بجد أنا زعلانة أوى منكم وممكن أنسحب

[أسيل الحياة]

السلام عليكم
أنا بجد زعلانة منكم لأنى طلبت ترحيب مش شتايم من عضوة بدل منبقى أصحاب وتساعدنى لاقيتها بتشتمنى وأنا لاأعرفها ولا تعرفنى وممكن الأمور تشابهت عليها واعتقدت أنا شخص ما وعلى العموم الف شكرا لكل من رحب بيا بجد أنا كان نفسى ألاقى أصحاب منكم ******سلام

[أسيل الحياة]

نسيت أقول أنى هسافر القاهرة إنشاء الله يوم السبت عشان الدراسة وأنا مش من سكان القاهرة وأنا بدرس فى كلية البنات جامعة عين شمس بس للأسف أنا سكن فى مدينة جامعية مش فيها كمبيوتر وأنا المحاضرات واخدة كل وقتى مش بعرف أروح حتى معمل الكمبيوتر إلا لما أبقى عاوزة بحث بضطر غن أكنسل محاضرة وكان نفسى أقضى وقت معاكم أكبر بس للأسف حكم القوى على الضعيف أشوفكم في الأجازة ولو في حد من سكان القاهرة إحنا ممكن نتعرف ونبقى أصحاب وياريت تبقوا كلكم من سكان القاهرة أوى من محافظتى وهى جميلة جدا وأتمنى إنكم تزورها *دمياط* سلام:cupidarrow:

[~♥ Queen sozan♥~]

مالك بس يا أسيل
مين لى زعلك بس
يا ستى احنا كلنا اخوات هنا
وممكن تكونى فهمة الكلام غلط
وتروحى الكلية وترجعى با الف سلامة
وربنا يوفقك فى حياتك العلمية والعملية
وتكونى معانا دايمااا
لكن الدراسة اهم
والاجازة هتيجى اهو
وتنورينااااااااااااااااااا

[P R ! M O]

حصل خيرررر

[فيروزه]

	اهلا وسهلا بيكي يااسيل اكيد ومتزعليش من حد هنا ممكن يكون سوء تفاهم بس المهم ياقمر ابقا طمنيني عنك وعن الكليه ويارب بالتوفيق ديمااا

[زنبقة تناجى ربها]

~*¤ô§ô¤*~*¤ô§ô¤*~~*¤ô§ô¤*~*¤ô§ô¤*~


أهلا بمن أتانا بتحية وسلام ..
يريد الترحيب بأحلى الكلام ..
يريد أن نعلن له الانضمام ..
إلى كوكبة أعضاءنا الكرام ..

أهلا بك .. والمنتدى وأهله تشرفوا بوجودك بينهم..
فأهلا بك يا من تجمل منتدى المنتدى بمقدمه...
وانتشرت رائحة العود في أرجائه ..

أهـــلا بك


~*¤ô§ô¤*~*¤ô§ô¤*~~*¤ô§ô¤*~*¤ô§ô¤*~

[مان مصر]

اهلا بيكى يا اسيل
ايه الى حصل بس احنا هنا كلنا اخوات واصدقاء
متزعليش مستنينك فى الاجازه متتاخريش علينا بقا

[جبل عالي]

حصل خير يا أسيل ولا تزعلى
واسمحيلى أكون لك صديقة وأخت وأم .. وأنا أعنى ما أقول
ربنا معاكى فى دراستك.... على فكرة انا عندى صديقة تحمل نفس الاسم (أسيل)
طيوبة وعسل زيك.... لأن من كلامك باينة الطيبة
حقك علينا يا قمر ........ متنسيش .. جبل عالى

[سيليس]

متزعليش يا اسيل اكيد سوء تفاهم بسيط ان شاء الله وتروحى وترجعى بألف سلامه وان شاء الله بالتوفيق فى الجامعه

[ابراهيم الواسطي]

والله ازعل الدنيا ولا ازعلك منوره بالمنتدى واهلا فيكي منوره المنتدى اليوم اهلا وسهلا ( الواسطي)