بين ضعفي والصمود

[وهج الشموس]

بين ضعفي والصمود ومن همومي قد نزحت
أستشير القلب يمكن ألقى منه مابغيت




ودي أشرح مافي بالي وأدري اني لوشرحت
مايهزك ريح يااللي لك شرحت ولك عنيت





احترامي للي يفرح فيني أكثر لآ فرحت
واحترامي للي يقلب الدنيا اذا مره بكيت




واحترامي للي يسند ساعدي لآ يوم طحت
واحترامي للي يفهم نظرتي لو ماشكيت



انسكابي فيك فطره وفي اناءك مانضحت
احتويتك وانت ابداً لي بعمرك مااحتويت



اقترحت واقترحت واقترحت واقترحت
بس برود الاستجابة هذا منك اللي جنيت



كنت أشوفك راس مالٍ لا خسرت ولا ربحت
غير ذاتي واحترامه وعزتي الها شريت



مانهاني غير كونك كنت فوق وصرت تحت
كان ودك انحني لك وانا بعمري ماانحنيت



وهذا قلبي من عرفته كل مايجمح جمحت
يمتطي صهوة حظوظٍ ماعماها غير ليت



ليت حظه كان زاين كان يمكن قد فلحت
ليت طيبه له حدود زي ماأعطي خذيت



بين ضعفي والصمود ومن همومي مانزحت
باستشير القلب كاني فيه والله ابتليت


عاصم بن يازيد

[عاشقة الهدوء]

تسلمى ياقمرررررررررررررررررر على الكلمات

تقبلى مرورى أختك

[وهج الشموس]

الله يسلمك اختنا كم يسعدنا تواجدك دمتى بود لا ينقطع
خيك
عاصم بن يازيد

[نـــواف]

ابيات جدا رائعه واكثر من جمال واكثر من رقي

لا عدمنا كل ماهو جديدك لــ ك

بنتظارك دائمأ

ودمت بكل ود