هل الحب كل شى

[ملك2]

ياترى يا جماعة انتوا بتايدوا اى جملة من الاتنين

الحب وحدة لايكفى

ام

الحب واى حاجة بعد كدة تهون

ياترى الحب هو الحل لمشاكل الزواج الان

يعنى انتى حبيتى شاب وجة اتقدم لوالدك

وكان دة الحوار

الاب : نعم ياابنى اتفضل اتكلم

الشاب : انا ياعمى يشرفنى انى اتقدم لصاحبة الصون والعفاف بنت حضرت

الاب : امكانياتك ياابنى اية

الشاب: بحبها ياعمى

الاب : وهو الحب ان شاء هياكلوا عيش

هو دة الحوار المتوقع تقريبا

وانتى بقة من ورا الباب عمالة تسمعى وتعيطى وتقولى بحبة يابابا وعش العصفورة هيكفينا وبالحب هنقدر نبنى ونحقق كل احلامنا

ياترى مين الصح ياترى الحب بس كفاية

طيب فين التكافو فى التعليم فى التفكيير فى المستوى الاجتماعى

ممكن القلب يكون هو المسيطر عليك فى اللحظة دية بس لو غمضت عنيك شوية وتخيلت انك اتجوزت اللى بتحبها بس بدون اى تكافو تانى ياترى اية الحياة ساعتها

عايشين فى غرفة فى بيت عند اهلك ولا اهلها
الامكانيات قليلة اوى وطريقة التفكير مختلفة جدا

كل اللى انتوا متفقين فية بس انكوا بتحبوا بعض

اكيد مش طول الوقت هتفضلوا تحبوا فى بعض بس لان الزواج مش حب بس الجواز دة ربنا قال عنة انة نصف الدين
فمش معقول نصف الدين يكون بيساوى الحب بس

ممكن يكونوا دلوقتى بيحبوا بعض جدا والمشاعر واخدة حدها معاهم زيادة عن اللزوم بس هتيجى اللحظة اللى هيفقوا فيها

وهيعترفوا ان الزواج مش حب وكلام معسول وبس الزواج مسؤلية كبيرة اوى لازم نحسب كل خطوة فيها عشان تنجح

ياترى بقة انتوا مع الاب ولا الشاب والفتاة ؟

واى من الجملتين تؤيد؟

وهل بالرغم من عدم التكافؤ نقدر بالحب نعيش ونحقق حياة سعيدة ولا دة احساس وقتى بس بنفوق منة اول منتصدم بواقع الحياة المؤلم؟

محتاجة رايئكوا بجد لان الموضوع شاغلنى

اوى زى مشاغل ناس كتير

[مرموره]

'طبعا الحب هو مش كل شىء
لان اى اتنين فى الدنيا بييجى عليهم وقت ويختلفوا فيه
طبعا الحب بيساعد على الحياه وانها تفضل وتدوم لكن برغم كده
فى ناس مش بيحبوا بعض لكن بالعشره الحياه بتكون حلوه وبتستمر
ووبس دا من وجهة نظرى
وكمان الحبب ممكن فعلا ييجى بعد الجواز
ودا بيكون بالمعامله الحلوه
والكلمه الرقيقه[/I]

[ملك2]

مرسي يا جميله علي رادك ومرورك الجميل