركة الأصلية كتبت بواسطة FarEdahجميل اوي التوبيك شاعر وبجد فرق شاسع بين كل عصر

وانا من راي ان الجواز التقليدي يكسب فوق اي ظروف بس ياريت يكون في وعي وتحضير لعقل البنات والشباب وان الجواز مش فسحة ونزهة ولا هو مؤسسة فاشلة زي مبيزعمو الاخرين او قادة حرية المراة والبحث عن الحب قبل الزواج

لاني اعترف ان الخطوبة هي مرحلة التعارف المبدائية لاي علاقة زواج ومش ممكن هتعرف انسان مية بالمية بس ع الاقل بتكون كونت حاجة مبدائية عنو ودا المهم
وبعد العشرة هتعرف و وهتتقبلو او ترفضو وهو دا الي ربنا كاتبو للكل

المسالة عايزة تفهم وحكمة اهالي مش اكتر

/

تحياتي ليك وللتوبيك الراقي


اشكرك لمرورك نورتي الصفحة

نعم مع رايك
من راي ان الجواز التقليدي يكسب فوق اي ظروف بس ياريت يكون في وعي وتحضير لعقل البنات والشباب وان الجواز مش فسحة ونزهة ولا هو مؤسسة فاشلة
ولكن لابد من التعارف التقليدي ايضا ولا يتم ترك الموضوع ويكون هناك كلام اخر لابد بوضع النقط علي الحروف امام الاهل والخلان وبعدين نقول مبروك للعروسين
مش كدا ولا اية

اشكرك