الحجج فى حياتنا

[onlylove]

ورجعتلكم تانى بموضوع من موضوعاتى وهو عن
الحجج فى حياتنا
بتهيئ لى احنا اجدع ناس نطلع حجج ونفسرها تفسير كبير اوى
وندافع عنها ونخلق ليها كل الظروف الى تخليها جزء كبير من حياتنا
يعنى انت ممكن يكون زمايلك عاوزينك تخرج معاهم وتتحجج ليهم بأى حجه
ومتخرجش معاهم بس الحجه دى

ممكن يكون والدك او والدتك عاوزينك فى مشوار مهم وانت
مالكش مزاج فى المشوار ده تتحجج مثلا بالمزاكرة وتقعد فى البيت
ومتخرجش معاهم

ممكن تتحجج لرئيسك فى الشغل انك هتخلص الشغل ده
بس وراك حاجة مهمه هتعملها وبعدها الشغل وفى الاخر متعملوش
ممكن تكون مراتك عاوزة منك اى طلب وتطلبك تقولك عليه وانت تتحجج
بانك وراك شغل ومش فاضى

تفتكروا لو احنا متعودين على تاديه واجباتنا على اكمل وجه
هنلجأ الى الحجج ؟
او لو احنا عندنا ضمير شويه فى حياتنا هنلجأ الى الحجج دى ؟


رايكم ايه فى الحجج فى حياتنا ؟

[حياتي ذكريات]

السلام عليكم
بصي الواحد لما بيبقى مش عايز يعمل حاجه
ممكن في ثانية واحده يديكي مليون حجة وببساطة أوي
انتي لو متقبلة الوضع مش هتتحججي
زي المثل المصري اللي بيقول .. حجة البليد مسح السبورة
ما لقاش حجة يداري بيها كسله الا مسح السبورة
وهتلاقي ناس كتير تحسي ان حججهم تافهه جدا بس بتمشيها وخلاص
فيه فرق بين اعتذارات جدية وحجج فارغه
اللي عايز يعمل حاجه ويأديها على اكمل وجه مش يفكر يطلع اي حجه
هيأديها وهو قابل وبسكوت
شكرا ليكي على طرحك للموضوع .. خالص تقديري ليكي

[onlylove]

فعلا عندك حق فى اعذار وممكن تكون مقبوله بس الحجج اكتر فى حياتنا
يعنى انتى ممكن تكونى كويسه وقادرة انك تعملى شئ ما وتتحججى انك مش قادرة انك تعمليه
وده الى مخاينا مقصرين بجد فى عمل اى شئ جدي جدا فى حياتنا

[فيروزه]

	الحجج دي اكتر حاجه تقريبا بنمارسها لو كان الموضوع مش عاجبنا يعني لو كنا مش راضين عنه سواء كان مشوار طلب اي حاجه لازم نتحجج بس انا شايفه ان موضوع الحجج دي بقا زياده عن اللزوم بقينا بنستخدمه علي الفاضي والمليــــان مش عايزه حاجه هقول مش عايزه وخلاص مش هقعد اطلع في حجج كدابه موضوع مميز تسلمي ياقمر