عفوا ً الشعب المصري زملكاوي

[أميرة الأحلام]

اقتباس
المشاركة الأصلية كتبت بواسطة مجنونه بيك





اقتباس
المشاركة الأصلية كتبت بواسطة catty girl





azon tashbehk ya amira wrong awe
l2n elzamalek 3omro ma kan leh tarekh wa7sh w momkn tta'kde kaman mn dah lo bas konte ehtamety blfekra a'bl ma tktbe el kalam el wrong awe bgad

zamalekwia 4 ever

thanks

ههههههههههههههههههههههههههههه

ايه ده هيروغليفى طب ليه كتبت كده يا بنتى انا فكرتك مش من هنا معلش اصل علامى على ادى

ههههههههههههههههههههههههه

واضح انك مش فهمتى الموضوع عايز ايه انصحك شوفيه تانى

ميرسى يا مجنونه بس اوعى تزعلى اسمك غريب شويه احب اعرف اسمك الحقيقى بدل مجنونه ده

ميرسى يا عسوله على ردك اللذيذ جدا ده

[أميرة الأحلام]

اقتباس
المشاركة الأصلية كتبت بواسطة حكايات مصرية





في البداية اعرفكم بنفسي عضو جديد معاكم
أنسان مختلفش عنكم حبيت اشاركم في منتداكم وأسمع وأستفيد من تفكيركم أو حتي غناكم
المهم بأختصار أشتركت من كم يوم وأول حاجه عملتها موضوع بس للأسف منزلش معرفش ليه
ما علينا برضوا مش مهم
كدا كدا أنا مش بحب أكتب مواضيع كتير وبحب الردود وأكتر شيئ بيزعلني في أغلب المنتديات عموماً
ردود شكراً ويسلمو وتسلم أيدك وخصوصاً لما يكون الموضوع يستحق النقاش
المهم ندخل في صلب الموضوع بعد ما قريت موضوعك والصوره التشبيهيه اللي فيه وربط الواقع الحالي بفريق اياً كان أسمه زمالك أهلي مصرى فصدقيني دا ظلم كبير وخطأ في حق شعب كبير
لما يتشبه بنادى ويرتبط مصيره برجل لأعب يمكن أنا متأكد أن تشبيهكِ تقصدى بيه شيئ مشترك
بس صدقيني سواء أهلي سواء زمالك سواء مصرى
كلنا في الخيبه رافعين شعار (حصررررررررى )
وكنت نزلت الموضوع اللي كتبته عن نفس الموضوع والفكره بس بطريقه مختلفه
وكان عنوانه
عندما تصبح الكره ملهات الشعوب .........
فما بالك بقي بشعوبنا العربيه حولتها لأداة لتحقيق المكاسب الشخصيه
فأذا أستيقظتي ذات يوم علي خبر أو ثمن هذا الاعب أو أجر هذا الفنان بالملايين
وفي أخر الصفحه أمراة تبكي لأنه أبنائها طلبوا منها عمل مكرونه
لأن الطماطم صارت أغلي من البيتزا في روما
فلا تتعجبي علي حال الشعب
ولا تربطيه بنادى مهما كان حجمه لأنكِ ساعتها ستكتشفين الفرق الشاسع
بين مفهوم ومعني

شعب وووووو نادى أو رئيس نادى أو لاعب
والفرق بين
الطماطم وووووو التفاح




ولا عزاء للبتنجان مع خالص شكرى وتقديرى لموضوعكِ الراقي

ويارب الرد ما يكون مصيره زى الموضوع

ردك ممتاز واهلا بيك وبمداخلتك الفعلاه

وربنا يرحمنا جميعا

مرسى لمرورك وردك

ومتقلقش ردك مش هيتحذف لانه رد يهم الجميع انه يشوفه

تحياتى ليك

[أميرة الأحلام]

اقتباس
المشاركة الأصلية كتبت بواسطة نونا بحر ولاكن





اميرة الاحلام بحيكى
حببتى
بعيد عن التشبيهات بنادى الزمالك
بما انها زعلت ناس
فعلا احنا شعب مغلوب على امرة
بنسمع كتير قوووووووى
قرارات
ونسمع وعود
وحنعمل وحنعمل وحنعمل
وفين دا كلة
طار بالهوا
والحمد للة
سبحان اللة على احنا فية
والاخر يقولوا الشباب بيغتربوا لية
والشباب اعدين مش بيشتغلوا
لية
مهو لو لقين شىء يخلينا متمسكين بيها مكنااااااااش حنسبها
ويقولك مشربتش من نلها
شربت واتسممت
طب جربت تغنلها
غنيت لحد مصوتى راح
طب جربت فى عز متحزن تمشى بشوارعها وتحكلها
للاسف مشيت
وطلع عليا زئاب بشرية
ومغتصبين
ملين الشوارع
يارت ردى يكون وصل
نونا


فعلا نونا رايك مظبوط وبعيدا عن الكوره ومفهومها احنا بنتكلم عن حالنا واللى وصلنا اليه

حال لا يرثى له

وردك وصل وواضح جدا كل كلمه قولتيها

مرسى يا نونا نورتينى

[أميرة الأحلام]

اقتباس
المشاركة الأصلية كتبت بواسطة Rogena





ميرسي بجد موضوع جميل
وفعلا هو الشعب المصري يشبه نادي الزمالك
بس في القهر والوعود اللي ما بتحصلش بس
مع احترامي طبعا للكل
وتحياااااااتي لكي

فعلا هو ده قصدى من عرض الموضوع كله اننا شعب مقهور ومغلوب على امره

بنتظر العون ولا حياة لمن تنادى

وارضو بالامر الواقع

تحياتى ليكى وعلى ردك كل الشكر

[أميرة الأحلام]

اقتباس
المشاركة الأصلية كتبت بواسطة Mr. M ! r o





والله عندك حق يا اميرة فى كل كلمه نقلتيها لنا ,,

بصرف النظر عن زملكاوى ولا اهلاوى ولا اسكندرانى حتى ,,

يريت نتعمن شويه فى اختياراتنا ولا نتسرع وندى المظلوم حقه ونكون على الظالم ولا ننصفه مثل جماهير الزمالك خصوصا زى ما قولتى وشعب مصر عامتا زى ما وصفتى وصورتى ,,

فا نحن شعب طيب بالفطرة .. نرى ان حاكمنا ظالم .. وصابرين عليه .. وآل ايه .. اللى تعرفه احسن من اللى متعرفوش ,,

حجج فارغه ,,

مش عايز اطول لان الموضوع دا هيخليني اخرج عن شعورى .. فا الطيب احسن هههه ,,

اشكرك اميرة على موضوعك الجميل واللى اتمنى ان يستفاد منه الجميع ,,

دمتى بكل ود ,,

انا سعيده جدا بردك يا مستر ميرو فعلا رد متمعن فى التفكير مش رد عشوائى

انا كل قصدى ان حال المصرينى كلهم زى حال مشجعى الكوره بصرف النظر عن النادى

بيتعلقو بالامانى والاحلام ان فرقهم خلاص هيجب بطولات خلاص هيحقق النصر خلاص الفريق

هيعدى خط الهبوط ويتفاجئ فى النهايه انه يبقى الحال كما هو عليه

وعلى المتضرر الجوء للقضاء

والقانون لايحمى المغفلين

ربنا يرحمنا برحمته

اشكرك مستر ميرو