بجد محتاجه رايكم

[همس حنين]

السلام عليكم ورحمة الله وبركاته
انا لسه عضوه جديده معاكوا وده اول موضوع ليا
انا في تاني ثانوي ((علمي)) وبعيد عنكم عن العلمي مطلع عنينا
انا مصريه من الاسماعليه بس مقيمه في السعوديه
انا ياجماعه عندي مشكله وبجد نفسي حد يساعدني انا هنا بحس اني وحيده ماحدش جمبي انا اختي عايشه في مصر صحيح اني ممكن اتكلم مع ماما بس ماما مش هاتفهمني زي صحبتي او اختي لانهم مقاربين ليا في السن انا والله احيانا بقعد اعيط ومابلاقي حد اشكيله عن همي كل الناس بعيده مع ان والله اما بيجي حد يسال البنات المصريين الي معايا مين اكتر وحده برتاحوا معاها في الكلام بيقولي عليا انا طيب انا ليه مش برتاح مع حد في الكلام اغلب وقتي واغلب اصديقائي من النت مش بتوافق مع اصدقاء الواقع لاني مش لاقيه فيهم الاصدقاء الي انا عاوزاهم واصدقاء النت انا مش شيفاهم قدامي عشان احكم فعلا ان ده صديق او لا لان الصداقه عمرها مابتيجي كده لازم موقف يسبت هل فعلا ده صديق حقيقي ولا لاه انا تعبانه موت من الحاجه دي هل الغلط فيا ولا في الي حواليا مع اني والله اما بشوف حد متضايق ويجي يتكلم معايا بيرتاح طيب انا الي مش برتاح مع حد

[~®§§][][ سيد دندنة ][][§§®~]

تعرفى ليه مش بترتاحى مع حد علشان خدتى

انك تسمعى وبس ومش خدتى انك تاخدى وتادى

فى الكلام

ممكن تقولى الصح لغيرك وعندك انتى

سعات بتحسى انوا غلط

لازم تحكى مع اصحابك اللى انتى تيكونى وثقه كل الثقه فيهم

احكى خرجى كل اللى جواكى بس اوعى تخرجى اسرارك الشخصيه

يعنى مش تخرجى الحاجة اللى ممكن مع مرور الايام ممكن تازيك

خرجى الحاجة اللى نفسك تعرفيها وبس

علشان فى بعض الاصحاب تحب تسمع من السعوديه

وتانى يوم الصبح تلاقى الخبر فى مصر

ههههههههههههههههه

بجد حاولى تسمعى وتتكلمى ومش تسمعى وبس

عايش بين النتس كانك واحده منهم ومش غريبه عنهم

وربنا يوفقك فى حياتك يارب

وتحقيقى كل اللى تتمناه فى دانيتك

[ڪــــبرياء الروح]

ياقلبي
طيب اتكلم مع صحباتك بالمدرسه
انا بعرف ان العلمي موووت عندناا والحمد لله اللي هربني منه هههههههههههههههه
بس حاولي تتكلمي مع صحباتك بالمدرسه تلاقي فيهم وحده قريبه جدا منك وتتكلمي معاها
يعني هي الصديقه المقربه لك ولك صحبات تانيه بس هي غير




والسلام ياا عسسسسسسسسسسسسسسسسسسسسسسسسسسسسسسل

[همس حنين]

تعرفى ليه مش بترتاحى مع حد علشان خدتى

انك تسمعى وبس ومش خدتى انك تاخدى وتادى

فى الكلام

ممكن تقولى الصح لغيرك وعندك انتى

سعات بتحسى انوا غلط

لازم تحكى مع اصحابك اللى انتى تيكونى وثقه كل الثقه فيهم

احكى خرجى كل اللى جواكى بس اوعى تخرجى اسرارك الشخصيه

يعنى مش تخرجى الحاجة اللى ممكن مع مرور الايام ممكن تازيك

خرجى الحاجة اللى نفسك تعرفيها وبس

علشان فى بعض الاصحاب تحب تسمع من السعوديه

وتانى يوم الصبح تلاقى الخبر فى مصر

ههههههههههههههههه

بجد حاولى تسمعى وتتكلمى ومش تسمعى وبس

عايش بين النتس كانك واحده منهم ومش غريبه عنهم

وربنا يوفقك فى حياتك يارب

وتحقيقى كل اللى تتمناه فى دانيتك



بحاول كتير اتكلم مع الي حواليا مش بلاقي حد يفهمني عشان كده بفضل الصمت وبشيل جوايا كتير

[Words Whisper]

بصي حبيبي انا كنت ف السعودية وعارفة يعني ايه ان الواحدة ف الغربة غالبا مش بتلاقي حد يفهمها واكيد ده بسبب اختلاف الطباع بحكم اختلاف الجنسية والتربية والمفاهيم بس كمان مافيش واحدة مصرية تعرفي تتفاهمي معاها؟؟؟؟؟؟؟؟؟؟؟؟ ع العموم الصداقة دي من الحاجات اللي بتيجي لواحدها مش محتاجة تدوري عليها واكيد ان شاء الله هتلاقيها واحنا كلنا اخواتك وانا بالذات اعتبريني اختك وعلى فكرة انت اصغر من اختي بسنة...
آه مافيش احسن من ربنا تتكلمي معاه وتشكي له والله العظيم...
ربنا معاك ويااااااااااااااااارب تجيبي المجموع اللي نفسك فيه وادعي لاختي...

[~♥ Queen sozan♥~]

السلام عليكم ورحمة الله وبركاته

بصى يا هموسة هدلعك اسمحيلى يعنى ما احنا اسمنا واحد ههه
انتى زى حالاتى كدة بس انا خرجت من المنظرو دة ازى
اتعوت اسمع بس ومحدش يسمعنى لو حكيت لحد مكانتش برتاح
لكن انتى عيزة تحكى ابدئى با ورقة وقلم كدة
وفضفضى
دى اول خطوة هتتعودى تعمليها كل يوم
كدة هتتعودى انك تخرجى لى جواكى
وبعدين تشوفى صديقة ليكى او اختك
وتتعودى تخاليهم يسمعوكى زى ما بتسمعيهم
بس تكونى واثقة فيهم ان الكلام مش هيطلع برة
وكدة هترجعى لى طبعتك ومش هتبكى
لان بجد كل منا محتاج يحكى ويتكلم
ويلقى حد يسمعو
ولازم نكمل بعض
عشان هى الصداقة تكامل
مش مصالح
فهمانى
وربنا يصلح حالك
ويهديلك بالك يا هموسة
وانا هنا اختك يا ستى لو عيزة تتكلمى اتفضلى
كلنا ازان صاغية
المهم متخليش حزنك يتغلب عليكى
والله الدنيا مش مستاهلة دمعة وحدة من عيونك
تقبلى مرورك
اختك
همس الجراح

[بنوته متفائله]

ليه ياقمر بس تعيطى ولايهمك من اى حاجه مفيش حاجه تستاهل ابدا انتى شكلك حساسه حبتين وبرده شك\لك من النوع الى مبيحبش يكلم مع حد بسهوله عشان كده مش عارفه تقربى من اصدقائك افتحى قلبك وفضفضى فى كل االى مضيقك لولواحده تحسى انها كمان بتحكيلك وتفتحلك قلبها انتى بتقولى كتير بيقوله ان انتى الى بيرتحلوها فى الكلام ليه باه عشان اكيد بتسمعى ليه انتى الى تتكلمى وتخليهم هما يسمعو جربى كده ياقمر وبلاش تحسى ان كل الى حوليكى مش اد الثقه صداينى هتتعبى اوى افتحى قلبك وحتى لو اتصدمتى فى واحده عادى جدااااا ياما هتقبلى واكيد هتتعلمى من الصدمات ديه اتمنالك التوفيق فى حياتك

[engyy]

اه يا قلبى
تصدقي دى نفس مشكلتى انا كده
في اولى ثانوى
وقرفانه موت بس اعمل ايه مستحمله وخلاص بصي مش صحيح ان صحاب النت مينفعوش بالعكس
تقدرى تكلميهم وتحكى معاهم اه طبعا مش هيكونو زى الاصدقاء العاديين لكن يقدرو يفيدوكى صدقينى
احكى معاهم كلميهم عن مشاكلك (اللى انت واثقه فيهم بس)
وربنا معاكى ويساعدك ومتعيطيش العياط بيضعف النظر ههههههههههههههههههههه

[ساحر الأحزان]

اختى الفاضلة

ابحثى عن السبب

هل انتى من صغرك منطوية


على حالك الم تحاولى ايجاد اصدقاء

فكرى ثم قررى

ونحن اخوة واصدقاء لكى

[بـقـآيـآ ح ــڻيـڻ დ]

بصى ياا همس

صعب انك تلاقى حد فى الوااقع تندمجى معااه بسرعه

وتحكيله ع اسرارك والى جوااكى

ومتخاافيش من اصدقااء النت كتير جدا بتكون افضل من الوااقع

لانهم بيكلموكى من غير اى غرض تاانى

يعنى مش هيستفيدوا منك بحااجهـ

تعرفى ان انا زيك

اى حد عنده مشكله يحكيلى وااعرف اخرجه منهاا

لكن انا استحاله حد يخرجنى من حاالتى

ملقتش قداامى غير انى اكتب كل الى جوايا

زى هموسه ما قاالت

قلمك وورقتك اكتر حد هيستحملك ويحافظ ع اسراركـ

وحااولى تلاقى صديقه كويسه وتحاافظى عليها

وربنا معااكى واحنا كلنا جنبكـ لو احتااجتى اى شىء