ظاهـــــــــــــــــــــــره الباميه والمحشى يا بنات فى الشغل

[big bốss]

سالموازاز



ازيكم وكل سنه وانتم طيبين



يعنى ينفع اروح اطلع اواراق واخلص اجراءات القى ست بيت عماله



تعمل محشى على المكتب وراكنه ورق ومصالح الناس على جنب



طيب انتم يا ستات مش فاضين من مصالح البيت ليه بتشتغلوا


ايه الوكسه دى :cv40::cv40:


طيب سيبوا الشغل للرجاله وانتم المفروض تقعدوا فى البيت مكانكم والمطبخ




يعنى الزوجه متعرفش تطبخ ومفيش وقت و تعمل اكل مش بيكله بنى ادمين وتحصل مشاكل مع الزوج



وغير كدا مش بيشوفوا مصالح الناس وبتتعطل



يعنى بسبب شغل البنات والستات مصر بقيت من الدول الناميه :vb17::vb17:



يبقى عمل المراه للزوجه مش مطلوب وبيضر اكتر ما بيفيد


انتم رايكم ايه معايا ولا ضدى

[فــــــــــرح]

طرح واقعي يانور ..
بس انا ضد فكرة التعميم
يعني مش كل الستات بيستغلوا اوقات الدوام
في اللف والحشي
ولا اكيد كل الرجاله قايمن بأعمالهم على اتم وجه..!!

الراجل والست مش مقياس
للاداء الوظيفي
الأمانة هي الفيصل في الموضوع
مش الجنس ..!!

شكرا لحضرتك

[!Love]

بصراحة أنا زعلت ..
وأنا ضد التعميم ده مليون في المية ..
مش علشان واحدة ولا اتنين ولا 10 بيتصرفوا خطأ يبقى الكل خطأ
في ستات ناجحات جدا وهم وراهم عيال وبيت وشغل ..
ومش معناه بردو إن كل الرجالة ميه ميه وبيأدوا عمله على أكمل وجه ..
بالنسبة (إن مصر دوله ناميه علشان الستات بيشتغلوا) . الدول المتقدمة نجحوا علشان قللوا معدل البطالة وشغلو الستات .. مش قعدوهم في البيت ..

شكرا لحضرتك

[حياتي ذكريات]

السلام عليكم

هما الستات دولوقتي بقو يطبخو في شغلهم كمان
جديده دي ما اعرفهاش
بس اكيد دي نسبة قليلة في المجتمع ومش كتيرة
بس ما دام الواحده مش لاقية وقت يبقى تعد
في البيت وتراعي زوجها وعيالها وبيتها
بس الله اعلم بالظروف بقى
يمكن محتاجة الفلوس فبتشتغل وتقولك استغلال فرصة بتطبخ برده
بس لو كانت معيشتها حلوة ومرتاحة
يبقى ما تعطلش مصالح الغير وتعد في بيتها مكرمة معززة احسن ليها

تسلم يا نور على موضوعك
خالص شكري ليك

[ساحر الأحزان]

هذة فعلا ظاهرة

موجودة من زمان فى معظم المصالح

والداووين الحكومية

نرجو تغيرها تحياتى

[عاشقة الهدوء]

السلام عليكم ورحمة الله وبركاته

لا طبعا انا بقه ضدك يأستاذ نور فى حكاية ان الست تقعد فى البيت مدام ربنا رزقها

بشغلانه فى ظل الظروف الصعبه الى احنا كلنا بنمر بيها وبنقاسى منها ليه نرفضها

ونقعد فى البيت بس طيب الزوج دلوقتى لو بيشتغل حكومى مرتبه كله ايه فلو مراته

بتشتغل هتساعده على المعيشه ودلوقتى اكتر الشباب الى بتحب ترتبط وتتجوز مش بدور

الا على واحده بتشتغل هتقولى بقه لا ومش عارف ايه اكترهم كده قليل لما تلاقى شخص

الشجاعه واخداه قوى ويقولك لا مراتى متشتغلش وهو يدوب مرتبه ميكملش 200 جنيه

فشغل المرأه أخى فى الزمن ده مهم جدا ولا ايه ولا كلامى مش عاجبك ههههه

المهم حكاية بقه ان الموظفه بتعمل محشى على المكتب ده طبعا غلط ومفهوش كلام

مفروض هى بتشتغل تدى الشغل حقه وتراعى ربنا فى شغلها عشان حتى يبقه مرتبها فيه

البركه وحكاية الاكل والمحشى والحجات دى هى لو ست بيت شاطره وناصحه مش هتعمل كده

لان الست الشاطره الى تعرف توفق بين شغلها وبيتها وتربية أولادها وتسلم يانور أرجو

ان يكون رأى مش يزعلك تقبل مرورى أختك

[فيروزه]

	والله انا بشوف الكلام دا في التلفزيون متوقعتش انه بجد يمكن علشان في السعوديه مفيش الكلام دا خالص بس والله محدش عارف ظروف الناس دي بس برضو دا مكان للشغل ومينفعش كدا مش هقول غير ربنا يصلحها للجميع تسلم علي الموضوع يانور

[αЛαstoOorα]

حلو
يعنى آحنا كدة وصلنا لنظرية آن الست بتشتغل عشان جوزها مش مكفيها ومش عارف يصرف عليها؟؟
آنا من رآيى يعنى لو آنا مش قد الجواز ومش قد مصاريف الزوجيه السعيدة دى يبقى بناقص من الجواز خالص
آنما عشان آخد ست وآنا مرتبى على قدى ويبقى فيه مسواه فى البيت بينى وبنها فا دة يستحيل
لو مرتبه ميكملش 200 جنيه آكيد البنت مش هتتجوزه اصلاً والا كان معظم الشباب اتجوز وطلع مراته تشتغل وتساعده ولنفترض دة فا دة آكيد موظف حكومى يعنى بيخلص شغله ومتاح ليه يخرج من شغلانه على شغلانه يطور من نفسه عشان يعرف يعيش آهون من آنه يطلع مراته تشتغل ويمرمتها وتعمل راسها براسه من كتر زهقها
وغير آنها بقى هطبق حقوق المسواه دى فى البيت تطبيق مجازى ضقيق يعنى زى ما انت بتشتغل زى ما انا بشتغل ولما تقولى عاوز آتغدا ومتلقيش غدا يبقى تتنيل على خيبتك وتسكت عشان آنا طول النهار فى شغلى عشان اساعدك ؟ مش دة اللى هيتقال ساعتها؟ ولا آيه؟
الست آتخلقت عشان يتحافظ عليها عشان تتصان من آهلها آو من زوجها آتخلقت عشان تكون مربيه فاضلة جوه بتها معززة مكرمة دة بنسبالى وبنسبال اللى آتربيت عليه آنما بقى ممكن اى شاب تانى آو اى بنت تانيه يكون ليهم آراء غير دى ودى عموماً وجهات نظر
واحده تقولك هو آنا بتعلم عشان آقعد فى النهاية جمب جوزى فى البيت آمال انتى عوزه آيه يعنى ههه حاجات غريبة يا راجل تشتغل ال ههه دة انا لو آتجوزت بعد الشر عليا يعنى وفكرت فـ انها تشتغل مجرد تفكير بس آهلى يقطعونى
هههه

[DR.SMA]

والله يا جماعه الي عندها وقت توازن بين بيتها والشغل وحابه تشتغل
محدش هيقولها لاء
بس مينفعش تضري البيت بشغلك
ولا تروحي تطبخي في الشغل
اعدي في بيتك احسن طالما مش فاضيه
ووراكي مسؤليات
سيبي الشغل لاصحابه
انا عارفه ماله البيت
والله احلى
ولا حد عارف قيمته
دا نعمه والله بس هم مش حاسين

تحياتي

[big bốss]

اقتباسالمشاركة الأصلية كتبت بواسطة عاشقة الهدوءالسلام عليكم ورحمة الله وبركاته

لا طبعا انا بقه ضدك يأستاذ نور فى حكاية ان الست تقعد فى البيت مدام ربنا رزقها

بشغلانه فى ظل الظروف الصعبه الى احنا كلنا بنمر بيها وبنقاسى منها ليه نرفضها

ونقعد فى البيت بس طيب الزوج دلوقتى لو بيشتغل حكومى مرتبه كله ايه فلو مراته

بتشتغل هتساعده على المعيشه ودلوقتى اكتر الشباب الى بتحب ترتبط وتتجوز مش بدور

الا على واحده بتشتغل هتقولى بقه لا ومش عارف ايه اكترهم كده قليل لما تلاقى شخص

الشجاعه واخداه قوى ويقولك لا مراتى متشتغلش وهو يدوب مرتبه ميكملش 200 جنيه

فشغل المرأه أخى فى الزمن ده مهم جدا ولا ايه ولا كلامى مش عاجبك ههههه

المهم حكاية بقه ان الموظفه بتعمل محشى على المكتب ده طبعا غلط ومفهوش كلام

مفروض هى بتشتغل تدى الشغل حقه وتراعى ربنا فى شغلها عشان حتى يبقه مرتبها فيه

البركه وحكاية الاكل والمحشى والحجات دى هى لو ست بيت شاطره وناصحه مش هتعمل كده

لان الست الشاطره الى تعرف توفق بين شغلها وبيتها وتربية أولادها وتسلم يانور أرجو

ان يكون رأى مش يزعلك تقبل مرورى أختك

والله كلامك صح حضرتك


بس صعب جدا فيه زوجه توفق بين الشغل الى ساعات عمله تتجاوز الست ساعات اقل حاجه


وبين زوجه وبيتها واولدها


من ناحيت المساعده كلامك صح بس لما تكون ظروفهم تسمح


ايه معنى يكون فيه فلوس وحياتهم متلخبطه ومحدش عاطىة التانى حقه


يارب راي يوصل زى ما رايك وصل