حلقات برنامج ( حكايات وبنعشها )

[morshooo]

اقتباسالمشاركة الأصلية كتبت بواسطة N@nooOooحلقه حلوا يا احمد

استمر يا استاذنا

^_^

بالتوفيـــــــق يا عمو بورشو

اهلا باينشتينة المنتدى

على اية مش عارف بصراحة

نورتى التوبيك

واتمنى تكون الحلقة عجبتك

[قلـــــــــــــــــم]

مش عارف ليه ما حجزو عليك


وكنا هههههههههههههههههه استريحنا


من المشاكسة الي عملها


وعمال تطلع عيونا

استجوبات وحبس

هههههههههههههههه


تعرف ابو حميد


الغلاء يعتبر حد مشاع اي على مستوى النطاق العالمي

ممكن يكون ضغطه اقوى من التعايش

لكن بفضل الله واعانته تقدر انك تنجح



المهم النية في اتقان ما تريده


واعرف


الرزق مكتوب


ولكل مجتهد نصيب


وربنا يهون على شبابنا


تسلم يا سيادة النائب

بإنتظار كل جديد لك

عقبال ما نشوفك عريس

[morshooo]

قريبا شركة ( A.N.S )
لدعاية والاعلان بمنتدى بنات مصر



اهلا ومرحبا بكم


وحلقة جديدة من برنامجكم


حكايات وبنعشها


فى البداية احب اشكر


جميع الاعضاء الى متابعين البرنامج


واشكر الاعضاء الى بيبعتولى رسائل خاصة


سواء بالشكر او بمساعدتى فى تقديم الحلقات


النهاردة هنشوف حلقة انا شايف


ان هتكون حلقة مميزة وفيها عبر كتير جدا


اتمنى نستفيد منها كلنا حلقة النهاردة


هتكون بعنوان


( سبحان الله )


تعالو نشوف الحلقة الاول


وبعد كدا نشوف رائيكم اية فى الحلقة


قريبا شركة ( A.N.S )
لدعاية والاعلان بمنتدى بنات مصر



الابطال : هو ( دكتور )
هو ( رجل اعمال )
هما (شخصيات مختلفة )


المكان : جميع الدول العربية


التاريخ : جميع شهور السنة


قريبا شركة ( A.N.S )
لدعاية والاعلان بمنتدى بنات مصر



البـــــــــــــداية


هو ( دكتور ) : دكتور فى احدى المستشفيات يراعى ربنا فى عملة متدين


صاحب اخلاق عالية عندة اسرة كل همة تلبية متطلباتهم حلم حياتة انة


يزور الرسول صلى الله علية وسلم


هو ( رجل اعمال ) : راجل ماشاء الله علية مقتدر يمتلك شركات


يعرف ربنا وعارف ان كل الاموال الى معاة دا كرم من ربنا علية


هما ( شخصيات مختلفة ) : هنشوف شخصيات فى الحكاية وهنشوف قد اية


هى هتأثر على بطل الحكاية وقد اية هتأثر فينا احنا كمان


تعالو نشوف اول حوار كان عامل ازاى


هو ( البطل ) : صباح الخير يا مدام


هى ( والدة مريض ) : صباح الخير يا دكتور


اية مالك النهاردة كدا شايفك مضايقة


يادكتور وافرح لية وابنى تعبان بالشكل دا


يا مداد الولد ماشاء الله علية احسن بكتير من الاول


يعنى يا دكتور ممكن يتعالج ويبقى كويس


لازم يبقى ثقتك فى الله كبيرة والحمد لله الولد بيقبل العلاج


طيب الحمد لله يا دكتور بصراحة من غيرك مش عارفا كنت هعمل اية


لا ماتقوليش كدا وربنا يقدرك على الى انتى فية


دى ام طفل فى المستشفى عندة مرض ولازم يتعالج منة


ولكن مصاريف العلاج كبيرة جدا والام مش عارفا تجيب مصاريفة


منين وازاى ولكن ربنا بيكرمها كل فترة واهى ماشية والحمد لله


تعالو بقى نشوف الحوار دا كمان


عشان حوار مهم يلة بينا


قريبا شركة ( A.N.S )
لدعاية والاعلان بمنتدى بنات مصر



هو ( دكتور ) : السلام عليكم


هى ( زوجة الدكتور ) : وعليكم السلام حمدالله على السلامة


الله يسلمك اسكتى انا النهاردة مبسوط جداااااا


طيب الحمد لله خير


فى مكأفة عرفت انى هاخدها بس هتبقى كبيرة


بجد طيب الحمد لله والله جت فى وقتها


الحمد لله بس انا خلاص ناوى اعمل بيها حج ان شاء الله


طيب كويس بس كنا عايزين نجهز البنت عشان احنا لسة


لالالالا البنت ربنا هييكرمنا ان شاء الله


خلاص يا دكتور انتا نفسك فيها من زمان


اة والله نفسى ازور الرسول


فعلا حلم حياتة انة يعمل حج والدكتور شايف ان دى فرصة


كويسة انة يعمل الحج السنادى وبخصوص جهاز بنتة


اكيد ربنا هيكرمة عشان البطل نيتة صافية


بس تعالو كدا نشوف الحوار دا حصل فية اية


قريبا شركة ( A.N.S )
لدعاية والاعلان بمنتدى بنات مصر



هى ( والدة المريض ) : دكتور لو سمحت


هو ( دكتور ) : ازيك يا مدام عاملة اية


الحمد لله على كل شيء


ااية مالك فى حاجا والا اية


انا يا دكتور هخرج ابنى ومش هكمل علاجة


اية انتى بتقولى اية ازاى يخرج


يا دكتور انا خلاص مش معايا فلوس لمصاريفة انا تعب خلاص


بس الولد خلاص ماشى كويس فى العلاج وهانت


وانا اجيب منين يا دكتور انا شحت عشان اجيب فلوس لعلاجة


طيب انا هشوف كدا وان شاء الله يكمل علاجة على حساب المستشفى


طبعا ام الولد تعبت فعلا من الحياة ومن مصاريف العلاج


واملها الوحيد ان يتعالج على حساب المستشفى والدكتور


بصراحة بيساعدها بشكل كبير حتى تعالو


نشوف الحوار دا كان عامل ازاى


هو ( دكتور ) : صباح الخير يا دكتور


هو ( مدير المستشفى ) : اهلا بيك يا دكتور اتفضل


بصراحة انا كان ليا طلب عند حضرتك


اتفضل يا دكتور خير


فى ولد مريض وكنت اتمنى يتعالج على نفقة المستشفى


لية ومش معنا الولد دا يا دكتور


الولد مامتة تعبت وهى على قد حالها ومصاريف العلاج كتيرة عليها


وهى بس يا دكتور الى على قد حالها يعنى


لا بس فعلا الولد حالتة بتتحسن وخروجة غلط علية


يا دكتور احنا لو علاجناة على حساب المستشفى يبقى نعالج المرضى كلهم


يعنى ما ينفعش يا دكتور يتعالج على حساب المستشفى


اتفضل يا دكتور الشيك الخاص بمكأفئتك سمعت انك هتطلع الحج السنادى


طبعا الدكتور اخد الشيك بس عايز يعمل اى حاجا


عشان الولد ما يسبش المستشفى لانة خلاص


قرب يتعالج وهو بيستقبل العلاج بشكل كويس


بس تعالو نشوف بقى الحوار المهم جدا دا


قريبا شركة ( A.N.S )
لدعاية والاعلان بمنتدى بنات مصر



هى ( زوجة الدكتور ) اية مالك فى حاجا فى الشغل والا اية


هو ( دكتور ) : اة فى حاجا كدا فى الشغل


خير فى اية حصل


ولد مريض والدتة عايزة تخرجة عشان المصاريف كتيرة


ربنا يشفية من عندة هنعمل اية يعنى


الولد زى الفل والعلاج ماشى كويس حرام يخرج


انتا بتفكر فى اية يا دكتور


انا بفكر المكأفاة دى احطهالة فى حسابة


انتا بتقول اية والحج الى نفسك تروحة


اكيد ربنا هيعوضنى خير


طيب كان جهاز بنتك احسن يا دكتور


والله اكيد ربنا هيكرمنى خير والحج اكيد هيتكتبلى


وفعلا خلاص الدكتور اخد قرارة وراح تانى يوم


حط الكافأة بالكامل لحساب الولد عشان يكمل علاجة


طبعا ام الولد بقت مش عارفا تعمل اية من الفرحة


وفعلا الدكتور تقريبا انقذ حياة ابنها


بس فى يوم حصل حاجا مهمة جدااااا


تعالو نشوف حصل اية



قريبا شركة ( A.N.S )
لدعاية والاعلان بمنتدى بنات مصر



هو ( مدير المستشفى ) : ازيك يا دكتور


هو ( دكتور ) : الحمد لله يا دكتور


تعالة معايا المكتب عايزك


اتفضل يا دكتور


انا سمعت ان المكأفأة لى اخدها حطتها لعلاج الولد


اة تمام يا دكتور واهو اكيد ربنا هيكرمنى بغيرها او يكتبهالى


على العموم يا دكتور حضر نفسك للحج ان شاء الله السنادى


اية انتا بتقول اية يا دكتور


ليك حق تفرح يا دكتور فعلا ربنا كرمك بحج السنادى


ازاى طيب ومنين انا مش مصدق نفسى


يا دكتور فى رجل اعمال طالع حج مع زوجتة ومريضة وطلب دكتور يطلع معاهم


طيب الحمد لله الحمد لله انا مش مصدق نفسى


لا صدق يا دكتور وكمان هتقعد هناك 20 يوم عشان يبقى براحتك كمان


طيب الحمد لله ربنا كرمنى فعلا


وفعلا ربنا كرمة اخر كرم وربنا كاتبلة انة يحج فعلا السنادى


وفعلا اكلم مع رجل الاعمال بس تعالو نشوف الحوار الاول



قريبا شركة ( A.N.S )
لدعاية والاعلان بمنتدى بنات مصر



هو ( رجل الاعمال ) : اهلا ازيك يا دكتور


هو ( دكتور ) : اهلا بحضرتك


معلش هنتعبك معانا


يااااااااة ياريت افضل اتعب كدا طول حياتى


ان شاء الله ربنا يكرمنا هناك ويبقى حج مبروك


ان شاء الله طبعا انا هعمل الحج مع حضرتك والمدام


ههههههه طبعا يا دكتور انتا هتبقى معانا فى كل مكان


طيب الحمد لله


اومال انتا كنت فاكر اية


لا بحسب يعنى هبقى طالع مرافق بس


لالالالا احنا حاجزين ليك كل حاجا حج وكل حاجا ان شاء الله


ربنا يكرم باذن الله


طبعا الدكتور اسعد واحد فى الدنيا عشان حلم حياتة


خلاص اتحقق وفعلا سافر الحج ومرتاح جدا والحمد لله


محصلش اى حاجا لزوجة رجل الاعمال لا تعبت والا


حصلها حاجا تشغل الدكتور عن اداء مناسك الحج


وفى يوم حصل حوار مهم جدا جدا جدا جدا


تعالو نشوف حصل اية


قريبا شركة ( A.N.S )
لدعاية والاعلان بمنتدى بنات مصر



هو ( رجل اعمال ) : ازيك يا دكتور اتفضل


هو ( دكتور ) : تمام الحمد لله كلة تمام


يااااااااة الواحد مرتاح راحة مالهاش مثيل


طبعا بقى عايز تبقى جنب الرسول ومتبقاش مرتاح


تعرف يا دكتور انا دى 5 مرة اطلع حج فيها


ربنا يزيدك كمان وكمان انتا راجل ماشاء الله عليك محترم


ربنا يخليك الواحد قدام قادر والحمد لله لية مايطلعش وانتا يا دكتور


انا والله انا دى اول مرة بس انا حكايتى حكاية طويلة


طيب ياعم ما تقول الحكاية


ههههه انا كنت طالع السنادى اصلا


طالع حج ازاى هما قالو انك هتطلع معايا مقالوش انك اصلا طالع


مانا عارف انا اخد مكأة وقررت انى اطلع حج بيها بس محصلش نصيب


اية رجعو فى كلامهم عن المكأفأة


لالالا اخدها بس فى ولد مريض مرض خطير والولد ماشى كويس فى العلاج

ووالدتة كانت عايزة تخرجة من المستشفى


اة تمام


والولد الحمد لله فى امل كبير جدا انة يتعالج بس ظروف والدتة صعبة جدا


طيب ووالدة فين يعنى


والدة متوفى والى سابة اتصرف على علاج الولد


تمام وبعدين


والا قبلين قررت انى احط فلوس الحج فى حسابة عشان يتعالج والحمد لله
ربنا كرمنى واهو طلعت


قريبا شركة ( A.N.S )
لدعاية والاعلان بمنتدى بنات مصر



النهـــــــــاية


هو ( دكتور ) : ربنا كرمة وطلع الحج وكان مبسوط جداوكمان المكأفاة رجعتلة


وجهز بنتة واتجوزت الحمد لله واصبح مثال لى الاخلاق والموقف الى عملة


محدش قادر ينساة


هو ( رجل الاعمال ) : بعد ما سمع الحوار الى حصل مع الدكتور قرر


انة يتولى مسئولية علاج الطفل وكمان طلب من الدكتور ياخد فلوس المكأفاة


وكمان يشوف والدة الطفل صرفت قد اية على علاجة عشان هو المسئول عن


علاج الولد من اول يوم دخولة المستشفى لحد اما يخرج بالسلامة


هى ( والدة المريض ) : طبعا بقت اكتر ام سعيدة فى الحياة


وطبعا عرفت ان ربنا مابينساش حد وعرفت يعنى اية تخلى ثقتها


فى ربنا كبيرة


قريبا شركة ( A.N.S )
لدعاية والاعلان بمنتدى بنات مصر



نصيحـــــــــــــــة


طبعا النموزج الى شوفناة النهاردة اعتقد انة موجود


ولكن قليل جدا بس المهم انة موجود واتمنى نستفيد من


حكاية النهاردة لانها فعلا حكاية اعتقد انها مهمة جدا


وبتعرفنا قد اية الله سبحانة وتعالى ما بينساش حد


الخــــــــــــــــلاصة


لازم مانبخلش بمالنا على مساعدة حد محتاج


عشان ربنا اكيد هيكرمنا كرم كبير قدام قدرنا نساعد حد


محتاج خاصة لو بنساعد فى حياة حد وعلاجة


قريبا شركة ( A.N.S )
لدعاية والاعلان بمنتدى بنات مصر



وبكدا تنتهى حلقتنا النهاردة


واتمنى الحكاية تكون عجبتكم


وكلنا نستفيد منها


انتظرونى وحلقة جديدة


وحكاية جديدة


تحياتى


morshooo

[ڪــــبرياء الروح]

الله قصه رااائعه جدااا
بكل صراحه كل قصه احلى من غيراهااا


فعلا المسلم للمسلم كالبنيان يشد بعضه بعض

عشان نيته الله فرج كربته وكتب له ماتمنى



ومانقص مال من صدقه

بارك الله فيك على القصص الممتعه

نتمنى لك التوفييييق

[DR.SMA]

بجد يا احمد حلقه النهارده مختلفه وجميله اوي
الواحد لما بيكون مع ربنا ربنا لازم يكرمه
خصوصا في مساعده المحتاج
من فرج على مسلم كربه من كرب الدنيا فرج الله عنه كربه من كرب الاخره
اكيد مساعده محتاج مش هتضيع فلوسه ابدا
بالعكس ربنا هيبارك في الموجود
ربنا يجعل حلقاتك دي في ميزان حسناتك
تحياتي على روعه ما نقرأه وليك
سمـــــــا

[قلـــــــــــــــــم]

قصة رائعة



اتقاء الله والاتقان

والمعاملة الحسنة تقرب الانسان من الله


فمن يتق الله يجعل له مخرجا ويرزقه من حيث لا يحتسب




سلمت يدك يا سيادة النائب


يومية رائعة


اليك تحيتي وتقديري


اخوك \ عصام

[~♥ Queen sozan♥~]

السلام عليكم ورحمة الله وبركاته
سبحان الله والحمدلله على كل شئ

قصة جميلة جداا يا احمد
و بنستفيد من كل حلقة اكتر من لى قبلهاا

موفق دايماااا

[Silver Flower]

قصه كتير حلوه
وربنا بيدي الشخص على حسب نيته
وفعلا سبحان الله

[♥Donya♥]

الله قصه بجد ممتازه ورائعه بجد احسن قصه قريتها
كلها ايمان بالله وفيها تعاون
اتمني الناس كلها تبقي كده
تسلم يامورشو ع القصه الجميله ديه

[الفتاه الغامضه]

موضوعنا اليوم رااائع ومؤثر جداً

تسلم يااحمد
جزاك الله خير

والدنيا لسة بخير وفية ناس كتير من نوعية ابطالنا اليوم

وهذا الدكتور اخلص النية في عملة فعوضة الله خير

وصدق الله عز وجل حيث يقول في كتابه الكريم :" وما تقدموا لأنفسكم من خير تجدوه عند الله هو خيرا وأعظم أجرا"

وقال : "من ذا الذي يقرض الله قرضا حسنا فيضاعفه له وله أجر كريم " صدق الله العظيم