عاطل وبيتأمر >>> بلا خيــبه

[سرى جدا]

قــــــــــــاعد وايـــــــــــــــــده على خــده

مــاسكـــ سيــــــــــجاره فى يده

وشايــــــــــــــــل طاجن ستــــــــــــه

قاعد يعينى مستنى رزقه يخبط على بابـــــه

ويقوله انا جيت ,, على بابك ودقيت

وهو مش راضى ,, بالرزق مش قانـــــع

عينــــه على فيلا ,, وسايق عربيه

بس فى اوهامه ,, غارق ومش فاهم

جاله الحكيـــــــــم قاله ::

واحده واحده يبـدأ الطريق

مش كله خطوه واحده لحسن تضيـــق

......... حبيت ابتدى موضوعى بالطريقه دى

يمكن توصل للشباب ويفهموا معناها اكتر

,, مش كل شابـــ يقعدلى على قهوه

وماسكلى فى بوقه سيجاره وعمال وعمال ينفخ

<<ال يعنى السجايــر هى الى هتطلع الهــم الى فيه>>

...... اصل انا خريج مش عارفه اى ما ينفعش اشتغل صنايعى

ما ينفعش الناس تشوفنى بعمل كذا ولا لابس لبس سباكه ولا نجاره ولا نقاشه

<<طيب وفيها ايه ماهو شغل مؤقت لحد ما تلاقى الشغلانه الى تناسب

تخصصك ومستوى تعليمك ولا تفضل قاعدلى ع القهوه وابوك الى يصرف عليك>>

........اصل مافيش شغل يا والدى وانا مستنى اشوف شغلانه هنا ولا هنا

<<لاء يا حبيبى الشغل موجود 48 ساعه فى 24 ساعه

والى يدور هيلاقى محدش بيغلب يعنى>>

....... الحكومه لازم توفر للشباب فرص عمل ولا هى مش بلادنا دى

اشمعنه البلاد التانيه يعنى

<<بص يا عم العاطل انت وهو مصر ما هياش الصين

لا انت ولا هو ولا هو هيرضى يشتغل عامل على اله تطريز ولا عامل مقص

ولا البلد ملزومه تشغل الاعداد الهائله الى بتتخرج من الكليات كل سنه

ولا ايه !!

انتوا عاوزين الحكومه تسكنكم وتعلمكم وتجوزكم وتشغلكم

ناقص بقى ........................ ههههههههه>>

<< بجد ياريـــت كل شاب عاقل يعقلها >>

ودمتم موفقين ,,,

[رحيق الجنه]

فعلا حال يرثى له
هناك الكثير ممن لا يبالى بالعمل
بل يتواكل على اهله وعلى حكومة بلاده
فيخلق انسان بلا مسؤولية وبلا هدف فى الحياة
تحياتى على الموضوع
نتمنى رؤيتك فى القسم

[فــــــــــرح]

انا للاسف في الحالة دي
مع العااااطل وبقوة ..!!
ليه ..؟؟
لان العاطل دا درس وسهر وتعب
وتخرج من قسم الهندسه بتقدير جيد جد او ممتاز
وفالاخير ارضى بأقل القليل..!!

خريج الهندسه والدكتوره عمره ما حيطلق عليه
لقب عااااااطل بل متعطل من قبل الدوله ..!!

والله العظيم حرام اللي بيحصل ايا كانت البلد
في عقول عندنا لازم نقدرها ولازم مترضاش بأقل القليل
لانها سهرت الليالي عشان توصل للعلا
مش لتحت ..!!

عشان كدااا انا معاك يا عاااااطل
وضدك يا حكومه ...

[فيروزه]

	والله في شباب كتير اوي عندها اتكال علي الحكومه في موضوع الشغل يعني لو الحكومه ما وفرتش شغل هقعد احط ايدي علي خدي واستني منا لازم ادور واتعب واشتغل علشان في الاخر انا لو قعدت هبقا بعاقب نفسي وعيلتي هما مش مجبرين انهم يصرفو علا حتي بعد تخرجي ماكفايا صرفو علي تعاليمي صحيح في ظلم في قله الوظايف الحكوميه بس دا موضوع تاااني خالص تسلم الايادي ع الموضوع الجميل

[زنبقة تناجى ربها]

لو ماتيسرت وظيفة على شهادته يشتغل اللى يتوفر وسبحان الله الرزق يجلب الرزق ....

ياربى توفقك .... موضوع حلو ...

[قلـــــــــــــــــم]

موضوع رائع وجميل جدا


وبه تمعن عن حال اغلب شباب المجتمع الخامد

الذي يهوى الاتكالية

سلمت يدك على الطرح الرائع المتميز

بإنتظار المزيد من روائعك


قلــــــــــــــــــــــــم

[حياتي ذكريات]

هو الحال مؤسف
بس احنا مش في امريكا
عشان الشاب لما يتخرج يستنى تعيين من الجامعه مثلا !!
انا معاك انه يشقى ويتعب ويحاول
اهو احسن من انه يقضيها على القهاوي ويفضل طول عمره كده
وحتى لو ما رضاش يشتغل شغلانة بسيطة
ياخد دورات تنفعه عشان لما يقدم على وظيفة يكون جاهز
اصل دولوقتي لو حد قدم على شغل يقولك عايزين خبرة كام سنة
طب ما هو لسه متخرج الخبرة هتيجي من فين !!
والدولة مش مساعده ولا بتقدم حلول كتير للبطالة
او تقدري تقولي فيه حلول كتير اتقدمت بس ما حدش بينفذ !!

شكرا ع الموضوع

[ايمى 77]

الاتكاليه لو كل شاب عاش بواقعيه وسابه من الاتكاليه

فالخيره فى الشباب

شكراا على الموضوع

موفقه