رئيس نادي جنوة: ستيفان شعراوي هو بالوتيلي الجديد ونجم ايطاليا القادم

[ღ Gի๐sτ ღ]

أكد رئيس نادي جنوى الإيطالي لاعب فريقه الشاب ستيفان شعراوي بأنه يمتلك من الإمكانيات ما تؤهله لقيادة المنتخب الايطالي بالمستقبل ووصفه بـ"ماريو بالوتيلي الجديد".
جاءت تصريحات نيكولا بريسيوزي رئيس نادي إقليم ليجورا كنوع من الرد على تصريحات المدير الفني للفريق الايطالي تشيزاري برانديلي الذي أعرب عن معاناته للبحث عن لاعبين شباب على مستوى عالي يليقوا ليلعبوا بإسم منتخب الأتزوري.
وكان ستيفان شعراوي (17 عام) المصري الأصل وإيطالي الجنسية قد لعب لمنتخبات الشباب للمنتخبات الإيطالية للناشئين تحت (17) و(19)عام.
ويمتاز شعراوي المعار حاليا من ناديه جنوى لفريق بادوفا بالدرجة الثانية بالسرعة وبالتمريرات البينية المميزة ويتشابه اسلوبه بأسلوب لاعب مانشستر سيتي الحالي وإنترناسيونالي السابق ذو الاصول الغانية "ماريو بالوتيلي".


يستاهلو

المسؤلين فى االكورة سايبين المحترفين المصريين الناشئين يلعبو فى اوروبا ومحدش يفكر يضمهم للمنتخب .. مش عاوزنهم يلعبو دايما فى المنتخب . بس ينضم ولو مباراة واحدة يبقى خلاص بقى لاعب منتخب مصر وبعدين لما يكبر لو بقى كويس يلعب معانا وبالطبع دة كويس
وللاسف اللى غايظنى ان كل المحترفين اللى المسؤلين المصريين سايبينهم هايبقو نجوم وهايكسرو الدنيا
لو فى بس مسؤل يجمع كل اللاعبين دول ونعملهم مطش ودى عشان يلعبو باسم المنتخب والله مصلحة جامدة لانهم لعيبة جامدة ويمكن تتخضو من كلامى

لو عرفتو ان فى لاعب مصرى بيلعب فى ريال مدريد ! ومفيش حد يعرف عنه حاجة . وكون ان هو بيلعب فى ريال مدريد ومصرى كمان يبقى بالطبع من غير مانشوفة لاعب كويس .

تعرفو ان فى 2 لاعبين بيلعبو فى اتلتكو مدريد الاسبانى !

فى واحد بيلعب فى الدنمارك ويمكن دة بالذات كل اللى فى الدنمارك بيحى ويتحاكى عليه وسبق ان مدحة صاحب موقع ايبى ارينا مع مدحت شلبى وقال ان الولد دة هايكون من افضل لاعبين كرة القدم فى العالم وليس فى مصر فقط
وعندما سألة شلبى قال انت تبالغ فرد صاحب الموقع . انا مش بجامل بالفعل سيكون افضل لاعبين فى العالم فى الكورة

دة غير ان ادارة نادية بتخلية ينزل الملعب قبل التدريبات و يعمل مهارات للجمهور عشان يستمتع وان الجمهور بيدخل التدريب الفريق بفلوس والجمهور كلو بيروح عشان يتفرج على مهارات اللاعب المصرى مش عشان التدريبات دة غير ان الولد المصرى دة جالة عروض من اندية ليفربول واندية اخرى عالمية بس الصراحة انا مش فاكر اسمها


ودة غير ان فى واحد تقريبا فى ليفر بول وواحد فى نادى اخر مش متذكر

بس فى شوية لعيبة عامة بتلعب فى اوروبا وفى اندية كبيرة واندية مميزة ولعيبة ليهم مستقبل كفاية

ان واحد فى ريال مدريد وواحد بيقولك هايبقى نجم ايطاليا القادم وواحد كل الدنمارك بتتحاكى بية

واتنين اخوات فى اتلتكو مدريد ومن زمان واحنا بنسمع عن الاتنين دول ومستنين اللحظة اللى يكبرو عشان يدخلو المنتخب ويبقى مصريين فى الكورة

وفى لعيبة كتير جدا جدا جدا جامدة بس انا مش فاكر للاسف لانى مش متابع اوى

وكفاية رامى شعبان حارس مرمى منتخب السويد اللى راح مننا

لو كان موجود كان فك ازمة حراسة المرمى .. لان المستقبل فى حراسة المرمى مش مطمئن لان نجوم حراسة المرمى على وشك الانتهاء
الحضرى سيعتزل وعبد الواحد 34 سنة يعنى خلاص يعتبر مفيش
عكس رامى شعبان اللى عندة حاجة وعشرين سنة وحارس مميز بردو

[game010]

التوفيق لجميع الاعبين المصرين خارج او داخل مصر .....

وربنا معاهم .....

والتوفيق للجميع

منور الاقسام الرياضيه.....