حلقات برنامج ( حكايات وبنعشها )

[حياتي ذكريات]

رائع جدا يا احمد
موضوع جميل منك

بص البنت لو ما لقتش الراحة مع اسرتها هتدور عليها في اماكن تانية
لو لاحظت انها كانت مستحملة الوضع اللي هي فيه الاول
بعدين لما زاد ابوها في المعاملة السيئة رضخت لكلام صحبتها
ما انتبهتش ساعتها ان اللي بتعمله خطأ
بقدر ما حست انها لقت اللي يريحها في نظرها ويبسطها ولو لشوية
اللوم الاكبر مش هيكون على البنت انما هيكون على ابوها
لان السبب الرئيسي في ضياع البنت لو كان محتويها بالحنان
ما كانتش وصلت للحال ده

موضوع جميل جدا يا احمد
كل الشكر ليك

[♥..pure]

مورشوو بيه

الحلقه حلوة جدااا المفروض تروح تشتغل فى مجال الفن والسيناريو والحوار هع

المهم ندخل فى قضيه النهاردة

البت فى الريف بتبقى شبه محبوسه ولما بتنزل ع المدينه

بتبقى عامله زى الطفل اللى بيقلد اى حاجة قدامه غريبه

مش عارف هل دة صح ولا غلط

بس الولد بقى بيستغل النقطه دى فى البنت انهاب تكون ساذجه وبمعنى اصح عبيطه

وبالعكس كمان يعنى ممكن تلاقى ولد كروى والبت اللى من المدينه هى اللى بتضحك عليه

بيبقى مجرد تسليه وتضيع وقت مش اكتر

حلقه حلوة يا احمد

دوام الابداع

[♥..pure]

حوار رائع يا احمد

الحكايه فعلا واقعيه جدااا وبتحصل فى معظم البيوت

مش هجيبها بس ع فتاه الليل لا ممكن نشوفها بصور تانيه كتير

يعنى مثلا قسوة معامله الاب او الام ع الابن او الابنه

بيخلوه يشوف طريق تانى غير اللى هو ماشى فيه

ممكن يكون تأثير اللى بيشوفه بيخليه يطلع من القهر اللى شايفه باى طريقه

يعنى البنت مثلا ممكن يجلها عقده من بباه من الاسلوب اللى بيتعامل معاها بيه

حتى فى الطفوله الاجتماعيين فى المدرسه لما بيجوا يعملوا احصائيه عن مستوى الطلبه

بيلاقى نص اللى بيقلوا بسبب البيت وقهر الوالدين

يعنى المسأله دى بتأثر عليهم فى الصغر وبردو فى الكبر

المبادئ والسلوكيات بتتبدل 180 درجه

من انسان محترم عارف واجباته الى شخص مهمل ضايع مش عارف هو عاوز ايه

الظروف يا احمد ممكن تعمل اى حاجة بجد

الانسان لو طاره معينه لو الضغط اللى بيشوفه جاب اخر الطاقه دى بينفجر

ودة ع حسب طاقه كل واحد يعنى مثلا البطله هنا ضعيفه الى حد ما

مقاموتش اللى بتشوفه وصارت مع الريح

بس ممكن تلاقى واحده تانيه سابت الجو اللى هى عايشه فيه وراحت المكان الصح

ممكن بردو نقول ان الناس اللى بنقابلهم ف المرحله دى لها تأثير كبير

يعنى لو قابلت حد كويس بتمشى فى الطريق الصح معاه

ولو قابلت الوحش بيجرجرها فى الطريق الوحش بردو

على حسب اللى انت بتشوفه بردو يا احمد

موضوع هام جداا

دوام الابداع يا احمد

[فــــــــــرح]

مبــــــــدع جدااااااا
اسلوب سلسل وشيق ..
افكار مترابطه
وشخصيات واقعيه ..!!

فعلا تستحق الشكـــــــــــــــــــــــر على ابداعك
اخي الفاضل
~ من لا يشكر الناس لا يشكر الله ~


اما بخصوص قضيتك المطروحه
فالجميع ُملام
ظروف قاسيه
واب بلا قلب
وفتاة بلا هدف ولا احتــواء ..

طبيعي ان تكون النتيجه في اغلب الاوقات
انحــــــــــراف ايا كان شكله ..

لذا ارى بأن الظروف ممكن ان تفرض علينا
امور قد نندم عليها يوما ما

ونحن اولا واخيرا بشــــــــر
ولن نفهم ما قيل وما هي ظروف بطلة القصه
الا ان وضعنا انفسنا مكانها ..


فتــــاة الليل

فتاة كانت تحلم بأيام جميله مثلنا مثلها
ولكــــــــــن
سواد ظروفها اطفـــى امالها واحلامها

ولكن سيظل باب التوبة مفتــــوح دائما
لان الله سبحانه وتعال ارحم بنا من امهاتنا واباءنا
ومجتمعتنا وظروفنا القاااسيه ..



طرح جعلني اتعاطف مع فتاة الليل
جداااااااااا..

[~®§§][][ سيد دندنة ][][§§®~]

اولا بجد بحيك على الموضوع الجميل ده

بص يااحمد البنات على العموم بتشجع بعض على اي شئ

سوء فى الصح او فى الغلط

وطلما الاب فى البيت اساسه كده يبقا البنت تطلع ايه

هتطلع تلف وتلف وتلف

بس فى حاجة كتير من الاصحاب بيبوظه بعض

فى اللى يصلح وفى اللى يدمر

بس البنت لو عندها اراده انها تمشى فى الصح هتمشى

ولو هتشتغل سورى خادمه فى البيوت

بس تمشى فى الصح

بس بردو البنت عايز كده يبقى تستاهل اكتر من كده

بص انا حصل معايا الموقف ده

بس والله هى اللى كانت بتاعكس ومش انا

ومش هقولك تسئال مين من المنتدى علشان هما كانوا معايا بردو

بس برجع اقول هما ليه بقوا كده

بجد موضوع او حلقه ديه بجد رائعه جدااااااا

تسلم يابوحميد

[special girl]

السلام عليكم ورحمته الله وبركاته


توبيك رائع بجد يا احمد


للأسف فتيات الليل نسبتهم زادت في مجتمعنا الفتره الحاليه


كتير بنات نتيجه ظروف الحياه الصعبه والضغوط المستمره


بيلجئن لعمل الليل وللأسف مع الشهوات الي بتتعرض لها


بيضحك عليها وتدخل لطرق نهايتها هي الضياع ولا مفر منها


ولكن مش معني ان الفتاه تعرضت لظروف مهما كانت صعوبتها


فهي تمشي وراء رغبتها


لازم الانسان يكون عنده وازع ديني يحركه دايما مش شهوات الدنيا


هي الي تحركه لا الدين والمنطق هما اساس الحياه


ولو الفتاه عندها قوه ايمان تقدر تحافظ على نفسها وتحمي نفسها من اي شبهه


ممكن تتعرض لها..


ربنا يحمي بنات المسلمين يا رب..

[عبير الزهور 1983]

بصراحة إسمحلى قبل ماأبدى رأيى فى هذه القضية

إنى أشيد باسلوبك الشيق كتيير فى طرحها

أنا لاول مرة بشارك فى قضاياك الشائكة وبجد أعجبت جدااا بالاسلوب وطريقة العرض

أما عن هذه القضية التى نحن بصددها فأنا أرى أن الظروف مهما كانت لا تدفع البنت لمثل هذا الطريق

كان أكرملها تقف فى بوتيك ولا سوبر ماركت ولا محل لبيع الملابس

الشغل كتييير ومفتوح ياجماعة اه طبعا فلوس الشغل دا مش زى الشغل اللى اختارته لنفسها

لاكن كفاية انها بتحافظ على شرفها وتأقلم نفسها على مرتبها

كان يتوجب عليها تشتغل بعمل شريف وتستقل بحياتها بعيدااا عن ذلك الاب والله خسارة فيه لقب أب ياجماعة أب إزاى دا

راجل سكرى وغير مسؤول

وكمان صديقة السوء اللى دفعتها لهذا الطريق تتركها تماما وتقطع كل صلة لها بها

يعنى ماكانش مستحيل تعيش محترمة دا موجود ودا موجود

لاكن هارجع أقول البيئة لها دور كبيير وزى ماشفنا البيئة اللى اتربت فيها شكلها إيه

والمربى الفاضل والدها سلوكه شكله إيه

مش الظروف المادية اللى بتدفع للغلط أنا بشوف البيئة المحيطة بالانسان ليها العامل الاكبر

تقبلوا فائق تحياااتى

[عاشقة الهدوء]

السلام عليكم ورحمة الله وبركاته

بحييك أولا على تميزك يأحمد فى الحكايات والقصص الى انته بتعرضها علينا

دى لانها بجد قصص قيمه تسلم عليها ومزيد من التقدم ليك

فى حياتك العمليه والحياتيه والديمقراطيه طبعا قبل المنتدى اللهم أمين هههه

بالنسبه بقه للبطله هى ممكن نقول عليها ضحيه لابوها طبعا الى اسلوبوا مش كويس وانسان

لا تعليق على حاله أسال الله عز وجل أن يهدى هذه العينه من الناس من أجل أنفسهم

وأولادهم اللهم أمين فالبطله هنا طبعا مش مبرر انها تقع وتسول لها نفسها لفعل عمل

زى ده او انها تشتغل شغلانه زى دى هى لو كانت فكرت شويه او بالاخص طبعا لو كان

عندها تمسك بالدين شويه كانت فكرت احسن من كده واشتغلت شغلانه شريفه

فاده مش مبر ر أبدا انها توصل لحاجه زى دى ربنا يهدينا ويهدى شباب المسلمين

امين يارب العالمين تقبل كلامى أختك

[عبير الزهور 1983]

بجد قصة كتييير شيقة وتحفففة

واسمحلى أشيد تانى بطريقة عرضك بجد راائعة

أما عن رأيى فى القضية أنا بعتبر دى قضية أغلب الشباب والبنات كمان للاسف

كان الاول الشباب هما اللى بيلعبوا على البنات

دى الوقت بقينا نسمع العكس ههههههههه إن البنات كمان بقوا بيلعبوا على الشباب

بجد جيل أخر موضة

أنا شايفة إن الكلام الفاضى دا مالوش أى لازمة لان اللى ناوى يرتبط وداخل على ارتباط بيدخل البيوت من ابوابها

وبيكون باين دا من سلوكه يعنى حتى لو حصل تعارف عن طريق منتدى أو ماشابه ذلك

بتبان نية الشاب هل دا بيتسلى ولا فعلا معجب وعاوز يرتبط

أنا بعرف زيجات كتييرة تمت عن طريق النت والمنتديات ونجحت جدااا ماشاء الله
دا كمان فى بعض المنتديات عملت قسم تعارف وزواج ومن خلاله تمت زيجات ناجحة جدااا

أكيد زى مافى الوحش فى الكويس ومش كل الناس من عينة أخونا بطل المسلسل

طبعا نصيحتى لا مجال لتبادل الايملات بين الشباب والبنات دا هام

ولو معجب بيكى ياست البنات هايدخل البيت من بابه وهايعمل المستحيل علشانك

وبوجه كلامى كمان للشباب عيب أوىى تسمحوا للبنات يلعبوا بمشاعركم الحب مالوش إلا نهاية واحدة معروفة ولو البنت بتحبك صحيح هاتديك رقم موبايل باباها علشان تحدد معاه معاد وتطلب إيدها

أما الكلام الفاضى اللى بنشوفه دا مضيعة للوقت على الفاضى كمان ولا ديننا ولا عاداتنا وتقاليدنا توافق عليه

أما عن البنات اللى بيتسلوا بالطريقة دى فبوجه ليهم نداء

إنتى أغلى وأسمى من التصرف دا , كرمك الله فليه إنتى بتهينى نفسك وبتقللى من شأنها

كمان الولد اللى بيلعب ببنات الناس , إعلم أنه كما تدين تدان

خاف على والدتك ولا أختك وزوجتك فى المستقبل إن شاء الله

واللى مش بترضاه عليهم إوعى ترضاه لبنات الناس الامور دى فيها قصاص من رب العباد بلاش ننسى دا

فى النهاية كتيييييير بحييك على هذه القصة الرائعة وإسلوبك المتميز جدااا

وربنا يهدى شباب المسلمين ياااااااارب

خالص تحيااتى الك

[misho]

اسلوبك جميل في طرح المشكلة يااحمد
في اكتر من نقطة لفتت نظري
اول حاجة دور الاب في اللي بنته وصلت ليه
وان فقره وادمانه للمخدرات غيبوا عقله مع رجولته كمان
و كمان تأثير الاصحاب علي بعض
وان فعلا بعض الاصدقاء بيستغلوا نقط الضعف عند اصحابهم بطريقة سيئة
و كمان ضعف البنت واستسلامها لظروفها
رغم انها كان ممكن تخرج من كل ظروفها دي لان مفيش حاجة تبرر الانحراف
هي فعلا ضحية لمجتمعها بس هي اللي فضلت تبقي كدة
ومحاولتش تغير ظروفها
ربنا يرحمنا من المخدرات والضعف الانساني اللي ممكن يكون السبب في حاجات كتير
تسلم علي طرحك الجميل يا احمد
بالتوفيق,,,