الفرق بين البنات والاولاد (زمان ودلوقتي)

[khadiga]

البنت لما حد يسألها..إنتى مخطوبة؟

زمان:- لسه ربنا مأذنش,وعينها فى الأرض ووشها يحمر.

دلوقتي:- لأ ليه عندك عريس؟

*****************************

الولد داخل على باباه ياخد مصروف الاسبوع

زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.

دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...يعني المانيى

*******************************
خروج الولد وموعد رجوعه البيت..

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.

دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير معلش بقى الماتش سخن اصله ولسه مخلصين ^_^ وبعد كده لقينا عصافير بطننا (بتسوسو !!)قلنا نسدها بفول .

*******************************


دخول الاب البيت

زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.


دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا, ,يرد الاخ نعم هو انا هاخد اوامر من حضرتك؟؟؟ ما تقومي انتى ياختي بدل الرغي اللى مالوش لازمة,,؟؟ البنت :على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت .....ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح الباب وتلاقيه شوية وهيفتح بيه .مش عايزين حاجه منك .

*******************************


نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!

دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم, يرد ويقول ماتخلي البنت اللي قاعده دي تنزل ماهي قاعدة ما بتعملش حاجة.الأم تقوله :يابني اختك المفروض ماتنزلش كتير ديه مهما كانت بنت والوقت متاخر.الولد :بنت يعني ايه؟؟العووو هياكلها مثلا؟ ديه بنتك تخوف بلد.:يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!

********************


نزول المرأة للعمل..


زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل

دلوقتي:- انا لومانزلش معناه في كسر من حقوق المرأه ولو على الاطفال والتربيه ...مايقعد الباشا في البيت وهو يربيهم .. وبعدين عايزه تغير جو وتشوف ناس وتاخد خبره بدل قاعده البيت
من الاخر ((نازله تتفسح وتساوي بينها وبين الراجل))

[أمورة مصر]

هههههههههه
هههههههههه حلوه جدا جدا تسلمي على الموضوع