الــوآحد ليهـ متولدش فرخــهـ ؟!^^

[Đ σ ρ e s τ]

بسم الله الرحمن الرحيم
السلام عليكم
---------
~{هوآ ليه الوآحد متودلش فرخه !؟}~

ربنـــآ يزيد امثــآلك يآ عمو لمبي

لو كنت فرخه كنت هترتــآح :

مكنتش هتزعل ، مكنوش احبطوا ارداتك ، مكنوش نفوآ كيــآنك ، مكنوش حطموآ طموحك وحلمك

حـــآجه تفرس صح ؟!

انـــآ هكلمكم على تجربه شخصيه غيرت حيـــآتي !!

كـــل شخص في اي سن ليــه موهبه وارآده واحــلآم نفسه يحققهــآ

انـــآ من تجربتي اللي مريت فيهــآ بقول من كــل قلبي ليه متولدش فرخه

كل مــآقول يــآ عــآلم عــآيزه اطلع .... يقولوآ انت مش هتقدري عليهـــآ !

احنآ عـــآرفينك اقولك تطلعي ايه اطلعي .... او او ...... او ...... !!

حــآجه تخنق حد يجبرك انك تطلع حــآجه معينه انت مش بتحبهـــآ ولا اتولدت ليهـآ !

انـــآ كـــآن نفسي اطلع دكتوره قـــآلولي لا انتي هتقرفي مع اني مش بقرف من حـــآجه !!

قلنــآ مآشي مفيش مشــــآكل خليني اطلع رســـآمه قـــآلوآ لا ملهــآش مستقبل !

قلنــآ اووكي مفيش اشكـــآل اطلع كــآتبة اغـــآني !!

قــآلوآ لا اغـــآنيكي وحشه ومتفكريش في طريق الفن !

قلنــآ ابعدي يآ بت عن الفن مفيش ورآه غير المشــآكل ووجع القلب !!

قلنـــآ نطلع مصممة ازيــآء قـــآلوآ لآ ملهــآش مستقبل !!

طب اطلع ايه يآ ..... ؟؟

قـــآلوآ اطلعي ..... ولازم تطلعي ..... لا لا اطلعي ...... !!

خنقوني !!

بيفرضوآ عليك اللي همــآ عـــآيزينك تشتغله لمــآ تكبر !!

محدش يقـــولي عــآرفين مصلحتك ولا بتـــآع !!

تخيل طموحك يقع قدآم عينك وانت مش قـــآدر تفرض رأيك عليهم !!

وتوآجهم بالحقيقه وتقول انـــآ عآيز اكون واكون !!

تخيل كيــآنك بيتكسر قدآمك من كثر كلمة لا متطلعش كذآ !!

انــآ كل اللي عـــآيزه اقولهـ حلمك عيشه ودرآستك هيآ اللي هتنفعك !!

لا اهــل ولا مــآل ولا اولاد هينفعوك !

انت اللي هتنفع نفسك !!

وايــآك ثم ايـــآك تتخلى عن حلمك لو ايه الثمن !!



~~



اتمنى تكون فكرتي وصلت لكل العقول !!



~~



لو الموضوع عجبكم يــآريت تقيموه و تقيموني ! ^^



تحيـــآتي

[falta tanto amor]

موضوعك حلو جدا ويستحق احلي تقييم

اي شخص بيكون ليه موهبة او حاجة بارع فيها والمفروض انه يشتغل في المجال اللي بيفهم فيه

عشان ينجح لكن فعلا تلاقي كل اللي حواليكي يقولوا لا اطلع كذا ده ليه مستقبل لكن المفروض نتمسك باحلامنا

ومواهبنا لانها هي اللي هتوصلنا لفوق بس افرضي بقي انك فشلتي في تحقيق هدفك وحلمك ده



المفروض اني ادور علي هدف تاني واحاول احققه


شكرااااااااا عالموضوع الجامد ده والعنوان حلو اوي

[DR.SMA]

صحيح حلو ان الواحد يحقق حلمه
وانه ميتخلاش عنه ابدا
بس ساعات بيكون غصب عنك لازم تتخلي عنه
اذا كان ده من اجل حد عزيز عليكي
او ان حلمك مش مناسب للزمان او المكان
انا كان حلمي اكون مهندسه ديكور
بس كان حلم امي اني اكون دكتوره
هي ماجبرتنيش على دخول الكليه دي
بس انا حسيت ان سعادتي في اني اسعدها واحقق لها امنيتها
على الاقل رد جزء من جمايلها
وسعيده بكدا جدا
وعمري ما هندم على الي عملته ابدا
مع اني كان بايدي احقق حلمي الخاص
لكن لما تحققي حلم حد مهم بالنسبه ليكي
بيكون شيء جميل جدا وانتي شايفه انه سعيد
تحياتي ليكي على الموضوع القيم
دمتي بخير
سمـــــــــا

[رحيق الجنه]

هذه ليست مشكله شخصيه بل هى مشكله مجتمعات
هذا ما يخلق مهن بلا اهداف حقيقية وبلا نجاح يذكر
كثيرا ما نسمع عن اطباء ومهندسين وغيرهم كانوا سببا فى القضاء على حياة الكثير والكثير
انه الاجبار على دفن الحلم والنظر الى الوراء او تحت الاقدام
هذا نقطة اختلاف بين العرب والغرب
اختلاف فكر
من حق كل انسان انه يختار كيف هى حياته
حتى يكون مسؤولا عنها وليس مسؤوليه غيره
دمتى بخير
موضوع قيم

[Dr.nour]

طيب ليه ما قولتيش يا ريتنى كنت عصفوره

ع الاقل هتطيرى وتحسى بالحريه

بس والله كل كائن وليه حياته

الى فيها المريح والى فيها المتعب برده

فلا تيأسى ولا تملى حياتك

حاولى تتأقلمى مع اى واقع انتى عايشه فيه

وبعدين مستقبلك مش بكلام ده ولا ده ولا ده

مستقبلك بأرادتك ,, بتفكيرك ,, بنصيبك الى ما حدش يعلمه

وسيبيها لله يا بنتى

انتى بس قدمى السبت وسيبى الحد على الله

ربنا يوفقك

اختك ...

[Đ σ ρ e s τ]

falta tanto amor
اولا شكرا لمرورك ورأيك على الموضوع
انــآ معآك في كل كلمه قلتهــآ بس كل وآحد اتولد وله حلم بايده يحققه
وبردو كـــل وآحد اتولد ومعــآه موهبه هتتمسك بيه طــول حيــآته مش معقوله انه يفشل في حــآجه اتخلقت معـــآه
شكرا تــآني مره لمرورك ورايك الرآئع
DR.SMA
شكرا لمرورك يــآ قمر
انــآ مش بأيدك خــآلص
الا المستقبل يــآ سمآ المفروض متتخليش عن حلمك اللي اتولدتي عشــآن تحققيه
لو كـــآن ايه التمن !!
كل اللي هتضحي عشــآنهم مش هيفضلوآ عــآيشين عشــآن يشوفوآ انجـــآزآتك
او عشــآن ينفعوكي !!
رأيك وحلمك هوآ اللي هينفعك وارادتك هيا اللي هتنفعك
تسلمي يــآ سمآ لمرورك
رحيق الجنه
معـــآكي في كل حرف كتبتيه !
بسبب مستقبل نــآس كتير مش ليهم مــآت كتير من النــآس !
اسهل مثآل زي مآقلتي الدكـــآتره اللي مينفعوش لدي المهنه او متولدوش عشان يعيشوها !!
بسببهم مـــآتوآ كتير !!
طب مــآبآلك بـــآقي الاحلام اللي رآحت واتغصب بدآلهآ مهن تـــآنيه !!
احنا في وضع صعب الصرآحه !
احنــآ بشر لينـــآ احلام وامنيــآت نفسنــآ نحققهآ !!
تسلمي يـــآرحيق على رأيك المؤيد
نــــآنو
معـــآكي حق بس لو قلت عصفوره هيكون ليكي حلم بردو ههههههههه
الفرخه ارحم !!
ازآي اتأقلم مع وضع مش عــآجبني وبسببه ممكن ادمر جزء من المجتمع
احنــآ زي مآ قلت قبل كدآ احنــآ بشر لينــآ احلام وامآآآني نفسنــآ نحققهآ
و فعلا معــآكي حق القول مش بيفيد في حاجه العمل هوآ اللي يثبت !!
شكرا يـــآ نأنو لمرورك

~~


تحيآتي

[misho]

مجرد تخلينا عن حلم احنا حلمناه,,,
من وجهة نظري,,يبقي احنا مانستاهلش الحلم دة
تمسكنا بهدف في حياتنا بيخلي ليها معني
و بيعمل للانسان كيان
وتعبه ومجهوده انه يوصل لهدفه دة مش بيحس بيه لانه
بيبقي مبسوط انه بيعمل حاجة بيحبها
هدفك وحلمك لو بالنسبة للناس ملوش لزمة او فيه اللي احسن منه
هو بالنسبة ليكي كل حياتك,,,اللي مينفعش تضيع
موضوعك جميل جدا
تسلمي يا قمري

[سما الروح]

يسلمو على الطرح

يعطيك الف عافيه

ماعدمنا جديدك يارب

دمتم بحب وود

في امان الله ورعايته