ضع عنوان مناسب لك

[على البنهاوى]

بسم الله الرحمن الرحيم
كام كام يا برادعي ؟؟؟ السؤال ده قررت اساله للدكتور برادعي لما اتفرجت علي فيلم يزاع في سينمات مصر المحروسه اقصد الحريفه !ايوا الحريفه .المهم اسم الفيلم واحد صفر .والمناسبه كانت انتخابات مجلش الشوره اللي انا مرحتهاش طبعا ورغم انها مباراه مهمه .!بس بيني وبينك دوري محلي ومتقولش لعدوك عالمحلي !!منت عارف وانا عارف واكيد الاهلي هيكسب قصدي الوطني!متقوليش الوطني ابن عم الاهلي لاني عارفها !بس الفيلم كان جامد فمرحتش اصلو كان بيحكي عن متش الكميرون ومصر وازاي احنا من كتر حبنا للكوره اتعقدنا ومبقيناش نشوف سعادتنا غير فيها اه!! متتعجبش مهو احنا ابطال افريقيا !وبعد مكسبناهم في الكاس 3 مرات قررو يقطعو عننا الميا والنور وال ايه هيبنو سد !حاقدين علينا واليهود ساندينهم . بس علي مين الدكتور سمير بتاع الاتحاد قرر يعملنا دوره وديه مع الافارقه ونتغلبلهم فيها ونفرحهم شويه الهبل دول.شفت الفهلوه يا دكتور مش تقللي زره ونووي!!اما اليهود ولاد الهرمه دول هنبعت نجيب سفيرهم في الوزاره ونقعد معاه قعده حلوه نقولو اننا مفتحين وعارفين انهم ورا اللي بيحصل كله ونستنكر الموضوع عالاخر زي معملنا معاهم يوم مخطفو اسطول الحريه اللي كان رايح يكسر حصاراخواننا الغزاويه.بس ان جيت للحق بتوع غزه غلطانين مهو لويضغطو علي بتوع حماس يسيبو السلطه تتفاوض وتريحنا من القضيه دي كنا فتحنالهم الدنيا كلها ومش بعيد اليهود يعملو معاهم واجب ويعترفو بدوله فلسطينيه منزوعة السلاح اه اصلي احنا لو اتعاطفنا مع حماس يبقي الاخوان هتلعب يادكتور ومش بعيد تاخد الدوري زي حماس واصدقائنا الامريكان مبيحبوش كدا وانت عارف احنا معدتنا في ايديهم .وهم محتاجين فلوس عشان بقعة الزيت مهيصدقو يقطعو عننا المعونه واحنا مش قد زعلهم الرز كمان هيغلي عشان هنستورده .مهو لما ييجي الجفاف مش هنقدر نزرع رز . وبعدين وفيها ايه اللي يستورد رز يستورد مكرونه اقصد قمح المهم الفيلم كان جامد جدا يا دكتور وياريت تشوفه اه اما جميله الزكريات يا جدعان ! اااه قبل منسي مقلتليش متش مجلس الشوره خلص كام كام يا برادعي ؟؟؟؟؟؟؟؟؟